ᔮᓇᑦ ᐳᕉᔅᑐ ᐆᒥᖓ ᐊᔾᔨᙳᐊᕐᒥ ᐃᓕᓯᓚᐅᕐᑐᖅ ᑐᕕᑐᑯᑦ ᐅᑯᐊ ᐃᓕᓐᓂᐊᖅᑐᓄᑦ ᐊᑐᖅᑕᐅᔭᕆᐊᖃᖅᑐᑦ ᐊᑭᖃᓚᐅᕐᓂᖏᓐᓂᒃ $43-ᒥᑦ ᐃᖃᓗᖕᓂᑦ. ᑖᓐᓇ ᑲᓇᑕᒥᐅᓄᑦ ᑕᑯᔭᐅᑲᑕᓕᓚᐅᕐᓯᒪᔪᖅ ᐊᒻᒪ ᕿᓚᒥᕈᓗᒃ ᑎᑎᕋᕐᕕᐅᑲᑕᓕᕐᖢᓂ ᐊᒻᒪ ᐃᑲᔫᑎᒃᓴᓂᒃ ᑐᓂᔭᐅᑲᑕᓕᕐᖢᑎᒃ. (ᐊᔾᔨᙳᐊᖁᑎᒋᔭᐅᔪᖅ)

ᑕᑯᔭᐅᑲᑕᕈᓘᔭᕐᑐᖅ ᓴᖅᑭᑎᑕᐅᓂᑯ ᐱᒋᐊᕈᑎᐅᕗᖅ ᐃᑲᔫᑎᒃᓴᓂᒃ ᒪᑯᓂᖓ ᐱᖁᑎᒃᓴᓄᑦ ᐊᒻᒪ ᑮᓇᐅᔭᓂᒃ ᓄᓇᕗᑦ ᐃᓕᓐᓂᐊᕐᕕᖏᓐᓄᑦ

ᓴᖅᑭᑕᐅᓂᑯ ᓴᖅᑭᑎᑦᑎᕗᖅ ᐊᑭᑐᓂᖓᓂᒃ ᐃᓅᓇᓱᖕᓂᖅ ᓄᓇᕗᒥᑦ

By ᒦᒐᓐ ᑎᐅᓕᖕ
ᓄᓇᓕᖕᓂ ᑐᓴᒐᒃᓴᓕᕆᓂᕐᒧᑦ ᐱᓕᕆᐊᓄᑦ ᑐᓴᒐᒃᓴᓕᐅᕐᑎ

For an English version of this story, see Viral tweet spurs donations of supplies and money to Nunavut schools

ᓴᖅᑭᑎᑕᐅᓂᑯ ᑐᕕᑐᒃᑯᑦ ᑕᒪᓐᓇ ᑕᖅᑭᖅ ᐱᒋᐊᓕᓵᖅᑎᓪᓗᒍ ᓴᖅᑭᑎᑦᑎᓯᒪᓪᓗᓂ ᐃᓕᓐᓂᐊᕐᕕᒃᒥᑦ ᐊᑐᖅᑐᒃᓴᑦ ᐊᑭᑐᓂᖏᓐᓂᒃ ᐃᖃᓗᖕᓂ ᑕᑯᔭᐅᑲᑕᕈᓘᔭᓚᐅᕐᓯᒪᕗᖅ, ᑎᑎᕋᖅᑐᖃᐅᓕᕐᖢᓂ ᐃᑲᔪᕈᒪᔪᓂᒃ ᐃᓕᓐᓂᐊᕐᕕᖕᓂᒃ ᓄᓇᕗᒥᑦ.

ᔮᓇᑦ ᐳᕉᔅᑐ ᓴᖅᑭᑎᑦᑎᓚᐅᕐᑐᖅ ᑐᕕᑐᑯᑦ. ᒫᓐᓇ ᓱᓕ ᑎᑎᕋᕐᕕᐅᑲᑕᒃᑯᑦ ᑲᓇᑕᒥᐅᑕᓂᒃ ᖃᐅᔨᔪᒪᑲᑕᒃᑐᓂᒃ ᓇᒧ ᑮᓇᐅᔭᓂᒃ ᐊᒻᒪ ᐃᓕᓐᓂᐊᕐᕕᒃᒥᑦ ᐊᑐᖅᑐᒃᓴᓂᒃ ᓇᒡᓯᐅᔾᔪᓐᓇᕐᒪᖔᖏᓐᓂᒃ.

“ᐱᓇᓱᐊᕈᓰᒃ ᒪᕐᕉᓕᕐᑑᒃ ᐅᓄᕈᓘᔭᖅᑐᓂᒃ ᐃᓄᖕᓂᒃ ᐅᖃᖃᑎᖃᕈᓘᔭᑲᑕᒃᖢᖓ,” ᐅᖃᖅᑐᖅ.

ᐳᕉᔅᑐ ᐊᒻᒪ ᐃᕐᓂᖓ, ᑖᓐᓇ ᒍᕇᑦ 10-ᒥ ᐃᓕᓐᓂᐊᖅᑐᖅ ᐃᓄᒃᓱᒃ ᐃᓕᓐᓂᐊᕐᕕᐊᓗᒃᒥᑦ ᐃᖃᓗᖕᓂ, ᓂᐅᕕᕆᐊᓚᐅᕐᓯᒪᖕᒪᑕ ᑕᐃᒪᐃᖃᑦᑕᕋᒥᒃ ᐃᓕᓐᓂᐊᕐᓇᖅ ᐱᒋᐊᓕᕌᖓᑦ ᐱᑖᕋᓱᒃᖢᑎᒃ ᐃᓕᓐᓂᐊᕐᕕᒃᒥᑦ ᐊᑐᖅᑐᒃᓴᓂᒃ.

ᑎᑎᕋᕐᕕᒃᓴᖅᑖᖅᖢᑎᒃ, ᒪᕐᕉᖕᓂ ᐃᒪᓖᖕᓂ ᑎᑎᕋᐅᑏᖕᓂᒃ, ᐱᖓᓱᓂᒃ ᑐᖑᔪᖅᑐᓂ ᐸᐅᖃᖅᑐᓂᒃ ᑎᑎᕋᐅᑎᓂᒃ, 12-ᓂᒃ ᑎᑎᕋᐅᑎᓂᒃ ᐴᕐᓯᒪᔪᓂᒃ, ᑎᑎᖃᓄᑦ ᑕᕐᓴᓕᐅᕈᑎᓂᒃ ᑲᑎᕐᖓᔪᓂᒃ ᐊᒻᒪᓗ ᒪᕐᕉᖕᓂᒃ ᐲᔭᐃᔭᕈᑏᖕᓂᒃ.

ᐊᑭᖏᓐᓂᒃ ᕿᒥᕐᕈᐊᑲᑕᖏᖢᓂ ᐊᕝᕗᓚᐅᕐᓂᖓᓄ, ᐊᑭᓖᒋᐊᖃᕐᓂᕋᖅᑕᐅᖕᒪᑦ $43-ᓂᒃ, ᑕᒪᕐᒥᒃ ᐳᕉᔅᑐ ᐊᒻᒪ ᐃᕐᓂᖓ ᑲᒪᒻᒪᕆᓚᐅᕐᑑᒃ.

“ᑖᓐᓇ ᐱᓇᓱᐊᕈᓯᕐᒥ ᐃᓅᓇᓱᖕᓂᕐᒧᑦ ᐋᖅᑭᒃᓯᒪᔭᑦᑕ ᓇᑉᐸᖓᑕ ᓇᑉᐸᓪᓗᐊᕆᓚᐅᕐᑕᖓ, ᑖᓐᓇᓗ ᐅᕙᑦᑎᖕᓄ ᑲᒪᓇᒻᒪᕆᒃᖢᓂ,” ᐅᖃᖅᑐᖅ.

ᐃᓱᒪᓗᐊᕋᓂ ᑖᔅᓱᒥᖓ, ᐳᕉᔅᑐ ᐊᔾᔨᓕᐅᕐᓯᓪᓗᓂ ᓂᐅᕕᖅᑕᖏᓐᓂᒃ ᐊᒻᒪ ᓇᕿᖢᓂᐅᒃ ᐊᐅᓪᓚᖅᑎᓪᓕ, “ᑕᐃᒪᙵᓪᓕ ᐱᓕᕆᐊᖑᕐᔪᐊᖑᐃᓐᓇᖅᑐᖅ.”

ᐊᑯᓂᐅᙱᑦᑐᖅ ᐳᕉᔅᑐ ᐃᓅᓯᓕᕆᔨᒧ ᐃᓕᓐᓂᐊᕐᕕᐊᓗᖕᒥ ᐊᐱᕆᓕᓚᐅᕐᓯᒪᔪᖅ ᑖᔅᓱᒪ ᐃᓕᓐᓂᐊᕐᕕᐅᑉ ᑐᕌᕈᑎᖓᓂ ᑐᓂᔪᓐᓇᕆᐊᒃᓴᖓᓂᒃ ᐃᓄᖕᓄᑦ ᑖᔅᓱᒧᖓ ᐅᖃᓚᑲᑕᒃᑐᓄᑦ.

ᐃᓕᓐᓂᐊᕐᕕᐊᓗᒃ ᕿᓚᒥᕈᓗᒃ ᐅᖃᓕᓚᐅᕐᓯᒪᔪᑦ ᐱᖁᑎᖃᑦᑎᐊᓕᕐᓂᖏᓐᓂᒃ ᓈᒻᒪᒃᑐᓂᒃ. ᑕᐃᒪᐃᑎᓪᓗᒋᑦ, ᐳᕉᔅᑐ ᕗᐃᑭᐲᑎᐊᒃᑯᑦ ᓄᓇᕗᒥᑦ ᐃᓕᓐᓂᐊᕐᕕᖕᓂ ᓇᓗᓇᐃᔭᐃᓕᓚᐅᕐᑐᖅ ᑖᒃᑯᐊ ᐅᖃᕐᕕᐅᔪᓐᓇᕐᓂᐊᕐᒪᑕ.

ᐳᕉᔅᑐᒧᓪᓕ ᑕᒪᓐᓇ ᖃᐅᔨᒍᑎᒋᓕᓚᐅᕐᑕᖓ ᓱᕈᓰᑦ ᐃᓱᒪᒋᔭᐅᑦᑎᐊᕐᓂᖏᓐᓂᒃ ᐊᒻᒪᓗ ᖃᐅᔨᔭᐅᒃᑲᓐᓂᕈᒪᓪᓗᑎᒃ ᐃᓅᓇᓱᖕᓂᕐᒥᒃ ᐊᒻᒪᓗ ᐅᖃᐅᓯᖃᕐᓂᕐᒥᒃ ᐊᑭᑐᓗᐊᕐᓂᖓ ᐃᓅᓯᖃᕋᓱᖕᓂᖅ ᓄᓇᕗᒥᑦ.

“ᑕᐃᒪᓕ,” ᐅᖃᖅᑐᖅ, “ᐃᓄᐃᑦ ᖃᐅᔨᒪᓂᕐᓴᐅᓕᕐᐸᑕ ᑕᐃᒪᓕ ᑕᒪᓐᓇ ᐊᒃᑐᖅᑕᐅᔾᔪᑎᐅᓂᕐᓴᐅᓂᐊᕐᑐᖅ.”

ᐳᕉᔅᑐ ᐃᕐᓂᖓᓗ ᓂᐅᕕᕈᒪᓚᐅᕐᑑᒐᓗᐊᒃ ᐸᐃᕐᐹᓂᒃ ᐃᓕᐅᖃᒐᒃᓴᓂᒃ, ᑭᓯᐊᓂᓕ ᐊᑭᖃᓚᐅᕐᒪᑕ $24.99 300-ᓂ ᐃᓗᓕᓕᖕᓄᑦ. ᐋᒥᔮᓐ ᐳᕋᐃᒻᒥ ᓂᐅᕕᖔᕈᒪᓕᓚᐅᕐᑑᒃ.

ᖃᐅᔨᒪᖕᒥᔪᖅ ᐃᓚᖏᑦ ᐃᓄᐃᑦ ᐊᑐᐃᓐᓇᖃᙱᓐᓂᖏᓐᓂᒃ ᐃᑭᐊᕿᕕᒃᒥᑦ (Internet) ᐅᕝᕙᓘᓐᓃᑦ ᐊᐅᒃᑕᔫᓂᒃ ᐊᑭᓕᒃᓴᖃᐅᑎᖃᕐᕕᒃᓂᒃ ᑕᒪᒃᑯᓂᖓ ᑎᑭᓴᐃᒍᑎᐅᔪᑎᐅᔪᓐᓇᖅᑐᓂᒃ ᖃᕋᓴᐅᔭᒃᑯᑦ. ᐊᒻᒪᓗ, ᐃᖃᓗᐃᑦ ᓯᓚᑖᓂᑦ ᓄᓇᖃᖅᑐᑦ ᐊᑭᖃᙱᑦᑐᒥᒃ ᐊᐅᓪᓚᖅᑎᑦᑎᕕᐅᔪᓐᓇᙱᖢᑎᒃ ᐅᑯᑎᒎᓇᖅ ᐋᒥᔮᓐ ᐳᕋᐃᒻ.

ᓱᕈᓰᑦ ᐃᓕᓐᓂᐊᕆᐊᕌᖓᑕ ᐊᑐᕆᐊᖃᖅᑕᖏᓐᓂᒃ ᐱᖃᙱᖢᑎᒃ, ᓇᓗᓇᙱᓚᖅ ᐊᔪᕐᓴᕐᓂᖏᓐᓂᒃ, ᑕᒪᓐᓇᓗ ᓇᓗᓇᐃᓯᒪᒋᓪᓗᓂ ᑮᓇᐅᔭᓕᐅᕐᓇᙱᓗᐊᕐᓂᖓ ᓄᓇᕗᒥᑦ, ᐳᕉᔅᑐ ᐅᖃᖅᑐᖅ.

ᑕᒪᒃᑯᐊ ᐃᓚᖏᓐᓄᑦ ᐃᓕᓐᓂᐊᕈᓐᓃᕐᓵᓕᒍᑎᐅᑐᐃᓐᓇᕆᐊᓖᑦ, ᐅᖃᖅᑐᖅ.

“ᖃᓄᐃᓕᐅᕋᓱᖕᓂ ᓱᕈᓯᕗᑦ ᐃᓕᓐᓂᐊᕈᓐᓃᕐᓵᓕᖁᓇᒋᑦ ᐱᒻᒪᕆᐊᓘᖕᒪᑦ,” ᐅᖃᒃᑲᓐᓂᕐᑐᖅ.

ᐳᕉᔅᑐ ᕿᑐᕐᖓᖃᖅᑐᖅ ᐃᓕᓐᓂᐊᕌᓂᒃᓯᒪᓕᕐᑐᓂᒃ, ᐊᒻᒪᓗ ᐅᖃᖅᖢᓂ ᑖᒃᑯᐊ ᐃᓕᓐᓂᐊᕐᕕᐊᓗᒃᒥᑦ ᐃᓕᓐᓂᐊᕆᐊᖅᐸᒃᑎᓪᓗᒋᑦ ᐃᓕᓐᓂᐊᕈᑎᓄᑦ ᐱᖁᑎᒃᓴᑦ ᐊᑭᑭᓐᓂᕐᓴᐅᓚᐅᕐᓯᒪᓂᖏᓐᓂᒃ.

ᔮᓐ ᕚᓐᔪᐊᐃ, ᐊᖓᔪᖅᑳᖅ ᓄᓇᕗᑦ ᐃᓕᓐᓂᐊᖅᑎᑦᑎᔩᑦ ᑲᑐᔾᔨᖃᑎᒌᓄᑦ, ᐅᖃᓚᐅᕐᑐᖅ ᐃᓕᓐᓂᐊᕐᕕᒃᒥᑦ ᐊᑐᖅᑕᐅᔭᕆᐊᓖᑦ ᐊᕐᕌᒍᑕᒫᑦ ᐊᑭᒃᑐᕆᐊᖃᑦᑕᕐᓂᕋᖅᖢᓂᒋᑦ, ᑭᓯᐊᓂᓕ ᓄᓇᕗᑦ ᒐᕙᒪᒃᑯᑦ ᐃᓕᓐᓂᐊᕐᓂᓕᕆᔨᖏᑦ ᐊᓯᙳᖅᐸᙱᒻᒪᑕ ᐃᑲᔫᑎᒃᓴᓕᕆᓂᕐᒥᒃ ᐃᓕᓐᓂᐊᖅᑐᓕᕆᔨᓄᑦ ᑕᒪᒃᑯᓄᖔᖓᔪᓄᑦ.

ᐃᓕᓐᓂᐊᕐᕖᑦ ᐃᑲᔫᑎᑖᖃᑦᑕᖅᑐᑦ ᐱᖃᖅᑎᑦᑎᔪᓐᓇᕐᓗᑎᒃ “ᐃᓕᓐᓂᐊᕐᕕᒃᒥᑦ ᐊᑐᖅᑕᐅᒋᐊᓕᖕᓂᑦ” ᐃᓕᓐᓂᐊᖅᑎᓄᑦ, ᐅᖃᖅᑐᖅ.

“ᐸᐃᑉᐹᑦ, ᑎᑎᕋᐅᑎᑦ, ᐅᓄᖅᑐᓕᐅᕈᑎᓄᑦ ᐸᐃᑉᐹᑦ. ᑕᐃᒪᐃᑦᑐᒐᓚᐃᑦ ᐱᖁᑎᑦ.”

“ᐃᓕᓐᓂᐊᕐᕕᒃᒥᑦ ᐊᑐᖅᑕᔭᕆᐊᓕᖕᓄᑦ ᓇᓗᓇᐃᖅᑕᐅᓯᒪᙱᑦᑐᑦ ᓂᐅᕕᖅᑕᐅᔭᕆᐊᖃᖅᑐᑦ ᐃᓕᓐᓂᐊᖅᑎᐅᑉ ᐃᓚᖏᓐᓄᑦ ᐅᕝᕙᓘᓐᓃᑦ ᐃᓕᓴᐃᔨᓄᑦ,” ᐅᖃᖅᑐᖅ.

“ᐅᖃᐅᑎᔪᓐᓇᕐᑕᒃᑲᓕ ᐃᑲᔪᕈᒪᔪᑦ ᑕᑯᒋᐊᕐᓗᑎᒃ ᓄᓇᓕᖕᓂ ᐃᑲᔪᕈᒪᔭᖏᓐᓂᒃ ᐊᒻᒪᓗ ᖃᐅᔨᓇᓱᒡᓗᑎᒃ ᑭᓱᓂ ᐱᔭᕆᐊᖃᕆᐊᒃᓴᖏᓐᓂᒃ.”

ᕚᓐᔪᐊᐃ ᐅᖃᓚᐅᕐᑐᖅ ᐃᓕᓐᓂᐊᖅᑎᑦᑎᔩᑦ ᑲᑐᔾᔨᖃᑎᒌᖏᑦ ᓄᓇᕗᑦ ᒐᕙᒪᒃᑯᓐᓂ ᑮᓇᐅᔭᓂ ᐱᔪᒪᐃᓐᓇᐅᔭᕐᓂᖏᓐᓂᒃ ᐃᓕᓐᓂᐊᕐᕕᒃᓄᑦ. ᐱᓗᐊᕐᑐᒥᓪᓕ ᑕᑯᔪᒪᔪᖅ ᐋᖅᑭᒃᓱᐃᒍᑎᖏᓐᓂᒃ ᐊᕕᒃᑐᖅᓯᒪᓂᒃᑯᑦ ᑐᓂᓯᖃᑦᑕᕐᓂᖏᓐᓂᒃ ᐊᓯᙳᖅᑎᑕᐅᔪᓂᒃ.

ᐃᑲᔫᑎᒃᓴᓂᒃ ᐋᖅᑭᒃᓱᐃᒍᑎ, ᐆᒪᓕ ᕚᓐᔪᐊᐃ ᐅᖃᐅᓯᖓᒍᑦ, ᒪᓕᒃᓯᒪᖕᒪᑦ ᖃᔅᓯᓂᒃ ᐃᓕᓐᓂᐊᕆᐊᖃᖅᑐᓂᒃ ᑕᒪᐃᓐᓂ ᐃᓕᓐᓂᐊᕐᕕᖕᓂᒃ ᐊᕕᒃᑐᕐᓯᒪᔪᓂᒃ. ᑕᒪᓐᓇᓕ ᑐᑭᖃᖅᑐᖅ 40-ᐳᓴᓐᑎᖏᑦ ᐃᓕᓐᓂᐊᕆᐊᖃᖅᑐᑦ ᐃᓕᓐᓂᐊᕆᐊᖃᑦᑕᕐᓂᖏᓐᓂᒃ ᑕᒪᓐᓇ ᐱᓕᕆᐊᖑᑎᓪᓗᒍ, ᑕᐃᒪᓕ ᑖᒃᑯᓂᖓ ᓇᐃᓴᐅᑎᓂᒃ ᒪᓕᒃᖢᑎᒃ ᐃᑲᔫᑎᑖᖅᑎᑦᑎᓕᖃᑦᑕᖅᑐᑦ.

ᐃᑲᔫᑎᒃᓴᑦ ᒪᓕᒃᓴᒪᖔᖅᐸᑦ ᖃᔅᓯᐅᓂᖏᓐᓄᑦ ᐃᓕᓐᓂᐊᕐᓂᐊᖅᑐᑦ ᓇᓗᓇᐃᖅᑕᐅᓯᒪᔪᓂᒃ ᐆᒥᖓᐅᙱᑦᑐᖅ ᖃᔅᓯᑦ ᐃᓕᓐᓂᐊᕆᐊᖃᑦᑕᕐᓂᖏᓐᓂᒃ ᖃᖓᐅᓕᕌᖓᑦ, ᑕᐃᒪᓕ ᕚᓐᔪᐊᐃ ᐃᓱᒪᔪᖅ ᑕᐃᒪᓐᓇ ᐃᓕᓐᓂᐊᕆᐊᓕᖕᓂ ᐃᓕᓐᓂᐊᕈᒪᔾᔪᑎᐅᓂᕐᓴᐅᓇᔭᖅᑐᖅ.

“ᐃᑲᔫᑎᖃᑦᑎᐊᖃᑦᑕᖅᑐᖅ ᐃᓕᓐᓂᐊᕐᕕᒃ, ᑭᓱᖃᐅᑦᑎᐊᖅᑐᖅ ᐃᓕᓐᓂᐊᕐᕕᒃ ᐃᓕᓐᓂᐊᕆᐊᕈᒪᒍᑎᐅᓂᕐᓴᐅᓇᔭᕐᑐᖅ,” ᐅᖃᖅᑐᖅ. “ᑕᐃᒪᓕ ᐃᓕᓐᓂᐊᕆᐊᖅᐸᒃᑐᓂᒃ ᒪᓕᖕᓂᖅ ᐃᑲᔫᑎᒃᓴᓕᕆᓂᕐᒧᑦ ᐱᓇᓱᐊᖅᑕᐅᔪᒥᑦ ᐃᓕᓐᓂᐊᕆᐊᖁᔨᓂᕐᒥᒃ ᓲᕐᓗ ᒥᑭᓐᓂᕐᓴᐅᑎᑦᑎᖅᑰᔨᕗᖅ.”

ᕚᓐᔪᐊᐃ ᐃᓕᓐᓂᐊᕈᑎᒃᓴᐃᑦ ᖃᖓᑦᑕᐅᑎᖏᓐᓂᒃ ᐃᑲᔫᑎᖃᖁᔨᔪᖅ ᑕᒪᒃᑯᐊ ᐃᓄᐃᑦ ᑮᓇᐅᔭᓕᐅᑦᑎᐊᖅᐸᙱᑦᑐᑦ ᓂᐅᕕᕈᓐᓇᕐᓂᐊᕐᒪᑕ.

“ᐃᓚᒌᑦ ᑮᓇᐅᔭᓕᐅᕐᕕᖃᙱᑦᑐᑦ ᐊᒻᒪᓗ ᐊᑭᓕᒃᓴᖃᐅᑎᖃᙱᖢᑎᒃ ᐊᐅᒃᑕᔫᓂᒃ ᑮᓇᐅᔭᑐᐊᖏᓐᓂᒃ ᐊᑐᖅᑎᑕᐅᑲᑕᖕᒪᑕ ᐊᑭᑐᔪᐊᓗᖕᓄᑦ ᐃᓕᓐᓂᐊᕐᕕᒃᒥ ᐊᑐᖅᑕᐅᔪᒃᓴᓂᒃ,” ᐅᖃᖅᑐᖅ.

“ᐅᓇ ᓇᓕᒨᒌᒍᑎᐅᓐᓇᙱᒻᒪᑦ.”

ᑕᐃᕕᑎ ᔪᐊᓇᓯ, ᓄᓇᕗᒧᑦ ᐃᓕᓐᓂᐊᕐᓂᓕᕆᓂᕐᒥᒃ ᒥᓂᔅᑕ, ᐅᖃᓚᐅᕐᑐᖅ ᐊᖏᕈᑎᐅᕙᒃᑐᖅ ᐃᑲᔫᑎᒃᓴᓄᑦ ᐅᑯᐊ ᓄᓇᕗᑦ ᒐᕙᒪᒃᑯᑦ ᐊᖏᖃᑎᒌᒍᑎᖓ ᐊᕕᒃᑐᕐᓯᒪᓂᒃᑯ ᐃᓕᓐᓂᐊᕐᓂᓕᕆᔨᒃᑯᓐᓂᒃ ᐃᒪᐃᓕᖓᖕᒪᑦ “ᓈᒻᒪᒃᑐᓂᒃ ᐱᑖᕐᕕᖃᕈᓐᓇᖅᑐᑦ ᐃᓕᓐᓂᐊᕐᕕᖕᓄᑦ ᐱᖁᑎᒃᓴᓂᒃ.”

ᐱᖁᑎᒃᓴᐃᑦ ᐅᑯᐊᖑᓇᔭᖅᑐᑦ ᑎᑎᕋᐅᑎ, ᐸᐃᑉᐹᑦ, “ᐊᑐᖅᑕᐅᕙᒃᑐᑦ, ᐊᒻᒪ ᐸᐃᑉᐹᓄᒃ ᓇᕿᑦᑎᒍᑏᓪᓗ, ᓂᐱᐅᑏᓪ.” ᐅᖃᖅᑐᖅ.

“ᓲᖃᐃᒻᒪᑦᑕᐅᖅ ᒪᑯᐊ ᓴᓗᒻᒪᕐᓴᐃᒍᑎᒃᓴᑦ, ᑎᑎᕋᕐᕕᒃᓴᑦ, ᐃᒡᔪᓂᕐᓴᑦ ᐸᐃᑉᐹᑦ, ᐸᐃᑉᐹᒃᑯᕖᑦ, ᑐᐅᑖᖕᔅ, ᑕᒪᒃᑯᐊ ᐱᖁᑏᑦ ᐃᓚᐅᑎᑕᐅᕙᒃᑐᑦ ᐊᕕᒃᑐᖅᓯᒪᓂᒃᑯᑦ ᐃᓕᓐᓂᐊᖅᑐᓕᕆᔨᓂᒃ ᐃᑲᔫᑎᒃᓴᓂ ᑐᓂᐅᖃᐃᑎᓪᓗᒋᑦ.”

ᐅᖃᓚᐅᕐᑐᖅ ᑐᕕᑐᑯᑦ ᓴᖅᑭᑎᑕᐅᓂᑰ ᑕᐅᑐᒃᑕᐅᓗᐊᓕᕐᓂᖓ ᐱᔾᔪᑎᖃᓗᐊᕐᑐᖅ ᐃᓄᐃᑦ ᓂᐅᕕᕆᐊᖃᕐᓂᖏᓐᓄᑦ “ᐊᔾᔨᒋᙱᑕᖏᓐᓂᒃ ᐱᖁᑎᒃᓴᓂᒃ, ᐃᒻᒪᖄᓪᓘᓐᓃᑦ ᐃᓕᓐᓂᐊᕐᕕᖕᒥ ᐱᖁᑎᒋᔭᐅᔭᒃᑐᑦ ᐊᑐᖅᑕᐅᔭᕆᐊᓕᖕᓂ ᐊᕐᕌᒍᑕᒫᓐ.”

ᓄᓇᕗᑦ ᒐᕙᒪᒃᑯᑦ ᐊᕕᒃᑐᖅᓯᒪᓂᒃᑯᑦ ᐃᓕᓐᓂᐊᖅᑐᓕᕆᔨᓂᒃ ᑐᓂᓯᖃᑦᑕᖅᑐᑦ ᓴᖅᑭᑎᑦᑎᓯᒪᔪᓂᒃ ᖃᔅᓯᓂᒃ ᐃᓕᓐᓂᐊᖅᑐᖃᕆᐊᒃᓴᖓᓂᒃ ᓄᓇᖏᓐᓂᒃ ᐊᕕᒃᑐᕐᓯᒪᓂᒃᑯᑦ, ᐊᒻᒪᓗ ᖃᓄᖅ ᑖᓐᓇ ᑐᑭᖃᕐᒪᖔᑦ ᐊᐅᓚᔾᔪᑎᓕᕆᓂᒃᑯᑦ ᐃᑲᔫᑎᑖᕆᔭᐅᓂᐊᕐᑐᓂᒃ ᐊᕐᕌᒍᒧ, ᔪᐊᓇᓯ ᐅᖃᖅᑐᖅ.

ᐃᑲᔫᑎᒃᓴᓕᕆᓂᕐᒧᑦ ᓇᐃᓴᐅᓯᕆᔾᔪᑎᐅᔪᖅ “ᒥᓂᔅᑕᓄᑦ ᐊᖏᖅᑕᐅᓯᒪᔪᖅ,” ᐅᖃᖅᑐᖅ, ᑭᓯᐊᓂᓕ ᐅᖃᐅᓯᐅᓯᒪᓪᓚᕆᙱᑦᑐᖅ ᐊᕕᒃᑐᖅᓯᒪᓂᒃᑯᑦ ᐃᓕᓐᓂᐊᖅᑐᓕᕆᔨᓄᑦ.

ᑕᒡ ᕘᒃᒪᓐ, ᐃᒃᓯᕙᐅᑕᖅ ᐃᖃᓗᖕᓂ ᐃᓕᓐᓂᐊᖅᑐᓕᕆᔨᒃᑯᓐᓂ, ᐅᖃᓚᐅᕐᑐᖅ ᓇᐃᓇᐅᓯᕆᓂᐅᔪᖅ ᓴᖅᑭᔮᖅᑎᑦᑎᙱᓗᐊᕐᓂᖓᓂᒃ. ᔪᐊᓇᓯ ᐅᖃᓚᐅᕐᑐᖅ “ᑕᒪᓐᓇ ᕿᒥᕐᕈᐊᑦᑎᐊᕋᓱᒃᑕᕗᑦ ᐊᒻᒪᓗ ᐱᓕᕆᒃᑲᓐᓂᕈᓐᓇᕈᒪᓪᓗᑎ ᐱᐅᓂᕐᓴᐅᔪᒃᑯᑦ.”

ᓄᓇᕗᒥᑦ ᐃᓕᓐᓂᐊᕐᓂᓕᕆᔨᒃᑯᑦ ᐅᖃᓚᐅᕐᑐᑦ ᓄᓇᑦᓯᐊᕐᒥ ᐱᕙᓪᓕᐊᔪᓄᑦ ᐃᓕᓐᓂᐊᕐᕕᐅᔪᑦ ᐱᖁᑎᖃᐅᓕᕐᓂᖏᓐᓂᒃ ᑕᒪᑐᒪᖓ ᐊᕐᕌᒍᒧᑦ ᐱᔭᕆᐊᖃᖅᑕᖏᓐᓂᒃ ᐊᒻᒪᓗ ᐃᓕᓴᐃᔨᒥ ᐅᖃᖃᑎᖃᕈᒪᒐᓗᐊᕐᒪᑕ ᐊᖏᓚᐅᙱᑦᑐᑦ.

ᕘᒃᒪᓐ ᐅᖃᓚᐅᕐᑐᖅ ᐃᖃᓗᖕᓂ ᐃᓕᓐᓂᐊᖅᑐᓕᕆᔨᒃᑯᑦ ᑐᓂᓯᔪᒪᔪᓂᒃ ᐅᖃᐅᔾᔭᐅᑲᑕᒃᓯᒪᓕᕐᑐᑦ ᐊᔾᔨᒌᙱᕈᓘᔭᖅᑐᓂᒃ ᐃᓄᖕᓂᒃ, ᐊᒻᒪᓗ ᑕᒪᒃᑯᐊ ᑎᑭᑉᐸᓪᓕᐊᓕᖅᖢᑎ ᐱᓇᓱᐊᕈᓯᐅᓚᐅᕐᑐᒥᓐ.

Share This Story

(0) Comments