ᐅᑎᕐᕕᖃᕆᐊᓪᓚᓂᖅ ᖃᓄᐃᓘᓐᓂᒪᖔᑕ ᑐᕌᓐᓂᖃᕐᓱᑎᑦ ᑲᓇᑕᐅᑉ ᓯᕗᓪᓕᐹᒥ ᐊᖏᖃᑎᒌᒍᑎᓕᐊᕕᓂᖓᓂᑦ — 50 ᐊᕐᕌᒍᐃᑦ ᐊᓂᒍᕐᓯᒪᓕᕐᑎᓗᒋᑦ

ᑯᐯᒃ ᑲᕙᒪᖓ ᒪᓂᒪᑎᑦᓯᔪᖅ ‘ᐱᓇᓱᐊᕋᑦᓴᐅᔪᒥᑦ ᐊᕐᕌᒍᒋᔭᑦᑕ ᐃᓗᐊᓂ ᐊᑑᑎᔭᐅᕆᐅᕐᑐᖅ’ – ᐁᕆᓕ, 1971

1971-ᖑᑎᓪᓗᒍ, ᑯᐯᒃ ᑲᕙᒪᖓ, ᑲᔪᓯᑎᑕᐅᑦᓱᓂ ᑲᕙᒪᑐᖃᒃᑯᑦ ᐊᖓᔪᕐᖄᖓᓄᑦ ᕌᐳᑦ ᐳᕌᓴ, ᑐᓴᕐᑎᓯᒍᑎᖃᕐᓱᓂ ᐱᒋᐊᖕᖓᓂᐅᔪᒥᑦ ᔦᒻᔅ ᐯ ᐃᑯᒪᓕᐅᕈᑎᓕᐅᕐᓂᒥᑦ ᓄᐃᑦᓯᓂᕐᒥᑦ ᐱᓇᓱᐊᕐᑕᐅᓂᐅᓚᖓᑎᓪᓗᒍ, ᑌᒍᓯᖃᕐᑎᓱᖑ “ᐱᓇᓱᐊᕋᑦᓴᐅᔪᒥᑦ ᐊᕐᕌᒍᒋᔭᑦᑕ ᐃᓗᐊᓂ ᐊᑑᑎᔭᐅᒋᐅᕐᑐᖅ.”

ᐱᓇᓱᐊᕐᓂᐅᔪᖅ, ᓴᓇᕕᑦᓴᒫᒋᓯᑦᓱᒍ ᓄᓇᖓᑦ ᓇᔪᒐᐅᑎᓪᓗᒍ ᐃᓄᓐᓄᑦ ᐊᒻᒪᓗ ᑯᔩᓄᑦ, ᐅᓕᑦᑎᓯᑐᐃᓐᓇᕆᐊᖃᕐᓱᓂ ᐃᒪᐅᑉ ᐊᐅᓚᑕᐅᓂᖓ ᐱᑦᔪᑕᐅᑎᓪᓗᒍ ᐃᒪᖃᐅᑎᓕᐊᖑᓯᒪᔪᖅ ᖄᒥᕋᓚᕿᓕᕐᐸᑦ. ᑕᓇᒋᐊᖕᖓᓂᖅ ᐱᒋᐊᕐᑎᑕᐅᓯᒪᔪᖅ ᐊᖏᓚᐅᕐᑎᓇᒋᑦ ᑯᔩᒃᑯᑦ ᐊᒻᒪᓗ ᐃᓄᐃᑦ.

ᑯᐯᒃ ᑲᕙᒪᖓ ᒪᓂᒪᑎᑦᓯᔪᖅ ‘ᐱᓇᓱᐊᕋᑦᓴᐅᔪᒥᑦ ᐊᕐᕌᒍᒋᔭᑦᑕ ᐃᓗᐊᓂ ᐊᑑᑎᔭᐅᕆᐅᕐᑐᖅ’ – ᐁᕆᓕ, 1971

1971-ᖑᑎᓪᓗᒍ, ᑯᐯᒃ ᑲᕙᒪᖓ, ᑲᔪᓯᑎᑕᐅᑦᓱᓂ ᑲᕙᒪᑐᖃᒃᑯᑦ ᐊᖓᔪᕐᖄᖓᓄᑦ ᕌᐳᑦ ᐳᕌᓴ, ᑐᓴᕐᑎᓯᒍᑎᖃᕐᓱᓂ ᐱᒋᐊᖕᖓᓂᐅᔪᒥᑦ ᔦᒻᔅ ᐯ ᐃᑯᒪᓕᐅᕈᑎᓕᐅᕐᓂᒥᑦ ᓄᐃᑦᓯᓂᕐᒥᑦ ᐱᓇᓱᐊᕐᑕᐅᓂᐅᓚᖓᑎᓪᓗᒍ, ᑌᒍᓯᖃᕐᑎᓱᖑ “ᐱᓇᓱᐊᕋᑦᓴᐅᔪᒥᑦ ᐊᕐᕌᒍᒋᔭᑦᑕ ᐃᓗᐊᓂ ᐊᑑᑎᔭᐅᒋᐅᕐᑐᖅ.”

ᐱᓇᓱᐊᕐᓂᐅᔪᖅ, ᓴᓇᕕᑦᓴᒫᒋᓯᑦᓱᒍ ᓄᓇᖓᑦ ᓇᔪᒐᐅᑎᓪᓗᒍ ᐃᓄᓐᓄᑦ ᐊᒻᒪᓗ ᑯᔩᓄᑦ, ᐅᓕᑦᑎᓯᑐᐃᓐᓇᕆᐊᖃᕐᓱᓂ ᐃᒪᐅᑉ ᐊᐅᓚᑕᐅᓂᖓ ᐱᑦᔪᑕᐅᑎᓪᓗᒍ ᐃᒪᖃᐅᑎᓕᐊᖑᓯᒪᔪᖅ ᖄᒥᕋᓚᕿᓕᕐᐸᑦ. ᑕᓇᒋᐊᖕᖓᓂᖅ ᐱᒋᐊᕐᑎᑕᐅᓯᒪᔪᖅ ᐊᖏᓚᐅᕐᑎᓇᒋᑦ ᑯᔩᒃᑯᑦ ᐊᒻᒪᓗ ᐃᓄᐃᑦ.

ᐃᓄᐃᑦ ᓯᕗᓕᕐᑎᖏᑦ ᑲᑎᑦᑐᑦ ᑰᑦᔪᐊᒥ (ᑰᑦᔪᐊᖅ) ᓄᐃᑦᓯᕈᒪᑦᓱᑎᑦ ᐅᑭᐅᕐᑕᑐᒥ ᑯᐯᒃ ᑲᑐᑦᔨᖃᑎᒌᓐᓂᖓᓄᑦ – ᔭᓄᕆᐊᕆ 1972

ᐃᕐᖃᑐᐃᕕᒃ ᐳᕐᑐᓂᕐᓴᖅ ᑯᐯᒃᒥ ᐃᕐᖃᑐᐃᔨᖓ ᐋᓪᐳᑦ ᒪᓘᕝ, ᕿᑎᖓᓃᑦᑐᖅ, 1978-ᖑᑎᓪᓗᒍ (ᐊᑦᔨᖑᐊᖅ ᑐᓂᕐᕈᓯᐊᕕᓂᖅ Fonds La Presse-ᑯᓐᓄᑦ)

ᑲᑎᒪᑲᑦᑕᓚᐅᑲᑎᑦᓱᑎᑦ ᐊᑕᐅᓯᐊᕋᑎᑦ ᐳᕕᕐᓂᑐᒥ ᑕᕐᖀᑦ ᓯᑕᒪᑦ ᐊᓂᒍᕐᑎᓗᒋᑦ, ᐃᓄᐃᑦ ᓯᕗᓕᕐᑎᖏᑦ ᖃᓄᕐᑑᖃᑎᒌᒋᐊᒻᓚᓂᕐᖁᑦ ᔭᓄᐊᕆ 1972-ᒥᑦ, ᑐᑭᓯᓇᑦᓯᐊᓕᑌᓐᓇᓱᑎᑦ ᐃᓄᓐᓂᑦ ᐱᒍᑦᔨᒋᐊᒥᑦ. ᓯᕗᓕᕐᑎᐅᔪᐃᑦ ᐃᓱᒫᓘᑎᒥᓂᒃ ᐃᓄᓐᓂᑦ ᐱᒍᑦᔨᒋᐊᖃᓯᓚᐅᔪᑦ ᐃᓄᐃᑦ ᐅᖁᒣᑦᑐᒦᑦᑎᑕᐅᓕᒋᐊᖏᓐᓂᑦ ᐃᑯᒪᓕᐅᓐᓂᑯᑦ ᐱᓇᓱᐊᕈᑎᐅᔪᒧᑦ.

ᑌᑲᓂ ᑕᒐ, ᑰᑦᔪᐊᒥᐅᖅ ᓯᖁᒥᓯᒪᔪᓐᓂᐊᑎᒃ, ᓵᓕ ᒍᐊᑦ, ᓯᕗᓕᓚᖓᑎᓪᓗᒍ ᓂᕈᐊᕐᑕᐅᓯᒪᔪᖅ ᐱᒍᑦᔨᓂᐊᕐᑎᓗᒍ NQIA-ᑯᓐᓂᑦ ᐃᑲᔪᕐᑎᖃᕐᓱᓂ ᔦᒻᔅ ᐅᐊᕃᓕ-ᒥᑦ ᐊᒻᒪᓗ ᑯᔩᒃᑯᓂᑦ, ᐸᕐᓀᖃᑎᒋᓯᑦᓱᒋ ᐃᕐᖃᑐᐃᕕᒻᒨᓗᒋᑦ.

ᐃᕐᖃᑐᐃᔨᒻᒪᕇᑦ ᑐᑭᑖᕆᐊᖃᓯᒪᔪ ᐊᖏᖃᑎᒌᒐᓱᐊᕐᓱᑎᑦ – ᓅᕖᒻᐱᕆ 1973

ᓅᕖᒻᐱᕆ 1973-ᖑᑎᓪᓗᒍ, ᑯᐯᒃᑯᑦ ᐃᕐᖃᑐᐃᔨᖓ ᐋᓪᐳᑦ ᒪᓚᐅᕝ ᐊᖏᖃᑎᖃᕐᓯᓚᕗᒃ ᑯᔩᒃᑯᑦ ᐃᓄᐃᓪᓗ ᑯᐯᒃ ᑲᕙᒪᖓᓂᑦ ᐃᕐᖓᑐᐃᕕᒻᒨᓯᑎᓪᓗᒋᑦ, ᕿᓄᕈᑎᖃᕐᓱᑎᑦ ᔦᒻᔅ ᐯ ᐃᑯᒪᓕᐅᕋᓱᐊᕐᓂᒧᑦ ᓄᕐᖃᖁᑦᓱᒋᑦ, ᑕᒪᑦᓱᒥᖓ ᐃᓕᑕᕐᓯᓯᔪᕕᓃᑦ ᓈᒻᒪᖏᑦᑑᒋᐊᖓᓂᑦ ᐱᔪᓐᓇᐅᑎᖏᓐᓄᑦ, ᐊᒻᒪᓗ ᐊᖏᖃᑎᒌᒐᓱᐊᓯᑦᓱᑎᓗ ᐅᑉᐱᒋᔭᖏᑦ ᒪᓕᑦᓱᒋᑦ. ᑯᐯᒃ ᐃᕐᖃᑐᐃᕕᖓᑎᒍᑦ ᕿᑲᕐᑎᑕᐅᓯᒪᓚᐅᕐᓯᒪᔪᖅ ᐱᓇᓱᐊᕈᓯᓕᒫᒃ ᐊᓂᒍᕐᑎᓗᒍ. ᑲᔪᓯᖏᓐᓇᓯᒪᔪᖅ ᓴᓇᓂᖏᑦ ᐱᒋᐊᕆᐊᓪᓚᓱᑎᑦ, ᐊᖏᖃᑎᒌ ᒐᓱᐊᓐᓂᖅ ᑲᔪᓯᖏᓐᓇᑎᓪᓗᒍ. ᑕᒪᓐᓇ ᐊᕐᕌᒍᓄᑦ ᒪᕐᕉᓄᑦ ᓯᕕᑐᓂᖃᓂᐊᕐᑎᓗᒍ ᑯᔩᒃᑯᓗ, ᐃᓄᐃᓪᓗ, ᐊᒻᒪᓗ ᑯᐯᒃᑯᑦ ᐊᒻᒪᓗ ᑲᓇᑕᐅᑉ ᑲᕙᒪᖏᓪᓗ.

ᔦᒻᔅ ᐯ ᐊᒻᒪᓗ ᐅᑭᐅᕐᑕᑐᒥᐅᑦ ᑯᐯᒻᒥ ᐊᖏᖃᑎᒌᒍᑎᖓ ᐊᖏᖃᑎᒌᒍᑕᐅᕗᖅ – ᓅᕖᒻᐱᕆ 1975

ᒪᑭᕝᕕᒃ ᐊᓪᓚᕕᑯᑎᓕᒃ ᑰᑦᔪᐊᒥ, ᐊᓪᓚᕕᖁᑎᖃᕐᒥᓱᓂ ᓄᓇᕕᒻᒥ ᐊᒻᒪᓗ ᒪᓐᑐᕆᐊᓪᒥᑦ (ᓄᓇᑦᓯᐊᖅ ᑐᓴᕋᑦᓴᓕᐅᕕᓂᖏᓐᓂ ᐊᑦᔨᓕᐊᕕᓂᖅ ᓯᐊᑐᕆᒃ ᑳᓚᓐᑦ-ᒧᑦ)

ᑯᐯᒃ ᑲᕙᒪᒃᑯᖏᑦ ᐊᒻᒪᓗ ᑲᓇᑕᒃᑯᑦ, ᐃᓚᐅᑎᒻᓗᒋᑦ ᑯᔩᒃᑯᑦ ᐱᒍᑦᔨᔨᖏᑦ ᐄᔫ ᐃᑦᓰᑦ ᐊᒻᒪᓗ ᐃᓄᐃᑦ ᓄᓇᕕᒻᒥᐅᑦ, ᐊᑎᓕᐅᖃᑎᒌᓯᒪᕗᑦ ᓄᓇᖃᕐᖄᓯᒪᔪᓄᑦ ᐊᖏᖃᑎᒌᒍᑎᒥᑦ ᓅᕕᒻᐱᕆ 11, 1975-ᒥᑦ. ᑕᒪᓐᓇ ᐊᓯᑦᔨᑐᐃᒋᐊᖕᖓᓂᐅᓯᒪᔪᖅ ᓄᓇᕕᒻᒥᐅᓂᑦ.

ᑖᒃᑯᐊ ᐅᓂᒃᑲᑕᐅᔪᑦ ᐃᓚᒋᔭᐅᕗᑦ ᓄᓇᑦᓯᐊᖅ ᑐᓴᕋᑦᓴᓂᐅᑎᖏᑕ ᐃᕐᖃᐅᒪᑦᓯᓂᖓᓄᑦ ᐊᕐᕌᒍᓂ 50-ᓂ ᐊᓂᒍᐃᓕᕐᓂᖓᓂᒃ ᐊᑎᓕᐅᕐᑕᐅᓂᖃᓚᐅᕐᓯᒪᑎᓪᓗᒋᓂᑦ ᔦᒥᓯ ᐯᑉ ᑯᐯᒃᓗ ᑕᕐᕋᖓᑕ ᐊᖏᖃᑎᒌᒎᑎᖏᑦ ᐊᕐᕌᒍᖅ 1975-ᖑᑎᓪᓗᒍ.

This project has been made possible in part by the Government of Canada.