ᐅᑭᐅᕐᑕᖅᑐᕐᒥ ᖃᖓᑕᓲᑦ ᐃᓚᖃᙱᑦᑐᑦ ᐳᐃᖕ 737 ᒫᒃᔅ 9ᓂ

For English version, see Fleets of northern airlines don’t include Boeing 737 Max 9s

ᑕᒪᐃᓐᓂ ᑲᓃᑎᐊᓐ ᓄᐊᑦ ᐊᒻᒪ ᐃᓄᐃᑦ ᖃᖓᑕᓲᖏᑦ ᐅᖃᖅᑐᑦ ᖃᖓᑕᓲᓂ ᐳᐃᖕ 737 ᒫᒃᔅ 9ᓂ ᐱᖃᙱᓐᓂᕋᖅᖢᑎᒃ.

ᑕᐃᒪᐃᑦᑐᖅ ᖃᖓᑕᓲᖅ ᑐᓴᒐᒃᓴᑎᒍᑦ ᐅᖃᐅᓯᐅᓛᖑᑲᑕᖕᒪᑦ ᖃᖓᑕᓲᑉ ᐹᖓ ᐱᒃᓯᒃᑎᓪᓗᒍ ᐊᓛᔅᑲ ᖃᖓᑕᓲᖅ 737-9 ᓱᒃᑲᔪᕐᔪᐊᖅ ᖃᖓᑦᑕᓵᖅᑎᓪᓗᒍ ᐅᕆᑲᓐ ᖁᓛᒎᓕᖅᖢᑎᒃ ᔭᓄᐊᕆ 5-ᖑᑎᓪᓗᒍ.

ᑲᓃᑎᐊᓐ ᓄᐊᑦ ᖃᖓᑕᓲᖃᐅᕐᒪᑕ ᐊᔾᔨᒌᒋᑦᑑᑎᓂ ᐳᐃᖕ ᖃᖓᑕᓲᓂ ᑭᓯᐊᓂᓕ ᐱᖃᙱᖢᑎᒃ ᒫᒃᔅ 9-ᒥ, ᐅᖃᖅᑎᒋᔭᐅᔪᖅ ᐋᓂ ᑖᒻᓕᓐᓴᓐ ᓇᓗᓇᐃᓚᐅᕐᑐᖅ ᖃᕋᓴᐅᔭᒃᑯᑦ ᑎᑎᕋᖅᖢᓂ.

ᖃᖓᑕᓲᖅᑎᒋᔭᐅᔪᑦ ᐊᓛᔅᑲ ᖃᖓᑕᓲᒥ ᑐᐊᕕᕐᓇᖅᑐᒥ ᒥᑦᑕᕆᐊᖃᓕᓚᐅᕐᓯᒪᔪᑦ ᑖᔅᓱᒪ ᓴᓂᕋᖓ ᐊᖕᒪᔪᓕᐊᓘᓕᕐᒪᑦ. ᐅᓄᕈᓘᔭᒻᒪᕆᒃᑐᑦ ᐃᑭᒪᔪᐃᑦ ᐋᓐᓂᕈᓘᔭᓚᐅᕐᑐᑦ ᑲᒪᒋᔭᐅᔭᕆᐊᖃᓕᖅᖢᓂ ᐋᓐᓂᖅᑐᓕᕆᔨᓄᑦ, ᑖᒃᑯᐊ ᑐᓴᒐᒃᓴᑎᒍᑦ ᐅᖃᓚᐅᕐᑐᑦ ᔭᓄᐊᕆ 6-ᖑᓕᕐᑎᓪᓗᒍ.

ᐃᓄᐃᑦ ᖃᖓᑕᓲᖏᑦ ᓇᓗᓇᐃᓚᐅᕐᒥᔪᑦ ᐱᖃᙱᓐᓂᕋᖅᖢᑎᒃ ᐳᐃᖕ 737 ᒫᒃᔅ 9-ᓂ ᖃᖓᑕᓲᓂ ᐊᒻᒪᓗ ᐅᖃᖅᖢᑎᒃ ᖃᖓᑕᓲᖏᑦ ᐊᒃᑐᖅᑕᐅᙱᓐᓂᕋᖅᖢᒋᑦ ᓄᖃᖅᑎᑕᐅᓂᖓᓄᑦ ᒫᒃᔅ 9.

“ᐅᖃᕈᓐᓇᖅᑐᖓ ᑖᓐᓇ ᐃᓄᐃᑦ ᖃᖓᑕᓲᖏᓐᓂ ᐊᒃᑐᐃᙱᓐᓂᖓᓂᒃ,” ᐅᖃᓚᐅᕐᑐᖅ ᐃᓄᐃᑦ ᖃᖓᑕᓲᖓᓄᑦ ᐊᖓᔪᖅᑳᖅ ᐊᒻᒪ ᐊᐅᓚᑦᑎᔨ ᑯᕆᔅᑎᐊᓐ ᐳᔅ ᖃᕋᓴᐅᔭᒃᑯᑦ ᑎᑎᕋᖅᖢᓂ.