ᐅᕙᒍᑦ ᑕᓚᕖᓴ ᓴᖅᑭᔮᖅᑎᑦᑎᕙᓪᓕᐊᕗᖅ ᑲᓇᑕᓕᒫᒥ

For the English version of this story, please see Uvagut TV to begin streaming across Canada Monday.

ᑕᓚᕖᓴᒥ ᖁᙱᐊᖅᑎᐅᔪᑦ ᑲᓇᑕᓕᒫᒥ ᖁᙱᐊᕈᓐᓇᖅᓯᕗᑦ ᑲᓇᑕᐅᑉ ᓯᕗᓪᓕᖅᐸᐅᔪᒥ ᐃᓄᐃᑦ-ᐅᖃᐅᓯᖓᓐᓂ ᑕᑯᓐᓇᒐᒃᓴᐅᔪᒥ ᑲᐃᐳᓪᑯᑦ ᐊᒻᒪ ᖃᖓᑦᑕᖅᑎᑕᐅᓯᒪᔪᒥ.

ᐅᕙᒍᑦ ᑕᓚᕖᓴ ᐱᒋᐊᖅᑎᑦᑎᓚᐅᖅᐳᑦ ᐱᒋᐊᓕᓵᖅᑐᓄᑦ ᑲᐃᐳᓪᒥ ᑲᑎᙵᓂᐅᔪᓂ ᑲᓇᑕᓕᒫᒥ ᓇᒡᒐᔾᔭᐅᒥ ᐱᓚᐅᖅᑎᓪᓗᒋᑦ ᐊᖏᖅᑕᐅᓂᐅᔪᒥ ᑲᓇᑕᒥ ᓈᓚᐅᑎᒃᑯᑦ−ᑕᓚᕖᓴᒃᑯᑦ ᐊᒻᒪ ᑐᓴᐅᒪᑎᑦᑎᔾᔪᑏᑦ ᑲᑎᒪᔨᖏᓐᓂᑦ ᐅᒃᑐᐱᕆᒥ.

ᑕᑯᓐᓇᒐᒃᓴᖅ ᐱᒋᐊᓚᐅᖅᓯᒪᕗᖅ 2021−ᒥ ᐊᒻᒪ ᐊᐅᓚᑕᐅᕗᖅ ᓄᓇᕗᒻᒥ ᐃᒻᒥᒃᑰᖅᑐᒥ ᑕᓇᕖᓴᒧᑦ ᑲᓱᖃᑎᒌᒃᓯᒪᔪᓄᑦ, ᐃᓄᖕᓂ-ᓇᖕᒥᓂᕆᔭᐅᔪᒥ ᑮᓇᐅᔾᔭᒃᓴᕈᑕᐅᙱᑦᑐᒥ ᓴᖅᑭᑎᑕᐅᔪᒥ 1991−ᒥ.

“ᐊᑕᐅᓯᐅᔪᒥ ᓯᕗᓪᓕᖅᐹᖑᔪᒥ ᑕᒪᒃᑭᖅᑐᒥ ᓄᓇᖃᖅᑳᖅᓯᒪᔪᓂ ᐅᖃᐅᓯᕐᓄᑦ ᑲᓱᖃᑎᒌᒃᓯᒪᔪᓂ ᓄᓇᕐᔪᐊᓕᒫᒥ, ᐅᓇ ᐊᑐᖅᑕᐅᓂᑯᓪᓚᕆᖕᓂ ᖃᓄᐃᓐᓂᐅᕗᖅ ᐃᓄᖕᓄᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ ᓄᓇᓕᐅᔪᓄᑦ, ᐊᒻᒪ ᑲᓇᑕᒥᐅᑕᓕᒫᓄᑦ,” ᐅᖃᓚᐅᖅᐳᖅ ᑐᓴᒐᒃᓴᓕᐊᖑᔪᒥ ᓄᓇᕗᒻᒥ ᐃᒻᒥᒃᑰᖅᑐᒥ ᑕᓇᕖᓴᒧᑦ ᑲᓱᖃᑎᒌᒃᓯᒪᔪᓂᑦ ᑐᓂᔭᐅᔪᒥ ᔭᓄᐊᕆ 17−ᒥ.

ᐅᕙᒍᑦ ᑕᓚᕖᓴ ᒫᓐᓇᐅᔪᒥ ᑕᑯᒃᓴᐅᑎᑦᑎᓲᖑᕗᑦ ᐃᓄᒃᑐᑦ ᐱᓕᕆᐊᖑᓂᐅᔪᓂ, ᒫᓐᓇᐅᔪᒥ ᐱᓕᕆᐊᖑᔪᓂ ᐊᔾᔨᓕᐅᕆᔭᐅᔪᓂ, ᓱᕈᓯᕐᓄᑦ ᑕᑯᓐᓇᒐᒃᓴᓂ, ᑕᕐᕆᔭᓕᐊᓂ ᐊᒻᒪ ᐊᑐᖅᑕᐅᓪᓚᕆᒃᓯᒪᔪᓂ ᑕᕐᕆᔭᓕᐊᓂᑦ, ᐊᒻᒪ ᐊᓯᐊᒎᖅᑐᓂ ᖃᓄᐃᓐᓂᐅᔪᓂ 600,000−ᓄᑦ ᑐᒃᓯᕋᖅᐸᒃᑐᓂ ᓵᒃᑯᑦ, ᐅᑭᐅᖅᑕᖅᑐᒥ ᑯᐊᐸᒃᑯᓐᓄᑦ ᐊᒻᒪ ᓄᓇᓕᖕᓂ ᖃᖓᑦᑕᖅᑎᑕᐅᓯᒪᔪᓂ ᑕᑯᓐᓇᒐᒃᓴᓂᑦ ᑲᓇᑕᓕᒫᒥ.

ᐅᕙᒍᑦ ᑕᓚᕖᓴᖓ ᐃᓚᔭᐅᒍᓂ ᐱᒋᐊᓕᓵᖅᑐᓄᑦ ᑲᐃᐳᓪᒧᑦ ᑲᑎᙵᓂᐅᔪᓄᑦ, ᑲᒻᐸᓂᐅᔪᖅ ᓂᕆᐅᒃᐳᖅ ᑎᑭᐅᑎᓂᐊᕐᓂᖓᓂ ᐅᓄᕐᓂᖅᓴᐅᔪᒥ 10 ᒥᓕᐊᓐᓂ ᖁᙱᐊᖅᑎᐅᔪᓂ ᑲᓇᑕᓕᒫᒥ.

“ᖁᕕᐊᓱᒍᑎᖃᕐᓂᕐᒥ ᐱᒋᐊᖅᑎᑕᐅᓂᖓᓂ ᔭᓄᐊᕆ 20−ᒥ, ᐅᕙᒍᑦ ᑕᓚᕖᓴ ᑕᑯᒃᓴᐅᑎᑦᑎᓂᐊᖅᐳᑦ ᑕᒪᒃᑭᐅᒪᔪᒥ ᐱᓕᕆᐊᖑᓂᐅᔪᓂ ᑎᑎᕋᖅᑕᐅᓯᒪᔪᓂ ᐃᓚᖏᓐᓂ ᐊᓕᐊᓇᐃᒋᔭᐅᓛᖑᔪᓂ ᐊᒻᒪ ᐱᓐᓇᕆᔭᐅᔪᓂ ᐱᓕᕆᐊᖑᔪᓂ ᑐᖅᑯᖅᑕᐅᓯᒪᔪᓂ,” ᑐᓴᒐᒃᓴᓕᐊᖅ ᐅᖃᓚᐅᖅᐳᖅ.

“ᖁᔭᓕᕗᒍᑦ ᐊᒥᓱᓄᑦ ᐃᓄᖕᓄᑦ ᐊᒻᒪ ᑲᑐᔾᔨᖃᑎᒌᖑᔪᓂ ᑲᓇᑕᓕᒫᒥ ᑖᔅᓱᒥᖓ ᐱᔪᓐᓇᖅᑎᑦᑎᓚᐅᖅᑐᓂ ᐃᑲᔪᖅᓱᐃᓂᒃᑯᑦ, ᐊᒃᓱᕈᖅᖢᑎᒃ ᐱᓕᕆᓪᓗᑎᒃ ᐊᒻᒪ ᐃᑲᔪᖅᓱᐃᓂᕐᒥ.”

ᐅᖃᖅᑎᐅᔪᒥ ᓄᓇᕗᒻᒥ ᐃᒻᒥᒃᑰᖅᑐᒥ ᑕᓇᕖᓴᒧᑦ ᑎᑭᐅᑎᔭᐅᔪᓐᓇᓚᐅᙱᓚᖅ ᐅᖃᐅᓯᒃᓴᓕᐅᕐᓂᕐᒧᑦ.