ᖁᑭᐅᑎᓯ ᑎᒡᓕᒃᑕᐅᓚᐅᕐᓯᒪᕚ? ᐃᖃᓗᐃᑦ ᐸᓖᓯᒃᑯᑦ ᐱᓯᒪᑐᐃᓐᓇᕆᐊᖃᖅᑕᖏᑦ

For the English version of this story, please see Were your guns stolen? Iqaluit RCMP might have them.

ᑭᓇᑐᐃᓐᓇᖅ ᐃᖃᓗᖕᓂ ᖁᑭᐅᑎᖏᓐᓂ ᐊᓯᐅᔨᓯᒪᔪᖅ ᑐᓴᕐᓂᖅᑐᒥᒃ ᑐᓴᕈᓐᓇᖅᑐᒃᓴᐅᔪᑦ, ᐸᓖᓯᒃᑯᓐᓂ ᓇᓂᔭᐅᓂᑯᓄᑦ.

ᐃᖃᓗᖕᓂ ᐸᓖᓯᒃᑯᑦ ᑐᓴᖅᑎᑦᑎᓚᐅᕐᓯᒪᔪᑦ ᓯᑎᐱᕆ 5-ᖑᑎᓪᓗᒍ ᐸᓯᔭᒃᓴᙳᖅᑎᑦᑎᓚᐅᕐᓂᖏᓐᓂᒃ ᒪᕐᕉᖕᓂ ᐃᓅᖕᓂ ᐅᓄᕈᓘᔭᖅᑐᓂ ᐱᕋᔭᒍᑎᖏᓐᓄᑦ ᐸᓖᓯᒃᑯ ᕿᓂᕈᑎᒥ ᐱᓚᐅᖅᑎᓪᓗᒋᑦ ᑕᖅᑭᐅᓚᐅᕐᑐᒥ ᓄᓇᕗᑦ ᐊᖓᔪᖅᑳᖃᕐᕕᐊᓂᒃ.

ᐸᓖᓯᑦ ᓇᓂᓯᓚᐅᕐᒪᑕ ᑎᒡᓕᒃᑕᐅᓯᒪᔪᓂ ᐱᖃᑎᓂᒃ, ᐃᓚᖃᖅᖢᑎᒃ ᖁᑭᐅᑎᓂᒃ ᐊᒻᒪ ᐊᓯᖏᓐᓂ ᓱᒋᐅᑎᓂᒃ ᕿᓂᕈᑎᖃᖅᖢᑎᒃ, ᐸᓖᓯᒃᑯᑦ ᑐᓴᒐᒃᓴᓕᐊᖓ ᐅᖃᕐᓯᒪᓚᐅᕐᑐᖅ ᑕᐃᒪᓐᓇ.

“ᐃᓕᓴᕐᓯᒍᕕᑦ ᓇᓕᐊᓐᓂ ᖁᑭᐅᑎᒥ, ᐅᕝᕙᓘᓐᓃᑦ ᑎᒡᓕᒡᕕᐅᓐᓂᕈᕕᑦ ᐅᑯᐊ ᐃᖃᓗᖕᓂ ᐸᓖᓯᒃᑯᑦ ᐊᐱᕆᔪᓐᓇᖅᑕᓯ,” ᐅᖃᕐᓯᒪᓪᓗᓂ ᑐᓴᒐᒃᓴᖅ.

ᐊᔾᔨᙳᐊᖅ ᓴᖅᑭᑎᑕᐅᓯᒪᔪᖅ ᓴᑭᑎᑦᑎᓚᐅᕐᑐᖅ 13-ᓂ ᖁᑭᐅᑎᓂᒃ, ᒪᕐᕉᖕᓂ ᓴᕕᒡᔪᐊᕐᓂ, ᓴᕕᖕᒥ ᐊᒻᒪ ᒪᕐᕉᒃ ᐱᓯᒃᓰᒃ.

ᕿᓂᓚᐅᕐᓯᒪᔪᑦ ᐋᒐᓯ 5-ᖑᑎᓪᓗᒍ ᐃᒡᓗᕋᓛᕐᒥ ᓄᓇᓕᐸᐅᐃᑦ ᐊᑦᑕᕐᕕᓕᐊᖓᑕ ᐊᖅᑯᑎᖓᓂ, ᓄᓇᓕᐸᐅᔭᐃᑦ ᐅᐊᖕᓇᖓᓂ.

ᐅᓄᕈᓘᔭᕐᑐᑦ ᐃᖃᓗᖕᒥᐅᑕᑦ ᑕᒫᓂ ᐃᒡᓗᕋᓛᖃᐅᕐᒪᑕ.

ᐊᕐᕌᒍᓕᒃ 33-ᓂ ᐸᓯᔭᒃᓴᙳᖅᑎᑕᐅᓚᐅᕐᑐᖅ “ᐅᓄᕈᓘᔭᖅᑐᓂᒃ” ᖁᑭᐅᑎᓅᖓᔪᓂᒃ ᐱᕋᔭᐅᑎᓂᒃ ᐊᒻᒪᓗ ᐱᓯᒪᓂᖓᓂ ᐱᕋᔭᖕᓂᒃᑯᑦ ᐱᓯᒪᔭᖏᓐᓂ.

ᐊᕐᕌᒍᓕᒃ 56-ᓂ ᐸᓯᔭᒃᓴᙳᖅᑎᑕᐅᓚᐅᕐᒥᔪᖅ ᑎᒡᓕᖕᓂᖓᓄᑦ $5,000 ᑐᖔᓃᑦᑐᓄᑦ.

ᐸᓖᓯᑦ ᓇᓗᓇᐃᓚᐅᙱᑦᑐᑦ ᖃᑯᒍ ᐃᖅᑲᖅᑐᐃᕕᒃᑰᕐᓂᐊᕐᒪᖔᑕ ᑖᒃᑯᐊ ᒪᕐᕉᒃ ᐸᓯᔭᒃᓴᙳᖅᑎᑕᐅᓚᐅᕐᑑ.