ᑎᒡᓕᒃᑕᐅᓯᒪᔪᖅ ᐊᐃᕕᙳᐊᒥ ᓴᓇᙳᐊᒐᕐᒥ ᐅᑎᖅᑎᑕᐅᕗᖅ ᐃᓚᒌᓄᑦ ᐊᕐᕌᒍᓂ 7−ᓂ ᖄᖏᖅᓯᒪᓕᖅᑐᓂ

For English version, see Stolen walrus carving returned to family after 7 years

ᐅᓪᓗᑐᐃᓐᓇᕐᒥ, ᔫᓂ 14−ᖑᑎᓪᓗᒍ, ᓄᓇᓕᖕᓂ ᓴᓗᒻᒪᖅᓴᐃᓂᐅᔪᒥ ᐅᓪᓗᖓᓂ ᐃᖃᓗᖕᓂ, ᐊᒻᒪ ᐃᐊᕆᒃ ᐋᓕᒃᓵᓐᑐᕐ ᐊᑭᓕᖅᓱᖅᑕᐅᓇᓂ ᐃᑲᔪᖃᑕᐅᓚᐅᖅᐳᖅ ᐊᕝᕗᕐᓂᕐᒥ ᐊᒃᑕᑯᓂ ᓯᒡᔭᒥ ᐃᓄᑐᖃᒃᑯᑦ ᐊᖏᕐᕋᖏᑕ ᑐᓄᐊᓂ.

ᑕᑯᓚᐅᖅᐳᖅ ᓄᑕᐅᙱᑦᑑᔮᖅᑐᒥ Lululemon ᐴᖑᔪᒥ ᐊᒻᒪ ᐊᖁᕕᖦᖢᓂ ᓄᓱᖕᓂᕐᒥ ᓯᐅᕋᕐᒥ.

“ᐃᓱᒪᓚᐅᖅᐳᖓ ᐅᔭᕋᒃᑕᖃᕐᓂᖓᓂ ᐴᖑᔪᒥ,” ᐅᖃᓚᐅᖅᐳᖅ. “ᐴᖅ ᐱᑦᑎᐊᕋᒃᑯ ᓯᐅᕋᕐᒥ, ᐅᓇ ᐊᖏᔪᐊᓗᒃ ᓄᒥᖅᑐᖅ ᐊᐃᕕᙳᐊᖅ ᓴᓇᙳᐊᒐᖅ ᑲᑕᓚᐅᖅᐳᖅ.”

ᖁᒃᓴᓪᓚᓚᐅᖅᐳᖅ. ᐊᒻᒪ ᖁᕕᐊᒐᓚᒃᖢᓂ.

ᐋᓕᒃᓵᓐᑐᕐ ᐊᒡᔭᖅᓯᓚᐅᖅᐳᖅ ᓴᓇᙳᐊᒐᕐᒥ ᐊᖏᕐᕋᖓᓄᑦ, ᓴᓗᒻᒪᖅᓴᖅᖢᓂᐅᒃ ᐊᒻᒪ ᐊᒡᔭᖅᖢᓂᐅᒃ ᑲᓇᑕᒥ ᐸᓖᓯᒃᑯᓐᓄᑦ ᔫᓂ 17−ᒥ.

ᐅᓐᓄᒃᑲᓐᓂᖅᑎᓪᓗᒍ, ᓄᓇᕗᒻᒥ ᑲᓇᑕᒥ ᐸᓖᓯᒃᑯᑦ ᐃᓕᓯᓚᐅᖅᐳᑦ ᐊᔾᔨᙳᐊᒥ ᓴᓇᙳᐊᒐᕐᒥ — ᓴᓇᓯᒪᔪᒥ ᓴᓇᙳᐊᒐᒃᓴᒥ ᐅᔭᖅᑲᒥ ᐊᒻᒪ 30 ᓴᓐᑕᒦᑕᐸᓗᖕᓂ ᑕᑭᓂᓕᖕᒥ — ᕙᐃᔅᐳᒃᑯᑦ ᒪᒃᐱᒐᖓᓐᓂ ᓂᕆᐅᒃᖢᑎᒃ ᓇᓂᓯᓂᕐᒥ ᓇᖕᒥᓂᖃᖅᑎᐅᔪᒥ.

ᖃᔅᓯᐊᕐᔪᖕᓂ ᒥᓂᑦᓂ, ᐅᖃᓕᒫᖅᑏᑦ ᓇᓗᓇᐃᖅᓯᓚᐅᖅᐳᑦ ᐃᖃᓗᖕᒥᐅᑕᒥ ᔭᓃᕙ ᓯᔅᓚᑦᒥ ᐅᖃᐅᓯᒃᓴᓕᐊᖏᓐᓂ.

ᐃᐊᕆᒃ ᐋᓕᒃᓵᓐᑐᕐ ᑎᒍᒥᐊᖅᐳᖅ ᐊᐃᕕᙳᐊᒥᒃ ᓴᓇᙳᐊᒐᕐᒥ ᓇᓂᓚᐅᖅᑕᖓᓂ ᓄᓇᓕᖕᓂ ᓴᓗᒻᒪᖅᓴᐃᑎᓪᓗᒋᑦ ᔫᓂ ᓯᒡᔭᒥ ᐃᓄᑐᖃᐃᑦ ᐊᖏᕐᕋᖏᑕ ᑐᓄᐊᓂ ᐃᖃᓗᖕᓂ. (ᐃᐊᕆᒃ ᐋᓕᒃᓵᓐᑐᕐ ᐊᔾᔨᖁᑎᖓ)

“ᑕᑯᑐᐊᕋᒃᑯ, ᐃᒪᐃᓚᐅᖅᐳᖓ, ‘ᐅᐊᖃᓪᓚᖔ, ᐅᒃᐱᕐᓇᙱᑦᑐᖅ,’” ᓯᔅᓚᑦ ᐅᖃᓚᐅᖅᐳᖅ ᔪᓚᐃ 3−ᒥ ᐅᖃᓘᑎᒃᑯᑦ ᐊᐱᖅᓱᖅᑕᐅᓂᐅᔪᒥ.

“ᓯᓚᒧᑦ ᐱᐅᔪᓐᓃᖅᓯᒪᒐᓚᓚᐅᖅᑐᖅ, ᑭᓯᐊᓂ ᖃᐅᔨᑲᐅᑎᒋᓚᐅᖅᐳᖓ ᓴᓇᙳᐊᒐᓚᐅᖅᑕᑦᑎᓐᓂ.”

ᔭᓃᕙ ᓯᔅᓚᑦ ᐊᒻᒪ ᐸᓂᖓ, ᑲᐃᑎ ᓯᔅᓚᑦ ᒫᓂᖕ, ᑕᑯᓚᐅᖅᓯᒪᙱᓚᑦ ᓴᓇᙳᐊᒐᕐᒥ ᐊᕐᕌᒍᑲᓴᖕᓂ 7−ᓂ ᑎᒡᓕᒃᑕᐅᓚᐅᖅᑎᓪᓗᒍ ᐊᖏᕐᕋᖓᓂ 25−ᐸᓗᖕᓂ ᐊᓯᖏᓐᓂ ᓴᓇᙳᐊᒐᕐᓂᓪᓗ ᔪᓚᐃ 2017−ᒥ. ᓴᓇᙳᐊᒐᖅ ᐊᑭᖃᓪᓗᐊᓚᐅᖅᐳᖅ ᖃᔅᓯᐊᕐᔪᖕᓂ ᑕᐅᓴᓐ−ᖏᓐᓂ ᑕᐃᔅᓱᒪᓂ, ᓇᓚᐅᑦᑖᕆᓚᐅᖅᐳᖅ.

ᐊᓕᐸᖅᑎᑦ ᐅᐸᓚᐅᖅᐳᖅ ᔨᓃᕙ ᐊᒻᒪ ᑲᐃᑎ ᐊᔪᕐᓇᓛᑦᑎᐊᒥ ᐱᓕᕆᓂᖃᖅᑎᓪᓗᒋᑦ ᐃᓅᓯᖏᓐᓂ.

ᔪᓚᐃ 6, 2017−ᒥ, ᐅᐃᖓ ᐊᒻᒪ ᐊᑖᑕᒋᔭᐅᔪᖅ, ᔮᓐ ᒫᓂᖕ, 57, ᑐᐊᕕᕐᓇᖅᑐᒃᑯᑦ ᖃᖓᑕᑎᑕᐅᓚᐅᖅᐳᖅ ᐋᑐᕚᒧᑦ ᐋᓐᓂᕐᔪᐊᓚᐅᖅᑎᓪᓗᒍ ᐅᒥᐊᕐᒥ ᖄᖅᑐᒥ ᓯᓚᑖᓂ ᐃᓚᒌᑦ ᐊᖏᕐᕋᖓᓂ ᐃᖃᓗᖕᓂ. ᒪᕐᕉᔫᑉ ᐊᐅᓪᓚᖃᑎᖃᓚᐅᖅᐳᑦ.

ᒫᓂᖕ ᐃᓅᔪᓐᓃᓚᐅᖅᐳᖅ ᐅᓪᓗᓂ ᐱᖓᓱᓂ ᐊᓂᒍᖅᑐᒥ. ᐱᖃᓐᓇᕆᔭᖓ, ᓅᓪ ᐳᕆᑐᓪ, 50, ᐃᓅᔪᓐᓃᓚᐅᕆᕗᖅ ᖄᖅᑐᒥ ᐊᒻᒪ ᐊᓯᐊᓂ ᐊᖑᒻᒥ ᐋᓐᓂᖅᑐᖃᓚᐅᖅᐳᖅ.

ᔨᓃᕙ ᐊᒻᒪ ᑲᐃᑎ ᐊᖏᕐᕋᒧᑦ ᐅᑎᕋᒥᒃ, ᐅᔾᔨᕈᓱᓚᐅᖅᐳᑦ ᖃᓄᐃᑦᑐᖃᕐᓂᖓᓂ. ᒪᓂᕋᕐᒥ−ᓇᑎᕐ ᐃᒐᓛᖓ ᒪᑐᐃᖅᓯᒪᓚᐅᖅᐳᖅ ᐊᒻᒪ ᐹᖓ ᖁᐊᒃᑯᕕᕋᓛᒥ. ᔨᓃᕙ ᐱᓱᒃᑎᓪᓗᒍ ᑕᑉᐸᐅᖓ ᒪᕐᕈᖓᓄᑦ ᓇᑎᖓᓄᑦ, ᐅᔾᔨᕆᓚᐅᖅᐳᖅ ᒥᑭᑦᑐᑯᓗᖕᒥ ᖃᐅᓪᓗᖅᑐᒥ ᐊᐃᕕᐅᑉ ᑑᒑᙳᐊᖓᓂ ᒪᔪᕋᐅᑎᓂ. “ᓱᖏᐅᓐᓇᙱᓚᖅ,” ᐃᓱᒪᓚᐅᖅᐳᖅ.

ᖃᔅᓯᐊᕐᔪᖕᓂ ᖄᖏᖅᑐᓂ, ᐅᔾᔨᕆᓚᐅᖅᐳᖅ ᓴᓇᙳᐊᒐᖅ ᐅᐃᒋᓚᐅᖅᑕᖓᑕ ᑲᑎᖅᓱᓚᐅᖅᑕᖏᓐᓂ ᐅᓄᕐᓂᖅᓴᐅᔪᒥ ᐊᕐᕌᒍᓄᑦ 20−ᓄᑦ ᐱᑕᖃᓚᐅᙱᓚᑦ.

“ᐊᐃᑦᑖᕈᓱᒡᔪᐊᕐᓇᓚᐅᖅᐳᖅ, ᐊᒻᒪ ᐋᓐᓂᕐᓇᖅᖢᓂ ᑕᐃᒪᐃᓕᐅᖅᑕᐅᓇᔭᕐᓂᑦᑎᓐᓂ ᐊᓕᐊᓇᐃᙱᓛᖑᔪᒥ ᐃᓅᓯᑦᑎᓐᓂ,” ᔨᓃᕙ ᐅᖃᓚᐅᖅᐳᖅ.

ᐃᒻᒥᓂᒃ ᐊᒻᒪ ᑲᐃᑎ ᑭᖑᓂᐊᒍᑦ ᓴᓂᓕᖓᓐᓂ ᐃᓵᓚᐅᕐᓂᖓᓂ ᐊᖏᕐᕋᖓᓄᑦ ᐊᒻᒪ ᑎᒡᓕᒃᖢᑎᒃ ᓴᓇᙳᐊᒐᕐᓂᑦ. ᓴᓂᓕᖓ ᐃᖅᑲᖅᑐᖅᑕᐅᓚᐅᖅᐳᖅ ᐅᓪᓗᓂ 45−ᓂ ᐊᓄᓪᓚᒃᓰᕕᖕᒧᑦ 2018−ᒥ.

ᒧᒥᙳᐊᖅᑐᖅ ᐊᐃᕕᖅ ᐱᒻᒪᕆᕐᔪᐊᖑᓚᐅᖅᐳᖅ ᔨᓃᕙᒧᑦ ᐊᒻᒪ ᑲᐃᑎᒧᑦ. ᖁᕕᐊᓱᒡᕕᖕᒥ ᑐᓐᓂᖅᑯᑕᐅᓚᐅᖅᐳᖅ ᒫᓂᖕᒥ.

ᐃᓅᓚᐅᖅᐳᖅ “ᐊᑐᖅᐸᒃᑐᒥ ᐆᒻᒪᑎᖓᓂ ᓴᕝᕕᖓᓂ,” ᑲᐃᑎ ᐅᖃᓚᐅᖅᐳᖅ ᐊᑖᑕᒥᓂ. “ᖁᕕᐊᓱᕖᒃ ᐊᓕᐊᓇᐃᒋᑦᑎᐊᓚᐅᖅᐸᖓ,” ᑐᓂᓯᔪᒻᒪᐅᓚᐅᖅᑐᒥ ᐊᖏᔪᓂ ᖁᕕᐊᓲᓯᐊᓂ.

ᑲᐃᑎ 7−ᐸᓗᖕᓂ ᐅᑭᐅᖃᓚᐅᖅᐳᖅ, ᐊᑕᐅᓯᐅᔪᒥ ᖁᕕᐊᓱᒡᕕᖕᒥ ᐅᓪᓛᖓᓂ, ᐊᑖᑕᖓᑕ ᑐᐹᕐᒪᒍ ᐊᒻᒪᓗ ᔨᓃᕙᒥ ᑕᑯᖅᑯᔾᔨᓂᕐᒥ ᖁᕕᐊᓲᑎᒃᓴᖓᓂ ᓯᕗᓂᐊᓂ ᐹᖓᓂ.

ᐊᖏᓪᓗᓂ, ᐆᔭᐅᔭᐅᓪᓗᓂ, ᒧᒥᖅᑐᒥ ᐊᐃᕕᕐᒥ ᓴᓇᙳᐊᒐᖅ.

“ᐊᖏᔪᒻᒪᕆᐊᓘᓪᓗᓂ ᑐᓐᓂᖅᑯᓯᐊᖑᓚᐅᖅᐳᖅ, ᐊᒻᒪ ᐅᐱᒋᕐᔪᐊᓚᐅᖅᐸᖓ,” ᑲᐃᑎ ᐃᖅᑲᐅᒪᕗᖅ.

ᑲᓇᑕᒥ ᐸᓖᓯᒃᑯᑦ ᓴᖅᑭᑎᑦᑎᓚᐅᖅᐳᑦ ᐆᒥᖓ ᐊᔾᔨᙳᐊᒥᒃ ᐊᐃᕕᙳᐊᒥᒃ ᓴᓇᙳᐊᒐᐅᔪᒥ ᕙᐃᔅᐳᒃᑯᑦ ᒪᒃᐱᒐᖓᓐᓂ ᕿᓂᖅᖢᑎᒃ ᓇᖕᒥᓂᖃᖅᑎᐅᔪᒥ ᔫᓂ 18−ᒥ. ᔭᓃᕙ ᓯᔅᓚᑦ ᑕᐃᔭᐅᓚᐅᖅᐳᖅ ᐅᖃᐅᓯᒃᓴᓕᐊᓂ ᑕᐃᑲᓂᑦᑕᐃᓐᓇᖅ ᐅᓐᓄᖓᓂ. (ᑲᓇᑕᒥ ᐸᓖᓯᒃᑯᑦ ᐊᔾᔨᖁᑎᖓ)

ᒫᓂᖕ ᐱᐅᒃᓴᑦᑎᐊᓚᐅᖅᐳᖅ ᐃᓄᐃᑦ ᓴᓇᙳᐊᒐᖏᓐᓂ ᐊᒻᒪ ᓂᐅᕕᖅᐸᒃᖢᓂᒋᑦ ᓂᐅᕕᐊᒃᓴᖃᖅᑐᓂ ᐊᖅᑯᒻᒥ. ᐅᐸᒃᑕᐅᒑᖓᑦ ᓂᕆᕝᕕᖕᒥ ᓂᐅᕕᐊᒃᓴᖃᕐᓂᕐᒥ ᓴᓇᙳᐊᒐᕐᒥ, ᓂᐅᕕᒐᔪᓚᐅᖅᐳᖅ, ᐅᖃᓚᐅᖅᐳᖅ.

ᒫᓐᓇ, ᐊᕐᕌᒍᑦ 7−ᓂ ᐊᓂᒍᖅᓯᒪᓕᖅᑐᒥ ᐃᓵᖅᑕᐅᓚᐅᕐᓂᖓᓂ, ᐊᑕᐅᓯᑐᐊᕐᒥ ᓴᓇᙳᐊᒐᕐᒥ ᐅᑎᖅᑎᑕᐅᓯᒪᕗᖅ ᐃᓚᒌᖑᔪᓄᑦ — ᒧᒥᖅᑐᒥ ᓇᓄᙳᐊᒥ ᐃᖃᓗᖕᒥ ᖃᓂᖓᓃᑦᑐᖃᖅᖢᓂ. ᑭᓯᐊᓂ ᐊᕐᕌᒍᒐᓴᓂ, ᐊᓯᐅᔨᓚᐅᖅᐳᖅ ᓂᐅᖏᓐᓂ ᐊᒻᒪ ᐊᖃᓗᙳᐊᒥᒃ.

ᔨᓃᕙ ᓯᓂᓚᐅᙱᓚᖅ ᐅᓐᓄᖓᓂ ᑕᑯᒐᒥ ᑲᓇᑕᒥ ᐸᓖᓯᒃᑯᑦ ᑕᑯᒃᓴᐅᑎᑕᐅᓂᐅᔪᒥ ᓴᓇᙳᐊᒐᖓᓂ. ᐊᐃᓚᐅᖅᐸᐅᒃ ᐸᓖᓯᒃᑯᓐᓂ ᐅᓪᓛᖓᓂ ᒪᓕᒃᑐᒥ. ᖁᐱᓯᒪᒐᓚᒃᖢᓂ ᐊᒻᒪ ᑕᒪᒃᑭᑦ ᑐᒑᖏᑦ ᐱᑕᖃᙱᖦᖢᑎᒃ, “ᖃᓄᐃᓕᖓᒐᓗᐊᕈᓂ, ᖁᕕᐊᓱᒃᐳᒍᑦ ᐊᖏᕐᕋᑦᑎᓐᓄᑦ ᐅᑎᖅᓯᒪᓕᕐᒪᑦ,” ᐅᖃᓚᐅᖅᐳᖅ. “ᐅᕙᑦᑎᓐᓄᑦ ᐃᓄᐊᕐᓂᐊᖅᐳᑦ ᑕᑯᖃᑦᑕᕐᓂᕐᒥ ᖃᐅᑕᒫᑦᑎᐊᖅ.”

ᐅᓪᓗᓂ ᐱᖓᓱᓂ ᐊᓂᒍᖅᑎᓪᓗᒍ ᐊᑖᑕᐅᑉ ᐅᓪᓗᖓᓂ, ᐊᒻᒪ ᖃᔅᓯᐊᕐᔪᑐᐃᓐᓇᕐᓂ ᐱᓇᓱᐊᕈᓯᕐᓂ ᓇᓪᓕᐅᓐᓂᖅᓯᐅᕐᕕᖓᓂ ᒫᓂᖕ ᐃᓅᔪᓐᓃᕐᕕᒋᓚᐅᖅᑕᖓᓂ ᔪᓚᐃ 9−ᒥ.

ᔨᓃᕙ ᐅᖃᓚᐅᖅᐳᖅ ᓲᕐᓗ ᓇᓗᓇᐃᒃᑯᑕᐅᓚᐅᖅᐳᖅ. ᓲᕐᓗ ᐊᓯᖏᓐᓂ ᐅᐃᒪ ᖁᕕᐊᓲᑎᒋᕙᒃᑕᖏᓐᓂ.

“ᐃᓱᒪᓚᐅᖅᓯᒪᓇᔭᓚᐅᙱᓚᒍᑦ ᐊᕐᕌᒍᓂ 7 ᐊᓂᒍᖅᑐᓂ ᐅᓇ ᓴᓇᙳᐊᒐᖅ ᐅᑎᖅᑎᑕᐅᓇᔭᕐᓂᖓᓂ,” ᐅᖃᓚᐅᖅᐳᖅ.

“ᐅᕙᑦᑎᓐᓂ ᑕᐅᑐᐃᓐᓇᐅᔭᖅᐳᖅ, ᓇᐅᑦᑎᖅᓱᖅᖢᓂ ᑲᐃᑎᒥ ᐊᒻᒪ ᐅᕙᑦᑎᓐᓂ ᓇᐅᑦᑎᖅᓱᖅᖢᓂ.”