ᐸᐃᓯᑰᒃᑯᑦ ᓱᒃᑲᓴᐅᑎᓂᕐᒥ ᑭᙵᕐᓂ ᐆᒻᒪᑎᓂ ᓱᒃᑲᓴᖅᑎᑦᑎᕗᖅ, ᐊᒻᒪ ᐸᐃᓯᑰᓂᑦᑕᐅᖅ

For the English version of this story, please see Tour de Kinngait gets hearts racing, and bikes too.

ᑭᙵᕐᒥᐅᑕᐃᑦ ᒪᑐᓯᓚᐅᖅᐳᑦ ᐊᐅᔭᕐᒥ ᓯᑎᐱᕆ 1−ᒥ ᓯᕗᓪᓕᖅᐹᑦᑎᐊᒥᒃ ᐸᐃᓯᑰᒃᑯᑦ ᓱᒃᑲᓴᐅᑎᓂᕐᒥ ᑭᙵᕐᓂ.

200−ᐸᓗᖕᓂ ᐃᓄᖕᓂ ᐅᑕᖅᑭᓚᐅᖅᐳᑦ ᐃᑲᔪᖅᓱᐃᓂᕐᒥ ᐸᐃᓯᑰᖅᑎᐅᔪᓂ ᑕᐅᕘᓇ ᑕᑭᓂᖅᓴᐅᔪᒥ 2-ᑭᓛᒥᑐᒥ-ᑕᑭᑎᒋᔪᒥ ᐊᖅᑯᑎᖓᓂ ᕿᑎᐊᒍᑦ ᑭᙵᕐᓂᑦ. ᓱᒃᑲᓴᐅᑎᓂᖅ ᑲᔪᖏᖅᓴᖅᑕᐅᓚᐅᖅᐳᖅ ᐸᐃᓯᑰᒃᑯᑦ ᓱᒃᑲᓴᐅᑎᓂᕐᒥ ᕗᕌᓐᔅᒥ, ᐊᕐᕌᒍᑕᒫᒥ 3,500-ᑭᓛᒥᑐᒥ ᐸᐃᓯᑰᖅᖢᑎᒃ ᓱᒃᑲᓴᐅᑎᓂᐅᔪᒥ ᕗᕌᓐᔅᒥ.

ᐋᖅᑭᒃᓱᐃᔨᐅᔪᑦ ᓂᕆᐅᖕᓂᖃᖅᐳᑦ ᑭᙵᕐᓂ ᓱᒃᑲᓴᐅᑎᓂᐅᔪᖅ ᐊᕐᕌᒍᑕᒫᒥ ᖃᓄᐃᓐᓂᙳᕐᓂᐊᖅᐳᖅ, ᐅᖃᓚᐅᖅᐳᖅ ᑭᒻᐳᓕ ᔭᖕ, ᓄᓇᓕᖕᓂ ᐊᐅᓚᑦᑎᔨᐅᔪᒥ ᕼᐋᒻᓚᒃᑯᓐᓄᑦ.

“ᓄᓇᓕᒃ ᐊᒃᓱᕉᓴᒃᓯᒪᕗᑦ ᖄᖏᖅᓯᒪᔪᓂ ᖃᔅᓯᐊᕐᔪᖕᓂ ᐊᕐᕌᒍᓂ,” ᐅᖃᓚᐅᖅᐳᖅ, ᐃᓚᒋᐊᖅᓯᓪᓗᓂ ᕼᐋᒻᓚᒃᑯᑦ ᐸᕐᓇᐃᒃᑲᓐᓂᕋᓱᖕᓂᖏᓐᓂ ᖃᓄᐃᓕᐅᕐᓂᒃᑲᓐᓂᕐᓂ ᑲᑎᑎᕆᓂᐊᖅᑐᓂ ᐃᓄᖕᓂ.

“ᐱᕈᖅᓴᐃᒃᑲᓐᓂᕋᓱᐊᑐᐃᓐᓇᖅᐳᒍᑦ ᓄᓇᓕᖕᓂ ᐊᓕᐊᓇᐃᒋᔭᐅᓂᐅᔪᒥ ᐊᒻᒪᓗ ᐸᖅᑭᓂᕐᒥ ᓴᓂᓕᔅᓯᓐᓂ ᐃᓱᒪᓂᐅᔪᒥ ᓄᓇᓕᖕᓂ.”

ᐅᑭᐊᒃᓵᖑᓚᐅᖅᑐᒥ ᑭᖑᓪᓕᕐᒥ, ᕼᐋᒻᓚᒃᑯᑦ ᕿᓂᓚᐅᖅᐳᑦ ᐱᕕᒃᓴᖃᕐᓂᐅᔪᓂ ᓄᓇᓕᖕᓂ ᖃᓄᐃᓕᐅᕈᑎᒃᓴᓄᑦ ᐲᑕ ᓯᒥᑦ, ᐃᓕᓴᐃᔨᐅᔪᖅ ᑭᙵᕐᓂ, ᐅᖃᓚᐅᖅᐳᖅ ᐱᐅᓇᔭᕋᓱᒋᓪᓗᓂᐅᒃ ᐸᐃᓯᑰᒃᑯᑦ ᓱᒃᑲᓴᐅᑎᓂᖃᕐᓂᖓᓂ ᑕᐃᑲᓂ.

“ᑭᙵᐃᑦ ᑲᔾᔮᕐᓇᖅᑐᐊᓘᓪᓗᓂ ᓄᓇᓕᐅᕗᖅ ᐊᒥᓱᓂ [ᖃᓕᕈᓯᖃᖅᖢᓂ] ᐊᒻᒪ ᐅᕙᓐᓂᑦ ᐃᖅᑲᐃᑎᑦᑎᓚᐅᖅᐳᖅ ᐸᐃᓯᑰᒃᑯᑦ ᓱᒃᑲᓴᐅᑎᓂᕐᒥ ᕗᕌᓐᔅᒥ ᐊᒻᒪ ᐃᓱᒪᓚᐅᖅᐳᖓ ᐃᓂᑦᑎᐊᕙᒻᒪᕆᐅᓇᔭᕐᓂᖓᓂ ᐸᐃᓯᑰᒃᑯᑦ ᓱᒃᑲᓴᐅᑎᓂᕐᒥ,” ᐅᖃᓚᐅᖅᐳᖅ.

ᑕᐃᒪᓐᓇᑎᑐᑦ ᐊᑐᖅᑕᐅᕙᒃᑐᒥ ᐸᐃᓯᑰᒃᑯᑦ ᓱᒃᑲᓴᐅᑎᓂᕐᒥ ᕗᕌᓐᔅᒥ ᓯᕗᓪᓕᐅᔪᖅ ᐸᐃᓯᑰᖅᑎ ᐊᑐᕋᔭᕐᓂᖓᓂ ᖁᖅᓱᖅᑐᒥ ᑭᐅᑎᒥᒃ, ᓵᓚᖃᖅᑎᐅᔪᑦ ᐸᐃᓯᑰᒃᑯᑦ ᓱᒃᑲᓴᐅᑎᓂᕐᒥ ᑭᙵᕐᓂ ᑐᓂᔭᐅᓚᐅᖅᐳᑦ ᑕᑯᒃᓴᐅᑦᑎᐊᖅᑐᓂ ᖁᖅᓱᖅᑕᓂ ᐅᕕᓂᕈᕐᓂ ᐃᖅᑲᐅᒪᓂᕐᒧᑦ ᓵᓚᖃᕐᓂᖏᓐᓂ.

ᓱᒃᑲᓴᐅᑎᔪᑦ ᐊᕕᒃᑐᖅᑕᐅᓚᐅᖅᐳᑦ ᒪᕐᕉᖕᓄᑦ ᐅᑭᐅᓕᖕᓄᑦ ᐊᕕᒃᑐᖅᓯᒪᓂᐅᔪᓂ: 14 ᐊᒻᒪ ᑐᖔᓂ, ᐊᒻᒪ 15 ᐊᒻᒪ ᐅᖓᑖᓂ.

ᓯᕗᓪᓕᖅᐸᐅᓪᓗᓂ-ᐃᓂᖃᖅᑐᒥ ᓵᓚᖃᖅᑎᐅᔪᖅ 14-ᐊᒻᒪ-ᑐᖔᓂ ᓱᒃᑲᓴᐅᑎᓂᕐᒧᑦ ᐸᓚᐃᓂ ᑕᑉᐸᐅᖓᐃᖑᓚᐅᖅᐳᖅ, 10, ᐱᓚᐅᖅᑐᒥ ᓄᑖᒥᒃ ᐸᐃᓯᑰᒥᒃ. ᒪᕐᕈᖓᓂ-ᐃᓂᖃᖅᑐᒥ ᐱᔭᕇᖅᑐᖅ ᑐᓂᔭᐅᓚᐅᖅᐳᖅ $150−ᒥ ᓂᐅᕕᕈᓐᓇᐅᑎᒥᒃ ᐊᐅᒃᑕᔫᒥᒃ ᑐᓂᔭᐅᔪᒥ ᓂᐅᕕᕐᕕᖕᒥ.

ᐱᔭᕇᖅᓯᓂᐅᔪᓂ ᐃᓐᓇᕐᓂ, ᓯᕗᓪᓕᖅᐹᒥ−ᐃᓂᖃᖅᑐᒥ ᓵᓚᒃᓴᖅᑎᐅᔪᖅ ᔪᐊᓇᓯ ᔩᑕᐅᓚᐅᖅᐳᖅ ᐱᓪᓗᓂ ᓄᑖᒥᒃ ᐸᐃᓯᑰᒥᒃ ᐊᒻᒪ ᒪᕐᕈᖓᓂ−ᐃᓂᖃᖅᑐᖅ ᐱᔭᕇᖅᑎ ᒪᓄᒥᑲᓪᓚᒃ ᒪᒃᑭᒐᖅ ᐱᓚᐅᖅᐳᖅ $150 ᓂᐅᕕᕈᓐᓇᐅᑎᒥᒃ ᐊᐅᒃᑕᔫᒥᒃ, ᑐᓂᔭᐅᖕᒥᔪᒥ ᓂᐅᕕᕐᕕᖕᒥ.

ᓱᒃᑲᓴᐅᑎᓂᖅ ᒪᕐᕈᒋᔭᐅᕗᖅ ᒪᕐᕉᖕᓂ ᓄᑖᖑᔪᓂ ᓄᓇᓕᖕᓂ ᖃᓄᐃᓐᓂᐅᔪᓂ ᐋᖅᑭᒃᓱᖅᑕᐅᔪᒥ ᕼᐋᒻᓚᒃᑯᓐᓂ ᖄᖏᖅᓯᒪᔪᓂ ᖃᔅᓯᐊᕐᔪᖕᓂ ᐱᓇᓱᐊᕈᓯᕐᓂ. ᓯᕗᓪᓕᐅᔪᒥ ᑭᙵᕐᓂ ᐊᒻᒨᒪᔾᔨᐊᕐᓂᕐᒧᑦ ᖁᕕᐊᓱᒍᑕᐅᔪᒥ ᐱᓕᕆᐊᖑᓚᐅᖅᐳᖅ ᐋᒍᔅᑎ 24 ᐊᒻᒪ 25−ᒥ.

ᔭᖕ ᐅᖃᓚᐅᖅᐳᖅ ᐊᔭᐅᕆᓂᖃᖅᐳᖅ ᓴᖅᑭᑎᑦᑎᓂᕐᒥ ᐃᓚᐅᑎᑦᑎᒃᑲᓐᓂᕐᓂᐅᔪᒥ ᐃᓅᖃᑎᒌᖑᔪᓄᑦ ᑲᑎᙵᓂᐅᔪᓂ ᐃᓄᑐᖃᕐᓄᑦ, ᐃᓚᓕᐅᔾᔨᓗᓂ ᐱᖅᑯᓯᑐᖃᖅᑎᒍᑦ ᓴᓇᐅᒐᓂᑦ ᐊᒻᒪ “ᐅᑎᖅᑐᒥ ᐱᒋᐊᕐᓂᖓᓂ ᐱᓕᕆᐊᖑᓂᐅᔪᓂᑦ.”

“ᐃᓱᒪᕗᖓ ᐱᐅᓪᓗᓂ ᐱᒋᐊᕐᓂᖓᓂ ᓱᒃᑲᓴᐅᑎᓂᐅᔪᒥ ᐊᒻᒪ ᑕᐃᒪᑐᖅ ᐱᔪᒪᓂᖃᑦᑎᐊᕐᓂᐊᖅᐳᖅ ᑕᒪᑐᒪᓂ ᐊᕐᕌᒎᔪᒥ ᐊᕐᕌᒎᓂᐊᖅᑐᒥ ᐊᖏᓂᖅᓴᐅᓂᐊᕐᓂᖓᓂ,” ᓯᒥᑦ ᐅᖃᓚᐅᖅᐳᖅ.