ᕿᓂᕐᑐᑦ ᓄᖃᖅᐳᑦ ᐊᖑᑎ ᓇᓂᔭᐅᔪᓐᓇᐃᓪᓕᑎᓪᓗᒍ ᖃᒧᑕᐅᔭᒃᑯᑦ ᐱᕐᕈᓗᐊᕿᓚᐅᖅᑎᓪᓗᒍ

For English version, see Search ends for man missing after snowmobile accident near Kangiqsujuaq

ᕿᓂᕐᑐᑦ ᓄᖃᓚᐅᕐᑐᑦ ᐊᖑᑎᒥ ᓇᓂᔭᐅᔪᓐᓇᐃᓪᓕᓯᒪᔪᒥ ᑲᖏᖅᓱᔾᔪᐊᑉ ᖃᓂᒋᔭᖓᓂ ᖃᒧᑕᐅᔭᒃᑯᑦ ᐱᕐᕈᓗᐊᕿᓚᐅᖅᑎᓪᓗᒍ ᓯᑯᒥ ᑕᒪᓐᓇ ᑕᖅᑭᖅ ᐱᒋᐊᕐᓯᒪᓕᖅᑎᓪᓗᒍ.

ᐊᖑᑎ, 41-ᓂ ᐊᕐᕌᒍᓕᒃ ᑎᒧᑎ ᐃᑎᓪᓗᐃ ᓄᓇᓖᑦ ᖃᓂᒋᔮᓂ ᐃᖏᕐᕋᓚᐅᕐᓯᒪᔪᖅ ᐱᖃᑎᖃᖅᖢᓂ ᓗᐃᓴ ᐱᓗᕐᑑᑦᒥ, 31, ᔫᓂ 8-ᖑᑎᓪᓗᒍ ᑖᒃᑯᐊᓗ ᐃᒫᕋᓱᒋᔭᐅᓪᓗᑎᒃ ᐋᔪᕋᒃᑯᑦ.

ᐱᓗᕐᑑᑦ ᑎᒥᖓ ᓇᓂᔭᐅᓚᐅᕐᓯᒪᔪᖅ ᔫᓂ 10-ᒥ ᐊᖑᓇᓱᒃᑎᒥ ᐊᖅᑯᓵᖅᓯᔪᖃᖅᑎᓪᓗᒍ ᑖᒃᑯᐊ ᐱᖁᑎᖏᓐᓂ ᐳᒃᑕᓛᖅᑐᓂ ᐃᒫᓂ ᐊᔪᕋᕐᒥ ᓯᓕᖕᓂᓕᖕᒥ 6 ᒦᑖᓂ ᓯᑯᒥ.

ᐅᓪᓗᒐᓴᖕᓂ ᕿᓂᓚᐅᖅᖢᑎ ᐃᑎᓪᓗᐃᒥ ᑕᐃᒪᓕ ᐃᓱᒪᒋᔭᐅᓕᓚᐅᕐᑐᖅ ᐃᓅᔪᓐᓃᖅᓯᒪᔭᕆᐊᒃᓴᖓᓂᒃ, ᐅᖃᓚᐅᕐᑐᑦ ᓄᓇᕕᒃᒥ ᐸᓕᓰᒃᑯᑦ ᐊᖓᔪᖅᑳᑉ ᑐᒡᓕᖓ ᓰᕝ ᔮᓐ-ᕗᕌᓐᓱᐊ ᒨᕆᓐ ᖃᕋᓴᐅᔭᒃᑯᑦ ᑎᑎᕋᖅᖢᓂ ᓄᓇᑦᓯᐊᕐᒥ ᐱᕙᓪᓕᐊᔪᓄᑦ. ᐃᓱᒪᒋᔭᐅᓚᐅᕐᑐᖅ ᐃᑎᓪᓗᐃ ᑎᒥᖓ ᑕᕆᐅᕐᒧᑦ ᓴᕐᕙᐅᔭᕆᐊᒃᓴᖓᓂᒃ.

“ᓄᓇᓕᖕᓂ ᕿᓂᖅᑐᑦ ᓄᖅᑲᓕᓚᐅᕐᑐᑦ ᓯᑯ ᐱᐅᔪᓐᓃᓗᐊᓕᕐᓂᖓᓄᑦ ᐊᒻᒪᓗ ᕿᓂᕐᕕᐅᔪᖅ ᐊᖏᒡᓕᓗᐊᖅᖢᓂ,” ᒨᕆᓐ ᐅᖃᕐᑐᖅ.

ᕿᓂᓚᐅᕐᑐᑦ ᐊᔾᔨᒌᙱᑦᑐᓂ ᐊᑐᖅᖢᑎ ᕿᓂᑲᑕᓚᐅᕐᑐᑦ ᓇᓂᓯᓇᓱᒃᖢᑎᒃ ᐃᑎᓪᓗᐃ ᑎᒥᖓᓂᒃ, ᒪᑯᓂᖓ ᐊᖅᑲᐅᒪᔫᓂ, ᐃᒪᐅᑉ ᐃᓗᐊᒍᑦ ᐃᖏᕐᕋᔾᔪᑎᓂᒃ ᐊᒻᒪᓗ ᐃᖅᑲᖓᓂ ᐅᓂᐊᖅᖢᑎᒃ ᕿᓂᖅᖢᑎᒃ.

ᓇᓂᔭᐅᓚᐅᕐᑐᕐᓕ ᑖᒃᑯᐊᒃ ᖃᒧᑕᐅᔭᖓ ᒫᓂ ᐃᑎᓂᖃᖅᑐᒥ 60 ᒦᑕᓂ.

ᑖᒃᑯᓄᖓ ᑎᑎᕋᐅᓯᖃᕈᓘᔭᑲᑕᒃᑐᑦ ᓇᒡᓕᒍᓱᒃᖢᑎᒃ ᑐᓴᒐᒃᓴᑎᒍ, ᐊᒻᒪᓗ ᐃᓗᕕᕐᓯᓛᕐᓂᖏᓐᓂ ᔫᓂ 19-ᖑᓕᖅᐸᑦ.