ᐋᑐᕚᒥ ᓯᓚᑦᑐᖅᓴᕐᕕᒃ ᐅᑭᐅᖅᑕᖅᑐᓕᐊᖅᐳᖅ ᐱᓕᒻᒪᒃᓴᓂᕐᒧᑦ ᓴᓂᑭᓗᐊᕐᒥ ᕿᒫᕝᕕᖕᒥ ᓴᓇᔨᐅᔪᓂ

For English version, see Ottawa college comes north to train Sanikiluaq shelter workers

ᕼᐋᒻᓚᒃᑯᑦ ᓴᓂᑭᓗᐊᕐᒥ ᐱᓕᕆᖃᑎᖃᖅᐳᑦ ᐋᑐᕚᒥ ᐋᓪᒑᓐᑯᐃᓐ ᓯᓚᑦᑐᖅᓴᕕᖓᓂ ᐱᓕᒻᒪᒃᓴᓂᕐᒧᑦ ᓯᕗᓪᓕᖅᐸᐅᔪᓂ ᑲᑎᙵᓂᐅᔪᓂ ᐃᖅᑲᓇᐃᔭᖅᑎᓂ ᐃᖅᑲᓇᐃᔭᕐᓂᐊᖅᑐᓄᑦ ᐊᕐᓇᓄᑦ ᓱᕈᓯᕐᓄᓪᓗ ᕿᒫᕝᕕᖓᓂ ᒪᑐᐃᖅᑕᐅᔪᒃᓴᐅᑕᐅᔪᒥ ᔫᓂ 2024−ᒥ.

ᓯᓚᑦᑐᖅᓴᕕᒃ ᐱᓕᒻᒪᒃᓴᒋᐊᓕᓚᐅᖅᐳᑦ ᑕᓪᓕᒪᓂ ᐊᕐᓇᓂ ᓴᓂᑭᓗᐊᕐᒥ ᓴᓇᓂᐊᖅᑐᓂ ᕼᐋᒻᓚᒃᑯᓐᓂ-ᓇᖕᒥᓂᕆᔭᐅᔪᒥ ᕿᒫᕝᕕᖕᒥ, ᒫᓐᓇ ᓇᑉᐸᖅᑎᕆᔭᐅᕙᓪᓕᐊᔪᒥ.

ᓇᒃᓯᐅᔾᔨᖔᖏᓪᓗᑎᒃ ᓯᕗᓂᒃᓴᒥ ᕿᒫᕝᕕᖕᒥ ᓴᓇᔨᐅᔪᓂ ᖃᓪᓗᓈᑦ ᓄᓇᖓᓐᓄᑦ ᐱᓕᒻᒪᒃᓴᓂᕐᒧᑦ, ᐱᓕᒻᒪᒃᓴᓂᕐᒥ ᐱᓕᕆᐊᖑᔪᖅ ᐋᓪᒑᓐᑯᐃᓐᑯᓐᓂ ᓇᒃᓯᐅᔾᔨᓂᐊᖅᐳᑦ ᐃᓕᓴᐃᔨᒃᓴᖏᓐᓂ ᐅᑭᐅᖅᑕᖅᑐᒧᑦ ᑐᕌᖅᑎᑦᑎᓂᕐᒥ ᑕᖅᑭᓂ−10-ᓂ ᐱᓕᕆᐊᖑᔪᒥ ᓴᓂᑭᓗᐊᕐᒥ.

“ᐅᕘᓇ ᐱᓕᕆᐊᖑᔪᒥ, ᐊᔪᕈᓐᓃᖅᑎᑦᑎᓂᐊᖅᐳᒍᑦ ᐅᑯᓂᖓ ᐊᕐᓇᐅᔪᓂ [ᐃᓕᓐᓂᐊᖅᑎᓂᑦ] ᐱᓕᕆᖃᑎᖃᕐᓂᕐᒥ ᐊᕐᓇᓂ ᓄᓇᓕᖏᓐᓂ,” ᐅᖃᓚᐅᖅᐳᖅ ᐸᕝ ᕋᒻᓕ, ᐊᕐᓇᓄᑦ ᓱᕈᓯᕐᓂᓪᓗ ᕿᒫᕝᕕᖓᓂ ᑲᒪᔨᐅᔪᖅ ᓴᓂᑭᓗᐊᕐᒥ, ᐊᐱᖅᓱᖅᑕᐅᓂᐅᔪᒥ ᓄᕕᐱᕆ 15−ᒥ.

ᐃᓕᖅᑯᓯᒧᑦ ᐊᒻᒪ ᓄᓇᓕᖕᓂ ᐃᓱᒪᒋᔭᐅᓂᐅᔪᓂ ᐅᖃᐅᔾᔨᓂᐊᖅᐳᖅ ᐃᓕᓐᓂᐊᖅᑎᐅᔪᓂ ᐃᓕᓐᓂᐊᕐᓂᖓᓂ, ᐃᓚᒋᐊᖅᓯᓚᐅᖅᐳᖅ.

ᐱᓕᒻᒪᒃᓴᓂᖅ ᑐᓂᔭᐅᔪᒥ ᐋᓪᒑᓐᑯᐃᓐ ᓯᓚᑦᑐᖅᓴᕕᖓᓂ ᐋᖅᑭᒃᓱᖅᑕᐅᕗᖅ ᐱᔭᕆᐊᖃᕐᓂᐅᔪᓂ ᐊᕐᓇᓄᑦ ᕼᐋᒻᓚᐅᔪᒥ. ᓯᓚᑦᑐᖅᓴᕕᒃ, ᐊᐅᓚᑕᐅᓂᖃᖅᖢᓂ ᕋᒻᓕᒧᑦ, ᐱᓕᕆᕗᑦ ᑲᑐᔾᔨᖃᑎᒌᒃᖢᑎᒃ ᐃᓕᓐᓂᐊᖅᑎᓂ ᐱᕙᓪᓕᐊᑎᑦᑎᓂᕐᒧᑦ ᐃᓕᓐᓂᐊᕈᑎᓕᐅᖅᑕᐅᓯᒪᔪᓄᑦ.

ᓲᕐᓗ, ᐃᓕᓐᓂᐊᖅᑏᑦ ᐃᓕᓐᓂᐊᖅᐳᑦ ᐱᓕᕆᓂᕐᔪᐊᖑᔪᒥ ᐃᓄᓕᕆᓂᕐᒥ ᑲᓇᑕᒥ, ᑭᓯᐊᓂ ᐊᕕᒃᑐᖅᑕᐅᓪᓗᓂ ᐊᒻᒪ ᓇᓗᓇᐃᖅᓯᓪᓗᑎᒃ ᓇᓗᓇᐃᖅᑕᐅᓯᒪᔪᓂ ᐃᓱᒪᒋᔭᐅᓂᐅᔪᓂ ᐊᑑᑎᖃᕐᓂᖅᓴᐅᔪᓐᓇᖅᑐᒥ ᓄᓇᓕᖕᓄᑦ ᖃᓄᐃᓕᖓᓂᐅᔪᓄᑦ.

“ᓴᖑᓴᕋᐃᑦᑑᕗᖅ,” ᐅᖃᓚᐅᖅᐳᖅ. “ᖁᔭᓐᓇᒦᒃ ᐋᓪᒑᓐᑯᐃᓐ ᓯᓚᑦᑐᖅᓴᕕᖓᓂ, ᑕᐃᒪᐃᓕᐅᕈᓐᓇᖅᑎᑦᑎᕗᑦ ᐅᕙᑦᑎᓐᓄᑦ.”

“[ᐅᕙᒍᑦ] ᓴᓇᕗᒍᑦ ᐃᓕᓐᓂᐊᕈᑎᒃᓴᓂ ᐃᖏᕐᕋᕙᓪᓕᐊᓪᓗᑕ, ᑭᓯᐊᓂ ᓱᓕ ᑭᐅᒪᓪᓗᑕ ᐃᓕᓐᓂᐊᕈᑎᓕᐅᖅᑕᐅᓯᒪᔪᓄᑦ ᐱᔭᕆᐊᓕᖕᓂ ᐋᓪᒑᓐᑯᐃᓐ ᓯᓚᑦᑐᖅᓴᕕᖓᓄᑦ,” ᐅᖃᓚᐅᖅᐳᖅ.

ᐃᓱᐊᓂ ᐱᓕᕆᐊᖑᔪᒥ ᒪᐃ 2024−ᒥ, ᐃᓱᓕᑦᑎᔪᑦ ᐱᓂᐊᖅᐳᑦ ᐃᓄᓕᕆᓂᕐᒥ ᐸᐃᑉᐹᖃᕐᓂᕐᒥ ᑐᓂᔭᐅᔪᒥ ᐋᓪᒑᓐᑯᐃᓐ ᓯᓚᑦᑐᖅᓴᕕᖓᑕ ᑎᒥᖁᑕᐅᔪᒥ ᐱᓕᒻᒪᒃᓴᓂᕐᒥ ᐱᓕᕆᐊᖑᔪᒥ.

“ᐅᓇ ᓯᕗᓪᓕᖅᐹᖑᔪᒥ ᑕᐃᒪᐃᑦᑐᒐᓚᖕᒥ ᐱᓕᕆᐊᖑᓂᖓᓂ,” ᕋᒻᓕ ᐅᖃᓚᐅᖅᐳᖅ.

ᐱᓕᕆᓂᖅ, ᓂᕆᐅᒃᐳᖅ, ᐊᑐᖅᑕᐅᓂᐊᖅᐳᖅ ᐅᖃᐅᔾᔨᓂᕐᒥ ᐊᒻᒪ ᑲᔪᖏᖅᓴᐃᓂᕐᒥ ᓯᕗᓂᒃᓴᒥ ᐱᓕᕆᐊᖑᔪᓂ ᕿᒫᕝᕕᖕᓄᑦ ᐱᕙᓪᓕᐊᑎᑕᐅᔪᓄᑦ ᐊᓯᖏᓐᓂ ᓄᓇᓕᖕᓂ, ᓲᕐᓗ ᐸᖕᓂᖅᑑᒥ. ᐸᖕᓂᖅᑑᖅ ᓯᕗᓪᓕᕐᒥ ᐅᖃᐅᓯᖃᓚᐅᖅᐳᑦ ᐱᔪᒪᓂᖃᕐᓂᕐᒥ ᓴᓂᑭᓗᐊᑉ ᐱᓕᕆᐊᕆᔭᖓᓂ, ᑭᓯᐊᓂ ᐃᓱᐊᓂ ᐊᖏᓚᐅᙱᓚᑦ.

ᑮᓇᐅᔭᖃᖅᑎᑦᑎᓂᕐᒥ ᓴᓂᑭᓗᐊᑉ ᐊᕐᓇᓄᑦ ᓱᕈᓯᕐᓄᓪᓗ ᕿᒫᕝᕕᖓᓄᑦ ᓯᕗᓪᓕᖅᐹᒥ ᐅᖃᐅᓯᐅᓚᐅᖅᐳᖅ ᕕᕗᐊᕆ 2023−ᒥ ᐅᕘᓇ ᓄᓇᖃᖅᑳᖅᓯᒪᔪᓄᑦ ᕿᒫᕝᕕᖕᓄᑦ ᐊᒻᒪ ᓅᑉᐸᓪᓕᐊᓂᐅᔪᒥ ᐃᒡᓗᒃᓴᓄᑦ ᐱᒋᐊᕈᑕᐅᔪᒥ, ᒐᕙᒪᑐᖃᒃᑯᓐᓂ ᐱᓕᕆᐊᖑᔪᖅ ᐱᕙᓪᓕᐊᑎᑕᐅᓯᒪᔪᒥ ᑲᓇᑕᒥ ᐊᑭᓕᐅᑕᐅᔪᖅ ᐃᒡᓗᒧᑦ ᓄᓇᒧᓪᓘᓐᓃᑦ ᐊᒻᒪ ᐃᒡᓗᓕᕆᔨᕐᔪᐊᒃᑯᓐᓂ ᐊᒻᒪ ᓄᓇᖃᖅᑳᖅᓯᒪᔪᓄᑦ ᐱᔨᑦᑎᕋᕐᓂᕐᒥ ᑲᓇᑕᒥ.

ᓇᑉᐸᖅᑎᕆᓂᕐᒥ $11.6 ᒥᓕᐊᓐᑲᓴᖕᓂ ᐊᕐᓇᓄᑦ ᓱᕈᓯᕐᓄᓪᓗ ᕿᒫᕝᕕᒃ ᐱᒋᐊᓇᐅᖅᐳᖅ ᓯᑎᐱᕆᐅᑉ ᓄᙳᐊᓂ ᐊᒻᒪ ᓂᕆᐅᒋᔭᐅᕗᖅ ᐱᔭᕇᖅᑕᐅᓂᐊᕐᓂᖓᓂ ᔫᓂ 2024−ᒥ, ᐅᖃᓚᐅᖅᐳᖅ ᓴᓂᑭᓗᐊᖅ ᓄᓇᓕᖕᓂ ᐊᐅᓚᑦᑎᔨᐅᔪᖅ ᕌᓐ ᓛᑦ ᓄᕕᐱᕆ 16−ᒥ.

ᖄᒃᑲᓐᓂᐊᒍᑦ ᕿᒫᕝᕕᖕᒥ ᑲᒪᔨᐅᔪᖅ ᕋᒻᓕ, ᕿᒫᕝᕕᒃ ᑐᓂᓯᓂᐊᖅᐳᖅ ᐱᖓᓱᓂ ᐅᓪᓗᓕᒫᖅᓯᐅᑎᓂ ᐃᓂᒃᓴᐅᔪᓂ ᐊᒻᒪ ᒪᕐᕉᖕᓂ ᐅᓪᓘᑉ ᐃᓚᖓᓐᓂ ᐃᓂᒃᓴᐅᔪᓂ. ᕿᒫᕝᕕᒃ 7−ᓂ ᐃᒡᓗᕈᓯᖃᕐᓂᐊᖅᐳᖅ, ᑐᓂᓯᓪᓗᓂ ᐃᓄᖃᕈᓐᓇᕐᓂᖓᓂ 14−ᓂ.

ᕿᒫᕝᕕᖕᒥ ᐃᒡᓗᖃᖅᑎᑕᐅᔪᑦ ᐊᑐᒐᖃᕐᓂᐊᖅᐳᑦ ᓂᕿᓕᐅᕐᕕᖕᒥ ᐃᓂᒋᔭᐅᔪᒥ ᐊᓐᓄᕌᕐᓂ ᐅᐊᓴᕐᕕᓕᖕᒥ, ᐱᓕᒻᒪᒃᓴᓂᕐᒧᑦ ᑲᑎᒪᔨᕋᓛᓄᑦ ᐃᒡᓗᕈᓯᕐᒥ ᐊᒻᒪ ᐅᐸᒃᑕᐅᔭᙱᑦᑐᓂ ᐱᙳᐊᕐᕕᐅᔪᒥ ᐃᓂᐅᔪᒥ.

ᕋᒻᓕ, ᑯᕇᖑᔪᖅ Sucker Creek ᐊᓪᓚᓄᑦ ᐋᓪᐴᑕᒥ, ᓅᓚᐅᖅᐳᖅ ᐃᓂᒃᓴᐅᔪᒧᑦ. “ᐅᓇ ᐊᖏᕐᕋᕆᓕᖅᐸᕋ. ᐊᒻᒪ ᓄᓇᓕᐅᔪᖅ ᑲᒪᓇᕐᔪᐊᖅᓯᒪᕗᑦ ᐊᒻᒪ ᐅᕙᓐᓂ ᑐᙵᓱᒃᑎᑦᑎᑦᑎᐊᖅᖢᑎᒃ,” ᐅᖃᓚᐅᖅᐳᖅ.

ᑭᓯᐊᓂ ᒫᓐᓇ, ᐅᖃᓚᐅᖅᐳᖅ, ᐱᓕᕆᑦᑎᐊᕈᓐᓇᕐᓂᕐᒥ ᐃᒻᒥᓄᑦ ᕿᒪᒃᓯᔪᓐᓇᖅᓯᒍᓂ− ᕿᒫᕝᕕᒃ ᐃᖅᑲᓇᐃᔭᖅᑎᖃᓕᕈᓂ ᐊᒻᒪ ᐊᐅᓚᑕᐅᓗᓂ ᓄᓇᓕᖕᒥᐅᑕᓂ ᓴᓂᑭᓗᐊᕐᒥ.