ᒪᒃᑯᒃᑐᓂ ᑲᑎᒪᖃᑕᐅᔪᓂ ᐅᖃᐅᓯᖃᖅᐳᑦ ᓯᕗᓂᑦᑎᓐᓂ ᓛᓐᓇᒧᑦ ᑲᔪᓯᔪᖅ ᑭᖑᕚᕇᓂᒃ ᖁᐊᖅᓵᕐᓇᒃᑰᖅᓯᒪᓂᖓᓂ

For English version, see ‘We’re still losing kids’: Young panellists discuss intergenerational trauma at Iqaluit conference

ᑲᑎᒪᔨᐅᔪᓂ ᒪᒃᑯᒃᑐᓂ ᐃᓐᓇᕐᓂ ᐅᖃᓪᓚᓚᐅᖅᐳᑦ ᖃᓄᖅ ᓯᕗᓂᑦᑎᓐᓂ ᓛᓐᓇᒧᑦ ᑲᔪᓯᔪᖅ ᑭᖑᕚᕇᓂᒃ ᖁᐊᖅᓵᕐᓇᒃᑰᖅᓯᒪᓂᖓᓂ ᐊᐅᓪᓚᖅᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓂ ᐊᒃᑐᐃᖏᓐᓇᖅᐳᖅ ᐃᓅᓯᖏᓐᓂ ᐊᒻᒪ ᓄᓇᓕᐅᔪᓂ, ᑭᖑᓪᓕᖅᐹᖓᓂ ᐅᓪᓗᖓᓂ ᑲᓇᑕᒥ ᑲᑎᓐᓂᐅᔪᒥ ᓇᓗᓇᐃᖅᑕᐅᓯᒪᙱᑦᑐᓂ ᐃᓗᕕᕐᕕᐅᔪᓂ ᐃᖃᓗᖕᓂ.

ᑎᓴᒪᓂ ᒪᒃᑯᒃᑐᓂ ᐃᓄᖕᓂ, ᒪᕐᕉᒃ ᓄᓇᕗᒻᒥᐅᑕᐅᓪᓗᑎᒃ, ᐅᓂᒃᑳᓚᐅᖅᐳᑦ ᐊᒻᒪ ᐅᖃᐅᓯᖃᓚᐅᕆᕗᑦ ᐅᖃᐅᓯᒃᓴᐅᔪᓂ ᓂᕆᐅᖕᓂᖃᕐᓂᕐᒥ ᕕᕗᐊᕆ 1−ᒥ.

ᑲᑎᒪᔨᐅᔪᓂ ᐊᑕᐅᓯᐅᓪᓗᓂ ᑭᖑᓪᓕᖅᐹᖑᔪᓂ ᖃᓄᐃᓐᓂᐅᓚᐅᖅᐳᖅ ᐅᓪᓗᓂ−ᐱᖓᓱᓂ ᑲᑎᓐᓂᐅᔪᒥ ᐋᖅᑭᒃᓱᖅᑕᐅᓯᒪᔪᒥ ᑎᑎᕋᕐᕕᐅᔪᒥ ᑭᒻᐳᓕ ᒨᕆᒧᑦ, ᒐᕙᒪᑐᖃᒃᑯᑦ ᑎᒃᑯᐊᖅᑕᐅᓯᒪᔪᒥ ᐊᓯᐊᒎᖅᑐᒥ ᐅᖃᓪᓚᒃᑎᐅᔪᒥ ᐊᓯᐊᖅᑲᔪᓄᑦ ᓱᕈᓯᕐᓄᑦ ᐊᒻᒪ ᓇᓗᓇᐃᒃᑯᓯᖅᓯᒪᙱᑦᑐᓄᑦ ᐃᓗᕕᕐᓂ ᐊᒻᒪ ᐃᓗᕕᕐᕕᐅᔪᓂ ᐃᓂᐅᔪᓂ.

ᑕᐅᑐᒃᑕᑐᐊᖃᑲᐃᓐᓇᕐᓂ ᐅᑭᐅᖅᑕᖅᑐᒥ ᓂᐱᓂᐅᓚᐅᖅᑎᓪᓗᒍ, ᑲᑎᓐᓂᐅᔪᖅ ᐅᐸᒃᑕᐅᓚᐅᖅᐳᖅ ᑭᒡᒐᖅᑐᐃᔨᐅᔪᓂ ᐃᓄᖕᓂ, ᐊᓪᓚᓂ ᐊᒻᒪ ᐊᓪᓚᖓᔪᓂ ᓄᓇᓕᖕᓂ ᑲᓇᑕᓕᒫᒥ.

ᐸᑲᒃ ᐲᑰ ᐃᖃᓗᖕᓂᕐᒥᐅᑕᖅ, ᐊᑕᐅᓯᐅᔪᒥ ᒪᒃᑯᒃᑐᓄᑦ ᑲᑎᒪᖃᑕᐅᔪᓂ, ᕿᐊᓱᙳᓪᓗᓂ ᐅᓂᒃᑳᕆᓚᐅᖅᐳᖅ ᐱᓕᕆᐊᖃᕐᓂᕐᒥ ᐊᓯᐅᔨᓂᐅᔪᒥ ᐱᖃᓐᓇᕆᔭᖏᓐᓂ ᐃᒻᒥᓃᕐᓂᕐᒧᑦ ᐊᒻᒪ ᐋᖓᔮᕐᓇᖅᑐᖅᑐᖃᑦᑕᕐᓂᕐᒧᑦ.

ᑕᐃᒪᐃᒐᔪᒃᑐᒥ ᐱᔾᔪᑕᐅᔪᒥ ᑕᒪᒃᑭᓂ ᐅᑯᓇᙵᑦ ᐱᖃᓐᓇᕆᔭᖏᓐᓂ, ᐅᖃᓚᐅᖅᐳᖅ, ᓯᕗᓂᑦᑎᓐᓂ ᓛᓐᓇᒧᑦ ᑲᔪᓯᔪᖅ ᑭᖑᕚᕇᓂᒃ ᖁᐊᖅᓵᕐᓇᒃᑰᖅᓯᒪᓂᖓᓂ ᐱᑎᑕᐅᔪᒥ ᐊᐅᓪᓚᖅᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓂ ᐊᒻᒪ ᐅᓪᓗᒃᑯᑦ ᐃᓕᓐᓂᐊᕐᕕᐅᔪᓂ.

“ᖄᖏᖅᓯᒪᔪᓂ ᑕᖅᑭᓂ 12-ᓂ, ᐊᓯᐊᔨᓯᒪᕗᖓ ᐱᖓᓱᓂ ᐱᖃᓐᓇᕆᔭᓐᓂ ᐊᒻᒪ ᐃᓚᓐᓂ, ᐃᓄᐃᑦ ᐊᓕᐊᓇᐃᒍᓱᖃᑎᒋᕙᓚᐅᖅᑕᓐᓂ ᐊᖑᓇᓱᖕᓂᕐᒥ ᓄᓇᒥᑦ,” ᐲᑰ ᐅᖃᓚᐅᖅᐳᖅ.

“ᓄᒫᑦᑕᑐᐊᕌᖓᒪ, ᐃᒃᐱᒍᓱᓲᖑᕗᖓ — ᒐᕙᒪᑐᖃᒃᑯᑦ ᐅᕝᕙᓘᓐᓃᑦ ᑐᒃᓯᐊᕐᕖᑦ, ᐃᒃᐱᒍᓱᓲᖑᕗᖓ ᓵᓚᒃᓴᕐᓂᖏᓐᓂ ᐃᓛᓐᓂᒃᑯᑦ ᐅᕙᓃᑉᐳᒍᑦ 2024, 2023−ᒥ” ᐊᒻᒪᓗ “ᓱᓕ ᐊᓯᐅᔨᕙᒃᐳᒍᑦ ᓱᕈᓯᕐᓂ.”

ᐃᓱᒪᒋᓇᒍ ᐊᓯᐅᔨᓂᐅᔪᒥ, ᐲᑰ ᐅᖃᓚᐅᖅᐳᖅ ᑕᑯᓲᖑᕗᖅ ᓂᕆᐅᖕᓂᖃᕐᔪᐊᕐᓂᐅᔪᒥ.

ᐅᐱᒋᔭᖃᓚᐅᖅᐳᖅ ᐃᓴᒃᓯᒪᒋᑦ ᐃᓅᓯᕐᒧᑦ ᑲᑎᒪᔨᐅᔪᓂ ᒪᒥᓴᕐᓂᕐᓄᑦ ᐱᒋᐊᕈᑕᐅᔪᓄᑦ ᐊᒻᒪ ᐅᓂᒃᑳᕆᓪᓗᓂ ᐊᖅᑯᓴᕆᐊᖅ ᓄᓇᕗᒻᒥ ᒪᒥᓴᕐᕕᖕᒥ, ᒫᓐᓇᐅᔪᒥ ᓇᑉᐸᖅᑎᕆᔭᐅᕙᓪᓕᐊᔪᒥ ᐃᖃᓗᖕᓂ, ᐱᕚᓪᓕᕈᑎᖃᕐᓂᐊᕐᓂᖓᓂ ᐃᓄᖕᓂ ᓯᕗᓂᒃᓴᒥ.

ᐅᖃᓚᐅᖅᐳᖅ ᑕᑯᕙᒃᐳᖅ ᓂᕆᐅᖕᓂᕐᒥ ᑲᑎᓐᓂᐅᔪᓂ ᑕᐃᒪᓐᓇᑎᑐᑦ ᐱᓕᕆᐊᖑᓚᐅᖅᑐᒥ ᐱᓇᓱᐊᕈᓯᐅᓚᐅᖅᑐᒥ ᖁᙱᐊᖅᑎᖏᑦ ᐃᓄᑐᖃᐅᓪᓗᑎᒃ ᐊᒻᒪ ᐆᒪᐃᓐᓇᖅᓯᒪᔪᓂ.

“ᑲᔪᓰᓐᓇᕆᐊᖃᖅᐳᒍᑦ ᒪᒃᑯᒃᑐᓄᑦ,” ᐲᑰ ᐅᖃᓚᐅᖅᐳᖅ, ᐃᓚᒋᐊᖅᓯᓪᓗᓂ “ᐆᒻᒪᑎᓐᓂ ᐃᑲᔪᓲᖑᕗᖅ ᑕᑯᒑᖓᒪ ᑲᑎᓐᓂᐅᔪᓂ ᑕᐃᒪᓐᓇᑎᑐᑦ ᐅᖃᐅᓯᐅᓪᓗᓂ ᐊᑐᕐᓂᑰᖕᒪᑦ.

“ᓄᓇᓕᑐᐊᕆᙱᑕᕗᑦ ᐅᕝᕙᓘᓐᓃᑦ ᐅᕙᖓᑐᐊᖅ ᑕᐃᒪᓐᓇ ᐃᒃᐱᒍᓱᖕᓂᓐᓂ; ᑕᒪᒃᑭᓂ ᓄᓇᓕᖕᓂ, ᐃᓄᖕᓂ ᐋᓐᓂᐊᖅᑐᖃᖅᐳᖅ ᑕᐃᒪᐃᓐᓂᑦᑎᓐᓂ ᐅᕙᓂ ᐊᒻᒪ ᐅᑎᓲᖑᕗᖅ ᐊᑕᐅᓯᑐᐊᕐᒧᑦ ᖃᓄᐃᓐᓂᐅᔪᒧᑦ.”

ᔫᑎ ᑐᓗᕆᐊᓕᒃ ᑕᓗᕐᔪᐊᕐᒥᐅᑕᖅ ᐅᖃᐅᓯᖃᓚᐅᖅᐳᖅ ᐊᔾᔨᐸᓗᐊᓂ ᐊᑐᕐᓂᑯᖓᓐᓂ ᐱᓕᕆᓂᖃᕐᓂᕐᒥ ᐊᓯᐅᔨᓂᕐᒥ.

ᐅᖃᓯᖃᓚᐅᖅᐳᖅ ᓯᕗᓂᐊᓂ ᐅᓪᓗᖓᓂ ᐆᒪᓯᒪᐃᓐᓇᖅᑐᓂ ᑲᑎᒪᔨᐅᔪᓂ ᓇᕙᓕᒃ ᑐᓗᒐᓐᓇᖅ ᐃᖃᓗᒃᑑᑦᑎᐊᕐᒥᐅᑕᖅ ᓇᓗᓇᐃᖅᓯᓚᐅᕐᓂᖓᓂ ᐊᒡᕕᐊᕈᑕᐅᔪᓂ ᐱᓂᕐᒧᑦ ᒪᒥᓴᕐᓂᕐᒥ ᐱᔨᑦᑎᕋᕐᓂᐅᔪᓂ ᐃᓄᑐᖃᕐᓂ.

“ᐊᒥᓱᐊᓗᖕᓂ ᖃᓄᐃᓐᓂᐅᔪᓂ ᐅᕙᒍᑦ ᕿᑎᕐᒥᐅᑕᐅᔪᒍᑦ ᐊᑐᐃᓐᓇᖃᙱᓐᓂᑦᑎᓐᓂ ᐃᑲᔪᕈᑎᒃᓴᓄᑦ ᑭᕙᓪᓕᕐᒥᐅᑦ ᐊᒻᒪ ᕿᑭᖅᑖᓗᖕᒥᐅᑦ ᐊᑐᐃᓐᓇᖃᕐᓂᖏᓐᓂ,” ᑐᓗᕆᐊᓕᒃ ᐅᖃᓚᐅᖅᐳᖅ.

“ᑕᑯᔪᒪᓇᔭᖅᐳᖓ ᐅᓄᕐᓂᖅᓴᐅᔪᓂ ᑲᑐᔾᔭᐅᔪᓂ ᐱᓕᕆᐊᒃᓴᐅᔪᓂ, ᐃᓂᒃᓴᓂ ᐊᒻᒪ ᑲᑐᔾᔨᖃᑎᒌᖑᔪᓂ ᑕᒪᒃᑭᓂ ᐊᕕᒃᑐᖅᓯᒪᓂᐅᔪᓂ ᓄᓇᕗᒻᒥ.”

ᒪᐃᒋᓐ ᒥᑦᔅ ᕼᐊᐃᔅᓚ ᓇᐃᓴᓐ, ᐳᕆᑎᔅ ᑲᓚᒻᐱᐊᒥᐅᑕᖅ ᐊᑐᐃᓐᓇᖃᓚᐅᖅᐳᖅ ᐅᖃᐅᓯᒃᓴᒥ ᓴᙱᓂᐅᔪᒥ.

“ᐳᐃᒍᕆᐊᖃᙱᑉᐳᒍᑦ ᑕᒪᒃᑭᓂ ᑎᒍᒥᐊᖅᓯᒪᔭᑦᑎᓐᓂ ᐃᓱᒪᒋᓇᒍ ᑕᐃᒃᑯᓂᖓ ᐱᔮᖅᑯᑕᐅᓪᓗᑎᒃ ᐊᒃᓱᕈᕐᓂᐅᔪᓂ ᐊᖅᓵᖅᑕᐅᓂᑦᑎᓐᓂ ᑭᓴᐅᓂᑦᑎᓐᓂ,” ᐅᖃᓚᐅᖅᐳᖅ.

“ᖃᖓᒃᑲᓐᓂᖅ, ᑕᒪᑦᑕ ᓯᕗᓕᖅᑎᐅᓛᖅᐳᒍᑦ ᑎᑭᑉᐸᓪᓕᐊᔪᓂ ᐱᐅᓯᖃᑎᒌᖑᔪᓂ ᐅᖃᐅᓯᖃᕐᓂᐊᖅᑐᓂ ᑕᐃᒫᒃ ᐃᒪᐃᓪᓗᐊᖅᐳᒍᑦ, ᐅᑎᖅᑎᕆᓗᑕ, ᐅᕙᑦᑎᓐᓂ ᐅᐱᒋᓗᑕ, ᐃᖅᑲᐅᒪᓗᑕ ᑭᓇᐅᓂᑦᑎᓐᓂ ᐊᒻᒪ ᐃᒃᐱᒍᓱᑦᑎᐊᕐᓗᑕ ᐅᕙᑦᑎᓐᓂ ᐊᒻᒪ ᐅᓂᒃᑳᕆᔭᑦᑎᓐᓂ.”

ᑲᑎᒪᓂᐅᔫᑉ ᐃᓚᖓ ᑲᑎᓐᓂᐅᔪᒥ ᐃᓱᓕᓚᐅᖅᐳᖅ ᕕᕗᐊᕆ 1−ᒥ ᒪᑐᔭᐅᕙᓪᓕᐊᔪᒥ ᐅᖃᐅᓯᒃᓴᐅᔪᓂ ᒨᕆᒥ, ᐅᖃᐅᓯᖃᓚᐅᕐᒥᔪᖅ ᐅᖃᐅᓯᒃᓴᓕᐊᖑᔪᓂ ᑎᓴᒪᓂ ᒪᒃᑯᒃᑐᓄᑦ ᑲᑎᒪᖃᑕᐅᔪᓂ.

“ᐅᕙᑦᑎᓐᓂ ᐅᐱᒍᓱᒃᑎᑦᑎᕗᓯ ᐊᒻᒪ ᓯᕗᓕᖅᐳᑦ ᐅᐱᒍᓱᒃᑎᑉᐸᔅᓯᐅᒃ,” ᐅᖃᓚᐅᖅᐳᖅ.

ᖃᓂᒡᓕᓕᖅᖢᓂ ᐃᓱᖓᓂ ᐊᕐᕌᒍᓄᑦ−ᒪᕐᕉᖕᓄᑦ ᑎᒃᑯᐊᖅᑕᐅᓯᒪᓂᖓᓂ ᐊᓯᐊᒎᖅᑐᒥ ᐅᖃᓪᓚᒃᑎᐅᔪᒥ, ᒨᕆ ᐅᖃᓚᐅᖅᐳᖅ ᐊᖏᓪᓗᓂ ᐱᓕᕆᐊᒃᓴᖓ ᑎᑭᑉᐸᓪᓕᐊᔪᓄᑦ ᑕᖅᑭᓄᑦ ᑲᑎᖅᓱᐃᓂᕐᒥ ᐅᖃᓪᓚᐅᓯᐅᓯᒪᔪᓂ ᑕᒪᒃᑭᓂ ᑲᓇᑕᒥ ᑲᑎᓐᓂᐅᔪᓂ ᑲᓇᑕᓕᒫᒥ ᐊᒻᒪ ᑎᑎᕋᕐᓗᓂ ᐅᓂᒃᑳᓕᐊᒥ ᒐᕙᒪᑐᖃᒃᑯᓐᓄᑦ ᓴᖅᑭᑎᑦᑎᔪᒥ ᒪᓕᒐᑎᒍᑦ ᐋᖅᑭᒃᑕᐅᓯᒪᓂᐅᔪᒥ ᐊᓯᐅᖅᑲᔪᓄᑦ ᓄᓇᖃᖅᑳᖅᓯᒪᔪᓄᑦ ᓱᕈᓯᕐᓂ ᐊᒻᒪ ᓇᓗᓇᐃᒃᑯᓯᖅᓯᒪᙱᑦᑐᓂ ᐃᓗᕕᕐᓂᑦ.

ᐅᑯᐊ ᓇᓂᔭᐅᓂᐅᔪᑦ ᑎᑎᕋᖅᑕᐅᓂᐊᖅᐳᑦ ᑲᑎᓐᓂᐅᔪᒥ ᐋᑐᕚᒥ ᔫᓂᒥ.

“ᐃᓱᒪᒋᔭᓐᓂ, ᑲᓇᑕ ᐱᕋᔭᖕᓂᖃᖅᐳᖅ ᐃᑲᔪᙱᒃᑯᑎᒃ ᓄᓇᓕᖕᓂ ᓇᓂᓯᓂᖏᓐᓂ ᑕᒪᒃᑭᓂ ᐊᓯᐅᓯᒪᔪᓂ ᓱᕈᓯᕐᓂ,” ᒨᕆ ᐅᖃᓚᐅᖅᐳᖅ.

“ᖁᔭᓐᓇᒦᒃ ᐅᖃᐅᓯᖃᕐᓂᕐᒥ ᖃᐅᔨᒪᓂᕐᓂᑦ ᐊᒻᒪ ᖁᔭᓐᓇᒦᒃ ᑐᕌᖅᑎᑦᑎᓂᕐᒥ ᑲᓇᑕᒥ ᐃᖏᕐᕋᐃᓐᓇᖅᑎᓪᓗᑕ ᐆᒧᖓ ᐊᖅᑯᑕᐅᔪᒥ ᐅᑎᖅᑎᕆᓂᕐᒥ ᓱᕈᓯᕐᓂ.”