ᐅᕙᒍᑦ ᑕᓚᕖᓴᕐᑯᑦ ᐱᒋᐊᖅᑎᑦᑎᕗᑦ ᐃᓄᒃᑐᑦ-ᐅᖃᐅᓯᖓᓐᓂ ᓯᓚᒧᑦ ᓇᓚᐅᑦᑖᕆᔭᐅᓂᐅᔪᓂ

For English version, see Uvagut TV launches Inuktut-language weather forecasts

ᐅᕙᒍᑦ ᑕᓚᕖᓴᕐᑯᑦ ᖁᙱᐊᖅᑎᐅᔪᑦ ᖁᙱᐊᕈᓐᓇᖅᓯᕗᑦ ᓯᓚᒥ ᓇᓚᐅᑦᑖᕆᔭᐅᓂᐅᔪᓂ ᐃᓄᒃᑐᑦ, ᑯᔭᓐᓇᒦᒃ ᓄᑖᖑᔪᒥ ᑲᑐᔾᔨᖃᑎᒌᖕᓂᐅᔪᒥ ᐅᑯᓇᓂ ᐃᓄᖕᓂ−ᑐᕋᖅᑎᑕᐅᔪᓂ ᑕᓚᕖᓴᒃᑯᑦ ᐊᒻᒪ ᓯᓚᒧᑦ ᑲᓱᖃᑎᒌᒃᓯᒪᔪᓄᑦ.

ᐃᑲᕐᕋᑕᒫᑦ, ᑎᓴᒪᓂ ᓯᓚᒧᑦ ᐅᓂᒃᑳᓕᐊᖑᔪᓂ ᑐᓂᔭᐅᔪᓂ ᐃᓄᒃᑐᑦ ᐅᖃᓪᓚᐅᕆᓯᕆᓂᐅᔪᓂ ᑐᕌᖓᔪᓄᑦ ᐊᑐᓂ ᑎᓴᒪᐅᔪᓂ ᐊᕕᒃᑐᖅᓯᒪᓂᐅᔪᓂ ᐃᓄᐃᑦ ᓄᓇᖓᓐᓂ ᑕᑯᒃᓴᐅᑎᑕᐅᖃᑦᑕᕐᓂᐊᓕᖅᐳᑦ ᑕᑯᔭᒐᖃᕐᕕᖓᓂ.

ᐅᕙᒍᑦ ᑕᓚᕖᓴᕐᑯᑦ ᑲᓇᑕᐅᑉ ᓯᕗᓪᓕᖅᐸᐅᓪᓗᓂ ᐃᓄᒃᑐᑦ-ᐅᖃᐅᓯᕐᒥ ᑕᓚᕖᓴᓕᕆᔨᐅᕗᑦ.

ᐱᖓᓱᓂ-ᒥᓂᑦᒥ ᓄᓇᓕᖕᓂ ᓯᓚᒧᑦ ᓇᓚᐅᑦᑖᕆᔭᐅᓂᐅᔪᓂ ᓴᖅᑭᔮᖅᑎᑕᐅᖃᑦᑕᓕᖅᐳᑦ ᖃᔅᓯᐊᕐᔪᖕᓂ ᐱᓇᓱᐊᕈᓯᐅᓕᖅᑐᓂ. ᑕᑯᒃᓴᐅᑎᑕᐅᓲᖑᕗᑦ 16−ᖏᖅᓱᖅᖢᓂ ᐅᓪᓗᑕᒫᒥ ᐊᒻᒪ ᐃᓚᖃᖅᐳᖅ ᐱᒻᒪᕆᐅᔪᓂ ᓄᑖᙳᕆᐊᖅᑎᑕᐅᓂᐅᔪᓂ ᐅᑭᐅᖅᑕᖅᑐᒥ ᓯᓚᖓᓐᓂ ᓲᕐᓗ ᐅᑭᐅᒃᑯᑦ ᓯᑯᖓᓂ ᖃᓄᐃᓐᓂᐅᔪᓂ ᐊᒻᒪ ᕿᒃᑐᕆᐊᓄᑦ ᖃᓄᐃᓐᓂᐅᔪᓂ ᐊᐅᔭᒃᑯᑦ.

“ᓯᕗᓪᓕᐅᔪᒥ ᐃᓱᒪᒋᔭᐅᓂᐅᔪᒥ ᐃᒪᐃᑐᓐᓇᓚᐅᖅᐳᖅ, ᑕᐃᒪᐃᓕᐅᖅᐸᖕᓂᑦᑎᓐᓂ ᓯᓚᒧᑦ ᑲᓱᖃᑎᒌᒃᓯᒪᔪᓄᑦ — ᓇᓚᐅᑦᑖᕆᓂᖃᓲᖑᐊᓂᒃᐳᒍᑦ ᐅᐊᖕᓇᒥ ᐊᕕᒃᑐᖅᓯᒪᓂᐅᔪᓂ — ᐊᒻᒪ ᐃᓇᖏᖅᓯᓪᓗᑕ ᖃᓪᓗᓈᑎᑐᑦ ᐅᐃᕖᑐᓪᓘᓐᓃᑦ ᖁᑲᖁᓯᖓᓂ ᓈᒻᒪᒃᑐᒥ ᐃᓄᒃᑐᑦ ᐅᖃᐅᓯᐅᔪᒥ,” ᐅᖃᓚᐅᖅᐳᖅ ᑰᑦ ᐃᐱ, ᑐᑭᒧᐊᒃᑎᑦᑎᔨ ᐱᖁᔭᓕᐊᕆᔨᐅᔪᓂ ᒐᕙᒪᒃᑯᓐᓄᑦ ᐊᒻᒪ ᐃᓚᒋᔭᐅᔪᓂ ᐱᓕᕆᓂᐅᔪᒥ ᐱᐅᓪᒧᐊᕆᒃᔅᒥ, ᓇᖕᒥᓂᖃᖅᑐᒥ ᓯᓚᒧᑦ ᑲᓱᖃᑎᒌᒃᓯᒪᔪᓄᑦ.

ᐅᖃᓚᐅᖅᐳᖅ ᐃᓚᖏᓐᓂ ᐆᒃᑐᕐᓂᐅᔪᒥ ᐊᒻᒪ ᑕᒻᒪᑲᑕᖕᓂᖏᓐᓂ, ᑲᑎᙵᓂᐅᔪᑦ ᐅᔾᔨᕆᓚᐅᖅᐳᑦ ᐊᑯᓂᐅᓂᖓᓂ ᐃᓚᖏᓐᓂᐃᓄᒃᑐᑦ ᓯᓚᒧᑦ ᐅᖃᐅᓯᐅᔪᓂ ᐱᔭᕆᐊᖃᕋᔭᕐᓂᖓᓂ ᐊᔾᔨᒋᙱᑕᖓᓂ ᑐᕌᒐᕆᔭᐅᔪᒥ ᐃᓕᓯᑦᑎᐊᕈᓐᓇᕐᓂᕐᒧᑦ ᐱᒻᒪᕆᐅᔪᓂ ᓯᓚᒥ ᑐᓴᒐᒃᓴᐅᔪᓂ ᑕᓚᕖᓴᒃᑯᑦ.

“ᐃᓇᖏᖅᓯᑐᐃᓐᓇᕐᓂᐅᔪᒥ ᐱᓕᕆᑦᑎᐊᔾᔮᙱᓚᖅ, ᑕᐃᒫᒃ ᑲᑎᙵᓂᕗᑦ ᓴᓇᔭᕆᐊᖃᓚᐅᖅᐳᑦ ᓄᑖᖑᔪᓂ ᐅᓂᒃᑳᕐᓂᐅᔪᓂ ᑎᑎᕋᖅᑕᐅᓂᐅᔪᓂ ᓇᓗᓇᐃᖅᓯᓂᕐᒧᑦ ᑕᒪᒃᑭᑦ ᓄᓇᓕᐅᔪᑦ ᐊᑐᓂ ᐊᕕᒃᑐᖅᓯᒪᓂᐅᔪᓂ ᑕᑯᔭᐅᓇᔭᕐᓂᖏᓐᓂ ᖃᖓᑐᐃᓐᓇᖅ ᐱᖓᓱᓂ ᒥᓂᑦ−ᖑᔪᓂ,” ᐅᖃᓚᐅᖅᐳᖅ.

ᑐᕝᑕᑯᓐᓇᒐᒃᓴᐅᔪᒥ, ᖁᙱᐊᖅᑐᑦ ᑕᑯᓂᐊᖅᐳᑦ ᐃᓂᐅᔪᒥ ᐊᑎᖏᓐᓂ ᐊᒻᒪ ᓯᓚᐅᑉ ᐅᖃᐅᓯᕐᓂᑦ ᑎᑎᕋᖅᓯᒪᔪᓂ ᐃᓄᒃᑐᑦ ᐅᖃᓪᓚᐅᓯᓂᑦ ᐊᒻᒪ ᐃᓄᒃᑎᑑᖓᔪᓂ ᓄᓇᙳᐊᒥ.

ᑕᐅᕘᓇ ᓴᓂᕌᓂ ᑐᓴᒐᒃᓴᖃᕐᕕᐅᔪᒥ ᐊᒻᒪ ᐊᑖᓂ ᐃᓚᖓᓐᓂ ᑕᑯᒃᓴᐅᕝᕕᐊᓂ, “L ᐊᕙᓗᖓ” ᐃᐱ ᑕᐃᔭᖓᓂ, ᓯᓚᒧᑦ ᑐᓴᒐᒃᓴᓂ ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ ᑕᑯᒃᓴᐅᓂᐊᕆᕗᑦ.

ᐅᓇ ᐱᓕᕆᐊᒃᓴᐅᔪᖅ ᓇᓗᓇᐃᖅᓯᕗᖅ ᓯᕗᓪᓕᖅᐹᒥ ᐃᓄᒃᑐᑦ ᓯᓚᒧᑦ ᓇᓚᐅᑦᑖᕆᔭᐅᓂᐅᔪᓂ ᑕᑯᒃᓴᐅᑎᑕᐅᓂᖏᓐᓂ ᐅᕙᒍᑦ ᑕᓚᕖᓴᕐᑯᑦ, ᐅᖃᐅᓯᐅᓪᓗᓂ ᐃᐱᒧᑦ.

ᓘᓯ ᑐᓗᒑᕐᔪᒃ ᐃᓱᒻᒥᖅᑐᐃᔨᐅᕗᖅ ᐅᕙᒍᑦ ᑕᓚᕖᓴᕐᑯᓐᓄᑦ ᐊᒻᒪ ᓄᓇᕗᒻᒥ ᐃᒻᒥᒃᑰᖅᑐᓂ ᑕᓚᕖᓴᒥ ᑲᓱᖃᑎᒌᒃᓯᒪᔪᓄᑦ, ᓇᖕᒥᓂᖃᖅᑐᒥ ᐊᒻᒪ ᐊᐅᓚᑦᑎᓪᓗᑎᒃ ᐱᓕᕆᕝᕕᐅᔪᒥ.

ᑐᓗᒑᕐᔪᒃ ᐱᓕᕆᐊᖃᓚᐅᖅᐳᖅ ᑲᑎᙵᓂᐅᔪᒥ ᑕᓪᓕᒪᓂ ᐃᓄᒃᑎᑑᓕᕆᔨᐅᔪᓂ ᐱᓕᕆᓚᐅᖅᑐᓂ ᐃᓄᒃᑐᑦ ᓇᓗᓇᐃᖅᑕᐅᓯᒪᔪᓄᑦ ᓯᓚᒧᑦ ᐅᖃᐅᓯᐅᔪᒥ ᑎᓴᒪᓄᑦ ᐃᓄᐃᑦ ᓄᓇᖓᓐᓂ ᐊᕕᒃᑐᖅᓯᒪᓂᐅᔪᓂ ᓄᓇᕗᒻᒥ, ᓄᓇᕕᒃ, ᐃᓄᕕᐊᓗᐃᑦ ᐊᒻᒪ ᓄᓇᑦᓯᐊᕗᒻᒧᑦ.

ᐸᖅᑭᓂᖃᑦᑎᐊᓚᐅᖅᐳᑦ ᑲᒪᒋᔭᖃᕐᓂᕐᒥ ᑕᑯᔭᒐᒃᓴᐅᔪᓂ ᐊᔾᔨᒌᙱᑦᑐᓄᑦ ᐃᓄᒃᑐᑦ ᐅᖃᓪᓚᐅᓯᓂᑦ ᐅᖃᓪᓚᒃᑕᐅᕙᒃᑐᓂ ᐊᕕᒃᑐᖅᓯᒪᓂᐅᔪᓂ.

“ᐃᓄᐃᑦ ᐱᔪᓐᓇᕐᓂᖃᖅᐳᑦ ᓯᓚᒧᑦ ᑕᓚᕖᓴᒃᑯᑦ ᐅᖃᓕᒫᕈᓐᓇᖅᑕᖏᓐᓂ ᓇᖕᒥᓂᖅ ᐅᖃᐅᓯᖓᓐᓂ, ᐊᒻᒪ ᓇᖕᒥᓂᖅ ᐅᖃᓪᓚᐅᓯᖏᒻᒥᑦᑕᐅᖅ,” ᑐᓗᒑᕐᔪᒃ ᐅᖃᓚᐅᖅᐳᖅ.

ᐅᖃᓚᐅᖅᐳᖅ ᓯᓚᒥ ᓇᓚᐅᑦᑖᕆᔭᐅᓂᖃᖅᑐᓂ ᐃᓄᒃᑐᑦ ᐅᖃᓪᓚᐅᓯᖏᓐᓂ ᐃᑲᔪᕐᓂᖃᕐᓂᐊᖅᐳᖅ ᐊᖑᓇᓱᒃᑎᓂ ᐸᕐᓇᑦᑎᐊᒃᑲᓐᓂᕐᓂᐅᔪᒥ ᓯᓚᒧᑦ ᖃᓄᐃᓐᓂᐅᔪᓄᑦ ᐊᒻᒪ ᑕᒻᒪᖅᓯᒪᙱᑦᑎᐊᖅᑐᓂ ᓇᓚᐅᑦᑖᕆᔭᐅᓂᐅᔪᓂ ᐊᑐᐃᓐᓇᐅᑎᑕᐅᓂᖏᓐᓂ ᐃᓄᖕᓄᑦ ᐅᖃᓚᑐᐃᓐᓇᓲᖑᔪᓂ ᐃᓄᒃᑐᒻᒥ.

“ᖁᔭᓕᑦᑎᐊᖅᐸᒃᑲ ᐃᓄᒃᑎᑑᓕᕆᔨᐅᔪᓂ ᐃᑲᔪᖅᓱᐃᓚᐅᖅᑐᓂ ᑐᓂᓯᓂᕐᒥ ᐅᑯᓂᖓ ᐱᐅᔪᐊᓗᖕᓂ ᐅᖃᐅᓯᕐᓂ ᒫᓐᓇᒨᓕᖓᓂᐅᔪᒧᑦ ᐊᒻᒪ ᓯᕗᓂᒃᓴᒧᑦ,” ᑐᓗᒑᕐᔪᒃ ᐅᖃᓚᐅᖅᐳᖅ.