ᑐᓂᖅ ᑕᐃᒻ ᐱᒋᐊᕈᑎᖃᖅᐳᖅ ᓯᑯᒥ ᒑᕝᑐᓂᒃ

For the English version of this story, please see Toonik Tyme tees off with ice golf.

ᑐᓂᖅ ᑕᐃᒻ ᐱᒋᐊᓚᐅᖅᑐᖅ ᐊᓇᐅᓯᓂᒃᑯᑦ ᐊᐃᕆᓕ 5-ᒥ ᐃᖃᓗᒻᒥᐅᑦ ᓯᑯᒥ ᐱᒋᐊᖅᑎᓪᓗᒋᑦ ᒑᕝᒥ.

ᑐᓂᖅ ᑕᐃᒻ ᐊᕐᕌᒍᑕᒫᑦ ᖃᓄᐃᓕᐅᕐᓇᐅᔪᖅ ᐃᖃᓗᖕᓂ ᖁᕕᐊᓲᑎᖃᖅᖢᑎᒃ ᐅᐱᕐᖔᖅ ᐱᒋᐊᓕᕐᓂᖓᓂ ᐱᙳᐊᑲᑕᒃᖢᑎᒃ ᐊᒻᒪ ᖃᓄᐃᓕᐅᖅᑎᑦᑎᑲᑕᒃᖢᑎᒃ ᒪᑯᓂᖓ ᖃᒧᑕᐅᔭᒃᑯᑦ ᓱᒃᑲᓴᐅᑎᔪᓂᒃ ᒪᐅᖓ ᑲᐃᒃᓂ ᑕᕐᓴᓕᐅᑎᐊᕋᓱᖕᓂᕐᒧᑦ. ᐋᖅᑭᒃᑕᐅᕙᒃᖢᓂ ᓄᓇᓕᖕᓂ 123Go! ᖃᓄᐃᓕᐅᕐᓇᕐᓂᐊᖅᑐᖅ ᐱᒋᐊᕐᓗᑎᒃ ᐊᐃᕆᓕ 5-ᒥ ᑎᑭᓪᓗᒍ ᐊᐃᕆᓕ 14.

ᓯᑯᒥ ᒑᕝ ᓯᕗᓪᓕᖅᐸᐅᖃᑕᐅᓚᕐᒪᑦ ᐋᖅᑭᒃᑕᐅᓯᒪᔪᓂ ᖃᓄᐃᓕᐅᒐᒃᓴᓂ ᑕᒪᑐᒪᓂ ᐊᕐᕌᒍᒥ, ᐊᒻᒪᓗ ᓂᐱᖃᕐᓇᓗᐊᕋᓂ.

ᒪᕐᕉᖕᓂ ᐃᓚᐅᔪᖃᓚᐅᕐᑐᖅ ᐅᑭᐅᕐᑕᖅᑐᕐᒥ ᐅᑭᐅᒃᑯᑦ ᐱᙳᐊᕕᒡᔪᐊᕐᓇᒧᑦ ᑕᓯᕐᒥ, ᐊᒻᒪᓗ ᒑᕝᒧᑦ ᐊᓇᐅᑕᖃᖅᑎᑕᐅᓪᓗᑎ ᐊᒻᒪ ᐊᐅᐸᔮᖅᑐᓂᒃ ᐊᖅᑯᑎᒥ ᕼᐋᑭᖅᑐᓄᑦ ᐊᕐᓴᕐᓂ ᐊᑐᖅᖢᑎᒃ, ᑭᓯᐊᓂᓕ ᐃᓚᖓ ᐅᐸᒍᑎᔪᖅ ᓇᖕᒥᓂᖅ ᒑᕝᒧᑦ ᐊᕐᓴᓂ ᓇᒃᓴᓚᐅᖅᑐᖅ.

ᕚᓐᔅ ᕗᒃ, ᕚᓗᕆ ᐴᓕᐅ ᐸᓛᓐᓴᑦ ᐊᒻᒪ ᒫᕐᑎᓐ ᓯᓯᖓ ᓯᕗᓪᓕᐅᓚᐅᕐᑐᑦ ᐱᒋᐊᖅᑐᓂᒃ.

ᐱᙳᐊᕐᕕᒋᔭᖓ ᐊᐳᑎᐅᓪᓗᓂ ᓯᑯᒐᓛᖑᓚᐅᕐᑐᖅ ᐊᒻᒪ ᒪᓃᑦᑑᒐᓚᒃᖢᓂ, ᑕᐃᒪᓕ ᐱᙳᐊᖅᑕᖓ ᖃᓄᐃᓕᐅᕈᓘᔭᕆᐊᖃᕈᑎᐅᓚᐅᕐᑐᖅ ᒑᕝ ᐊᑐᖅᑕᐅᔾᔪᑎᖓᑕ ᐊᓯᐊᒍᑦ.

“ᑖᓐᓇ ᖁᕕᐊᓇᕈᓘᔭᓚᐅᕐᑐᖅ,” ᕗᒃ ᐅᖃᕐᑐᖅ ᐅᖃᐅᓯᖃᖅᖢᓂ ᐊᔾᔨᒋᙱᑕᖓᓂ ᐱᙳᐊᕕᒋᔭᖓᓂ.

ᐅᓄᕐᓂᕐᓴᐃᑦ ᐃᓄᐃᑦ ᐅᐸᒍᑎᓚᐅᕐᑐᑦ ᑕᓯᕐᒧᑦ. ᐊᓕᒃᔅ ᒫᑎᓐ ᐊᒻᒪ ᐳᕌᓐᑕᓐ ᑐᕋᕗᔅ ᑭᖑᓪᓕᐅᓚᐅᕐᑐᑦ ᐱᙳᐊᑐᓂ ᐅᓇᓗ ᑐᕋᕗᔅ ᐅᖃᖅᖢᓂ “ᐃᓱᒪᓚᐅᕐᓯᒪᙱᑦᑎᐊᖅᑐᖓ ᓯᑯᒥ ᒑᕝᑕᕆᐊᒃᓴᖅ.”

ᑭᓯᐊᓂᓕ, “ᖁᕕᐊᓇᖅᑐᒻᒪᕆᐅᓚᐅᕐᑐᖅ,” ᐅᖃᕐᑐᖅ.

ᐅᓇ ᐊᐅᐸᔮᖅᑐᖅ ᐊᐅᔭᑦᑐᖅ ᐊᕐᓴᖅ ᓱᕋᒃᑎᓪᓗᒍ ᓂᒡᓚᓱᓗᐊᕐᓂᕐᒧᑦ — ᓂᒡᓚᓱᖕᓂᖃᓚᐅᕐᒪᑦ ᒫᓂ -9 C (ᓯᐊᓯᐊᔅ) ᐱᒋᐊᖅᑎᓪᓗᒋ — ᑕᐃᒪᓕ ᒫᕐᑎᓐ ᐊᒻᒪ ᑐᕋᕗᔅ ᒑᕝ ᐊᕐᓴᓪᓚᑦᑖᓂ ᖃᑯᖅᑕᓂ ᐊᑐᕋᓱᓕᓚᐅᖅᑑᒃ. ᑖᒃᑯᐊᑦᑕᐅ ᐊᒃᓱᕈᕐᓇᓚᐅᕐᒥᔪᑦ — ᐄᓕ ᐊᐳᑎᒧᐊᕌᖓᑕ.

“ᐊᔪᕐᓇᖅᑐᐊᓘᖕᒪᑦ ᓇᓂᓯᔭᕆᐊᒃᓴᖅ ᖃᐅᓪᓗᖅᑕᒥ ᒑᕝ ᐊᕐᓴᖅᒥ ᐊᐳᑎᒥ ᐊᒻᒪ ᓯᑯᒥ.” ᒫᕐᑎᓐ ᐅᖃᕐᑐᖅ ᐃᒡᓚᖅᖢᓂ.

ᐊᓯᖏᓐᓄᓪᓕ ᑐᓂᖅ ᑕᐃᒻ ᐱᙳᐊᒐᒃᓴᓂᒃ, ᐸᓛᓐᓴᑦ ᐅᖃᓚᐅᕐᑐᖅ ᕿᒧᒃᓯᐅᑎᓂᐊᖅᑐᓂᒃ ᖁᕕᐊᒋᔭᖃᕐᓂᕋᖅᖢᓂ ᐊᒻᒪ ᓱᒃᑲᓴᐅᑎᓂᐊᖅᑐᓂᒃ ᐊᐃᕆᓕ 14-ᖑᓕᖅᐸᑦ.

ᒫᕐᑎᓐ ᐅᖃᓚᐅᕐᑐᖅ ᓂᕆᐅᖕᓂᕋᖅᖢᓂ ᖃᒧᑕᐅᔭᒃᑯᑦ ᓱᒃᑲᓴᐅᑎᓂᐊᖅᑐᓂᒃ, ᐊᒻᒪᓗ ᑖᓐᓇ ᑐᕋᕗᔅᓗ ᐅᖃᖅᑐᐃᓐᓇᐅᓪᓗᑎᒃ ᐃᖃᓗᒐᓱᖕᓂᐊᕈᒪᓪᓗᑎᒃ ᐊᐃᕆᓕ 6-ᖑᓕᖅᐸᑦ.