ᐳᓛᖃᑦᑕᖁᔨᙱᓐᓂᖅ ᐋᓐᓂᐊᕕᖕᒦᑦᑐᓂᒃ ᐃᖃᓗᖕᓂ ᐊᑐᓕᖅᑎᑕᐅᕗᖅ

For English version, see No-visitor policy put in place for patients in Iqaluit health-care centres

ᒫᓐᓇᓚᐅᑲᒃ ᐳᓛᖃᑦᑕᖁᔨᙱᑦᑐᑦ ᐃᖃᓗᐃᑦ ᐋᓐᓂᐊᕕᑎᓐᓃᑦᑐᓄᑦ ᐱᔾᔪᑎᖃᖅᖢᑎᒃ ᐱᑕᖃᕐᓂᕐᓴᐅᓗᐊᓕᕐᓂᖓ ᓄᕙᒡᔪᐊᕐᓇᖅ-19.

ᓄᓇᕗᑦ ᐋᓐᓂᐊᖃᕐᓇᙱᑦᑐᓕᕆᔨᖏᑦ ᑖᔅᓱᒥᖓ ᑐᓴᖅᑎᑦᑎᓚᐅᕐᑐᑦ ᔭᓄᐊᕆ 5ᒥ.

ᐃᓚᖏᑦ ᐋᓐᓂᐊᕐᑐᑦ ᐊᑕᐅᓯᕐᒧᑦ ᐳᓛᖅᑕᐅᔪᓐᓇᖅᑎᑕᐅᓂᐊᕐᑐᑦ, ᑖᓐᓇ ᑐᓴᒐᒃᓴᓕᐊᖑᔪᖅ ᐅᖃᕐᓯᒪᓚᐅᕐᑐᖅ. ᐅᑯᐊ ᐳᓛᖅᑎᖃᕈᓐᓇᖅᑐᑦ:

• ᐋᓐᓂᐊᕕᖕᒦᑦᑐᑦ ᐅᑭᐅᑭᓗᐊᕐᑐᑦ;

• ᓇᔾᔨᔪᑦ ᐃᓐᓂᓱᓕᕐᐸᑕ;

• ᑲᒪᒋᔭᐅᙱᓐᓇᕆᐊᓖᑦ ᐋᓐᓂᐊᕐᑐᑦ; ᐊᒻᒪ

• ᐋᓐᓂᐊᕐᑐᑦ ᐃᑲᔪᖅᑕᐅᔭᕆᐊᓖᑦ ᑐᓵᔨᖃᕆᐊᓕᓪᓘᓐᓃᑦ, ᓲᕐᓗ ᐃᓐᓇᑐᖃᐃᑦ.

ᐊᓯᓕᒫᖏᑦ ᐃᓄᑖᔭᕆᐊᖃᕐᑐᑦ ᑲᒪᒋᔭᐅᔭᕐᑐᕐᓗᑎᒃ. ᒪᑐᐊᕐᓯᒪᔭᕆᐊᖃᖅᖢᑎᒡᓗᑎᒃ ᐋᓐᓂᐊᕕᒃᒥ ᐃᖅᑲᓇᐃᔭᖅᑎᐅᔪᑦ, ᐋᓐᓂᐊᕐᕕᓕᐊᕐᑐᑦ ᐊᒻᒪ ᐳᓛᕐᑐᑦ, ᐅᖃᕐᓯᒪᓚᐅᕐᒥᔪᖅ ᑐᓴᒐᒃᓴᖅ.

ᐱᓇᓱᐊᕈᓯᐅᓚᐅᕐᑐᒥ ᓄᓇᕗᒥᑦ ᒐᕙᒪᒃᑯᑦ ᑐᓴᖅᑎᑦᑎᓚᐅᕐᑐᑦ ᕿᑲᕐᓇᐅᑎᓪᓗᒍ ᐅᓄᕐᓯᕚᓪᓕᓚᐅᕐᓂᖏᓐᓂᒃ ᓄᕙᒡᔪᐊᕐᓇᖅ-19 ᕿᑭᖅᑖᓗᒃᒥᓐ ᐱᓗᐊᕐᑐᒥᐃᖃᓗᖕᓂ.

ᑎᓯᐱᕆᒥ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ ᔮᓐ ᒪᐃᓐ ᐊᒻᒪ ᓄᓇᕗᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᖓᔪᖅᑳᖅ ᓘᒃᑖᖅ ᓵᓐ ᕗᐊᓯᑐᓪ ᐅᔾᔨᕐᓱᖁᔨᓚᐅᕐᓯᒪᔪᑦ ᐅᓄᕐᓯᕚᓪᓕᕐᓂᖓᓂᒃ ᐋᓐᓂᐊᕐᓇᖅᑐᑦ ᓄᓇᕗᒥᑦ.

ᓄᓇᕗᒥᑦ ᒐᕙᒪᒃᑯᑦ ᐅᓂᒃᑳᓕᐅᖃᑦᑕᕈᓐᓃᓚᐅᕐᒪᑕ ᓄᕙᒡᔪᐊᕐᓇᖅ-19 ᖃᔅᓯᓄᑦ ᐋᓐᓂᐊᕆᔭᐅᖕᒪᖔᑦ ᓄᓇᕗᒥᑦ. ᒐᕙᒪᒃᑯᑦ ᖃᐅᔨᔪᓐᓇᓚᐅᕐᑐᑦ ᐅᓄᕐᓯᕚᓪᓕᕐᓯᒪᓂᖏᓐᓂᒃ ᒪᐅᓇ PCR ᖃᐅᔨᓴᕈᑎᓂᒃ ᖃᐅᔨᔾᔪᑎᓄᑦ, ᓄᓇᓕᖕᓂ ᐋᓐᓂᐊᕕᖕᓂ ᖃᐅᔨᓴᕈᑎᑎᒍᑦ ᐊᒻᒪᓗ ᓱᒃᑲᔪᒥᒃ ᖃᐅᔨᔾᔪᑎᓂᒃ ᐅᖃᐅᓯᐅᑲᑕᒃᑐᓂᒃ ᓄᕙᒡᔪᐊᕐᓇᖅ-19 ᒥᒃᓵᓄᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᖃᕐᑎᖓ ᓇᐃᑏᓐ ᐴᑎ ᐅᖃᓚᐅᕐᑐᖅ ᓄᓇᑦᓯᐊᕐᒥ ᐱᕙᓪᓕᐊᔪᓄᑦ.

ᑭᓇᑐᐃᓐᓇᖅ ᖃᐅᔨᓴᕈᑎᑎᒍᑦ ᐋᓐᓂᐊᖃᕐᓂᕋᖅᑕᐅᒃᐸᑦ ᐅᕝᕙᓘᓐᓃᑦ ᐃᓱᒫᓘᑎᖃᕐᐸᑦ ᓄᕙᒡᔪᐊᕐᓇᖅ-19 ᒥᒃᓵᓄᑦ ᐅᖄᓚᕝᕕᒃᑕᖃᖅᑐᑦ ᑐᓴᕐᕕᐅᔪᓐᓇᖅᑐᒥ ᐊᑐᐃᓐᓇᐅᓪᓗᓂ ᓇᒡᒐᔾᔭᐅ ᑕᓪᓕᕐᒥᕐᒧᑦ 10ᒥ ᐅᓪᓛᑯᑦ 8ᒧ ᐅᓐᓄᖕᒧᑦ ᐅᕙᓂ 1-888-975-8601.

ᓄᓇᕗᒥᑦ ᒐᕙᒪᒃᑯᑦ ᐅᖃᐅᔾᔪᐃᓯᒪᔪᑦ ᐊᐃᑦᑐᕐᓯᑦᑕᐃᓕᓂᕐᒥᒃ ᓄᕙᒡᔪᐊᕐᓇᖅ-19ᒥ ᐃᓚᖃᕐᑐᖅ ᑲᐱᔭᐅᓗᓂ ᐊᒻᒪ ᑭᖑᓂᐊᒍᑦ ᑲᐱᔭᐅᒃᑲᓐᓂᕐᓯᒪᓗᓂ ᐊᔪᕐᓇᙱᑉᐸᑦ, ᐅᖓᒃᓴᑲᑕᒃᐸᒡᓗᑎᒃ, ᑕᓗᐊᕐᓯᒪᓗᑎᒃ ᐋᓐᓂᐊᕕᒐᓚᖕᓂᒃ ᐊᒻᒪᓗ ᐋᓐᓂᐊᕈᔪᓕᕌᖓᑕ ᐃᓄᑑᓐᓇᖅᑐᒦᑉᐸᒡᓗᑎᒃ.