ᐃᓄᒃ ᓯᕗᓕᐅᖅᑎ ᐳᑐᓕᒃ ᐸᐱᒐᑐᒃ ᐃᓅᔪᓐᓃᖅᐳᖅ 69-ᓂ ᐅᑭᐅᖃᖅᖢᓂ

ᐸᐱᒐᑐᒃ ᐊᑎᓕᐅᖅᑎᐅᓚᐅᖅᓯᒪᔪᖅ 1975-ᒥᑦ ᔭᐃᒻᔅ ᐸᐱ ᐊᒻᒪ ᑯᐸᐃᒃ ᐅᐊᖕᓇᖓᓄᑦ ᐊᖏᕈᑎᓂᒃ

ᐳᑐᓕᒃ ᐸᐱᒐᑐᒃ, ᓴᐅᒥᐊᓃᑦᑐᖅ, ᒪᑯᕕᒃᑯᑦ 40-ᖓᓂᒃ ᓇᓪᓕᐅᓐᓂᖅᓯᐅᖅᑎᓪᓗᒍ ᑰᔾᔪᐊᖅᒥᑦ 2018-ᖑᑎᓪᓗᒍ, ᑕᕝᕙᓂᓗ ᐃᓕᓴᕆᔭᐅᔾᔪᑎᑖᖅᖢᓂ ᐃᑲᔪᖅᓯᒪᓂᖓᓂᒃ ᔭᐃᒻᔅ ᐸᐃ ᐊᒻᒪ ᑯᐸᐃᒃ ᑕᕐᕋᖓᓄᑦ ᐊᖏᕈᑎᓂᒃ ᐋᔩᖃᕈᑎᖃᖅᑎᓪᓗᒋᑦ. (ᐊᔾᔨᙳᐊᖅ ᒪᑭᕕᒃᑯᓐᓂᒃ)

By ᓴᐃᕋ ᕌᔾᔪᔅ

ᓄᓇᕕᒻᒥᐅᑦ ᐃᖅᑲᐅᒪᔪᑦ ᐃᓄᐃᑦ ᐱᔪᓐᓇᐅᑎᖃᕐᓂᖏᓐᓄᑦ ᐱᓇᓱᒃᑎᒻᒪᕆᕕᓂᕐᒥᒃ ᐳᑐᓕᒃ ᐸᐱᒐᑐᒃᒥᑦ, ᐃᓅᔪᓐᓃᓚᐅᕐᑐᖅ ᑕᒪᓐᓇ ᑕᖅᑭᖅ ᐱᒋᐊᕐᓯᒪᓕᖅᑎᓪᓗᒍ.

69-ᓂ ᐊᕐᕌᒍᖃᓚᐅᕐᑐᖅ.

ᐸᐱᒐᑐᒃ ᖃᐅᔨᒪᔭᐅᓂᕐᓴᐅᓚᐅᕐᑐᖅ ᐃᓚᒋᔭᐅᓚᐅᕐᓂᖓᓂᒃ 11-ᓂᒃ ᐃᓄᖕᓂ ᐋᔩᖅᑎᒋᔭᐅᔪᓂᒃ ᐊᒻᒪᓗ ᐊᑎᓕᐅᖅᑎᒋᔭᐅᔪᓂᒃ ᐆᒥᖓ ᔭᐃᒻᔅ ᐸᐃ ᐊᒻᒪ ᑯᐸᐃᒃ ᐅᐊᖕᓇᖓᓄᑦ ᐊᖏᕈᑎᓂᒃ 1975-ᖑᑎᓪᓗᒍ.

ᐃᓕᓴᕆᔭᐅᔾᔪᑎᑖᓚᐅᕐᓯᒪᔪᖅ Order of Nunavik ᐃᑲᔪᓚᐅᖅᓯᒪᓂᖓᓂᒃ ᓄᓇᕕᒻᒥ ᓄᓇᑖᕈᑎᓂᒃ ᐊᖏᕈᑎᓂᒃ 2018-ᒥ.

“ᐳᑐᓕᒃ ᐃᑲᔪᒻᒪᕆᓚᐅᖅᓯᒪᔪᖅ ᓄᓇᕕᒃ ᐱᕙᓪᓕᐊᓯᒪᓂᖓᓄᑦ ᒫᓐᓇᒧᑦ,” ᐅᖃᖅᑐᖅ ᒪᑭᕕᒃᑯᑦ ᐊᖓᔪᖅᑳᖓ ᐲᑕ ᐋᑕᒥ ᑐᓴᒐᒃᓴᓕᐅᖅᑎᓪᓗᒋᑦ ᓯᕗᓕᐅᖅᑎᕕᓂᐅᑉ ᖃᓄᐃᓕᐅᕈᓯᕕᓂᖏᓐᓂᒃ.

“ᐅᓇ ᔭᐃᒻᔅ ᐸᐃ ᐊᒻᒪ ᑯᐸᐃᒃ ᐅᐊᖕᓇᖓᓄᑦ ᐊᖏᕈᑎ ᐊᑕᖏᕐᓯᒪᓛᖑᒪᐅᕐᓯᒪᔪᖅ ᓄᓇᑖᕐᓂᕐᒧᑦ ᐊᖏᕈᑎᓂᒃ ᐊᑎᓕᐅᖅᑕᐅᔪᓂᒃ ᒫᓐᓇᐅᓕᕐᑐᖅ ᐊᒻᒪᓗ ᐱᓕᕆᐊᖑᓇᔭᓚᐅᙱᖢᓂ ᓯᕗᓕᐅᖅᑎᑕᖃᓚᐅᒋᑉᐸᑦ ᐅᑯᓂᑯ ᑯᐸᐃᒃ ᐅᐊᖕᓇᖓᓄᑦ ᐃᓄᐃᑦ ᑲᑐᔾᔨᖃᑎᒌᓂᒃ ᑖᓐᓇᓗ ᐳᑐᓕᒃ ᑖᒃᑯᓄᖓ ᐃᓚᒋᔭᐅᓚᐅᖅᖢᓂ,” ᐅᖃᖅᑐᖅ. “ᐳᑐᓕᒃ ᐱᓕᕆᖃᑕᐅᓂᖓ ᐃᑲᔪᕈᑎᒻᒪᕆᐅᓚᐅᖅᓯᒪᕗᖅ.”

ᐸᐱᒐᑐᒃ ᐃᓅᓚᐅᕐᓯᒪᔪᖅ ᐃᒡᓗᕕᖓᕐᒥᓐ 1952-ᒥ, ᑭᓯᐊᓂᓕ ᐃᓅᓯᓕᒫᖓᓂ ᓴᓪᓗᐃᑦ ᓄᓇᒋᔭᖓ ᒫᓐᓇ ᑕᐃᔭᐅᕙᒃᑐᖅ ᓴᒡᓚᒃᒥᓐ.

ᐃᓕᓐᓂᐊᓚᐅᕐᓯᒪᔪᖅ ᓄᓇᖓᓂ ᑎᑭᖢᒍ ᒍᕇᑦ 5 ᐊᒻᒪᓗ ᑭᖑᓂᐊᒍᑦ ᑰᔾᔪᐊᕌᓗᒃᒧᑦ ᐃᓕᓐᓂᐊᕆᐊᖅᑎᑕᐅᓪᓗᓂ ᒫᓂᑑᐸᒥ 1960-ᖏᓐᓂᒃ.

1970-ᖏᑦ ᐱᒋᐊᖅᓯᒪᓕᖅᑎᓪᓗᒋ, ᐸᐱᒐᑐᒃ ᕚᑲᓐᐳᕆᔾ ᓂᑯᓪ ᐅᔭᕋᒃᓯᐅᖅᕕᒃᒥ ᐊᒻᒪ ᐊᒡᐱᔅᑕᔅ ᑯᐊᐳᕇᓴᓐᑯᓐᓄᑦ, ᑖᒃᑯᐊᓕ ᓂᐅᕕᖅᑕᐅᓕᓚᐅᖅᓯᒪᓪᓗᑎᒃ ᒐᓚᓐᑯᐊᑯᓐᓂᒃ.

ᐸᐱᒐᑐᒃ ᒪᓕᒐᓕᕆᓂᖅᒥᒃ ᐃᓚᐅᖃᑦᑕᐃᓐᓇᓚᐅᖅᑐᖅ. ᐋᔩᖅᑎᐅᖃᑕᐅᓪᓗᓂ ᓄᓇᕕᒃᒥᑦ ᓄᓇᑖᕈᑎᓄᑦ ᐊᖏᕈᑎᓂᒃ, ᐊᕕᒃᑐᖅᓯᒪᓂᒃᑯᑦ ᑲᑎᒪᔨᐅᓯᒪᓪᓗᓂ ᑲᑎᕕᒃ ᓄᓇᓕᓕᒫᑦ ᒐᕙᒪᖓᓄᑦ ᐊᒻᒪᓗ ᐃᒃᓯᕙᐅᑕᐅᓂᑰᓪᓗᓂ ᓄᓇᕕᒃᒥ ᐃᒪᕐᒥᐅᑕᓕᕆᔨᒃᑯᑦ ᐊᕙᑎᓕᕆᔨᖏᓐᓄᑦ ᐃᓅᔪᓐᓃᕐᓂᖓᓄᑦ.

“ᐊᒃᓱᐊᓗ ᑭᖑᓂᖃᕐᓂᐊᖅᑐᖅ ᐊᒻᒪᓗ ᐃᓚᖏᑦ ᐃᓱᒪᒋᑦᑎᐊᖅᐸᕗᑦ,” ᐋᑕᒥ ᐅᖃᖅᑐᖅ.

Share This Story

(0) Comments

Join the Conversation

Your email address will not be published. Required fields are marked *

*