ᓴᐃᒪᓐ ᑕᐃᔭᐅᕗᖅ ᑐᓂᓯᔨᐅᓂᐊᕐᓗᓂ ᑐᙵᕕᒃᒧᑦ ᐃᑲᔪᖅᐸᒃᑐᒥ ᓄᓇᖃᖅᑳᖅᑐᓂᒃ ᐃᓕᓐᓂᐊᖅᑎᓂᒃ
ᑐᙵᕕᒃ ᐱᓕᕆᐊᖃᕐᑐᖅ ᐅᓄᕐᓯᕚᓪᓕᖅᑎᑦᑎᓇᓱᖕᓂᕐᒥ ᓄᓇᖃᖅᑳᖅᑐᓂᒃ ᓯᓚᑦᑐᖅᓴᕐᕕᐊᓗᖕᓂ ᐊᓂᒍᐃᑎᑦᑎᓇᓱᒃᖢᑎᒃ STEM ᐃᓕᓐᓂᐊᒐᒃᓴᓂᒃ
ᒐᕙᓇ ᔭᓄᕈᓪ ᒥᐊᓕ ᓴᐃᒪᓐ ᑕᐃᔭᐅᓚᐅᕐᑐᖅ ᑐᓂᓯᔨᐅᓂᐊᕐᓗᓂ ᐆᒥᖓ ᕘᓇ ᔭᐃ. ᑰᒃᓇᔅ ᐃᓕᓐᓂᐊᕐᓂᕐᒧᑦ ᑐᙵᕕᒃᒧᑦ (Verna J. Kirkness Education Foundation), ᑖᒃᑯᐊᓕ ᐱᓕᕆᐊᖃᖅᐸᒃᑐᑦ ᑭᒡᒐᖅᑐᖅᑕᐅᙱᓗᐊᖅᑐᓂᒃ ᓄᓇᖃᖅᑳᖅᑐᓂᒃ ᐃᓕᓐᓂᐊᖅᑎᓄᑦ ᑲᓇᑕᒥ ᓯᓚᑦᑐᖅᓴᕐᕕᐊᓗᖏᓐᓂᒃ ᐃᓕᓐᓂᐊᖅᑐᓂᒃ ᒪᑯᓂᖓ ᖃᐅᔨᓴᖅᑐᓕᕆᓂᕐᒥᒃ, ᐃᒡᓗᓕᕆᓂᕐᒥᒃ ᐊᒻᒪᓗ ᓇᐃᓴᐅᓯᕆᓂᕐᒧᑦ ᐃᓕᓐᓂᐊᒐᒃᓴᓂᒃ. (ᐊᔾᔨᓕᐅᕆᔨ ᔨᐊᕝ ᐱᐊᑦᓯᐄ)
For English version, see Simon named patron of foundation that supports Indigenous students
ᒐᕙᓇ ᔭᓄᕈᓪ ᒥᐊᓕ ᓴᐃᒪᓐ ᑕᐃᔭᐅᓚᐅᕐᑐᖅ ᑐᓂᓯᔨᐅᓂᐊᕐᓗᓂ ᑲᑐᔾᔨᖃᑎᒌᓄᑦ ᐱᓇᓱᐊᒐᓕᖕᓂ ᐅᓄᕐᓯᕚᓪᓕᖅᑎᑦᑎᒐᓱᖕᓂᕐᒥᒃ ᓄᓇᖃᖅᑳᖅᑐᓂᒃ ᓯᓚᑦᑐᖅᓴᕐᕕᐊᓗᖕᓂ ᐃᓕᓐᓂᐊᖅᑎᓂᒃ ᖃᐅᔨᓴᖅᑐᓕᕆᓂᕐᒥᒃ, ᐃᒡᓗᓕᕆᓂᕐᒥᒃ (ᐊᐅᓚᔾᔪᑎᖏᓐᓂᒃ), ᐊᒻᒪ ᓇᐃᓴᐅᓯᕆᓂᕐᒧᑦ ᐃᓕᓐᓂᐊᒐᒃᓴᓂᒃ.
ᐅᓇ ᕘᓇ ᔭᐃ. ᑰᒃᓇᔅ ᐃᓕᓐᓂᐊᕐᓂᕐᒧᑦ ᑐᙵᕕᒃ ᑐᓴᒐᒃᓴᖃᓚᐅᕐᑐᑦ ᐊᐃᕆᓕ 18-ᒥ ᐅᓇ ᓴᐃᒪᓐ, ᓯᕗᓪᓕᖅᐹᖅ ᓄᓇᖃᖅᑳᖅᑐᓂᒃ ᑭᒡᒐᖅᑐᐃᔨ ᑭᖕᒧᑦ ᑲᓇᑕᒥ, ᑕᐃᔭᐅᓚᐅᕐᑐᖅ ᑐᓂᓯᔨᐅᓂᐊᕐᓗᓂ ᖃᐅᔨᒪᔭᐅᒐᒥᒃ ᐱᔨᑦᑎᕋᖃᑦᑕᕐᓯᒪᓂᖓᓂᒃ ᐊᒻᒪ ᐃᑲᔪᖅᑐᐃᕙᖕᓂᖓᓂᒃ ᓄᓇᖃᖅᑳᖅᑐᓂᒃ ᑲᓇᑕᒥ.
ᐅᓇ ᑐᙵᕕᒃ ᐃᓕᓐᓂᐊᕈᑎᓄᑦ ᐃᑲᔫᑎᖃᖅᑎᑦᑎᕙᒃᑐᖅ ᓄᓇᖃᖅᑳᖅᑐᓂᒃ ᐃᓕᓐᓂᐊᕕᐊᓗᖕᒥ ᐃᓕᓐᓂᐊᖅᑐᓂᒃ ᐱᓇᓱᐊᕈᓯᕐᒥ ᓯᓚᑦᑐᖅᓴᕐᕕᐊᓗᒃᒥ ᐃᓕᓐᓂᐊᕈᓐᓇᕐᓂᐊᕐᓗᑎᒃ ᐃᓕᓐᓂᐊᖅᑎᓂᒃ ᐊᒻᒪ ᐱᓕᕆᖃᑎᖏᓐᓂᒃ. ᑐᒑᕋᕆᔭᐅᔪᖅ ᐋᖅᑭᒃᓱᐃᕙᓪᓕᐊᓗᑎᒃ ᐱᓕᕆᔪᒪᑦᑎᐊᕈᓐᓇᖅᑐᓂᒃ ᐊᓂᒍᐃᓂᕐᒥᒃ ᐃᓕᓐᓂᐊᕐᕕᐊᓗᖕᒥ ᐊᒻᒪᓗ ᐃᓕᓐᓂᐊᒐᒃᓴᒃᑲᓐᓂᕐᒥ ᐃᓕᓐᓂᐊᕌᓂᖕᓂᕐᒥᒃ, ᑖᒃᑯᐊ ᑐᙵᕕᐅᔪᑦ ᑐᓴᒐᒃᓴᖃᓚᐅᕐᑐᑦ ᑕᐃᒪᓐᓇ.
“ᓄᓇᖃᖅᑳᖅᖢᓂ, ᐱᓕᕆᔪᒪᓕᖅᑎᑦᑎᔪᓐᓇᕐᓂᐊᖅᑐᖅ ᐃᓕᓐᓂᐊᖅᑎᓄᑦ ᑖᔅᓱᒥᖓ ᐱᒻᒪᕆᐅᒋᔭᖃᖅᑐᓂᒃ,” ᓄᓇᖃᖅᑳᖅᑐᓄᑦ ᐃᓕᓐᓂᐊᕐᓂᖅᒥᒃ ᐃᑲᔪᖅᑎ ᕘᓇ ᑰᒃᓇᔅ ᐅᖃᓚᐅᕐᑐᖅ.
ᑐᙵᕕᒃ ᐱᓕᕆᖃᑎᖃᖅᐸᒃᑐᖅ ᓄᓇᖃᖅᑳᖅᑐᑦ ᐃᓅᓱᒃᑐᖏᓐᓂᒃ ᐊᒻᒪ ᐃᓕᓐᓂᐊᖅᑐᓕᕆᓂᕐᒥᒃ ᖃᐅᔨᓴᖅᑐᓕᕆᓂᕐᒧᑦ ᐆᓇ ᓴᐃᒪᓐ ᐱᒻᒪᕆᐅᒋᔭᖏᓐᓂᒃ ᐋᖅᑭᒋᐊᒃᑲᓐᓂᕐᓂᕐᒧᑦ, ᐃᓅᓱᒃᑐᓄᑦ ᐊᒻᒪ ᐃᓕᓐᓂᐊᕐᓂᕐᒧᑦ, ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ ᐊᒻᒪᓗ ᓴᐳᔾᔨᓯᒪᓂᕐᒥᒃ ᓄᓇᕐᔪᐊᖅᒥ, ᐅᖃᕐᑐᖅ.
“ᓂᕆᐅᒃᑐᒍᑦ ᐃᑲᔪᕈᓐᓇᕐᓂᐊᕐᓂᑦᑎᓐᓂᒃ ᑖᔅᓱᒥᖓ ᓯᕗᓪᓕᐅᑎᓯᒪᔭᖏᑦᑎᒍᑦ ᐊᒻᒪᓗ ᐱᓕᕆᖃᑎᖃᕐᓂᕐᒥᒃ ᓄᓇᖃᖅᑳᖅᑐᓂᒃ ᐱᓕᕆᐊᑦᑎᒍᑦ” ᑐᙵᕕᒃᒥ.
(0) Comments