ᐃᖏᕐᕋᓂᖃᙱᓚᖅ ᓱᓕ ᐃᓐᓄᒃᓯᓂᕐᒥ ᓄᓇᕘᑉ ᐃᓄᖃᕈᓐᓃᖅᑐᒥ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᒃᑯᑦ ᐃᒃᓯᕙᐅᑕᖓᓐᓂ

For the English version of this story, please see No movement yet to fill vacant Nunavut Senate seat.

ᐃᓄᓕᒫᓄᑦ ᑕᑯᒃᓴᐅᓂᖃᙱᓚᖅ ᐃᖏᕐᕋᓂᐅᔪᒥ ᐃᓐᓄᒃᓯᓂᕐᒥ ᓄᓇᕘᑉ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᒧᑦ ᐃᓄᖃᙱᓐᓂᖓᓂ ᓯᕗᓂᐊᓂ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᓚᐅᖅᑐᒥ ᑕᓂᔅ ᐹᑐᓴᓐ ᓄᖅᑲᕐᓂᖓᓂ.

75−ᖑᓚᐅᖅᐳᖅ ᑎᓯᐱᕆ 30−ᒥ, ᒪᓕᒐᑎᒍᑦ ᓄᖅᑲᕆᐊᖃᕐᓂᖓᓂ ᐅᑭᐅᖓᓄᑦ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᓄᑦ.

ᑕᕝᕙᐅᕗᑏᕐᓂᖓᓂ ᐅᖃᓪᓚᖕᓂᖓᓂ ᑎᓯᐱᕆᒥ, ᐹᑐᓴᓐ ᐅᓂᒃᑳᕆᓚᐅᖅᐳᖅ ᑐᐊᕕᕐᓇᕐᓂᓂ ᐃᓐᓄᒃᓯᓂᕐᒥ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑏᑦ ᐃᒃᓯᕙᐅᑕᑐᐊᖓᓐᓂ.

“ᑐᐊᕕᕐᓇᕋᓱᒋᕙᕋ ᐃᓂᒃᓴᐅᔪᖅ ᐃᓐᓄᒃᑕᐅᓂᖓᓂ ᑭᖑᕙᕆᐊᕈᑎᖃᙱᓪᓗᓂ,” ᐅᖃᓚᐅᖅᐳᖅ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑏᑦ ᑲᑎᓴᕝᕕᖓᓂ ᑎᓯᐱᕆ 13−ᒥ.

“ᐊᑕᐅᓯᑐᐊᕐᒥ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᑕᖃᖅᐳᖅ ᐊᒻᒪ ᐊᑕᐅᓯᕐᒥ ᑲᓇᑕᐅᑉ ᒪᓕᒐᓕᐅᖅᑎᖏᑕ ᐃᓚᒋᔭᐅᔪᒥ ᐊᖏᔪᒻᒪᕆᐊᓗᖕᓂ ᓄᓇᒋᔭᑦᑎᓐᓂ, ᑎᒍᒥᐊᕐᓂᖃᖅᑐᒥ ᑲᓇᑕᐅᑉ ᐊᖏᓛᖑᔪᒥ ᓄᓇᐅᔪᓂ ᐊᒻᒪ ᑕᑭᓛᖑᔪᒥ ᓯᒡᔭᖅᐸᓯᖓᓐᓂ, ᐊᒻᒪ ᐅᖃᖅᓯᒪᓪᓗᖓ, ᐊᒥᓱᓂ ᑲᒪᒋᔭᐅᔭᕆᐊᓕᖕᓂ ᐊᑲᐅᙱᓕᐅᕈᑕᐅᔪᓂ ᐊᒻᒪ ᐱᕕᒃᓴᖃᕐᓂᐅᔪᓂ,” ᐅᖃᓚᐅᖅᐳᖅ ᐹᑐᓴᓐ.

ᓄᓇᕗᑦ ᐊᑕᐅᓯᑐᐊᒥ ᐃᒃᓯᕙᐅᑕᖃᖅᐳᖅ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᖏᓐᓂᑦ, ᑲᓇᑕᐅᑉ ᒪᓕᒐᓕᐅᖅᑎᖏᑕ 105-ᓂ ᐃᓚᒋᔭᐅᔪᓂ ᖁᑦᑎᖕᓂᖅᓴᒥ ᐃᒡᓗᒥ. ᐋᓐᑎᐊᕆᐅ ᐊᒻᒪ ᑯᐸᐃᒃ, ᐊᓯᐊᒍᖔᖅ, ᐊᑐᓂ 24−ᓂ ᐃᒃᓯᕙᐅᑕᖃᖅᐳᑦ.

ᐹᑐᓴᓐ ᐅᖃᓚᐅᐱᕗᖅ ᐅᒃᐱᕈᓱᖕᓂᖓᓂ ᐃᓇᖏᖅᑎᒋᓂᐊᖅᑕᖓ ᐃᓅᓪᓗᐊᖅᐳᖅ “ᑕᑯᒃᓴᐅᑎᑦᑎᓂᖃᖅᑐᒥ ᐃᓄᒋᐊᖕᓂᐅᔪᓂ ᓄᓇᕗᒻᒥ.”

ᐱᓕᕆᓂᐅᔪᒥ ᑎᒃᑯᐊᖅᓯᓂᕐᒥ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᒥ ᐊᓯᔾᔨᖅᓯᒪᕗᖅ ᑕᐃᒪᙵᓂ ᐹᑐᓴᓐ ᑎᒃᑯᐊᖅᑕᐅᓚᐅᕐᓂᖓᓂ 2009−ᒥ ᑕᐃᔅᓱᒪᓂ-ᑲᓇᑕᒥ ᐊᖓᒧᖅᑳᕐᔪᐊᖑᓚᐅᖅᑐᖅ ᓯᑏᕙᓐ ᕼᐋᐸ.

2016−ᒥ, ᑲᓇᑕᒥ ᐊᖓᔪᖅᑳᕐᔪᐊᖅ ᔭᔅᑎᓐ ᑐᕉᑑ ᓴᖅᑭᑎᑦᑎᓚᐅᖅᐳᖅ ᐃᒻᒥᒃᑰᖅᑐᒥ ᐅᖃᐅᔾᔨᔨᐅᔪᓂ ᑲᑎᒪᔨᐅᔪᓂ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᓄᑦ ᑎᒃᑯᐊᖅᓯᓂᐅᔪᓂ, ᑲᑎᒪᔨᕐᔪᐊᓂ ᐃᑲᔪᖅᓱᐃᔨᐅᙱᑦᑐᒥ ᑎᒥᖁᑕᐅᔪᓂ ᐃᑲᔪᕐᓂᕐᒧᑦ ᐃᓐᓄᒃᓯᓂᕐᒥ ᐃᓄᖃᙱᓐᓂᐅᔪᓂ.

ᓯᕗᓂᐊᓂ ᑖᔅᓱᒧᖓ, ᐃᓱᒪᖅᓲᑕᐅᑦᑎᐊᓚᐅᖅᐳᖅ ᑲᓇᑕᒥ ᐊᖓᔪᖅᑳᕐᔪᐊᖓᓂ ᑎᒃᑯᐊᖅᓯᓂᕐᒥ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᓂᑦ ᐃᒃᓯᕚᕐᓂᕐᒧᑦ ᑲᓇᑕᐅᑉ ᒪᓕᒐᓕᐅᖅᑎᖏᓐᓂᑦ ᓂᕈᐊᖅᑕᐅᓯᒪᙱᑦᑐᓄᑦ ᖁᑦᑎᖕᓂᖅᓴᒥ ᐃᒡᓗᒥ. ᑕᐃᔅᓱᒪᓂᒃᑲᓐᓂᖅ, ᑕᒪᓐᓇ ᐱᑎᑦᑎᓂᖃᓚᐅᖅᐳᖅ ᑎᒃᑯᐊᖅᓯᓂᐅᔪᓂ ᑐᓂᔭᐅᔪᓂ ᖁᔭᓕᔾᔪᑕᐅᓪᓗᑎᒃ ᐃᓚᒋᔭᐅᑦᑎᐊᖅᓯᒪᔪᓄᑦ ᑲᓇᑕᒥ ᐊᖓᔪᖅᑳᕐᔪᐊᑉ ᑲᑎᒪᔨᕐᔪᐊᖑᔪᓄᑦ ᐃᓚᒋᔭᐅᔪᓂ.

ᑕᐃᒪᙵᓂ 2016−ᒥ, ᐃᒻᒥᒃᑰᖅᑐᓂ ᑲᑎᒪᔨᐅᔪᑦ ᕿᒥᕐᕈᓯᒪᕗᑦ ᑐᒃᓯᕋᖅᑐᓂ ᐊᒻᒪ ᓴᖅᑭᑎᑦᑎᓚᐅᖅᐳᑦ ᓇᐃᑦᑐᒥ ᑎᑎᕋᖅᓯᒪᓂᐅᔪᒥ ᑕᓪᓕᒪᓂ ᐊᑎᕐᓂ ᐊᑐᓂ ᐃᓄᖃᙱᓐᓂᐅᔪᓄᑦ, ᑐᙵᕕᖃᖅᑐᒥ ᑐᒃᓯᕋᖅᑑᑉ ᐊᔪᙱᓐᓂᖓᓂ.

ᑭᖕ ᑭᒡᒐᖅᑐᐃᔨᖓ ᑲᓇᑕᒥ ᑎᒃᑯᐊᖅᓯᓪᓚᕆᒃᐸᒃᑎᓪᓗᒍ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᒥ, ᐱᓕᕆᐊᖑᓲᖑᕗᖅ ᐅᖃᐅᔾᔨᓂᐅᔪᒥ ᑲᓇᑕᒥ ᐊᖓᔪᖅᑳᕐᔪᐊᖓᓂ.

ᐅᖃᐅᔾᔨᔨᐅᔪᑦ ᑲᑎᒪᔩᑦ ᐱᖓᓱᓂ ᐃᓕᓯᒪᐃᓐᓇᕐᓂᐊᖅᑐᓂ ᐃᓚᖃᖅᐳᑦ. ᐃᓄᖃᕈᓐᓃᖅᑐᖃᖅᑎᓪᓗᒍ, ᒪᕐᕉᖕᓂ ᐃᓚᒋᔭᐅᒃᑲᓐᓂᕐᓂᐊᖅᑐᓂ ᑎᒃᑯᐊᖅᑕᐅᓂᐊᖅᐳᑦ ᑲᑎᒪᔨᓄᑦ ᑲᓇᑕᐅᑉ ᐊᕕᒃᑐᖅᓯᒪᓂᖓᓂ ᐅᕝᕙᓘᓐᓃᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᐃᓄᖃᕈᓐᓃᖅᓯᒪᓂᐅᔪᒥ.

ᒪᕐᕉᒃ ᐃᓂᒃᓴᐅᔪᑦ ᓄᓇᕗᒻᒥ ᐅᖃᐅᔾᔨᔨᐅᔪᑦ ᑲᑎᒪᔨᓄᑦ ᒫᓐᓇᐅᔪᒥ ᐃᓄᖃᙱᓚᑦ, ᐅᖃᐅᓯᐅᓪᓗᓂ ᐅᖃᐅᔾᔨᔨᐅᔪᑦ ᑲᑎᒪᔩᑦ ᐃᑭᐊᖅᑭᕕᖓᓂ.

ᐱᓕᕆᕙᓪᓕᐊᓂᖃᖅᐳᖅ ᐃᓐᓄᒃᓯᓂᕐᒥ ᑲᑎᒪᔨᐅᔪᓄᑦ ᐃᒃᓯᕙᐅᑕᖏᓐᓂ, ᐅᖃᐅᓯᐅᓪᓗᓂ ᑲᓇᑕᐅᑉ ᒐᕙᒪᖏᑕ ᐸᕐᓇᒃᑎᖏᓐᓄᑦ ᑎᑎᕋᕐᕕᖓᓂ.

“ᐱᓕᕆᕙᓪᓕᐊᓂᖃᖅᐳᖅ ᓴᖅᑭᑎᑦᑎᓂᕐᒥ ᐃᒻᒥᒃᑰᖅᑐᒥ ᐅᖃᐅᔾᔨᔨᐅᔪᑦ ᑲᑎᒪᔨᓄᑦ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑏᑦ ᑎᒃᑯᐊᖅᑕᐅᓂᖓᓂ ᓄᓇᕗᒻᒥ ᐊᒻᒪ ᐊᓯᖏᓐᓂ ᐱᔪᓐᓇᕐᓂᖃᕐᓂᐅᔪᓂ,” ᐅᖃᖅᑎᐅᔪᖅ ᐱᐊᕆ−ᐊᓚᐃᒻ ᐳᔫᓪᑦ ᐅᖃᓚᐅᖅᐳᖅ ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒥ.

“ᑎᒃᑯᐊᖅᑕᐅᓂᐅᔪᑦ ᑲᑎᒪᔨᓄᑦ ᐱᓕᕆᐊᖑᓂᐊᖅᐳᑦ ᐊᒻᒪ ᐅᖃᐅᓯᐅᓗᑎᒃ ᓈᒻᒪᒃᓯᒍᓂ.”

ᑲᓇᑕᐅᑉ ᒐᕙᒪᖏᑕ ᐸᕐᓇᒃᑎᖏᑕ ᑎᑎᕋᕐᕕᖓ ᑐᓂᓯᓚᐅᙱᓚᖅ ᖃᖓ ᐱᔭᕇᖅᓯᒪᔭᕆᐊᖃᕐᓂᖓᓂ ᐃᓐᓄᒃᓯᓂᕐᒥ ᑲᑎᒪᔨᓄᑦ ᐃᒃᓯᕙᐅᑕᐅᔪᓄᑦ. ᑎᑎᕋᕐᕕᖓ ᐅᖃᓚᐅᕆᕗᑦ ᑲᓇᑕᒥᐅᑕᐃᑦ ᑐᒃᓯᕋᕈᓐᓇᖅᐳᑦ ᑎᒃᑯᐊᖅᑕᐅᓂᕐᒧᑦ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᓄᑦ ᖃᖓᑐᐃᓐᓇᑦᑎᐊᖅ ᒪᑐᐃᖓᔪᒥ ᑐᒃᓯᕋᕐᓂᐅᔪᒥ ᐱᓕᕆᓂᐅᔪᒥ.