ᐸᓖᓯᒃᑯᑦ ᐸᓯᔭᒃᓴᙳᖅᑎᑦᑎᕗᑦ ᐃᓅᓱᒃᑐᒥ ᐊᕐᓇᕐᒥ ᖁᑭᖅᑕᐅᔪᖃᓚᐅᖅᑎᓪᓗᒍ ᐱᐱ ᒐᓐᒧᑦᐊᔾᔨᓕᐅᒐᖅᑎᒍᑦ

ᐃᖃᓗᖕᓂ ᐃᓅᓱᒃᑐᖅ ᑎᓴᒪᓄᑦ ᐸᓯᔭᒃᓴᐅᑎᑕᐅᕗᖅ ᒪᕐᕉᖕᓄᑦ ᖃᓄᐃᓕᐅᕈᓰᖕᓄᑦ ᐃᖃᓗᖕᓂ ᑕᖅᑭᐅᓚᐅᖅᑐᒥ.

ᐸᓖᓯᒃᑯᑦ ᐃᖃᓗᖕᓂ ᐸᓯᔭᒃᓴᙳᖅᑎᑦᑎᓚᐅᖅᑐᑦ ᐃᓅᓱᒃᑐᒥ ᐊᕐᓇᕐᒥ ᖁᑭᖅᑕᐅᔪᖃᓚᐅᖅᑎᓪᓗᒍ ᐱᐱ ᒐᓐᒧ ᐃᖃᓗᖕᓂ ᔪᓚᐃ 20-ᒥ.

ᐃᖃᓗᖕᓂ ᐸᓖᓯᒃᑯᑦ ᐅᖄᓚᕝᕕᐅᓚᐅᕐᓯᒪᖕᒪᑕ ᐊᕐᓇᕐᒥ ᐅᓐᓄᓴᒃᑯᑦ 5:20-ᒥ, ᐸᓖᓯᑦ ᐅᖃᖅᑎᖓ ᑰᐳᕈᓪ ᔪᐊᔾ ᕼᐊᓐᓄᕆ ᐅᖃᓚᐅᕐᑐᖅ ᔪᓚᐃ 25-ᒥ ᖃᕋᓴᐅᔭᒃᑯᑦ ᑎᑎᕋᖅᖢᓂ.

“ᐃᓅᓱᒃᑐᖅ ᓇᓗᓇᐃᖅᑕᐅᓚᐅᕐᑐᖅ ᐊᒻᒪᓗ ᐸᓯᔭᒃᓴᙳᖅᑎᑕᐅᓪᓗᓂ ᑲᓇᑕᒥ ᐱᕋᔭᒃᑐᓕᕆᓂᒃᑯᑦ,” ᕼᐊᓐᓄᕆ ᐅᖃᓚᐅᕐᑐᖅ.

ᑖᓐᓇ ᐃᓅᓱᒃᑐᖅ ᐸᓯᔭᒃᓴᙳᖅᑎᑕᐅᓚᐅᕐᑐᖅ ᓱᒋᐅᑎᖃᕐᓂᕐᒧᑦ ᖁᐊᕐᓵᕐᓇᖅᑐᒧᑦ ᐊᒻᒪ ᐋᓐᓂᖅᓯᓂᕐᒥ ᓱᒋᐅᑎᒧᑦ.

ᐸᓖᓯᒃᑯᑦ ᐅᖃᓚᐅᙱᑦᑐᑦ ᖃᓯᓂ ᐅᑭᐅᖃᕐᒪᖔᑦ ᐊᖑᑕᐅᒪᖔᓪᓘᓐᓃᑦ.

ᐊᕐᓇᐅᑉ ᐋᓐᓂᖅᑕᐅᔾᔪᑎᖏ ᐊᒃᓱᐊᓘᓚᐅᙱᑦᑐᑦ ᐊᒻᒪ ᐃᒻᒥᓂ ᐊᖁᑦᑐᓐᓇᖅᖢᓂ ᕿᑭᖅᑕᓂ ᐋᓐᓂᐊᕕᐊᓗᒃᒧᑦ, ᐅᖃᓚᐅᕐᑐᖅ ᕼᐊᓐᓄᕆ.

ᖃᐅᒃᐸᙳᖅᑎᓪᓗᒍ, ᔪᓚᐃ 21-ᒥ, ᑖᓐᓇᑦᑕᐃᓐᓇᖅ ᐃᓅᓱᒃᑐᖅ ᐸᓯᔭᒃᓴᙳᖅᑎᑕᐅᒃᑲᓐᓂᓚᐅᕐᑐᖅ ᐊᓯᐊᓄᓪᓕ. ᐃᓅᓱᒃᑐᖅ ᐸᓯᔭᒃᓴᙳᖅᑎᑕᐅᓪᓗᓂ ᐋᓐᓂᕐᓯᓂᕐᒥ ᐊᒻᒪ ᐋᓐᓂᕐᓯᓂᕐᒥ ᓱᒋᐅᑎᖃᖅᖢᓂ.

ᐃᓄᐃᑦ ᐊᕐᕌᒍᓖᑦ 18 ᑐᖔᓂ ᐸᓯᔭᒃᓴᙳᖅᑎᑕᐅᔪᑦ ᓇᓗᓇᐃᖅᑕᐅᔪᓐᓇᙱᒻᒪᑕ ᒪᓕᒡᓗᒋᑦ ᐃᓅᓱᒃᑐᓂᒃ ᐱᕋᔭᒃᑐᓕᕆᓂᕐᑯᑦ.

ᐃᓅᓱᒃᑐᖅ ᓯᕗᓪᓕᖅᐹᕐᒥ ᐃᖅᑲᖅᑐᐃᕕᖕᒥ ᑲᒪᒋᔭᐅᓛᖅᖢᓂ ᓯᑎᐱᕆ 20-ᒥ.