ᑕᓯᐅᔭᕐᔪᐊᑉ ᑲᓇᖕᓇᖓᓂ ᕿᓚᓗᒐᕐᕕᐅᔪᓐᓇᖅᑐᖅ ᒥᒃᖠᕚᓪᓕᖅᐳᖅ

For the English version of this story, please see Zone for eastern Hudson Bay beluga protection shrinks, Inukjuak now outside it.

ᐃᓱᒋᔭᐅᔪᑦ ᓇᓗᓇᐃᒃᑯᑎ ᓴᐳᔾᔨᓯᒪᕝᕕᖕᓂ ᕿᓚᓗᒐᕐᓂ ᑕᓯᐅᔭᕐᔪᐊᑉ ᑲᓇᖕᓇᖓᓂ ᒥᑭᓐᓂᕐᓴᐅᔪᖅ ᐃᓱᒪᓕᐅᕆᓚᐅᕐᑎᓪᓗᒋᑦ ᓄᓇᕕᒻᒥ ᑕᕆᐅᕐᒥᐅᑕᓕᕆᔨᒃᑯᑦ ᑲᑎᒪᔨᖏᓐᓄᑦ ᐊᖏᕐᑕᐅᓪᓗᓂᓗ ᒐᕙᒪᑐᖃᒃᑯᓐᓄᑦ.

ᐃᖃᓗᓕᕆᔨᒃᑯᑦ ᐊᒻᒪ ᑕᕆᐅᕐᒥᐅᑕᓕᕆᔨᒃᑯᑦ ᑐᓴᖅᑎᑦᑎᕗᑦ ᐊᓯᔾᔨᖅᑕᐅᓂᑯᓂ ᐅᒃᑑᐱᓂ 3-ᒥ ᑐᓴᒐᒃᓴᑎᒍᑦ.

ᐊᖑᓇᓱᒃᑏᑦ ᕿᓚᓗᒐᕈᓐᓇᖅᑕᖏ ᐃᓱᖃᖅᑎᑕᐅᕙᒃᑐᖅ ᑕᒫᓐᓂ ᓇᓗᓇᐃᒃᑯᑎᖃᕐᕕᐅᔪᒥ ᐊᕐᕌᒍᑕᒫᓐ.

ᑭᓯᐊᓂᓕ ᐅᐊᖕᓇᖅᐸᓯᐊᑕ ᐃᓱᖃᕐᕕᖓ ᕿᓚᓗᒐᓕᕆᓂᕐᒧᑦ ᐃᓄᒃᔪᐊᒃ ᓂᒋᐊᓃᓕᕐᑐᖅ, ᑖᓐᓇᓗ ᑐᑭᖃᖅᖢᓂ ᐊᖑᓇᓱᒃᑎᐅᔪᑦ ᕿᓚᓗᒐᕈᓐᓇᖅᓯᔪᑦ ᖃᔅᓯᑐᐃᓐᓇᕐᓂ ᓯᒡᔭᖏᓐᓃᑦᑐᓂᒃ.

ᐅᓇ ᓇᑕᐴᑲ ᑰᒃ ᑕᕆᐅᕐᒥᐊᖓᕙᒃᑐᖅ ᐊᒻᒪᓗ ᐅᓇ ᓕᑐ ᕗᐃᐅᓪ ᑰᒃ ᑕᕆᐅᕐᒧᐊᖓᔪᖅ ᓱᓕ ᒪᑐᓯᒪᑎᑕᐅᔪᑦ ᐊᒻᒪᓗ ᐊᖏᖅᑕᐅᓯᒪᔪᒥ ᐊᖑᓇᓱᒍᒪᓂᕐᒧᑦ ᐸᕐᓇᐅᓯᐅᕐᓯᒪᔭᕆᐊᖃᖅᖢᑎᒃ ᒪᑐᐃᓐᓂᐊᕐᓂᖓᓄᑦ.

ᐊᖑᓇᓱᒃᑏᑦ ᐊᖑᓇᓱᒍᒪᔪᑦ ᐃᓄᒃᔪᐊᒃ ᖃᓂᒋᔭᖓᓂ ᖃᐅᔨᑎᑦᑎᔭᕆᐊᖃᕐᑐᑦ ᐃᓄᒃᔪᐊᒃ ᐊᖑᕕᒐᖅᑯᓐᓂ — ᑲᑐᔾᔨᖃᑎᒌ ᓴᐳᔾᔨᓯᒪᓂᕐᒥ ᐊᒻᒪ ᐃᓄᐃᑦ ᐊᖑᓇᓱᒍᓐᓇᕐᓂᖏᓐᓂ ᐱᔪᓐᓇᐅᑎᖏᓐᓂ ᖃᐅᔨᒪᑎᑦᑎᓪᓗᑎᒃ ᓄᓇᕕᒃᒥ — ᖃᐅᔨᒪᑎᑦᑎᔾᔪᑎᐅᓇᓱᒃᖢᓂ ᓄᓇᓕᖕᓂ ᒪᓕᒐᕋᓛᓂ, ᐱᓕᕆᕝᕕᒃ ᐅᖃᓚᐅᕐᑐᖅ.

ᐊᓯᔾᔨᖅᑕᐅᔪᖅ, ᑐᓴᖅᑎᑦᑎᔾᔪᑎᐅᓚᐅᕐᑐᖅ ᐊᖑᓇᓱᒃᑎᓄᑦ ᐅᒃᑑᐱᕆ 2-ᒥ, ᓄᓇᕕᒻᒥ ᑕᕆᐅᕐᒥᐅᑕᓕᕆᔨᒃᑯᑦ ᑲᑎᒪᔨᖏᓐᓄᑦ ᐃᓱᒪᓕᐅᕆᔭᐅᓯᒪᓪᓗᓂ ᐊᒻᒪᓗ ᐊᖏᖅᑕᐅᓚᐅᖅᖢᓂ ᐆᒧᖓ ᑕᐃᐋᓐ ᓕᐳᑎᓕᐅᒧᑦ, ᒥᓂᔅᑕ ᐃᖃᓗᓕᕆᔨᒃᑯᓐᓄᑦ, ᑕᕆᐅᕐᒥᐅᑕᓕᕆᔨᓄᑦ ᐊᒻᒪᓗ ᑲᓇᑕᐅᑉ ᓯᒡᔭᖏᓐᓄᑦ ᓴᐳᓐᓂᐊᖅᑎᓄᑦ.

ᐅᓇ ᐋᖅᑭᒋᐊᖅᑕᐅᓯᒪᔪᖅ ᐃᓂᐅᔪᖅ ᒫᓃᑦᑐᖅ ᑕᓯᐅᔭᕐᔪᐊᑉ ᑲᓇᖕᓇᖓᑕ ᓯᒡᔭᒋᓐᓂ ᐊᒻᒪ ᔭᐃᒻᔅ ᐸᐃ, ᐊᒻᒪᓗ ᑐᑭᓕᐊᖅᑐᓂ ᓇᓗᓇᐃᖅᑕᐅᓯᒪᓪᓗᓂ ᐃᒪᓐᓇ:

1. ᑐᑭᒧᑦ 54° 54′ 35″ ᐅᐊᖕᓇᖅ, ᓴᓂᒧᑦ 78° 45′ 21″ ᐱᖓᖕᓇᖅ;
2. ᑐᑭᒧᑦ 55°15′ 0″ ᐅᐊᖕᓇᖅ, ᓴᓂᒧᑦ 79° 0′ 0″ ᐱᖓᖕᓇᖅ;
3. ᑐᑭᒧᑦ 55° 45′ 0″ ᐅᐊᖕᓇᖅ, ᓴᓂᒧᑦ 78° 0′ 0″ ᐱᖓᖕᓇᖅ;
4. ᑐᑭᒧᑦ 56° 0′ 0″ ᐅᐊᖕᓇᖅ, ᓴᓂᒧᑦ 77° 30′ 0″ ᐱᖓᖕᓇᖅ;
5. ᑐᑭᒧᑦ 56° 22′ 0″ ᐅᐊᖕᓇᖅ, ᓴᓂᒧᑦ 77° 25′ 0″ ᐱᖓᖕᓇᖅ;
6. ᑐᑭᒧᑦ 57° 0′ 0″ ᐅᐊᖕᓇᖅ, ᓴᓂᒧᑦ 77° 25′ 0″ ᐱᖓᖕᓇᖅ;
7. ᑐᑭᒧᑦ 57° 40′ 0″ ᐅᐊᖕᓇᖅ, ᓴᓂᒧᑦ 78° 0′ 0″ ᐱᖓᖕᓇᖅ;
8. ᑐᑭᒧᑦ 57° 46′ 58.656″ ᐅᐊᖕᓇᖅ, ᓴᓂᒧᑦ 78° 37′ 11.460″ ᐱᖓᖕᓇᖅ;
9. ᑐᑭᒧᑦ 58° 20′ 53.088″ ᐅᐊᖕᓇᖅ, ᓴᓂᒧᑦ 77° 59′ 11.148″ ᐱᖓᖕᓇᖅ.

ᐱᓕᕆᕝᕕᐅᑉ ᑐᓴᒐᒃᓴᖓ ᐊᒻᒪ ᐊᖑᓇᓱᒃᑐᓂ ᐱᓇᓱᖃᑦᑕᖁᔨᓯᒪᔪᖅ ᐊᔪᕐᓇᙱᑦᑕᕌᖓᑦ ᑕᒪᒃᑯᐊ ᑲᑎᑕᐅᕙᓪᓕᐊᕙᒃᑐᑦ ᖃᐅᔨᓴᕈᑎᐅᓂᐊᕐᒪᑕ ᖃᓄᐃᙱᒃᑲᓗᐊᕆᐊᒃᓴᖏᓐᓂ ᕿᓚᓗᒐᐃᑦ ᐊᒻᒪᓗ ᐊᑯᓂᕈᓗ ᐊᖑᓇᓱᖕᓇᕐᓂᕐᓴᐅᔪᓐᓇᕐᓗᓂ.

ᖃᐅᔨᓴᖅᑕᐅᔾᔪᑎᒃᓴᑦ ᐱᔭᐅᔪᓐᓇᕐᑐᑦ ᑕᒪᐃᓐᓂ ᓄᓇᓖᑦ ᐊᖑᕕᒐᒃᑯᑦ ᑎᑎᕋᕐᕕᖏᓐᓂ.