ᐅᓂᒃᑲᐅᓯᖓ ᐱᕐᕋᖅᓯᒪᔫᑉ ᐊᒪᐅᑎᒧ ᕿᓗᐊᖅ

ᐸᖕᓂᕐᑑᒥᐅᑕᖅ ᐄᓇ ᐊᖕᒫᓕᒃ ᐅᖃᐅᓯᖃᖅᑐᖅ ᐱᕐᕋᐃᕙᓪᓕᐊᖃᑦᑕᕐᓂᖅᒥᒃ ᐊᒪᐅᑎᒧᑦ ᖃᒃᓱᖓᐅᑎᒃᓴᓂ ᐅᕙᓂ ᐅᖅᑯᕐᒥᐅᑦ ᐱᓕᕆᕝᕕᖓᓂᒃ.

ᐸᖕᓂᖅᑑᒥᐅᑕᖅ ᐄᓇ ᐊᖕᒫᓕᒃ ᐃᖅᑲᓇᐃᔭᖅᓯᒪᓕᖅᑐᖅ ᐅᖅᑯᕐᒥᐅᓂ ᐱᒋᐊᖅᖢᓂ 2010. (ᐊᔾᔨᙳᐊᖁᑎᖓ ᒥᓚᓂ ᐅᕆᑦᓵᑦ)

By ᒥᓚᓂ ᐅᕆᑦᓵᑦ

For an English version of this story, see The woven story of an amauti tie

ᐸᖕᓂᕐᑑᕐ — ᓄᓇᖃᖅᑐᑦ ᐊᒻᒪᓗ ᐳᓛᕆᐊᖅᓯᒪᔪᑦ ᑕᒪᐃᓐᓂ ᐅᕗᖓ ᐅᖅᑯᕐᒥᐅᑦ ᐱᓕᕆᕝᕕᐊᓄᐊᖅᓯᒪᕗᑦ ᐊᕐᕌᒍᒐᓴᒻᒪᕆᐅᓕᖅᑐᓂᒃ ᑎᑭᓴᐃᓇᓱᒃᖢᑎᒃ ᑎᑎᕋᐅᔭᕐᓯᒪᔪᓂᒃ ᓴᓇᐅᒐᓂᒃ ᖁᖓᓯᕈᕐᓂ, ᓇᓴᕐᓂᒃ ᐊᒻᒪ ᐊᑭᓐᓇᕐᒥᐅᑕᓂᒃ ᐱᐅᓴᐅᑎᓂᒃ ᐊᒻᒪᓗ ᑕᑯᕚᒃᓴᓂᒃ ᓂᐅᕕᕆᐊᖅᐸᒃᖢᑎᒃ.

ᐳᓛᑐᐃᓐᓇᖅᑐᓂᒃ ᑎᑭᑦᑐᖃᑲᑕᙱᒃᑲᓗᐊᖅᑎᓪᓗᒍ ᓄᕙᒡᔪᐊᕐᓇᖅ-19 ᐋᓐᓂᐊᕕᒡᔪᐊᕐᓇᒧᑦ, ᓄᓇᓕᖕᓂ ᓴᓇᐅᒐᓕᐅᖅᑎ ᐄᓇ ᐊᖕᒫᓕᒃ, ᑕᕝᕙᓂ ᐊᕐᕌᒍᑦ ᖁᓕᑦ ᐅᖓᑖᓂ ᐃᖅᑲᓇᐃᔭᓕᖅᑐᖅ ᓱᓕ ᐱᔭᒃᓴᖃᕐᔪᐊᖏᓐᓇᖅᐳᖅ.

ᐅᖅᑯᕐᒥᐅᑦ ᑕᐃᒪᓐᓇᓗ ᑐᑭᖃᖅᖢᓂ ᐊᐅᓚᑕᐅᓯᒪᕗᖅ ᐸᖕᓂᕐᑑᒥ ᐱᒋᐊᖅᑕᐅᓯᒪᓪᓗᓂ 1991-ᒥᑦ.

ᐊᖕᒫᓕᒃ ᐱᕐᕋᐃᙱᑦᑕᕌᖓᑦ, ᓂᒃᓯᒃᑕᙱᒃᑯᓂᓘᓐᓃᑦ ᐅᕝᕙᓘᓐᓃᑦ ᑎᑎᕋᐅᔭᒐᕐᓂᒃ ᓴᓇᙱᒃᑯᓂ ᐅᖅᑯᕐᒥᐅᓂᒃ, ᐊᓯᖏᓐᓂᒃ ᓴᓇᑲᑕᒃᑐᖅ ᓄᐊᖏᓐᓄᑦ ᐊᙵᖏᓐᓄᓪᓗ ᐅᕝᕙᓘᓐᓃᑦ ᐊᓯᖏᓐᓂᒃ ᐱᓕᕆᐊᖃᖅᑐᖅ ᒪᑯᑎᑐᓇᖅ ᕿᓯᖕᒥ ᓂᕈᒥᐊᒐᓕᐅᖅᖢᓂ.

ᐅᖃᓚᐅᕐᑐᖅ ᓴᓇᖃᑦᑕᕐᓂᖓᓂᒃ ᓈᒻᒪᒃᑐᓂᒃ ᑎᒥᒧᑦ ᐊᒻᒪ ᐃᓱᒪᒧᑦ.

“ᑭᓱᓕᐅᖅᖢᓂ ᖁᕕᐊᓇᑐᐃᓐᓇᖃᑦᑕᕐᒪᓐ … ᐃᓄᐃᑦ ᑭᓱᓕᐅᖅᐸᙱᑦᑐᑦ ᐃᓅᓯᖏᓐᓂᒃ ᐊᒥᒐᖅᓯᔭᑦᑐᑦ,” ᐊᖕᒫᓕᒃ ᐅᖃᖅᑐᖅ ᐃᒡᓚᖅᓯᓪᓗᓂ.

ᔪᓚᐃ 5-ᖑᑎᓪᓗᒍ ᓂᒃᓯᒃᑕᖅᑎᓪᓗᒍ ᓱᕈᓯᖅᓯᐅᑎᒥ ᓇᓴᕐᒥ, ᐸᐃᑉᐹᒥ ᑐᓂᓯᔪᖃᖅᖢᓂ ᐊᖕᒫᓕᒃᒧᑦ.

ᐅᓇ ᑎᑭᓴᐃᔾᔪᑎᐅᓚᐅᕐᑐᖅ ᒪᕐᕉᖕᓂ ᐊᒪᐅᑎᒧᑦ ᖃᒃᓱᖓᐅᑎᒃᓴᒥ. ᑖᓐᓇ ᑎᑭᓴᐃᔪᖅ ᐱᖓᓱᓂ ᑕᕐᓴᕆᔭᐅᖁᔭᖓᓂ ᓂᕈᐊᕐᓯᒪᓚᐅᖅᑐ ᐃᒪᓐᓇ ᖃᑯᑕᖅ, ᕿᕐᓂᖅᑕᖅ ᐊᒻᒪ ᕿᓈᖓᔪᖅ ᑐᖑᔪᕐᑐᖅ.

ᑳᕕᑐᐊᓂᒃᑲᒥ, ᐊᖕᒫᓕ ᖁᓛᓄᙵᐅᓯᔪᖅ ᑖᒃᑯᓂᖓ ᐱᓕᕆᕙᓪᓕᐊᓂᐊᓕᕋᒥ.

ᑖᒃᑯᐊ ᑕᕐᓴᕆᔭᐅᖁᔭᐅᔪᑦ ᓇᓂᓪᓗᓂᒋᑦ ᐋᖅᑭᒃᓱᖅᓯᒪᐅᖅᑐᓂᒃ ᐃᕙᓗᒐᓚᖕᓂᒃ ᐊᒻᒪᓗ ᐋᖅᑭᒃᖢᓂᒋᑦ ᐊᑭᓐᓇᒧᑦ, ᑖᒃᑯᐊᓗ ᓄᕗᓪᓗᓂᒋᑦ ᓴᓇᔾᔪᑎᒋᓂᐊᖅᑕᖓᓄᑦ.

ᐊᖕᒫᓕᒃ ᑖᒃᑯᓂᖓ ᐊᑐᕐᓂᐊᖅᑕᖏᓐᓂᒃ ᐃᒧᓯᕙᓪᓕᐊᕗᖅ ᐊᖏᔪᒥᒃ ᑭᑉᐹᕆᒃᑎᓯᒪᔪᒧᑦ, ᑖᒃᑯᐊ ᑕᕐᓴᕆᔭᐅᔪᒪᔪᑦ ᐋᖅᑭᒃᓯᒪᓪᓗᓂᒋᑦ ᖃᓄᐃᓕᖓᓂᐊᕐᓂᖓᓄᑦ ᐊᒻᒪᓗ ᓇᐃᓴᖅᐸᓪᓕᐊᓪᓗᓂᒋᑦ ᐃᒧᕙᓪᓕᐊᔭᖏᑦ.

ᐱᐊᓂᖕᒪ ᕿᓚᒃᖢᓂᒋᑦ ᑖᒃᑯᐊ ᐃᓱᖏᑦ ᐊᒻᒪ ᐋᖅᑭᒃᓱᖅᖢᓂᐅᒃ ᓂᒐᕕᔾᔭᙱᒻᒪᑕ ᓴᓇᓂᐊᓕᖅᐸᖏ — ᐅᕙᓂ ᐱᕐᕋᐃᔾᔪᑎᒥ ᐊᑐᖅᑕᐅᖃᑦᑕᖅᓯᒪᔪᒥᒃ 1970-ᖏᓐᓂ ᐱᒋᐊᖅᖢᓂ.

ᑕᕝᕙᓂᓕ ᐊᖕᒫᓕᒃ ᐊᒻᒪ ᐃᖅᑲᓇᐃᔭᖅᑎᐅᖃᑕᐅᔪᕐᓗ ᑖᒃᑯᓂᖓ ᓱᖃᑎᕆᓪᓗᑎᒃ ᐋᖅᑭᒃᓱᐃᕗᑦ ᐱᕐᕋᐃᔾᔪᑎᐅᓂᐊᖅᑐᒧ ᐊᒻᒪᓗ ᐱᓕᕆᐊᕆᓕᖅᖢᓂᐅᒃ ᐃᕙᓗᑲᑕᒃᖢᓂᒋ 48 ᓄᕕᕐᓵᒃᓴᐃᑦ ᒪᕐᕉᖕᓄᑦ ᒥᖅᑯᑏᖕᓄ, ᐊᒻᒪᓗ ᑕᕝᕘᓈᓕᕆᓪᓗᓂ.

ᐊᒡᒐᖏ ᑕᖃᓕᖃᑦᑕᖅᑐᑦ ᕿᓚᒃᑐᐃᕌᓂᒃᑳᖓ ᐃᒡᓗᖓᒍᑦ, ᐅᖃᖅᑐᖅ.

ᖃᐅᒃᐸᙳᖅᑎᓪᓗᒍ ᐊᖕᒫᓕᒃ ᐱᕐᕋᐃᕙᓪᓕᐊᓕᖅᖢᓂ.

ᓯᕗᓪᓕᕐᒥ ᖃᑯᖅᑕᒥ ᐋᖅᑭᒃᓱᐃᒃᑲᓐᓂᖅᐳᑦ ᓴᓂᒨᕈᑎᒋᑲᑕᖕᓂᐊᖅᑕᖏᓐᓂᒃ. ᐊᑐᖅᐸᒃᖢᓂ ᐃᓪᓚᐃᒍᑕᐅᔭᒥ ᖃᑯᖅᑕᒥ ᐅᑎᒧᐊᖅᑎᑦᑎᓗᓂ ᓱᑲᖓᑎᖢᓂᐅᒃ, ᐊᒻᒪᓗ ᑕᐃᒪᐃᓕᐅᖅᓗᓂ ᑕᖅᓴᖃᖅᐸᓪᓕᐊᓕᖅᖢᓂ, ᑕᒪᓐᓇᓗ ᐃᑲᕐᕋᒐᓴᖕᓂ ᐱᓕᕆᐊ ᕆᐊᖃᕐᓇᖅᖢᓂ.

ᐅᓐᓄᓴᙳᖅᑎᓪᓗᒍ ᒪᕐᕉᖕᓂ ᐊᒪᐅᑎᒧ ᖃᒃᓱᖓᐅᑎᒃᓴᑦ V-ᒥ ᑕᕐᓴᖃᖅᑕᖅᖢᓂ ᐊᒻᒪᓗ ᐊᖕᒫᓕᐅᑉ ᐃᓱᖏᑦ ᐱᕐᕋᖅᑕᖅᖢᓂᒋᑦ.

ᐱᐊᓂᖕᒪᑦ ᒥᕐᓱᕆᐊᖃᓕᖅᖢᓂ ᓴᓇᕝᕕᐅᑉ ᑕᕐᓴᖓ ᐊᒡᒐᖕᒧ ᐊᒻᒪᓗ ᐃᒧᒐᒥ ᕿᓚᑦᑎᐊᖅᖢᒍ.

ᐊᖕᒫᓕᒃ ᐃᒡᓚᖅᓯᓪᓗᓂ ᐅᖃᓕᒫᕋᒥ “dry clean only” ᑕᕐᓴᖓᓂ, ᐅᖃᖅᖢᓂ ᓴᓗᒻᒪᖅᓴᐃᕝᕕᒃᑕᖃᙱᓐᓂᖓᓂ dry cleaners ᐸᖕᓂᕐᑑᒥ.

ᑎᑭᓴᐃᓯᒪᔪᖃᒃᑲᓐᓂᖅᖢᓂ, ᐅᑎᖅᐳᖅ ᖁᖓᓯᕈᓕᐅᕋᓱᓕᖅᖢᓂ ᓂᐅᕕᐊᒃᓴᐅᓂᐊᖅᑐᓂᒃ ᐱᖁᑎᑖᕐᕕᖓᓂᒃ ᐅᖅᑯᕐᒥᐅᑦ.

Share This Story

(0) Comments

Join the Conversation

Your email address will not be published. Required fields are marked *

*