‘ᓈᒻᒪᙱᓕᐅᕈᑎᒧᑦ ᐋᖅᑭᒃᓯᒪᓚᐅᑲᒍᑎ’ᒥᒃ ᖃᓄᐃᓕᐅᕈᑎᑕᖃᕆᐊᓕᒃ ᐃᒻᒥᓃᖅᑎᑦᑎᑦᑕᐃᓕᓂᕐᒧᑦ: ᐃᓅᓱᒃᑐᓄᑦ ᓯᕗᓕᐅᖅᑎ

ᑲᓇᑕᒥ ᐃᓄᐃᑦ ᐃᓅᓱᒃᑐᑦ ᑲᑎᒪᔨᕐᔪᐊᖏᓐᓄᑦ ᐊᖓᔪᖅᑳᖅ ᐅᖃᕐᑐᖅ ᐃᓱᒪᒃᑯᑦ ᐋᓐᓂᐊᖃᖅᑕᐃᓕᓂᕐᒧᑦ ᐊᑐᐃᓐᓇᖃᕋᓱᖕᓂᖅ ᐊᑭᑐᔪᕈᓘᖕᒪᓐ ᑐᓗᖅᑕᕐᕕᐅᓪᓗᓂ ᐃᓄᖕᓄᑦ

ᑲᓇᑕᒥ ᐃᓄᐃᑦ ᐃᓅᓱᒃᑐᑦ ᑲᑎᒪᔨᕐᔪᐊᖏᓐᓄᑦ ᐊᖓᔪᖅᑳᖅ ᐳᕋᐃᐊᓐ ᐹᑐᓪ, ᓴᐅᒥᐊᓂᒃ, ᐅᖃᓪᓚᒃᑐᖅ ᖃᓄᐃᓕᐅᕐᓂᖃᖅᑎᓪᓗᒋᑦ ᐋᑐᕚᒥ ᑲᑎᒪᕕᒡᔪᐊᕐᒥ ᓯᑎᐱᕆ 9-ᖑᑎᓪᓗᒍ, ᓯᕗᓂᐊᒍᑦ ᓄᓇᕐᔪᐊᕐᒥ ᐃᒻᒥᓃᖅᑕᐃᓕᓂᕐᒧᑦ ᐅᓗᖓᓂᒃ. (ᐊᔾᔨᓕᐅᕆᔨ ᔨᐊᕝ ᐱᐊᑦᓯᐄ)

By ᔨᐊᕝ ᐱᐊᑦᓯᐃ
ᓄᓇᓕᖕᓂ ᑐᓴᒐᒃᓴᓕᐅᕐᑎᐅᓂᕐᒧᑦ ᐱᓕᕆᐊᒃᓴᓄᑦ ᑐᓴᒐᒃᓴᓕᐅᕐᑎ

For English version, see ‘Stopgap’ measures needed to prevent suicide, National Inuit Youth Council president says

“ᓈᒻᒪᙱᓕᐅᕈᑎᒧᑦ ᐋᖅᑭᒃᓯᒪᓚᐅᑲᖕᓂᖅ”ᒧᑦ ᐱᑕᖃᕆᐊᖃᕐᒪᑦ ᕿᓚᒥᕈᓗᒃ ᐱᓕᕆᐊᖑᓂᐊᕐᓂᒃᑯᑦ ᐃᒻᒥᓃᖅᑎᑦᑎᑦᑕᐃᓕᓂᕐᒥᒃ ᐃᓄᐃᑦ ᓄᓇᓕᖏᓐᓂᒃ, ᐅᖃᕐᑐᖅ ᐊᖓᔪᖅᑳᕆᔭᐅᔪᖅ ᑲᓇᑕᒥ ᐃᓄᐃᑦ ᐃᓅᓱᒃᑐᑦ ᑲᑎᒪᔨᕐᔪᐊᖏᓐᓄᑦ.

ᐳᕋᐃᐊᓐ ᐹᑐᓪ ᖃᓄᐃᓕᐅᖁᔭᐅᔾᔪᑎᒥᓂᒃ ᐊᑐᓚᐅᕐᓯᒪᔪᖅ ᒪᓕᒐᓕᕆᕕᒡᔪᐊᖅᒥᒃ (Parliament Hill) ᐋᑐᕚᒥ ᑲᑎᖃᑎᒌᖕᓂᖅᑕᖃᖅᑎᓪᓗᒍ ᓯᑎᐱᕆ 9-ᒥ, ᐆᒪ ᓯᕗᓂᖓᓂᒃ ᓄᓇᕐᔪᐊᖅᒥ ᐃᒻᒥᓃᖅᑎᑦᑎᑦᑕᐃᓕᓂᕐᒧᑦ ᐅᓪᓘᑉ ᑖᓐᓇᓗ ᐊᕐᕌᒍᑕᒫᓐ ᓯᑎᐱᕆ 10-ᒥ ᐅᓪᓗᕆᔭᐅᕙᒃᖢᓂ.

“ᐋᖅᑭᒃᓯᒪᕙᒌᖅᑐᒥ ᖃᐅᔨᒪᓇᖅᑐᒥᒃ ᓈᒻᒪᙱᓕᐅᕈᑎᒧᑦ ᐋᖅᑭᒃᓯᒪᓚᐅᑲᒍᑎ, ᓲᕐᓗ ᐃᒪᓐᓇ, ᖃᐅᔨᒪᔾᔪᑎᐅᔪᓐᓇᖅᑐᖅ ᐅᓄᕐᓯᕚᓪᓕᖅᑎᑦᑎᔭᕆᐊᖃᕐᓂᕐᒥᒃ ᐅᕝᕙᓘᓐᓃᑦ ᐋᖅᑭᒃᓱᐃᔭᕆᐊᖃᕐᒪᖔᑕ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᑲᔫᖅᑕᐅᓯᒪᓂᒃᑯᑦ ᐊᐅᓪᓚᕈᑎᖃᕐᓂᕐᒥᒃ, ᐊᒻᒪᓗ ᐃᑲᔪᖅᑕᐅᓯᒪᓂᒃᑯᑦ ᐃᓱᒪᒃᑯᑦ ᐋᓐᓂᐊᖃᖅᑕᐃᓕᓂᕐᒥᒃ ᐃᓂᖃᕈᓐᓇᖅᑎᑦᑎᓂᕐᒥᒃ,” ᐅᖃᕐᑐᖅ ᐹᑐᓪ, ᐊᖓᔪᖅᑳᕆᔭᐅᓯᒪᔪᑦ ᑲᑎᒪᔨᕐᔪᐊᓄᑦ ᐱᒋᐊᖅᖢᓂ ᔪᓚᐃ 2021ᒥ.

“ᐋᖅᑭᒃᓱᐃᔪᓐᓇᕐᓂᖅ, ᐊᑐᕈᓐᓇᖅᑐᓂᒡᓗ ᐋᖅᑭᒃᓯᒍᑎᒃᓴᑦ ᓴᐱᓕᕐᓯᒪᓂᕐᒧᑦ ᐅᕙᑦᑎᐊᑯᓘᒐᓗᐊᕐᒪᓐ.”

ᐃᒻᒥᓃᖃᑦᑕᕐᓂᖅ ᐃᓄᐃᑦ ᓄᓇᓕᖏᓐᓂᒃ ᐃᓱᒫᓘᑎ ᐹᑐᓪᒧᑦᑕᐅᖅ ᐃᒃᐱᖕᓇᒻᒪᕆᖕᒪᑦ, ᑖᓐᓇ ᓄᓇᑦᓯᐊᕗᒻᒥᐅᑕᐅᓂᑰᓪᓗᓂ. ᓄᑲᖓ, ᑎᓚᓐ, ᐃᓅᔪᓐᓃᓚᐅᕐᓯᒪᖕᒪᓐ ᐃᒻᒥᓃᖅᖢᓂ 2014ᒥ.

ᐅᑯᑎᒍᓇᕐᓕ ᐃᓄᐃᑦ ᑕᐱᕇᑦ ᑲᓇᑕᒥ ᐃᓄᐃᑦ ᐃᒻᒥᓃᖅᑎᑦᑎᑦᑕᐃᓕᓂᕐᒧᑦ ᐱᓕᕆᐊᖏᑦᑎᒍᑦ, ᓄᓇᓖᑦ ᐃᓄᐃᑦ ᓄᓇᖓᓂ ᐃᒻᒥᓃᖅᐸᒃᑐᑦ ᐅᓄᕐᓂᕐᓴᐅᖕᒪᑕ 25ᖏᖅᓱᖅᖢᓂ ᑲᓇᑕᒥ ᐃᒻᒥᓃᖅᐸᒃᑐᓕᒫᑦ ᑕᐅᑐᒃᖢᒋᑦ.

ᐹᑐᓪ ᐅᖃᓚᐅᕐᑐᖅ ᑕᑯᔪᒪᓂᕋᖅᖢᓂ ᐊᑐᖅᑕᐅᓚᐅᑲᒍᓐᓇᖅᑐᓂᒃ ᐋᖅᑭᒃᓱᖅᑕᐅᑲᐅᒃᑐᕈᓐᓇᖅᑐᓂᒃ ᕿᓚᒥᕈᓗᒃ ᐊᒻᒪᓗ ᐊᑐᐃᓐᓇᐅᔪᓐᓇᕐᓗᑎᒃ ᑕᒪᐃᓐᓄ ᐃᓄᖕᓄᑦ ᐊᑐᖅᑕᕕᓂᖓᓂᒃ ᐊᑐᖅᑐᖃᕆᐊᖃᔾᔮᙱᒻᒪᓐ.

“ᑕᐃᒪᓕ ᒪᑯᓂᖓ ᐃᑲᔪᖅᑕᐅᔾᔪᑎᖃᖅᑐᓂᒃ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒧᑦ ᐊᐅᓪᓚᕈᓐᓇᕐᓂᖅ … ᒫᓐᓇ ᓱᓕ ᐃᒻᒥᓂᒃ ᓯᕗᓂᒃᓴᒥᓂᒃ ᐋᖅᑭᒃᓱᐃᔪᓐᓇᕋᔭᓚᐅᕐᑐᖅ ᐊᒻᒪᓗ ᖁᕕᐊᓱᙱᓗᐊᒧᑦ ᐋᖅᑭᒍᓐᓇᙱᑦᑐᒥᒃ ᐊᑐᕋᔭᓚᐅᙱᖢᓂ,” ᐅᖃᕐᑐᖅ.

ᐹᑐᓪ ᐅᖃᓚᐅᕐᑐᖅ ᐃᓅᓱᒃᑐᓂ ᓂᕆᐅᖕᓇᖅᑐᒥ ᐱᓕᕆᐊᖃᕐᑎᓪᓗᒋᑦ ᐃᒻᒥᓃᕐᓂᕐᒥᒃ ᐊᑐᖃᑦᑕᙱᓐᓂᕐᓴᐅᓇᔭᖅᑐᑦ. ᓲᖃᐃᒻᒪᓗ. ᐅᖃᕐᑐᖅ. ᓂᕆᐅᖕᓂᖅ ᐊᓂᒍᐃᔾᔪᑎᒋᔪᓐᓇᓚᐅᕐᒪᒍ ᓄᑲᖓ ᐃᓅᔪᓐᓃᓚᐅᖅᑎᓪᓗᒍ.

“ᐱᓕᕆᖃᑎᖃᕈᒪᒐᒪ ᓲᕐᓗ ᖁᓪᓕᕐᒥ ᐃᑯᒻᒪᒃᓴᐃᔭᖅᑐᕆᐊᕐᓂᕐᒥᒥᒃ ᓂᕆᐅᖕᓂᕐᒧᑦ ᐃᓄᐃᑦ ᐃᓅᓱᒃᑐᖏᓐᓄᑦ ᓲᖃᐃᒻᒪ ᐊᑯᓂᒃᑲᓐᓂᖅ ᐅᑕᖅᑭᒍᑦᑕ, ᐅᓄᕈᓐᓃᕐᓂᕐᓴᐅᓂᐊᖅᑐᑦ ᐃᓅᓱᒃᑐᑦ ᓄᓇᑦᑎᓐᓂ, ᐅᓄᕈᓐᓃᖅᐹᓪᓕᕐᓗᑎᒃ ᖃᐅᔨᑎᑕᐅᔪᓐᓇᖅᑐᑦ ᐃᓕᖅᑯᓯᑐᖃᕐᓂᒃ ᐊᒻᒪ ᐊᑐᖅᑕᐅᕙᒃᑐᓂᒃ ᐊᒻᒪᓗ ᐅᓄᕈᓐᓃᖅᐹᓪᓕᕐᓗᑎᒃ ᓯᕗᓂᑦᑎᓐᓂᒃ ᓯᕗᓕᐅᖅᑎᐅᓇᔭᖅᑐᓂᒃ ᐊᓯᙳᖅᑎᑦᑎᓇᓱᒃᑐᓂᒃ,” ᐹᑐᓪ ᐅᖃᕐᑐᖅ.

ᖁᓪᓕᖅᑕᖃᓚᐅᕐᑐᖅ ᐅᕙᓂ ᓯᑎᐱᕆ 9ᒥ ᑲᑎᑎᓪᓗᒋᑦ ᑲᑎᒪᕕᒡᔪᐊᕐᕌᓗᖕᒥᑦ.

ᐅᕇᐸ ᐃᕕᒃ-ᑳᕐᑕᓐ, ᐃᓐᓇᖅ ᐸᖕᓂᖅᑑᕐᒥᐅᑕᖅ ᐋᑐᕚᒥ ᓄᓇᖃᖅᑐᖅ ᖁᓪᓕᕐᒥ ᐃᑯᒻᒪᒃᓴᐃᓚᐅᕐᑐᖅ. ᑐᓴᖅᑎᑦᑎᔪᒪᓪᓗᓂᓗ ᓂᕆᐅᓇᖅᑐᒥ ᖃᓄᖅ ᐃᓄᐃᑦ ᓄᓇᓕᖏᑦ ᐃᑲᔪᖃᑦᑕᐅᑎᔪᓐᓇᕐᓂᖏᓐᓂᒃ ᐊᑐᙱᓐᓂᕐᓴᐅᔪᓐᓇᕐᓂᕐᒥᒃ ᖁᕕᐊᓇᙱᓗᐊᖅᑐᐊᓗᖕᓂᒃ ᐊᒻᒪ ᐱᕙᓪᓕᐊᔪᓐᓇᕐᓂᕐᒥᒃ.

“ᐊᒥᓲᖕᒪᑕ ᐊᔪᕈᓐᓃᑦᑎᐊᕈᑎᒋᔪᓐᓇᖅᑕᕗᑦ ᒪᐅᓇ ᑐᓵᕙᒡᓗᑕ, ᐃᓕᓐᓂᐊᕈᑎᑎᒍᑦ, ᐊᒻᒪᓗ ᐃᓐᓇᐃᑦ ᖃᐅᔨᒪᓂᖏᑦᑎᒍᑦ,” ᐃᕕᒃ-ᑳᕐᑕᓐ ᐅᖃᓚᐅᕐᑐᖅ.

“ᐅᕙᑦᑎᓐᓂ ᐱᒃᑯᒋᓂᕐᓴᐅᔭᕆᐊᖃᕋᑦᑕ ᑭᓲᓂᑦᑎᓐᓂᒃ ᐊᒻᒪ ᓇᓂᒥᐅᑕᐅᓂᑦᑎᓐᓂᒃ.”

ᐅᕝᕙᐅᑯᐊ ᐃᑲᔫᑎᐅᔪᓐᓇᖅᑐᑦ ᐃᓄᖕᓄᑦ ᓈᒻᒪᙱᓕᐅᕈᑎᖃᓗᐊᕐᑐᓄᑦ ᐊᒻᒪ ᐅᖃᓪᓚᖃᑎᖃᕆᐊᓕᖕᓄᑦ:

ᑲᒪᑦᓯᐊᖅᑐᑦ ᐃᑲᔪᕈᑎ ᓄᓇᕗᒥᐅᑕᓅᖓᓗᐊᕐᑐᖅ ᐊᒻᒪᓗ ᐃᓄᒃᑎᑐᑦ ᐱᔨᑦᑎᕋᐅᑎᖃᖅᖢᑎᒃ. ᐅᖄᓚᐅᑎᖓ 867-979-3333 ᐃᖃᓗᖕᓃᑦᑐᓂᒃ ᐊᒻᒪ 1-800-265-3333 ᐊᓯᖏᓐᓄᑦ ᓄᓇᕗᒦᑦᑐᓄᑦ.

ᓄᓇᖃᖅᑳᖅᑐᑦ ᐊᓪᓚᐃᑦ ᐊᒻᒪ ᐃᓄᐃᑦ ᓂᕆᐅᖕᓂᓕᒃ ᖃᓄᐃᑦᑕᐃᓕᓂᖅᒧᑦ ᐃᑲᔪᕈᑎᐅᑉ ᓇᐃᓴᐅᑎᖓ: 1-855-242-3310 ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᐅᖃᓪᓚᖃᑎᒋᓗᒋᑦ ᐅᕙᓂ hopeforwellness.ca.

Share This Story

(0) Comments

Join the Conversation

Your email address will not be published. Required fields are marked *

*