‘ᐊᑕᐅᓯᐅᒐᑦᑕ ᐃᓅᓪᓗᑕ’: ᐃᓄᐃᑦ ᑲᑎᖢᑎ ᑲᖥᓪᖡᑦ ᓄᓇᖓᓃᑦᑐᑦ

For English version, see ‘We are one people’: Inuit show solidarity with Greenland

ᐃᓄᒋᐊᑦ ᑲᓇᑕᒥᐅᑕᑦ ᖃᖥᓪᖡᓪᓗ ᓄᓇᖓᓃᑦᑐᑦ ᖁᙱᐊᖅᑐᑦ ᖁᕕᐊᓱᒃᖢᑎ ᐊᐅᓚᖁᑎᓂ ᑎᒍᒥᐊᖅᖢᑎᒃ ᐊᒻᒪ ᐃᙱᖅᖢᑎᒃ ᐆ ᑳᓇᑕᒥ ᐅᓇ ᑲᓇᑕᒥ ᓄᓇᖃᙱᑦᑐᓄᑦ ᒥᓂᔅᑕ ᐊᓃᑐ  ᐊᓈᓐ ᐃᑲᔪᖅᖢᓂ ᐊᐅᓚᖁᑎᒥ ᐋᖅᑭᒃᓯᔪᓂ ᑲᓇᑕᒥ ᑭᒡᒐᖅᑐᐃᕝᕕᙳᓵᖅᑐᒥ ᓅᒃᒥ ᑲᖥᓪᖡᑦ ᓄᓇᖓᓂ ᕕᕝᕗᐊᕆ 6-ᖑᑎᓪᓗᒍ.

“ᐅᓪᓗᒥ ᑲᓇᑕᐅᑉ ᐊᐅᓚᖁᑎᖓ ᐋᖅᑭᒃᑕᐅᑎᓪᓗᒍ ᖃᓂᒌᖕᓂᑦᑎᓐᓂ ᐊᒻᒪ ᐊᔾᔨᒌᓂ ᐱᒻᒪᕆᒋᔭᖃᕐᓂᑦᑎᓐᓂ ᐃᖅᑲᐃᒃᑲᓐᓂᖅᐳᒍ ᓄᓇᖃᑎᒌᙱᒃᑲᓗᐊᖅᖢᑕ,” ᐅᖃᕐᑐᖅ ᕕᕕᐊᓐ ᒫᑦᔅᕕᐅᑦ, ᑲᖥᓪᖠᓄᑦ ᓄᓇᖃᙱᑦᑐᓄᑦ ᒥᓂᔅᑕ, ᑖᓐᓇ ᐊᐅᓚᖁᑎ ᐋᖅᑭᒃᑕᐅᓂᐊᓵᖅᑎᓪᓗᒍ ᓴᖅᑭᑎᑕᐅᓂᐊᖅᖢᓂ ᐅᕙᒍᑦ ᑕᓚᕖᓴᓐᑯᑦ.

“ᐅᓇ ᒪᑐᐃᓯᓂᑐᐃᓐᓇᐅᙱᑦᑐᖅ ᑭᓯᐊᓂᓕ ᐃᓚᒋᔭᖃᕐᓂᕐᒥ ᓴᙱᑎᑦᑎᕚᓪᓕᕈᑎᐅᔪᖅ ᐊᒻᒪᓗ ᐱᓕᕆᖃᑎᒌᖕᓂᖏᓐᓂ ᑲᖥᓪᖡᑦ ᓄᓇᖓᓃᑦᑐᑦ ᐊᒻᒪ ᑲᓇᑕᒥᐅᑕᐃᑦ.”

ᐅᓇ ᐱᓕᕆᖃᑎᒌᒃᑲᓐᓂᕐᓂᖅ ᐱᒋᐊᖅᑕᐅᒃᑲᓐᓂᕐᓯᒪᔪᖅ ᐅᓇ ᐊᒥᐊᓕᑲᐅᑉ ᐊᖓᔪᖅᑳᖓ ᑖᓄᑦ ᑐᕋᒻᑉ ᑲᖥᔾᖡᑦ ᓄᓇᖓᓂ ᐊᐅᓚᑦᑎᔪᒪᓚᐅᕐᓂᖓᓄᑦ, ᑎᐊᒻᒫᒃ ᐃᓚᖓᓂ. ᑐᕌᒻᑉ ᐅᖃᖃᑦᑕᕐᓯᒪᖕᒪᑦ ᐊᒥᐊᓕᑲᒥᐅᑕᑦ ᐊᐅᓚᑦᑎᔭᕆᐊᖃᕐᓂᖏᓐᓂᒃ ᐅᑭᐅᕐᑕᖅᑐᕐᒥ ᕿᑭᖅᑖᓗᖕᒥ ᑕᒪᑐᒥᖓ ᓴᐳᔾᔨᓯᒪᔪᒪᓂᕐᒧᑦ — ᕋᓯᐊᒧᑦ ᐅᕝᕙᓘᓐᓃᑦ ᓴᐃᓇᒧ ᑕᐃᒪᐃᑕᐅᑐᐃᓐᓇᕆᐊᖃᕐᓂᖓᓄᑦ.

ᒐᕙᓇ ᔭᓄᕈᓪ ᒥᐊᓕ ᓴᐃᒪᓐ, ᓯᕗᓪᓕᖅᐹᒥ ᐳᓛᕆᐊᖅᑐᖅ ᑲᖥᓪᖡᑦ ᓄᓇᖓᓄᑦ, ᓅᒃᒧᑦ ᑎᑭᓚᐅᕐᑐᖅ ᕕᕝᕗᐊᕆ 6-ᒥ ᑯᐸᓐᕼᐊᐃᒐᓐ, ᑎᐊᓐᒫᒃᒥ. ᑐᙵᓱᒃᑎᑕᐅᓚᐅᕐᑐᖅ ᑲᖥᓪᖡᑦ ᐊᖓᔪᖅᑳᖏᓐᓄᑦ ᐊᒻᒪ ᑲᓇᑕᒥ ᓅᒃ ᖃᖓᑕᓲᒃᑯᕕᖕᒥ ᖃᑕᖓᓲᖓ ᑭᖑᕙᓯᒃᓯᒪᒐᓗᐊᕐᑎᓪᓗᒍ.

ᓴᐃᒪᓐ ᑲᑎᖃᑎᖃᓚᐅᕐᑐᖅ ᖃᖥᓪᖡᑦ ᐊᖓᔪᖅᑳᖓᓄᑦ ᐳᕋᐃᒻ ᒥᓂᔅᑕ ᔭᓐᔅ-ᕗᕋᑐᕆᒃ ᓂᐅᓴᓐᒧᑦ ᑲᑎᒪᕕᒡᔪᐊᕐᓇᖅ ᐱᒋᐊᓚᐅᕐᑎᓐᓇᒍ ᑭᒡᒐᖅᑐᐃᕝᕕᒃᒥ ᐊᒻᒪ ᑲᓇᑕᒧᑦ ᐊᐅᓚᖁᑎ ᐋᖅᑭᒃᑕᐅᓚᐅᕐᑎᓐᓇᒍ.

ᕕᕝᕗᐊᕆ 5-ᒥ, ᑲᑎᒪᔭᕐᑐᖃᑕᐅᔪᑦ ᐅᕙᙵᑦ ᓄᓇᕕᒃᒥ ᓅᒃᒧᑦ ᖃᖓᑕᓚᐅᕐᑐᑦ ᐃᓄᐃᑦ ᖃᖓᑕᓲᖓᒍᑦ ᐅᑯᓇᙵᑦ ᒪᑭᕝᕕᒃᑯᓐᓄᑦ ᓵᑕᕐᑕᐅᓯᒪᔪᒃᑯᑦ, ᑖᒃᑯᐊᓗ ᐃᓄᖕᓂ ᑭᒡᒐᖅᑐᐃᔨᐅᓪᓗᑎᒃ ᓄᓇᕕᒃᒥ.

ᖁᕕᐊᓲᑎᖃᕐᑐᓂ ᐃᓚᐅᔭᕐᑐᓚᐅᕐᑐᑦ ᐊᒻᒪ ᐃᑲᔪᕐᑐᐃᓂᕐᒥᓂ ᑲᖥᓪᖡᑦ ᓄᓇᖓᓂ ᐊᒥᐊᓕᑲᒧᑦ ᐊᖓᔪᖅᑳᖅ ᑖᓄᑦ ᑐᕋᒻᑉ ᑕᖅᑭᐅᓚᐅᕐᑐᒥ ᑲᒪᒋᔭᖃᕈᒪᓂᕋᓕᕐᑎᓪᓗᒍ ᑖᔅᓱᒥᖓ ᐊᒻᒪ NATO-ᑯᓐᓄᑦ ᐃᓚᒋᔭᐅᔪᓂ ᐅᓗᕆᐊᕐᓵᕆᓂᒃᑯᑦ ᐊᒻᒪ ᓵᓚᖃᕋᓱᖕᓂᕐᒧᑦ.

ᐃᓚᒋᔭᐅᖃᑕᐅᓚᐅᕐᒥᔪᑦ ᐅᑯᐊ ᒪᑭᕝᕕᒃᒧᑦ ᐊᖓᔪᖅᑳᖅ ᐲᑕ ᐋᑕᒥ, ᑲᑎᕕᒃ ᒐᕙᒪᒃᑯᓐᓄᑦ ᐃᒃᓯᕙᐅᑕᖅ ᒫᒋ ᐃᒪᓪᓗᒃ ᐊᒻᒪ ᑐᒡᓕᕆᔭᐅᔪᖅ ᐃᒃᓯᕙᐅᑕᕐᒧᑦ ᒥᐊᓕ ᐊᕐᖓᖅ; ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᓄᑦ ᐊᖓᔪᖅᑳᖅ ᐅᓛᔪᒃ ᐊᑭᓱᒃ; ᐊᒻᒪ ᐊᖓᔪᖅᑳᒧᑦ ᑐᒡᓕᕆᔭᐅᔪᖅ ᓕᕙᐃ ᐹᓇᐸᔅ, ᐊᒻᒪ ᐹᓪ ᐃᕐᖓᐅᑦ, ᐊᖓᔪᖅᑳᖑᑲᐃᓐᓇᕐᑐᖅ ᓄᓇᕗᑦ ᑐᙵᕕᒃᑯᓐᓄᑦ.

“90 ᐅᖓᑖᓂ ᐃᓄᖕᓂ ᐃᓄᐃᑦ ᓄᓇᖓᓂᙶᕐᓯᒪᔪᖃᕐᑐᖅ ᑲᓇᑕᒥ ᖁᕕᐊᓲᑎᖃᕆᐊᖅᑐᕐᑐᓂ,” ᐅᖃᕐᑐᖅ ᓇᐃᑕᓐ ᐅᐱᐊᑦ, ᐊᖓᔪᖅᑳᖅ ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪ ᑐᒡᓕᕆᔭᐅᓪᓗᓂ ᐊᖓᔪᖅᑳᒧᑦ ᐅᑭᐅᕐᑕᖅᑐᕐᒥ ᐃᓄᐃᑦ ᓄᓇᖏᓐᓄᑦ ᑲᑎᒪᔨᕐᔪᐊᓄᑦ ᑲᓇᑕᒥ.

“ᑕᑯᑎᑦᑎᔪᒪᑐᐃᓐᓇᓚᐅᕋᑦᑕ ᐱᓕᕆᖃᑎᒌᖕᓂᑦᑎᓐᓂ ᐃᓅᓪᓗᑕ ᑲᖥᓪᖡᑦ ᓄᓇᖓᓂ ᓄᓇᖃᕐᑐᓂ. ᑕᐃᒪᓕ ᐃᓅᓪᓗᑕ ᐊᑕᐅᓯᐅᒐᑦ.”

ᐊᒻᒪᓗ ᐅᐸᒍᑎᓚᐅᕐᒥᔪᑦ ᐅᑯᐊ ᖁᕕᐊᓲᑎᖃᕐᑐᓄᑦ ᐅᓇ ᕗᔨᓂᐊ ᒥᐅᓐᔅ, ᑲᓇᑕᐅᑉ ᐅᑭᐅᕐᑕᖅᑐᖓᓄᑦ ᐋᒻᐹᓴᑑᓕᕐᑐᖅ ᐊᒻᒪ ᑭᐅᕈᓕᓐ ᐸᓇᑦ, ᑲᓇᑕᒥ ᐋᒻᐹᓴᑐ ᑎᐊᓐᒫᒃᒧᑦ, ᐅᑯᓂᖓ ᐊᐅᓚᑦᑎᔨᐅᓂᐊᕐᑐᖅ ᓅᒃᒥ ᐊᐅᓚᑦᑎᕕᐊᓂᐊᓕᕐᑐᒥ.

ᓴᐃᒪᓐ ᑲᖥᓪᖡᑦ ᓄᓇᖓᓃᓚᐅᕐᑐᖅ ᑎᑭᖢᒍ ᕕᕝᕗᐊᕆ 7-ᒥ ᐅᓪᓛᒃᑯᑦ ᐳᓛᖅᖢᓂ ᑲᓇᑕᒥ ᓯᒡᔭᓄᑦ ᓴᐳᓐᓂᐊᖅᑎᓄᑦ ᐅᒥᐊᕐᔪᐊᕐᒥ ᔩᓐ ᒍᑦᕕᐊᓪ, ᐊᒻᒪ ᑭᖑᓂᐊᒍᑦ ᑲᑎᖃᑎᖃᖅᖢᓂ ᐅᑭᐅᕐᑕᖅᑐᕐᒥ ᐃᓄᐃᑦ ᓄᓇᖏᓐᓄᑦ ᑲᑎᒪᔨᕐᔪᐊᓂ ᐊᒻᒪ ᑎᐊᒻᒫᒃ ᐅᑭᐅᕐᑕᖅᑐᕐᒧᑦ ᑲᑎᒪᔨᓂ.

ᓴᐃᒪᓐ ᐱᓇᓱᐊᕈᓯᕐᒥ ᐳᓛᕐᓂᕆᔭᖓ ᐃᓱᓕᓚᐅᕐᑐᖅ ᓄᐊᕗᐃᒧᐊᖅᖢᓂ ᐊᒻᒪ ᕕᕝᕗᐊᕆ 7-ᒥ ᐅᑎᕐᖢᓂ ᑲᓇᑕᒧᑦ.