ᐋᑐᕚ ᐋᖅᑭᒃᓯᔭᕆᐊᖃᖅᐳᖅ ᐃᓚᑰᓂᐅᔪᒥ’ ᓇᓪᓕᐅᒃᑯᒫᓄᑦ ᑮᓇᐅᔭᖃᖅᑎᑕᐅᓂᕐᒥ: ᒥᓂᔅᑕ

For the English version of this story, please see Turning medical travel costs over to Ottawa an ‘option,’ says health minister.

ᒐᕙᒪᑐᖃᒃᑯᓐᓂᑦ ᑮᓇᐅᔭᖃᖅᑎᑕᐅᓂᐅᔪᒥ ᐱᓕᕆᐊᖑᔪᒥ ᐊᑭᓖᔪᒥ ᓄᓇᕗᒻᒥ ᐃᓄᖕᓄᑦ ᐃᓅᓕᓴᖅᑕᐅᓂᕐᒥ ᐊᐅᓪᓛᕐᓂᕐᒧᑦ ᐊᑭᖏᓐᓂ ᐃᓱᓕᓐᓂᐊᓕᕐᓂᖓᓂ ᐃᓱᐊᓂ ᑕᒪᑐᒪᓂ ᑕᖅᑭᐅᔪᒥ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ ᔮᓐ ᒪᐃᓐ ᐅᖃᖅᐳᖅ ᓴᖑᑎᑦᑎᓂᕐᒥ ᐊᓪᓚᕝᕕᓕᕆᔭᐅᓂᖓᓂ ᐅᑎᖅᑎᑕᐅᓗᓂ ᐋᑐᕚᒧᑦ “ᓂᕈᐊᒐᒃᓴᐅᖏᓐᓇᖅᐳᖅ.”

“ᐱᕕᖃᕈᓐᓃᓕᖅᐳᖅ,” ᒪᐃᓐ ᐅᖃᓚᐅᖅᐳᖅ ᒫᔾᔨ 11−ᒥ ᓇᓪᓕᐅᒃᑯᒫᖃᙱᑦᑐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐱᕚᓪᓕᕈᑎᓂ ᐱᓕᕆᐊᖑᔪᒥ ᐊᐱᖅᓱᖅᑕᐅᓂᐅᔪᒥ.

“ᐊᖏᕈᑎᖃᕈᒪᑦᑎᐊᖅᐳᒍᑦ ᐃᓕᓯᒪᔪᒥ [ᓄᓇᖃᖅᑳᖅᓯᒪᔪᓂ ᐱᔨᑦᑎᕋᕐᓂᕐᒥ ᑲᓇᑕᒥ] ᑕᐃᒫᒃ ᐸᕐᓇᑦᑎᐊᕈᓐᓇᕐᓂᐊᕋᑦᑕ ᓈᒻᒪᒃᑐᒥ, ᐊᖏᔪᒻᒪᕆᐊᓗᖕᒥ ᐃᓚᑰᓂᖃᔾᔮᙱᓐᓂᑦᑕ ᐅᕝᕙᓘᓐᓃᑦ ᐊᖏᔪᐊᓗᖕᒥ ᐊᖕᒪᔫᔪᒥ ᑮᓇᐅᔭᓂᒃ ᐊᑐᖅᑕᐅᔪᒃᓴᑦᑎᓐᓂ.”

ᓇᓪᓕᐅᒃᑯᒫᖃᙱᑦᑐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐱᕚᓪᓕᕈᑎᓂ ᐱᓕᕆᐊᖑᔪᒥ ᑮᓇᐅᔭᖃᖅᑎᑕᐅᕗᖅ ᓄᓇᖃᖅᑳᖅᓯᒪᔪᓂ ᐱᔨᑦᑎᕋᕐᓂᕐᒥ ᑲᓇᑕᒥ ᐊᒻᒪ ᐊᓪᓚᕝᕕᓕᕆᔭᐅᓪᓗᓂ ᓄᓇᕗᒻᒥ ᒐᕙᒪᒃᑯᓐᓂ. ᐃᓄᖕᓄᑦ ᓄᓇᕗᒻᒥ, ᐱᓕᕆᐊᖑᔪᖅ ᐊᑭᓖᓲᖑᕗᖅ ᐊᑭᓂ ᐃᓅᓕᓴᖅᑕᐅᓂᕐᒧᑦ ᐊᐅᓪᓛᕐᓂᖏᓐᓂ ᐊᒻᒪ ᐱᔨᑦᑎᕋᕐᓂᕐᒥ ᐃᓚᖃᖅᑐᒥ ᑕᐅᑐᑦᑎᐊᕐᓂᕐᒧᑦ ᐊᒻᒪ ᑭᒍᑎᓄᑦ ᐸᖅᑭᔭᐅᓂᕐᒧᑦ.

ᒪᐃᓐ ᐅᖃᓚᐅᕆᕗᖅ ᓴᖑᑎᑦᑎᑐᐃᓐᓇᕆᐊᖃᕐᓂᕐᒥ ᐊᓪᓚᕝᕕᓕᕆᓂᕐᒥ ᐱᓕᕆᐊᖑᓂᖓᓂ ᑕᐃᑯᖓ ᒐᕙᒪᑐᖃᒃᑯᓐᓄᑦ ᕕᕗᐊᕆ 2024−ᒥ, ᓯᕗᓂᐊᓂ ᓄᓇᕗᒻᒥ ᒐᕙᒪᒃᑯᑦ ᐊᒻᒪ ᒐᕙᒪᑐᖃᒃᑯᑦ ᑎᑭᐅᑎᓚᐅᖅᑳᕋᑎᒃ $190-ᒥᓕᐊᓐᓂ ᕿᓚᒻᒥᐅᔪᒥ ᐊᖏᕈᑕᐅᔪᒥ ᒪᐃᒥ ᑕᐃᑲᓂ ᐊᕐᕌᒎᔪᒥ. ᑕᐃᓐᓇ ᐊᖏᕈᑎ ᐅᑎᕋᔭᖅᐳᖅ 2023−ᒧᑦ, ᐊᒻᒪ ᐃᓱᓕᓐᓂᐊᖅᖢᓂ ᒫᔾᔨ 31−ᒥ.

“ᑐᑭᓯᐅᒪᕗᖓ ᒐᕙᒪᑐᖃᒃᑯᑦ ᑲᑎᒪᔨᕐᔪᐊᓂ ᐋᖅᑭᒃᓯᒪᓂᖓ ᓴᖑᕙᓪᓕᐊᓂᖓᓂ ᐊᒻᒪ ᓇᓗᓇᐸᓗᒃᖢᓂ ᒫᓐᓇᐅᔪᒥ, ᑭᓯᐊᓂ, ᐅᓇ ᐱᔾᔪᑕᐅᓪᓗᐊᙱᓚᖅ ᑭᖑᕙᕆᐊᖅᑎᑕᐅᓂᐅᔪᓂ ᐱᔮᕆᓂᐅᔪᓂ ᐊᒻᒪᓗ ᐊᖏᖅᑕᐅᙱᓐᓂᖓᓂ ᑎᑭᓐᓂᐊᖅᑐᒥ ᐋᔩᖃᑎᒌᖕᓂᕐᒧᑦ ᐱᓕᕆᓂᐅᔪᒧᑦ,” ᒪᐃᓐ ᐅᖃᓚᐅᖅᐳᖅ.

ᐋᑐᕚᒥ ᐊᓪᓚᕝᕕᓕᕆᓂᖓᓂ ᐱᓕᕆᐊᖑᔪᒥ, ᐅᖃᓚᐅᖅᐳᖅ, “ᐱᔨᑦᑎᕋᕐᓂᕐᒥ ᑐᓂᓯᔨᐅᔪᓐᓇᖅᐳᑦ ᓄᓇᕗᒻᒥ ᐃᓄᖕᓄᑦ ᑕᐃᒪᐃᑉᐸᖕᓂᖏᓐᓂ ᐃᓚᖓᓐᓂ ᐃᓚᒋᔭᐅᔪᓂ ᑲᓇᑕᒥ ᐊᓯᖏᓐᓄᑦ ᓄᓇᖃᖅᑳᖅᓯᒪᔪᓄᑦ ᑲᓇᑕᒥᐅᑕᓄᑦ.”

ᓄᓇᕗᑦ ᕿᓂᖅᐳᑦ $236 ᒥᓕᐊᓐᓂ ᑮᓇᐅᔭᖃᖅᑎᑕᐅᓂᐅᔪᒥ ᓇᓪᓕᐅᒃᑯᒫᖃᙱᑦᑐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐱᕚᓪᓕᕈᑎᓂ ᐱᓕᕆᐊᖑᔪᒥ ᐊᒻᒪᓗ “ᐱᔾᔪᑎᓕᖕᒥ ᐃᓅᓕᓴᖅᑕᐅᓂᕐᒧᑦ ᐊᐅᓪᓛᕐᓂᕐᒧᑦ ᐊᑭᖏᓐᓄᑦ” ᑎᑭᑉᐸᓪᓕᐊᔪᒥ 2025-26 ᑮᓇᐅᔭᓕᕆᓂᕐᒧᑦ ᐊᕐᕌᒍᖓᓄᑦ, ᐅᖃᐅᓯᐅᓪᓗᓂ ᓵᒪᐃᓐ ᑏᐅᒍᕌᓯᐊᔅ, ᐋᓐᓂᐊᖃᒃᓇᙱᑦᑐᓕᕆᔨᒃᑯᑦ ᐋᔩᖃᑎᒌᖕᓂᕐᒧᑦ ᐊᐅᓚᑦᑎᔨᐅᔪᒥ.

ᓄᓇᖃᖅᑳᖅᓯᒪᔪᓂ ᐱᔨᑦᑎᕋᕐᓂᕐᒥ ᑲᓇᑕᒥ ᐱᓕᕆᖃᑎᖃᖅᐳᑦ ᓄᓇᕗᒻᒥ ᒐᕙᒪᒃᑯᓐᓂ ᐊᒻᒪ ᓄᓇᕗᒻᒥ ᑐᙵᕕᒃᑯᓐᓂ “ᓇᓗᓇᐱᖅᓯᓂᕐᒥ ᓄᓇᕗᒻᒥᐅᑦ ᐊᒡᕕᐊᕈᑎᖃᙱᑦᑐᒥ ᐊᑐᐃᓐᓇᖃᕐᓂᖏᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᑲᔪᖅᓱᐃᓂᐅᔪᓂ ᐱᔭᕆᐊᓕᖏᓐᓂ” ᐅᕘᓇ ᓄᓇᕘᑉ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐱᓕᕆᔾᔪᓯᐅᔪᒥ, ᔭᓯᓐᑦ ᒎᓚᐃ, ᐅᖃᖅᑎᐅᔪᖅ ᒐᕙᒪᑐᖃᒃᑯᓐᓄᑦ ᐱᓕᕆᕝᕕᖓᓂ, ᐅᖃᓚᐅᖅᐳᖅ ᒫᔾᔨ 13−ᒥ ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒥ.