ᑭᐅᕈᓕᓐ ᐸᓇᑦ ᒪᒥᐊᓐᓂᐊᕐᑐᖅ ᐊᕼᐃᐊᕐᒥᐅᑦ ᐊᓯᐊᓄᑦ ᓅᑕᐅᓂᑰᓂᖏᓐᓂᒃ ᔭᓄᐊᕆ 22-ᖑᓕᕐᐸᑦ ᐊᕐᕕᐊᓂᑦ
“ᐅᓇ ᐋᕿᒃᐹᓪᓕᕈᑎᐅᓂᐊᕐᑐᖅ, ᐅᕙᓐᓄᑐᐊᙳᙱᑦᑐᖅ ᑭᓯᐊᓂᓕ ᐃᓚᓐᓄᑦ ᑭᖑᕚᑦᑎᓐᓄᓪᓗ”
ᐃᓚᒌᑦ ᐊᕼᐃᐊᕐᒥᐅᑦ, ᐃᓚᐅᓪᓗᓂ ᑕᐃᕕᑦ ᓯᖁᐊᒃ, ᐊᔾᔨᖃᖅᑐᖅ ᑐᓄᐊᓃᖢᓂ ᐊᓈᓇᖓᑕ ᒥᐊᓕ ᖃᕼᐅᖅ ᒥᑭ (ᕿᑎᐊᓂᑦ) ᐅᕙᓂ ᐃᓇᑕᐃ ᑕᓯᕐᒥ 1950-ᖏᑦᑕ ᕿᑎᐊᓂ ᑲᓇᑕᐅᑉ ᒐᕙᒪᖓᓄᑦ ᐊᓯᐊᓄᑦ ᓅᑕᐅᓚᐅᕐᑎᓐᓇᒋᑦ. (ᐊᔾᔨᙳᐊᖁᑎ)
For an English version of this story, see Carolyn Bennett to apologize for Ahiarmiut relocations on Jan. 22 in Arviat.
ᑭᐅᕈᓕᓐ ᐸᓇᑦ, ᒥᓂᔅᑕ ᑲᓇᑕᐅᑉ ᒐᕙᒪᖓᓄᑦ-ᓄᓇᖃᖅᑳᖅᑐᓄᓪᓗ ᐱᓕᕆᖃᑎᒌᖕᓂᕐᒧᑦ, ᐊᕐᕕᐊᓄᙵᐅᓂᐊᕐᑐᖅ ᔭᓄᐊᕆ 22-ᖑᓕᕐᐸᑦ ᒪᒥᐊᑦᑕᖅᑐᕐᓗᓂ ᒐᕙᒪᑐᖃᒃᑯᑦ ᓄᒃᑎᖅᑎᑦᑎᓚᐅᕐᓯᒪᖕᒪᑕ ᐊᕼᐃᐊᕐᒥᐅᓂᒃ 1949-ᓗ 1959-ᓗ ᐊᑯᓐᓂᖓᓂ, ᑖᒃᑯᓄᖓ ᒪᓕᒐᓕᕆᔨᖏᑦ, ᑰᐳ ᐅᕇᒍᓪ, ᐅᖃᓚᐅᕐᑐᖅ ᑐᓴᒐᒃᓴᓕᐅᕐᓂᒃᑯᑦ ᑎᓴᒻᒥᖅ, ᔭᓄᐊᕆ 10-ᒥᑦ.
“ᐃᓛᓐᓂᒃᑯᑦ ᓴᐱᓕᕈᒪᑐᐃᓐᓇᖃᑦᑕᓚᐅᕐᑐᖓ, ᑭᓯᐊᓂᓕ ᐃᓱᒪᒋᓕᕌᖓᒃᑭᑦ ᐃᓐᓇᑐᖃᕗᑦ ᐊᒃᓱᕈᖅᐸᓚᐅᕐᓂᖏᓐᓂᒃ ᐃᖕᒥᖕᓂᒃ ᐅᕙᑦᑎᓐᓂᒡᓗ ᐆᒪᑎᑦᑎᓇᓱᓚᐅᕐᓯᒪᓂᖏᓐᓂᒃ ᐱᓇᓱᐃᓐᓇᕈᑎᒋᓚᐅᕐᐸᒃᑲ,” ᑕᐃᕕᑦ ᓯᕐᑯᐊᒃ, ᐊᕼᐃᐊᕐᒥᐅᑕᓄᑦ ᐅᖃᕐᑎᒋᔭᐅᔪᖅ ᑕᒪᑐᒧᖓ ᐃᓕᓴᕆᔭᐅᓇᓱᒃᓯᒪᓂᕐᒥᒃ ᓅᑕᐅᓂᑰᓂᕐᒥᑦ ᐱᒋᐊᖅᖢᓂ 1992-ᒥᑦ, ᐅᖃᓚᐅᓯᖃᓚᐅᕐᑐᖅ ᐅᖃᐅᓯᕕᓂᕐᓂᒃ ᑐᓴᒐᒃᓴᓕᐅᕈᑎᓂᒃ.
“ᑕᒪᓐᓇ ᑕᐃᒪᐃᓐᓂᐊᕋᓱᒋᔭᐅᕐᓯᒪᔭᕋ, ᑭᓯᐊᓂᓕ ᖃᐅᔨᒪᓕᕐᖢᓂ ᐅᓪᓗᕐᒥᑦ ᐊᒻᒪᓗ ᒥᓂᔅᑕᓪᓚᕆᖕᒥ ᑲᓇᑕᐅᑉ ᒐᕙᒪᒃᑯᖏᓐᓂᒃ ᒪᒥᐊᑦᑕᖅᑐᕐᓂᐊᕐᓂᖓ ᓄᓇᑦᑎᓐᓄ ᐋᕿᒃᐹᓪᓕᕈᑎᐅᓂᐊᕐᑐᖅ, ᐅᕙᓐᓄᑐᐊᙳᙱᑦᑐᖅ ᑭᓯᐊᓂᓕ ᐃᓚᓐᓄᑦ ᑭᖑᕚᑦᑎᓐᓄᓪᓗ,” ᓯᖁᐊᒃ ᐅᖃᖅᑐᖅ.
ᓯᖁᐊᒃ, ᖃᐅᔨᓴᖅᑎᓪᓗ ᐅᑯᐊ ᕗᕋᑐᕆᒃ ᓗᒎᕌᓐ ᐊᒻᒪ ᔨᐅᕆᒃ ᐆᔅᑕᓐ, ᐋᕿᒃᓯᓚᐅᕐᓯᒪᔪᑦ 2006-ᒥᑦ ᑕᑭᔪᕈᓗᖕᒥᑦ ᐅᖃᓕᒫᒐᕐᒥᒃ ᐅᖃᐅᓯᓕᖕᒥᑦ ᓅᑕᐅᔪᕕᓂᕐᓂᒃ, ᐱᒋᐊᕐᕕᖃᖅᖢᓂ ᐊᒥᓱᓂᒃ ᐃᓐᓇᑐᖃᐃᑦ ᐃᖅᑲᐅᒪᔭᖏᓐᓂᒃ ᐊᒻᒪ ᐊᓯᖏᓐᓂᙶᖅᑐᓂᒃ.
ᐊᐅᔭᐅᓚᐅᕐᑐᖅ, ᐊᕼᐃᐊᕐᒥᐅᑦ ᓵᓚᒃᓴᓚᐅᕐᓯᒪᖕᒪᑕ ᐊᖏᖃᑎᒌᒍᑎᒃᑯᑦ ᑮᓇᐅᔭᓂ ᒐᕙᒪᑐᖃᒃᑯᓐᓂᒃ ᒫᓂ ᐊᑭᖃᓪᖢᐊᖅᖢᓂ 5 ᒥᓕᐊᓐ ᑖᓚᓂ, ᑖᓐᓇᓗ ᐱᔾᔪᑎᖃᓚᐅᕐᑐᖅ ᐋᔩᖃᑎᒌᒍᑎᕕᓂᕐᓂᒃ ᐃᖅᑲᖅᑐᐃᕕᒃᑰᖅᑎᑦᑎᔪᒪᓂᕐᒥᑦ 2008-ᖑᑎᓪᓗᒍ.
ᐅᓇ ᒪᒥᐊᓐᓂᖅ ᐃᓚᒋᔭᐅᖕᒪᑦ ᐊᖏᕈᑎᓂᒃ.
ᐃᖅᑲᖅᑐᐃᕕᒃᑰᖅᑎᑦᑎᔪᒪᓂᖓᒍᑦ, ᐊᕼᐃᐊᕐᒥᐅᑦ ᐅᖃᕐᓯᒪᖕᒪᑕ ᑲᓇᑕᐅᑉ ᒐᕙᒪᖓ ᐸᓖᓯᒃᑯᑦ ᐃᓚᐅᓪᓗᑎᒃ ᐊᒻᒪ “ᐊᔾᔨᒌᙱᑦᑑᑎᑦ ᑮᓇᐅᔭᓕᐅᕋᓱᖕᓂᕐᒧᑦ ᐱᓕᕆᐊᖑᔪ,” ᑎᓕᐅᕆᓯᒪᓪᓚᕆᖕᒪᑕ ᐊᕼᐃᐊᕐᒥᐅᓂᒃ ᓅᑎᑦᑎᒐᓱᒃᖢᑎᒃ ᖃᔅᓰᒻᒪᕆᒃᖢᑎᒃ ᐊᔾᔨᒌᙱᑦᑐᓄᑦ ᓄᓇᓄᑦ ᑭᕙᓪᓕᐅᑉ ᓂᒋᐊᓂᑦ.
“ᓅᑕᐅᑎᑕᐅᓂᖅ ᓂᕿᖃᑦᑎᐊᕐᓇᓚᐅᙱᑦᑐᖅ, ᐱᕐᓕᕐᓇᖅᖢᓂ ᐊᒻᒪ ᐊᒥᓱᑦ ᐃᓅᔪᓐᓃᖅᖢᑎᒃ,” ᑐᓴᒐᒃᓴᑦ ᐅᖃᕐᓯᒪᔪᑦ.
ᐅᓇ ᐊᔾᔨᓕᐅᒐᖅ ᒋᐅᑦ ᕚᓐ ᓯᑏᕼᐅᕙᓐ ᓴᕿᔮᖅᑎᑦᑎᔪᖅ ᐃᓇᑕᐃ ᑕᓯᕐᒥᑦ 1955-ᒥᑦ, ᑐᐱᕐᑕᖃᐅᖅᖢᓂ ᑖᒃᑯᓄᖓ ᐊᕼᐃᐊᕐᒥᐅᓄᑦ ᑕᒪᓐᓇ ᐊᖏᕐᕋᕆᔭᐅᓪᓗᓂ. (ᐊᔾᔨᙳᐊᖅ ᐅᑯᓇᙵᑦ ᐃᓄᐃᑦ ᑕᐱᕇᑦ ᑲᓇᑕᒥ)
ᓅᑕᐅᓚᐅᕐᑐᑦ ᐊᕼᐃᐊᕐᒥᐅᓂᒃ ᐃᓇᑕᐃ ᑕᓯᕐᒥᑦ (Ennadai Lake) ᐅᕗᖓ ᓂᐅᑎᓐ ᑕᓯᕐᒧᑦ (Nueltin Lake), ᐊᒻᒪ ᐃᓇᑕᐃ ᑕᓯᕐᒥᒃ ᐅᕗᖓ ᕼᐊᓂᒃ ᑕᓯᕐᒧᑦ, ᐊᒻᒪ ᕼᐊᓂᒃ ᑕᓯᕐᒥᑦ ᐊᕐᕕᐊᓄᑦ, ᐅᖓᓯᖕᓂᖃᓪᓗᐊᖅᑐᖅ 400 ᑭᓛᒥᑕᔅᓂ ᐃᓇᑕᐃ ᑕᓯᐅᑉ ᑲᓇᖕᓇᖓᓂᑦ.
ᐊᕼᐃᐊᕐᒥᐅᑦ ᓱᓕ ᓄᒃᑎᖅᑎᑕᐅᖃᑦᑕᓚᐅᕐᐳᑦ: ᐊᕐᕕᐊᓂᑦ, ᑕᐃᔅᓱᒪᓂ ᖃᐅᔨᒪᔭᐅᓂᕐᓴᐅᓂᑯ ᐊᔅᑭᒨ ᐳᐊᐃᓐᑦ, ᓅᑕᐅᓪᓗᑎᒃ ᐅᒥᐊᕐᔪᐊᒃᑯᑦ ᑎᑭᕋᕐᔪᐊᕐᒧᑦ ᐊᒻᒪ ᑕᕿᑦ ᐊᒥᓲᙱᑦᑐ ᐊᓂᒍᕐᑎᓪᓗᒋᑦ ᑲᖏᖅᖠᓂᖅᒧᑦ, ᑯᓯᐊᓂᓕ ᐊᒥᓱᑦ ᐊᕐᕕᐊᓄᑦ ᓄᖃᓚᐅᕐᓯᒪᔪᑦ.
“ᐃᐅᕈᑉᒥᐅᑕᑦ ᑎᑭᖢᑎᒃ ᓄᓇᒋᕙᒃᑕᑦᑎᓐᓄᑦ ᐃᓱᒫᓘᑎᖃᙱᖢᑎᒃ ᐃᓄᖕᓂᑦ ᑕᐃᑲᓂ ᓄᓇᖃᓕᕇᒃᑐᓂᒃ,” ᓯᕐᑯᐊᒃ ᐅᖃᖅᑐᖅ.
“ᑕᑯᖃᑦᑕᓕᕐᑐᖓᓕ ᑲᓇᑕᐅᑉ ᒐᕙᒪᖓ ᐃᓱᒪᖃᑦᑎᐊᕐᓂᕐᓴᐅᓕᕐᓂᖏᓐᓂᒃ ᒫᓐᓇᐅᔪᑦ ᐊᒻᒪᓗ ᐅᓇ ᒥᓂᔅᑕ ᑎᑭᑦᑎᐊᒻᒪᕆᒡᓗᓂ ᒪᒥᐊᒋᐊᖅᑐᕐᓂᐊᕐᓂᖓ ᑭᒡᒐᖅᑐᐃᓗᓂ ᒐᕙᒪᒃᑯᓐᓂ ᑕᒪᑐᒥᖓ ᓴᕿᔮᕈᑎᐅᕗᖅ,” ᐅᖃᖅᑐᖅ.
ᑎᑎᕋᖅᑕᐅᓯᒪᔪᓂᒃ ᓴᕿᑕᐅᓂᑯᓂᒃ ᑎᓯᐱᕆᒥ, ᒪᓕᒐᓕᕆᓂᕐᒧᑦ ᖃᐅᔨᓴᖅᑐᓕᕆᔨ ᐃᓕᓴᐃᔨ ᐅᓘᑕ ᐃ. ᕼᐊᐅᕗᑦ-ᕼᐋᔅᒪᓐ ᑭᐅᓘᑎᒍᑎᖃᓚᐅᕐᓯᒪᔪᖅ ᑲᓇᑕ ᖃᓄᐃᓕᐅᕈᑎᕕᓂᖏᓐᓂᒃ ᐊᕼᐃᐊᕐᒥᐅᓂᒃ ᐃᒪᓐᓇᐸᓘᓂᕋᐃᓪᓗᓂ ᑐᖁᕋᐃᓂᕐᒧᑦ ᑐᑭᓕᐊᕆᔭᐅᓯᒪᔪᓂᒃ 1948-ᒥᑦ ᔫᓇᐃᑕᑦ ᓇᐃᓴᓐᑯᑦ ᑐᖁᕋᖅᑕᐅᔪᕕᓂᕐᓄᑦ ᑲᑎᒪᕕᔪᐊᖅᑎᓪᓗᒋᑦ.
ᐃᑉᐸᒃᓴᖅ ᐊᕼᐃᐊᕐᒥᐅᑦ ᐅᖃᐅᓯᖓ ᑕᐃᒪᓐᓇᐃᓕᖓᖏᑦᑐᖅ ᑖᒃᑯᓄᙶᖓᑎᓪᓗᒍ, ᑭᓯᐊᓂᓕ ᐅᖃᕐᓯᒪᔪᑦ ᒐᕙᒪᑐᖃᒃᑯᑦ ᐊᓯᖏᓪᓗ ᐃᓱᒫᓘᑎᖃᓚᐅᙱᒻᒪᑕ ᑖᒃᑯᐊ ᖃᓄᐃᑦᑕᐃᓕᒪᔭᕆᐊᖃᕐᓂᖏᓐᓂᒃ.
“ᐊᕼᐃᐊᕐᒥᐅᑦ ᓅᑕᐅᓚᐅᕐᓯᒪᖕᒪᑕ ᑮᓇᐅᔭᓕᐅᕋᓱᖕᓂᕐᒧᑦ, ᐊᐅᓚᑦᑎᔾᔪᑎᓕᕆᓂᕐᒧᑦ ᐊᒻᒪ ᐊᓯᖏᓐᓄᑦ ᐊᒃᑐᐃᓯᒪᓪᓚᕆᙱᑦᑐᓂᒃ ᐱᔭᐅᔭᕆᐊᓕᖕᓂᒃ ᐊᒻᒪ ᐱᓇᓱᐊᖅᑕᐅᔪᓂᒃ ᑖᒃᑯᓇᙵᑦ,” ᑐᓴᒐᒃᓴᓕᐅᑦ ᐅᖃᕐᓯᒪᔪᑦ.
ᑭᓯᐊᓂᓕ, ᓯᖁᐊᒃ ᐅᖃᖅᑐᖅ ᑐᙵᓱᒃᑎᑦᑎᓂᐊᕐᓂᕋᖅᖢᓂ ᐸᓇᑦ ᒪᒥᐊᔾᔪᑎᖓᓂᒃ.
“ᑲᓇᑕ ᓱᓕ ᐱᔭᒃᓴᖃᕐᔪᐊᕐᒪᑦ ᐋᕿᒋᐊᕈᑎᒃᓴ ᖃᓄᐃᓕᐅᕈᑎᐅᓂᐊᕈᑎᒃ ᑭᓯᐊᓂᓕ ᐊᒃᓱᓪᓘᓐᓃᑦ ᐅᕙᑦᑎᓐᓄᑦ, ᐋᕿᒋᐊᕐᓂᖅ ᐱᒋᐊᓯᕗᖅ. ᑯᕕᐊᓱᒻᒪᕆᖕᓂᐊᖅᑐᖓ ᒪᒥᐊᔾᔪᑎᖏᔭᐅᔪᖅ ᑐᓴᕈᒃᑯ ᐊᒻᒪᓗ ᑭᐅᔾᔪᑎᒋᔪᓐᓇᕐᓂᐊᕐᓂᓐᓂ,” ᓯᖁᐊᒃ ᐅᖃᖅᑐᖅ.
(0) Comments