ᐅᖓᑖᓂ 200,000 ᓖᑕᔅ ᐅᕐᓱᐊᓗᕕᓃᑦ ᐱᖓᓱᓂᒃ ᕼᐋᒻᒪᓚᓂ ᐊᐅᓪᓚᖅᑎᑕᐅᓂᐊᕐᑐᑦ
ᓄᓇᕗᒥᑦ ᒐᕙᒪᒃᑯᑦ ᐱᓕᕆᐊᖓ ᐅᕐᓱᐊᓗᖕᓂ ᐊᐅᓪᓚᖅᑎᑦᑎᓂᖅ ᖃᓪᓗᓈᓄᑦ ᐅᑯᓇᙵᑦ ᐊᕐᕕᐊᓂᒃ, ᐃᖃᓗᒃᑑᑦᑎᐊᕐᒥ ᐊᒻᒪ ᒥᑦᑎᒪᑕᓕᒃᒥ
ᐊᕐᕕᐊᑦ ᐊᒻᒪ ᐃᖃᓗᒃᑑᑦᑎᐊᖅ ᐊᒻᒪ ᒥᑦᑎᒪᑕᓕ ᕼᐋᒪᓚᐃᑦ ᐱᓕᕆᐊᖑᓂᐊᕐᑐᑦ ᑲᔅᓯᑲᓪᓚᒻᒪᕆᐊᓗᖕᓂ ᓖᑕᓂ ᐅᕐᓱᐊᓗᕕᓂᕐᓂ ᑲᑎᕐᓱᐃᕝᕕᐅᔪᓂ ᐅᕘᓇ ᓄᑖᒃᑯ ᓄᓇᕗᒥᑦ ᒐᕙᒪᒃᑯᓐᓄᑦ ᐊᐅᓚᑕᐅᔪᒥᒃ ᐊᑐᕈᓐᓃᖅᑐᓂᒃ ᐅᕐᓱᐊᓗᕕᓂᕐᓂᒃ ᐱᓕᕆᐊᖑᔪᒥ. (ᐊᔾᔨᙳᐊᖅ ᐊᕙᑎᓕᕆᔨᒃᑯᓐᓂ)
For an English version of this story, please see More than 200,000 litres of waste oil to be removed from 3 hamlets.
ᐅᖓᑖᓃᑦᑐᑦ 200,000 ᓖᑕᔅ ᐅᕐᓱᐊᓗᕕᓃᑦ ᑲᑎᑕᐅᓯᒪᔪᑦ ᐊᕐᕌᒍᒐᓴᖕᓂ ᐅᑯᓇᓂ ᕼᐋᒻᒪᓚᓂ ᐊᕐᕕᐊᓂ, ᐃᖃᓗᒃᑑᑦᑎᐊᕐᒥ ᐊᒻᒪᓗ ᒥᑦᑎᒪᑕᓕᒃᒥ ᐊᓯᐊᓄᐊᕐᕕᒃᓴᖃᒋᖢᑎᒃ ᑲᒪᒋᔭᐅᑦᑎᐊᕐᕕᒃᓴᖏᓐᓂᒃ.
ᓄᑖᖅ ᐊᖏᔪᖅ ᐱᓕᕆᐊᒃᓴᖅᓕ ᑭᓯᐊᓂ ᐊᑐᕈᓐᓃᖅᑐᓂᒃ ᖃᓪᓗᓈᓄᑦ ᐊᐅᓪᓚᖅᑎᑦᑎᔾᔪᑎᓇᓱᒃᖢᓂ.
ᐱᖓᓱᑦ ᓄᓇᓖᑦ ᐃᓚᒋᔭᐅᔪᑦ ᐊᑐᕈᓐᓃᖅᑐᓂᒃ ᐅᕐᓱᐊᓗᓕᕆᓂᕐᒥ ᐊᐅᓚᑦᑎᓂᕐᒧᑦ ᐱᓕᕆᐊᒥ ᐊᐅᓚᑕᐅᓪᓗᓂ ᓄᓇᕗᒥᑦ ᒐᕙᒪᒃᑯᑦ ᐊᕙᑎᓕᕆᔨᖏᓐᓂᒃ ᖃᐅᔨᓴᕈᑎᐅᓪᓗᓂ ᖃᓄᖅ ᑖᓐᓇ ᐱᓕᕆᐊᖑᓇᔭᕆᐊᒃᓴᖓᓂᒃ ᐊᑯᓂᕈᓗᒃ.
ᐊᕙᑎᓕᕆᔨᒃᑯᑦ ᒥᓂᔅᑕᖓ ᔪᐊᓇ ᖁᐊᓴ ᐅᖃᓚᐅᕐᑐᖅ ᐊᑯᓂᐊᓗᒃ ᑕᐃᒪᐃᑦᑕᕆᐊᖃᕐᓯᒪᓂᖏᓐᓂ.
ᐱᑕᖃᙱᓐᓂᖓᓄᑦ ᐱᓕᕆᔾᔪᑎᒃᓴᓂᒃ ᓄᓇᕗᒥᑦ ᒪᑯᓄᖓ ᐅᕐᓱᐊᓗᕕᓂᕐᓄᑦ ᐊᒻᒪᓗ ᓄᓇᓯᐅᑎᑐᖃᐃᑦ ᐹᑕᓖᖏᓐᓄᑦ, ᑕᒪᕐᒥ ᓄᓇᓖᑦ ᑲᑎᕐᓱᐃᓯᒪᖕᒪᑕ ᐊᒃᑕᑯᓂᒃ “ᑕᐃᒪᙵᑦ ᓄᓇᓕᙳᓚᐅᕐᓯᒪᓂᖏᓐᓂᒃ,” ᐅᖃᕐᑐᖅ.
“ᑕᐃᒪᐃᓐᓂᖓᓄ ᐊᖏᔪᐊᓘᓕᕐᑐᖅ ᐊᐅᓪᓚᖅᑎᑕᐅᓇᓱᒃᑐᑦ ᒫᓐᓇ.”
ᐃᓱᒪᒋᔭᐅᔪᖅ 51,000 ᓖᑕᔅ ᐊᑐᕈᓐᓃᖅᑐᓂᒃ ᐅᕐᓱᐊᓗᒃᑕᖃᕐᓂᖓᓂᒃ ᒥᑦᑎᒪᑕᓕᒃᒥ ᐃᓚᖃᖅᖢᑎᒃ 60ᓂ ᖃᑦᑕᐅᔭᓂᒃ ᓇᓕᒧᒌᙱᑦᑑᑎᓂᒃ ᐊᒻᒪᓗ ᒫᓂ 250ᓂ ᖃᑦᑕᐅᔭᕐᔪᐊᓂᒃ ᐅᕐᓱᐊᓗᕕᓂᕐᓂᒃ; 64,000 ᓖᑕᔅ ᐊᑐᕈᓐᓃᖅᑐᑦ ᐅᕐᓱᐊᓗᕕᓃᑦ ᐊᕐᕕᐊᓃᑐᐃᓐᓇᕐᒥᔪᑦ, 20ᓂ ᖃᑦᑕᐅᔭᖅᑕᖃᖅᖢᓂ ᐊᒻᒪ 187 ᖃᑦᑕᐅᔭᕐᔪᐊᓂᒃ; ᐊᒻᒪᓗ 91,000 ᓖᑕᔅ 46ᓂ ᐊᒡᔭᖅᓯᔾᔪᑎᓂᒃ ᖃᑦᑕᐅᔭᕐᓂᒃ ᐊᒻᒪ 225 ᖃᑦᑕᐅᔭᕐᔪᐊᑦ ᐃᖃᓗᒃᑑᑦᑎᐊᕐᒦᖢᑎᒃ, ᖁᐊᓴ ᐅᖃᕐᑐᖅ.
ᓄᓇᖃᖅᑐᑦ ᐃᓱᒫᓘᑎᖃᕐᒪᑕ ᐃᓗᑦᑐᖅᑕᐅᓯᒪᔪᓂᒃ ᐊᒃᑕᕐᕕᒋᔭᐅᔪᓂᒃ ᐊᒻᒪᓗ ᑖᒃᑯᐊ ᐊᒃᑐᐃᔾᔪᑎᒋᔪᓐᓇᖅᑕᖏᓐᓂᒃ ᓄᓇᒥ.
“ᓄᓇᓕᖕᓂ ᒥᑭᑦᑐᓂ ᓱᕈᓰᑦ ᐊᒃᑕᕐᕕᓕᐊᖃᑦᑕᕐᒪᑕ ᐊᒻᒪ ᖃᐅᔨᒪᙱᑉᐸᑕ ᑕᒪᒃᑯᓂᖓ ᐊᒃᑐᖅᓯᑲᑕᑐᐃᓐᓇᕆᐊᖃᕐᒪᑕ ᐃᒻᒪᖄᓪᓘᓐᓃᑦ ᐋᓐᓂᐊᓕᕈᑎᖃᕐᓗᑎᒃ,” ᖁᐊᓴ ᐅᖃᓚᐅᕐᑐᖅ.
ᐃᓱᒫᓘᑎᒋᔭᐅᖕᒥᔪᖅ ᑐᐊᐸᒃ ᐱᐅᔪᓐᓃᕋᔭᕆᐊᒃᓴᖓᓂᒃ — ᐅᑭᐅᒃᑯᑦ, ᖁᐊᕐᓯᒪᔪᑦ ᐅᕐᓱᐊᓗᐃᑦ ᖃᑦᑕᐅᔭᕐᒦᑦᑐᑦ ᓱᕋᒍᔾᔨᔪᓐᓇᕐᒪᑕ ᐴᖏᓐᓂ ᐊᒻᒪᓗ ᐅᕐᓱᐊᓗᒃ ᓄᓇᒧᐊᕐᐸᓪᓕᐊᓕᕐᓗᓂ.
“ᑕᒪᒃᑯᐊᓕ ᕼᐋᒻᒪᓚᐅᔪᓂᒃ ᐃᓂᒃᓴᖃᖅᑎᑕᐅᙱᒻᒪᑕ ᑭᓯᐊᓂ ᐊᒃᑕᕐᕕᒃᒥ. ᑕᐃᒪᓕ ᑲᑎᑕᐅᕙᓪᓕᐊᓯᒪᔪᑦ ᐊᕐᕌᒍᒐᓴᖕᓂ ᐊᒻᒪᓗ ᓄᓇᓖᑦ ᑮᓇᐅᔭᖃᙱᓗᐊᖅᖢᑎᒃ ᑕᒪᒃᑯᓂᖓ ᐊᐅᓪᓚᖅᑎᑦᑎᔭᕆᐊᒃᓴᖅ,” ᖁᐊᓴ ᐅᖃᕐᑐᖅ.
ᐅᓇ ᐱᓕᕆᐊᕆᔭᐅᔪᖅ ᐊᑭᖃᕐᓂᐊᕋᓱᒋᔭᐅᔪᖅ $265,000ᓂ ᐊᑐᓂ ᓄᓇᓕᖕᒧᑦ ᐊᑐᕐᑕᐅᓂᐊᕈᓂᒃ — ᒫᓂᓕ $130,000 ᑕᒪᒃᑯᐊ ᐴᖃᖅᑕᐅᓂᖏᓐᓄᑦ ᐊᒻᒪ $135,000ᑲᓐᓂᕐᓂ ᖃᓪᓗᓈᓄᑦ ᐊᐅᓪᓚᖅᑎᓐᓇᓱᒡᓗᒋ, ᑕᐅᓇᓂᓕ ᑲᒪᒋᔭᐅᓇᔭᕐᒪᑕ ᖁᐊᕐᓵᕐᓇᖅᑐᓂᒃ ᐱᓕᕆᕝᕕᐅᕙᒃᑐᓄᑦ.
ᑕᒪᒃᑯᐊ ᐊᑐᕈᓐᓃᕐᓯᒪᔪᑦ 2023ᒥ ᐅᒥᐊᕐᔪᐊᓕᕆᓐᓇᒥ ᐊᐅᓪᓚᖅᑎᑕᐅᓂᐊᖅᑐᑦ ᑭᓯᐊᓂᓕ ᐃᓚᖏᑦ ᐊᕐᕌᒍ ᐊᐅᓪᓚᖅᑎᑕᐅᓛᕐᓗᑎᒃ, ᖁᐊᓇ ᐅᖃᕐᑐᖅ.
ᐊᐅᓚᑦᑎᔾᔪᑎᓄᑦ ᓄᖅᑲᕈᑎᐅᔭᑦᑎᑐ ᑐᑭᖃᕐᑐᖅ ᐊᕙᑎᓕᕆᔨᒃᑯᑦ ᐱᓕᕆᐊᖃᕈᓐᓇᕐᒪᑕ ᐱᖓᓱᓂ ᕼᐋᒻᒪᓚᐅᔪᓂ ᒫᓐᓇ, ᑭᓯᐊᓂᓕ ᓄᓇᕗᒥᑦ ᒐᕙᒪᒃᑯᑦ ᑕᒪᑐᒥᖓ ᐊᖏᓂᕐᓴᒃᑯᑦ ᐱᓕᕆᐊᕆᔭᐅᓛᕈᒪᔪᑦ ᑲᔪᓯᑦᑎᐊᕐᐸᑦ.
ᐃᓱᒪᖕᒥᔪᑦ ᐊᔪᕈᓐᓃᕐᓴᖅᑎᑦᑎᓗᑎᒃ ᕼᐋᒻᒪᓚᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐅᓗᕆᐊᓇᙱᑦᑐᒃᑯᑦ ᐴᖅᑲᐃᕙᓪᓕᐊᓂᕐᒥᒃ ᐃᒻᒥᖕᓂ, ᒥᓂᔅᑕ ᐅᖃᓚᐅᕐᑐᖅ.
“ᑕᐃᒪᓕ ᐊᖏᓗᐊᓗᖕᒥ ᐊᑐᕈᓐᓃᕐᓯᒪᔪᓂᒃ ᐅᕐᓱᐊᓗᕕᓂᕐᓂ ᐊᐅᓪᓚᖅᑎᑦᑎᔪᓐᓇᕐᓂᐊᕈᑎᒃ ᑖᒃᑯᓇᙵᑦ ᓄᓇᓕᖕᓂ, ᑕᐃᒪᓕ ᐊᑭᑐᓗᐊᕌᓗᒃᑲᔭᙱᑦᑐᖅ ᕿᓚᒥᐅᓂᕐᓴᖅ ᐊᐅᓪᓚᖅᑎᑕᐅᔪᓐᓇᕈᑎᒃ, ᐃᒪᓐᓇᐅᙱᖔᖅᑐᑦ ᐊᒃᑕᕐᕕᖏᓐᓂᒃ ᐸᐸᑕᐅᑐᐃᓐᓇᕐᓗᑎᑐᒃ ᐅᓄᕐᓯᕙᓪᓕᐊᓗᑎᒃ,” ᖁᐊᓴ ᐅᖃᕐᑐᖅ.
“ᑕᐃᒪᓕ ᐅᓇ ᐱᒋᐊᕈᑎᐅᓕᕈᓐᓇᕐᑐᖅ ᐱᓕᕆᐊᖃᖅᐸᓪᓕᐊᓂᕐᒥ ᑕᒪᒃᑯᓂᖓ ᐃᖕᒥᖕᓂᒃ.”
The landfill and recycle in the territory is a critical issue but continue to be neglected by the territorial government i.e. CG&S or Dept. of Environment. No structured programs to recycle metal, used tires, batteries, used oil, or propane tanks, etc. None exists to administer landfill and metal scrap yard sites. It’s pretty much neglected!
This raises concern how environment is neglected and administered!
This neglected landfill or metal scrap yard is under the admin. of executives directors or DM’s in territorial government. What do they DO? Media show bizz?