ᐃᓄᒃᑎᑐᑦ Sep 17, 2023 – 9:30 am EDT

ᐅᖅᓱᖅᑑᕐᒥ ᐃᒥᐊᓗᓕᕆᓂᕐᒧᑦ ᓂᕈᐊᓛᓕᕐᑐᑦ

ᓂᕈᐊᕐᓂᖅ ᐊᓯᔾᔨᖅᓯᓇᓱᖕᓂᕐᒥ ᐱᖁᔭᐅᙱᓐᓂᕐᒥᒃ ᐊᐅᓚᑕᐅᓂᕐᒧᑦ ᐃᒥᐊᓗᓕᕆᓂᕐᒥᒃ; ᓂᕈᐊᓛᕐᑐᑦ ᐅᒃᑑᐱᕆ 23 ᐊᒻᒪ ᓯᕗᓂᐊᒍᑦ ᓂᕈᐊᕈᓐᓇᓛᖅᖢᑎᒃ ᐅᒃᑑᐱᕆ 16

ᐅᑭᐊᒃᓵᖅ ᐅᖅᓱᖅᑑᕐᒥᐅᑕᑦ ᓂᕈᐊᕐᓂᐊᖅᑐᑦ ᐃᒥᐊᓗᓕᕆᓂᕐᒥᒃ ᓄᓇᖃᖅᑐᖅ ᑮᓇᐅᔭᓕᕆᔨᒃᑯᑦ ᒥᓂᔅᑕᖓᓄᑦ ᓂᕈᐊᖁᔨᓚᐅᕐᑎᓪᓗᒋᑦ. (ᐊᔾᔨᙳᐊᖁᑎᒋᔭᐅᔪᖅ)

By ᓄᓇᑦᓯᐊᕐᒥ ᐱᕙᓪᓕᐊᔪᑦ

For English version, see Liquor plebiscite coming to Gjoa Haven

ᐅᑭᐊᒃᓵᖅ ᐅᖅᓱᖅᑑᕐᒥ ᓄᓇᖃᖅᑐᑦ ᓂᕈᐊᓛᕐᒪᑕ ᐊᓯᙳᖅᑎᑦᑎᔪᒪᔭᕆᐊᒃᓴᖏᓐᓂᒃ ᐃᒥᐊᓗᖕᒥ ᐊᐅᓚᑦᑎᔾᔪᑎᐅᔪᒥᒃ ᒫᙵᑦ ᐱᖁᔭᐅᖃᑦᑕᙱᓐᓂᕐᒥᒃ ᐱᔪᓐᓇᕐᓂᖃᓕᕐᓂᕐᒥ ᐊᐅᓚᑕᐅᓂᒃᑯᑦ.

ᓂᕈᐊᕐᓂᖅ ᑲᔪᓯᓂᐊᕐᑐᖅ ᓲᖃᐃᒻᒪ ᓄᓇᖃᖅᑐᑦ ᑮᓇᐅᔭᓕᕆᓂᕐᒧᑦ ᒥᓂᔅᑕᒧᑦ ᐱᔪᒪᓯᒪᖕᒪᑕ ᓂᕈᐊᖅᑎᑦᑎᔪᒪᓪᓗᑎᒃ, ᐅᖃᕐᓯᒪᓚᐅᕐᑐᑦ ᑮᓇᐅᔭᓕᕆᔨᒃᑯᑦ ᐱᓕᕆᕝᕕᖓᓃᑦᑐᑦ.

ᓄᓇᖃᖅᑐᐃᑦ ᓂᕈᐊᖅᐸᑕ ᐊᓯᔾᔨᖁᔭᐅᔪᒥᒃ ᑕᐃᒪᓗ ᑖᒃᑯᐊ ᓄᓇᓕᖕᓃᑦᑐ ᐃᓄᖃᖅᑐᒥ 1,110ᓂ ᑎᑭᑎᑦᑎᔪᓐᓇᕐᓯᓂᐊᖅᑐᑦ ᐊᒻᒪ ᓂᐅᕕᕈᓐᓇᕐᓗᑎᒃ ᖃᔅᓯᐅᓂᖏᑦ ᐋᖅᑭᒃᑕᐅᓯᒪᔪᓂᒃ ᓂᐅᕕᕈᓐᓇᕐᓂᐊᕐᓗᑎ ᐅᓪᓗᑦ 14 ᐊᓂᒍᕌᑕ.

ᐃᓱᖃᖅᑎᑕᐅᖕᒪᓐ 24ᓂ 355 ᒥᓕᓖᑕᓂ ᐃᒪᓕᖕᓂ ᑐᖔᓂᓪᓘᓐᓂᑦ ᐱᐊᓂ ᐱᔪᓐᓇᕐᓗᑎᒃ ᐊᓯᖏᓐᓂᓪᓘᓐᓃᑦ 8%ᒥ ᓴᙱᓐᓂᖃᖅᑐᓂ ᐃᒥᐊᓗᖕᓂ ᐊᒻᒪᓗ 4 ᓖᑕ ᕙᐃᓂᓂ.

ᐅᕘᓇ ᐃᒥᐊᓗᓕᕆᓂᕐᒧᑦ ᒪᓕᒐᖅᑎᒍᑦ 60 ᐳᓴᓐᑎᖏᓐᓄᑦ ᑎᑭᑉᐸᑕ ᓂᕈᐊᖅᑐᐃ ᐊᓯᔾᔨᕈᓐᓇᖅᓯᑎᑦᑎᔪᓐᓇᕐᒪᑕ ᑕᒪᒃᑯᐊ ᐊᑐᓕᖅᑎᑕᐅᓂᐊᖅᐸᑕ.

Kitikmeot Community Futures Inc., Job Opportunity – Executive Director

ᓂᕈᐊᓛᖅᑐᐃᑦ ᐅᒃᑑᐱᕆ 23ᒥ, ᕼᐋᒻᒪᓚᒃᑯᑦ ᑲᑎᒪᔨᒃᓴᖏᓐᓂᒃ ᓂᕈᐊᓕᖅᐸᑕ. ᓯᕗᓂᐊᒍᑦ ᓂᕈᐊᕈᓐᓇᓛᕐᒥᔪᑦ ᐅᒃᑑᐱᕆ 16.

ᑭᒃᑯᓕᒫᓂ ᑲᑎᒪᑎᑦᑎᓛᕐᑐᑦ ᐱᙳᐊᕐᕕᒃᒥ ᐅᒃᑑᐱᕆ 3ᖑᓕᕐᐸᑦ 6:00ᒥ ᐅᓐᓄᓴᒃᑯ 9:00ᒧ. ᒐᕙᒪᒃᑯᓐᓄᑦ ᑮᓇᐅᔭᓕᕆᔨᒃᑯᑦ ᐊᒻᒪᓗ ᓄᓇᕗᒥᑦ ᓂᕈᐊᖅᑐᓕᕆᔨᒃᑯᑦ ᑲᑎᒪᔪᓃᓛᕐᑐᑦ ᐊᐱᖅᑯᑎᒃᓴᖃᕐᑐᖃᕐᓂᕈᓂ ᓂᕈᐊᕐᓇᐅᓛᖅᑑᑦ ᒥᒃᓵᓄᑦ ᐊᒻᒪ ᐃᒥᐊᓗᓕᕆᓂᕐᒧᑦ ᐊᑐᖅᑕᐅᕙᒃᑐᓂᒃ.

Share This Story