ᐃᓄᐃᖅ ᑕᐱᕇᑦ ᑲᓇᑕᒥ ᐱᒋᐊᖅᑎᑦᑎᕗᖅ ᐃᓄᒃᑐᑦ ᑎᑎᕋᕐᓂᐅᔪᒥ ᓴᖑᑎᑦᑎᓂᐅᔪᒥ ᐱᓕᕆᔾᔪᑎᒥᒃ

ᐊᑐᖅᑎᐅᔪᑦ ᐊᓯᔾᔨᖅᓯᔪᓐᓇᖅᓯᕗᑦ ᐊᕕᒃᑐᖅᓯᒪᓂᐅᔪᓂ ᖃᓕᐅᔮᖅᐸᐃᓂᑦ ᐊᑕᐅᓯᐅᔪᒧᑦ ᐃᓄᒃᑐᑦ ᑎᑎᕋᕐᓂᕐᒧᑦ ᐱᓕᕆᔾᔪᓯᐅᔪᒧᑦ

ᐃᓄᐃᖅ ᑕᐱᕇᑦ ᑲᓇᑕᒥ’s ᐃᓄᒃᑐᑦ ᖃᓕᐅᔮᖅᐸᐃᑦ ᓴᖑᑎᑦᑎᓂᐅᔪᒥ ᐱᓕᕆᔾᔪᑕᐅᔪᒥ ᓴᖑᑎᑦᑎᓲᖑᕗᖅ ᐊᕕᒃᑐᖅᓯᒪᓂᐅᔪᒥ ᖃᓗᐃᔮᖅᐸᓂ ᑎᑎᕋᖅᓯᒪᔪᓂ ᓇᕿᑦᑕᖅᑕᐅᓯᒪᔪᓂ ᐅᕝᕙᓘᓐᓃᑦ ᐊᔾᔨᒋᔭᖓᓂ ᐊᒻᒪ ᓂᐱᑎᕆᓯᒪᔪᒥ ᐅᖃᓪᓚᐅᓯᓄᑦ ᓲᕐᓗ ᐃᓄᐃᓐᓇᖅᑐᒧᑦ ᐃᓄᒃᑐᑦ ᖃᓕᐅᔮᖅᐸᐃᓄᑦ, ᐅᕝᕙᓘᓐᓃᑦ ᐃᒡᓗᖔᖓᒧᑦ. (ᖃᕋᓴᐅᔭᒃᑯᑦ ᐊᔾᔨᓕᐅᖅᑕᐅᔪᖅ ᐃᓄᐃᖅ ᑕᐱᕇᑦ ᑲᓇᑕᒥ ᐃᑭᐊᖅᑭᕕᖓᓐᓂ)

By ᒥᕆᐅᓪ ᔭᒫᓪᒧᑦ

For English version, see ITK launches Inuktut text conversion tool

ᐃᓄᐃᖅ ᑕᐱᕇᑦ ᑲᓇᑕᒥ ᑭᖑᓪᓕᖅᐹᖑᓪᓗᓂ ᑲᑐᔾᔨᖃᑎᒌᖑᕗᑦ ᐱᒋᐊᖅᑎᑦᑎᓂᕐᒥ ᖃᕋᓴᐅᔭᑎᒍᑦ ᐱᓕᕆᔾᔪᑕᐅᔪᒥ ᑐᕌᖓᔪᒥ ᐃᓄᒃᑐᑦ ᐊᑐᐃᓐᓇᐅᓂᖅᓴᐅᓂᖓᓂ.

ᑲᓇᑕᒥ ᐃᓄᖕᓄᑦ ᑲᑐᔾᔨᖃᑎᒌᖑᔪᒥ ᐱᒋᐊᖅᑎᑦᑎᓚᐅᖅᐳᖅ ᐃᓄᒃᑐᑦ ᖃᓕᐅᔮᖅᐸᐃᑦ ᓴᖑᑎᑦᑎᓂᐅᔪᒥ ᐱᓕᕆᔾᔪᑎᒥᒃ ᐃᑭᐊᖅᑭᕕᖓᓂ ᐅᒃᑐᐱᕆ 19−ᒥ.

ᐃᓄᒃᑐᑦ ᖃᓕᐅᔮᖅᐸᐃᑦ ᐊᑕᐅᓯᙳᖅᑎᑕᐅᔪᒥ ᑎᑎᕋᕐᓂᕐᒧᑦ ᐱᓕᕆᔾᔪᓯᐅᕗᖅ ᑕᒪᒃᑭᓄᑦ ᐊᕕᒃᑐᖅᓯᒪᓂᐅᔪᓄᑦ ᐊᒻᒪ ᐅᖃᓪᓚᐅᓯᓄᑦ ᐃᓄᒃᑐᑦ ᐃᓚᖃᖅᑐᒥ ᐃᓄᐃᓐᓇᖅᑐᓐ ᐊᒻᒪ ᐃᓄᕕᐊᓗᒃᑐᓐ. ᐊᑐᓲᖑᕗᖅ ᖃᓕᐅᔮᖅᐸᐃᓂ — ᑕᐃᒪᓐᓇᑦᑕᐃᓐᓇᖅ ᑎᑎᕋᕈᓯᐅᔪᓂ ᐊᑐᖅᑕᐅᕙᒃᑐᒥ ᑎᑎᕋᕐᓂᕐᒧᑦ ᖃᓪᓗᓈᑎᑐᑦ — ᐃᓄᒃᑎᑑᙱᖔᖅᑐᒥ.

ᐃᓄᐃᖅ ᑕᐱᕇᑦ ᑲᓇᑕᒥ ᖃᕋᓴᐅᔭᑎᒍᑦ ᐱᓕᕆᔾᔪᑎᖓ ᓴᖑᑎᑦᑎᓲᖑᕗᖅ ᐊᕕᒃᑐᖅᓯᒪᓂᐅᔪᒥ ᖃᓕᐅᔮᖅᐸᐃᑦ ᐊᕕᒃᑐᖅᓯᒪᓂᐅᔪᒥ ᖃᓗᐃᔮᖅᐸᓂ ᑎᑎᕋᖅᓯᒪᔪᓂ ᓇᕿᑦᑕᖅᑕᐅᓯᒪᔪᓂ ᐅᕝᕙᓘᓐᓃᑦ ᐊᔾᔨᒋᔭᖓᓂ ᐊᒻᒪ ᓂᐱᑎᕆᓯᒪᔪᒥ ᐅᖃᓪᓚᐅᓯᓄᑦ ᐊᑐᖅᑎᐅᔪᓄᑦ ᐃᓄᒃᑐᑦ ᖃᓕᐅᔮᖅᐸᐃᓄᑦ, ᐅᕝᕙᓘᓐᓃᑦ ᐃᒡᓗᖔᖓᓄᑦ.

ᑲᑐᔾᔨᖃᑎᒌᖑᔪᓄᑦ ᐊᖓᔪᖅᑳᖓ ᓇᑖᓐ ᐆᐱᑦ ᐅᖃᓚᐅᖅᐳᖅ ᐃᓱᒪᓂᐅᔪᖅ ᐅᕙᙶᖅᐳᖅ 2011−ᒥ ᑲᓇᑕᒥ ᐃᓕᓐᓂᐊᕐᓂᖓᓂ ᐸᕐᓇᒍᑎᐅᔪᒥ.

“ᐱᔪᓐᓇᙱᓐᓂᐅᔪᒥ [ᐃᓕᓐᓂᐊᖅᑎᑦᑎᓂᕐᒥ ᐃᓕᓐᓂᐊᖅᑎᓂ ᐃᓄᒃᑐᑦ] ᐃᓚᖃᒐᔪᓚᐅᖅᐳᖅ ᐱᑕᖃᙱᓗᐊᕐᓂᖓᓂ ᐃᑲᔪᕈᑎᒃᓴᓂ, ᐅᕝᕙᓘᓐᓃᑦ ᐱᑕᖃᙱᓗᐊᕐᓂᖓᓂ ᐊᑐᐃᓐᓇᖃᕐᓂᕐᒥ ᐊᔾᔨᒌᙱᑦᑐᓂ ᐱᒻᒪᕆᐅᔪᓂ ᐃᓚᒋᔭᐅᔪᓂ ᐃᓕᓐᓂᐊᕐᓂᐅᔪᒥ ᐱᓕᕆᔾᔪᓯᐅᔪᒥ ᐃᓄᒃᑐᑦ,” ᐅᖃᓚᐅᖅᐳᖅ.

“ᖃᐅᔨᒪᕗᖓ ᐃᓕᓴᐃᔨᐅᔪᑦ ᑕᐅᑐᙳᐊᖅᓯᒪᓂᖏᓐᓂ ᐆᒥᖓ ᐊᑕᐅᓯᙳᖅᓯᒪᔪᒥ ᐱᓕᕆᔾᔪᓯᐅᔪᒥ ᐱᔪᓐᓇᖅᑎᑦᑎᓇᔭᕐᓂᖓᓂ ᑲᓇᑕᒥ [ᐃᓕᑦᑎᓂᕐᒥ] ᓴᓇᓯᒪᔪᓂ ᑐᓂᔭᐅᔪᓐᓇᕐᓂᖓᓂ ᓇᒧᕈᓘᔭᖅ ᐅᖓᓯᒃᑐᒧᑦ ᐊᒻᒪᓗ ᓄᓇᕐᔪᐊᕐᒦᓕᒫᓕᕐᓗᓂ.”

ᓴᖑᑎᑦᑎᔾᔪᑦ ᐊᓯᔾᔩᓲᖑᕗᖅ ᑎᑎᕋᖅᓯᒪᓂᐅᔪᓂ ᐅᑯᓇᓂ ᐊᔾᔨᒌᙱᑦᑐᓂ ᑎᑎᕋᕐᓂᕐᒧᑦ ᐱᓕᕆᔾᔪᓯᐅᔪᓂ ᐃᑲᔪᕐᓂᕐᒧᑦ ᐅᖃᓕᒫᖅᑕᐅᔪᓐᓴᕐᓂᖓᓂ. ᑐᑭᓕᐅᕆᕙᙱᓚᖅ ᐅᖃᐅᓯᕐᓂᑦ ᐅᕝᕙᓘᓐᓃᑦ ᑐᑭᖏᓐᓂ ᐅᖃᓪᓚᐅᓯᐅᔪᓄᑦ.

ᐅᖃᐅᓯᐅᔪᑦ ᐊᒻᒪ ᐅᖃᖅᑕᐅᕙᖕᓂᖓᓂ ᓱᓕ ᑕᑯᒃᓴᐅᑎᑦᑎᕗᖅ ᐅᖃᓪᓚᐅᓯᐅᔪᓄᑦ ᑎᑎᕋᖅᑕᐅᓯᒪᓂᖓᓂ.

“ᑕᐃᑲᓂᓗᒃᑖᖅ ᐆᒥᖓ ᐱᓕᕆᐊᒃᓴᐅᔪᒥ, ᐅᖃᖅᓯᒪᐃᓐᓇᖅᐳᒍᑦ ᐃᓇᖏᖅᓯᓇᓱᙱᓐᓂᑦᑎᓐᓂ ᐅᖃᓪᓚᐅᓯᐅᔪᓄᑦ ᐅᕝᕙᓘᓐᓃᑦ ᑎᑎᕋᖅᓯᒪᔪᓂ ᐅᖃᓪᓚᐅᓯᐅᔪᓄᑦ,” ᐆᐱᑦ ᐅᖃᓚᐅᖅᐳᖅ. “ᓴᖅᑭᑎᑦᑎᓇᓱᐊᖅᐳᒍᑦ ᐱᐅᔪᒥ ᑲᓇᑕᒥ ᐃᓂᐅᔪᒥ ᐅᓇ ᑎᑎᕋᕐᓂᐅᔪᒥ ᐱᓕᕆᔾᔪᓯᐅᔪᒥ ᐊᑐᖅᑕᐅᔪᓐᓇᖅᑐᒥ ᑕᒪᒃᑭᓄᑦ ᐃᓄᖕᓄᑦ.”

“ᓯᕗᓂᐊᓂ, ᓵᓚᖃᖅᑎᑕᖃᓚᐅᖅᐳᖅ ᐊᒻᒪ ᓵᓚᐅᔪᓂ ᑲᓇᑕᒥ ᑎᑎᕋᖅᓯᒪᔪᓂ ᓴᓇᓯᒪᔪᓂ, ᓇᓗᓇᐃᖅᑕᐅᓯᒪᔪᓂ ᐊᕕᒃᑐᖅᓯᒪᓂᐅᔪᓂ, ᓇᓗᓇᐃᖅᑕᐅᓯᒪᔪᒥ ᐅᖃᓪᓚᐅᓯᐅᔪᓄᑦ, ᓇᓗᓇᐃᖅᑕᐅᓯᒪᔪᒥ ᑎᑎᕋᕐᓂᕐᒧᑦ ᐱᓕᕆᔾᔪᓯᐅᔪᒥ. ᒫᓐᓇ, ᓯᕗᒻᒧᑦ ᐃᖏᕐᕋᓂᕐᒧᑦ, ᐊᒥᓱᐊᓗᖕᓂ ᐱᓕᕆᔪᓐᓇᖅᓯᓂᐊᓕᖅᐳᒍᑦ — ᑭᓱᓕᒫᖑᙱᑦᑐᓂ, ᑭᓯᐊᓂ ᐊᒥᓱᐊᓗᖕᓂ — ᐊᔾᔨᒌᓕᖅᑎᓐᓇᓱᖕᓂᕐᒥ ᑎᑎᕋᕐᓂᕐᒥ ᐱᓕᕆᔾᔪᓯᐅᔪᒥ ᑭᒃᑯᓕᒫᑦ ᐃᓕᑦᑎᔪᓐᓇᕐᓂᐊᖅᑕᖓᓂ.”

ᐃᓄᐃᖅ ᑕᐱᕇᑦ ᑲᓇᑕᒥ ᐅᖃᐅᓯᕐᒧᑦ ᐃᑲᔪᕈᑎᒃᓴᓄᑦ ᐱᓕᕆᔨᖓ ᑳᓄᒃ ᑯᒃ ᐅᖃᓚᐅᖅᐳᖅ ᓴᖑᑎᑦᑎᓂᐅᔪᒥ ᐱᓕᕆᔾᔪᑎᒥᒃ ᓴᖑᑎᑦᑎᔪᓐᓇᙱᓚᖅ ᑕᒪᒃᑭᖅᑐᓂ ᑎᑎᖅᑲᖁᑕᐅᔪᓂ ᐅᕝᕙᓘᓐᓃᑦ ᐋᖅᑭᐅᒪᑎᑦᑎᓗᓂ ᓯᕗᓪᓕᐅᒧᒥ ᐋᖅᑭᒃᓱᖅᑕᐅᓯᒪᓂᖓᓂ ᑎᑎᕋᖅᓯᒪᓂᐅᔪᓂ, ᐱᔪᓐᓇᖅᑐᒥ ᐱᓕᕆᔾᔪᑕᐅᔪᓂ ᐃᑲᔪᖅᓯᖅᑕᐅᔪᓂ ᓄᓇᕗᒻᒥ ᒐᕙᒪᒃᑯᓐᓂ ᓲᕐᓗ Microsoft ᐃᓄᒃᑎᑑᓕᕆᔾᔪᑎᒥᒃ ᐱᓕᕆᔾᔪᑕᐅᔪᒥ. ᑭᓯᐊᓂ ᑲᑐᔾᔨᖃᑎᒌᖑᔪᖅ ᖁᕕᐊᑉᐅᖅ ᐱᕙᓪᓕᐊᑎᑦᑎᓂᕐᒥ ᑕᐃᒪᐃᑦᑐᓂ ᐱᓕᕆᓂᐅᔪᓂ ᐃᓄᐊᓂ ᐃᓄᒃᑐᑦ ᖃᓕᐅᔮᖅᐸᐃᑦ ᓴᖑᑎᑦᑎᔾᔪᑎᒧᑦ.

“ᐅᓇ ᐱᒋᐊᕐᕕᐅᓪᓗᓂ ᐱᒋᐊᕈᑕᐅᕗᖅ ᓂᕆᐅᒋᔭᑦᑎᓐᓂ ᐱᓕᕆᓂᕐᒧᑦ ᐱᓕᕆᔾᔪᑕᐅᔪᓂ ᐃᑲᔪᖅᓱᐃᓂᕐᒥ ᐊᑕᐅᓯᙳᖅᑎᑕᐅᓂᖓᓂ ᑎᑎᕋᕐᓂᕐᒧᑦ ᐱᓕᕆᔾᔪᓯᐅᔪᒥ,” ᑯᒃ ᐅᖃᓚᐅᖅᐳᖅ.

“ᓂᕆᐅᒃᐳᒍᑦ ᐊᑐᖅᑕᐅᕙᓪᓕᐊᖏᓐᓇᕐᓂᐊᕐᓂᖓᓂ, ᐅᓄᕐᓂᖅᓴᐅᔪᓂ ᓱᓇᒃᑯᑖᓂ ᐊᑐᖅᑕᐅᓂᖏᓐᓂ ᐊᔾᔨᒌᙱᑦᑐᓂ ᐊᕕᒃᑐᖅᓯᒪᓂᐅᔪᓂ ᐃᓄᒃᑐᑦ ᐊᒻᒪ ᐅᓄᕐᓂᖅᓴᐅᔪᓂ ᐃᓄᖕᓂ ᐊᑐᕐᓂᖏᓐᓂ.”

Share This Story

(0) Comments

Join the Conversation

Your email address will not be published. Required fields are marked *

*