ᒥᑦᑎᒪᑕᓕᒃ ᑐᓂᔭᐅᔪᖅ $1 ᒥᓕᐊᓐ ᑖᓚᓂ ᐱᒋᐊᖅᑎᑦᑎᓂᐊᕐᓗᑎᒃ ᓄᑖᒥᒃ ᓯᕿᓂᕐᒧᑦ ᐆᒻᒪᖅᑯᑎᓕᕆᓂᖅᒥᒃ 2023ᖑᓕᕐᐸᑦ

ᓯᕿᓂᕐᒧᑦ ᐆᒻᒪᖅᑯᑎᖃᕈᑏᑦ ᐋᖅᑭᒃᑕᐅᓂᐊᖅᑐᑦ ᓄᓇᓖᑦ ᐱᙳᐊᕐᕕᖓᑕ ᖄᖓᓄᑦ

ᓯᕿᓂᕐᒧᑦ ᐆᒻᒪᖅᑯᑎᓂᒃ ᐱᓕᕆᐊᒃᓴᐃᑦ ᐱᓕᕆᐊᕆᔭᐅᕙᓪᓕᐊᖕᒪᑕ ᓄᓇᕗᒥᑦ ᑕᒪᒃᑯᐊ ᓄᓇᓖᑦ ᐅᕐᓱᐊᓗᒃᒥ ᑏᓱᓪᒥ ᐊᑐᓗᐊᙱᓐᓂᕐᓴᐅᓇᓱᒃᖢᑎᒃ. (ᐊᔾᔨᓕᐅᕆᔨ ᒫᑲᔅ ᓯᐱᔅᒃ/Unsplash)

By ᐋᓐᑐᕆᐊ ᓴᑭᔭᒪ ᑲᓇᑎ

For the English version of this story, see Pond Inlet gets $1M to launch new solar project in 2023.

ᕼᐋᒻᒪᓚᒃᑯᑦ ᒥᑦᑎᒪᑕᓕᒃᒥ ᐊᐃᑉᐸᖓᓂᒃ ᓯᕿᓂᕐᒧᑦ ᐆᒻᒪᖅᑎᒧᑦ ᐱᓕᕆᐊᒥᒃ ᐋᖅᑭᒃᓯᒃᑲᓐᓂᕐᓂᐊᖅᑐᑦ 2023ᒥ.

$1 ᒥᓕᐊᓐ ᑖᓚᓂ ᐃᑲᔫᑎᑖᕐᓯᒪᓪᓗᑎᒃ ᐅᑯᓇᙵᑦ ᓄᓇᓕᖕᓂ ᐃᒡᓗᒃᓴᓕᕆᓂᕐᒧᑦ ᐱᓕᕆᖃᑎᖃᕐᓂᕐᒥᒃ ᐱᓕᕆᐊᒃᓴᑎᒍᑦ, ᐋᖅᑭᒃᓯᓂᐊᖅᑐᑦ 150 ᑭᓗᕗᐊᑦᔅ ᓯᕿᓂᕐᒧᑦ ᐆᒻᒪᖅᑯᑎᒃᓴᓂᒃ ᓂᐅᕕᕈᑎᐊᓂᐊᕐᖢᓂ ᐊᒻᒪ ᓴᓇᔭᐅᓗᓂ ᐱᙳᐊᕐᕕᐅᑉ ᖄᖓᒍ, ᐅᖃᓚᐅᕐᑐᖅ ᑕᐃᕕᑦ ᓯᑖᒃᓕ, ᕼᐋᒻᒪᓚᒃᑯᓐᓄᑦ ᐊᐅᓚᑦᑎᔨ.

ᐆᒻᒪᖁᑎᖃᕈᑎ ᐅᕙᙵᑦ 10 ᑭᓗᕗᐊᑦ ᓯᕿᓂᕐᒧᑦ ᐆᒻᒪᖅᑯᑎᖃᕈᑎ ᐃᓕᔭᐅᓚᐅᕐᓯᒪᔪᖅ ᐊᕐᕌᓂ ᕼᐋᒻᒪᓚᒃᑯᑦ ᓄᓇᓯᐅᑎᖃᕐᕕᖓᓂᒃ ᒎᓛᔾᔪᒥ ᐊᑐᙱᓐᓂᕐᓴᐅᔾᔪᑎᒋᔭᐅᔪᖅ ᐅᕐᓱᐊᓗᒃ ᑏᓱᓪᒥ ᐃᒪᓐᓇ 2.200 ᓖᑕᓂᒃ ᐊᒻᒪᓗ ᓯᓚᐃᓐᓇᕐᒧᐊᖅᑐᒥᒃ ᑳᐸᓐ ᑕᐃᒃᓴᐃᑦᒥ ᐱᑕᖃᕈᓐᓃᖅᐹᓪᓕᕈᑎᐅᓪᓗᓂ ᐃᒪᓐᓇ 5,500 ᑭᓗᒍᕌᒻᔅᒥᒃ ᑕᒪᑐᒪᓂ ᐊᕐᕌᒍᒥ, ᐅᖃᓚᐅᕐᑐᖅ ᓯᑖᒃᓕ.

“ᐅᓇ ᐱᓕᕆᐊᕆᔭᐅᓕᒑᔪᖅ ᐱᙳᐊᕐᕕᒃᒥ 15ᖏᕐᓱᖅᖢᓂ ᐊᖏᓂᕐᓴᒻᒪᕆᐊᓘᓂᐊᕐᑐᖅ,” ᐅᖃᕐᑐᖅ. “ᐊᒻᒪᓗ 15ᖏᓱᖅᖢᓂ ᐊᖏᓂᕐᓴᐅᓂᐊᕐᓂᖓᓄᑦ ᓄᓇᓕᖕᓄᑦ ᐃᑲᔪᕈᑎᒃᓴᓐᓂᐅᓂᐊᖅᑐᖅ.”

ᐅᓇ ᐱᓕᕆᐊᕆᔭᐅᓕᒑᔪᖅ ᓯᑎᐱᕆᐅᓛᕐᑐᒥ ᐅᒥᐊᕐᔪᐊᒃᑯᑦ ᑎᑭᓛᕐᑐᖅ ᐊᒻᒪ ᐃᓕᐅᖅᑲᖅᑕᐅᓗᓂ ᐋᓐᑎᐅᕆᐅᒥ ᐱᓕᕆᐊᓕᖕᓂᒃ ᒍᕇᓐ ᓴᓐ ᕈᐊᐃᓯᙳᓐᓂᒃ (Green Sun Rising Inc.), ᐅᖃᓚᐅᕐᒥᔪᖅ. ᐅᑯᐊ ᓯᕿᓂᕐᒧᑦ ᐆᒻᒪᖅᑯᑎᐅᓂᐊᖅᑐᑦ ᐊᑐᓕᕐᓂᐊᕋᓱᒋᔭᖏᑦ ᑕᖅᑭᕐᒥᒃ ᑕᖅᑮᖕᓂᓪᓘᓐᓃᑦ ᒪᕐᕉᖕᓂ ᑎᑭᓯᒪᓕᕐᐸᑕ.

ᒥᑦᑎᒪᑕᓕᒃ ᑭᖑᓪᓕᖅᐹᕆᔭᐅᔪᑦ ᒫᓐᓇᒧ ᓄᓇᓕᖕᓂ ᐅᑭᐅᕐᑕᖅᑐᕐᒥ ᐃᑲᔫᓯᐊᕐᓯᒪᔪᓂᒃ ᓯᕿᓂᕐᒧᑦ ᐆᒻᒪᖅᑯᑎᓂᒃ ᐱᓕᕆᐊᒃᓴᐅᔪᒪᔪᓂᒃ.

ᔫᓂ 2022ᒥ ᑕᓪᓕᒪᑦ ᐃᓄᖕᓄᑦ ᐊᐅᓚᑕᐅᔪᑦ ᓴᓗᒪᑎᑦᑎᓇᓱᖕᓂᕐᒥᒃ ᓯᓚᐃᓐᓇᕐᒥ ᐱᓕᕆᐊᒃᓴᓄᑦ ᑐᓂᔭᐅᓚᐅᕐᓯᒪᖕᒪᑕ $1.6 ᒥᓕᐊᓐ ᑖᓚᓂ ᐅᑯᓇᙵᑦ ᐃᒻᒪᐹᒃ ᑲᓇᑕ ᓄᓇᖃᖅᑳᖅᑐᑦ ᑏᓱᓪᒥ ᐊᑐᕈᓐᓃᕋᓱᖕᓂᕐᒥᒃ ᐱᓕᕆᐊᒃᓴᓂ ᓄᓇᖏᓐᓂ ᒪᑯᓄᖓ ᐅᖅᑰᓴᐅᑎᓄᑦ ᐊᒻᒪ ᐆᒻᒪᖅᑯᑎᓄᑦ.

ᐱᓕᕆᐊᕆᔭᐅᔪᑦ ᖃᒪᓂᑦᑐᐊᕐᒥᑦ, ᑰᒑᕐᔪᒃᒥ ᐊᒻᒪ ᐅᖅᓱᖅᑑᖅᒥᒃ ᓄᓇᕗᒦᑦᑐᓂᒃ ᐊᒻᒪᓗ ᐅᓇ ᑰᔾᔪᐊᖅ, ᓄᓇᕕᒃᒥ ᐊᑐᓂᒃ ᐃᑲᔫᑎᑖᓚᐅᕐᓯᒪᔪᑦ ᐅᑯᓇᙵᑦ ᓄᓇᒥᐅᑕᓕᕆᔨᒃᑯᓐᓂᒃ ᐊᖏᕐᕋᒧᑦ ᐊᒻᒪ ᑮᓇᐅᔭᓕᐅᕐᕕᖕᓂᒃ ᐅᕐᓱᐊᓗᒃᒥ ᐊᑐᓗᖅᑕᐃᓕᓂᕐᒧᑦ ᐱᓕᕆᐊᒃᓴᓂ.

ᒪᕐᕉᒃ ᐱᓕᕆᕝᕕᖕᓄᑦ ᓈᒻᒪᓪᓗᐊᖅᑐᓂᒃ ᓯᕿᓂᕐᒥ ᐆᒻᒪᖅᑯᑎᖃᕈᑎᓂᒃ ᓴᓪᓕᓂ ᐊᒻᒪ ᓇᐅᔮᓂ ᑐᓂᔭᐅᓚᐅᕐᒥᔫᒃ ᑲᑎᖢᑎᒃ $1.6 ᒥᓕᐊᓐ ᑖᓚᓂ ᐃᑲᔪᕈᑎᓂᒃ.

ᐅᓄᕐᑐᓂᒃ ᒥᓕᐊᓐ ᑖᓚᑐᕐᑐᓂᒃ ᐱᓕᕆᐊᒃᓴᓂᒃ, ᐅᑯᓇᙵᑦ ᐊᐅᓚᑕᐅᔪᑦ ᑭᕙᓪᓕᖅᒥᒃ ᐊᓯᐊᒍᒃ ᐆᒻᒪᖁᑎᓕᕆᔨᓂᒃ (Kivalliq Alternative Energy Ltd., ᐃᓱᒪᒋᔭᐅᔪᑦ ᐊᕐᕌᒍᒧᑦ ᐊᑐᙱᔾᔪᑎᐅᒃᑲᓐᓂᕈᓐᓇᕐᓂᖏᓐᓂᒃ ᒪᐅᖓ360,000 ᓖᑕᓂ ᓴᓪᓕᓂ ᐊᒻᒪ 390,000 ᓖᑕᓂ ᓇᐅᔮᒥ, ᐅᑯᐊ ᓄᓇᒥᐅᑕᓕᕆᔨᒃᑯᑦ ᑲᓇᑕᒥ ᐃᓱᒪᓂᕋᓚᐅᕐᑐᑦ ᖃᕋᓴᐅᔭᒃᑯᑦ ᓴᖅᑭᔮᖅᑎᖃᑦᑕᖅᑕᖏᓐᓂᒃ.

ᓄᓇᕗᒥᑦ 25 ᓄᓇᓖ ᐱᔭᕆᐊᖃᕐᓂᖏᓐᓄᑦ ᐊᑐᖃᑦᑕᕐᒪᑕ ᑏᓱᓪ ᐅᕐᓱᐊᓗᒃᒥ, ᑭᓯᐊᓂᓕ ᐱᐅᓂᕐᓴᓂᒃ ᓯᓚᐃᓐᓇᕐᒧᙵᐅᔪᓂᒃ ᐱᓕᕆᐊᖃᕆᐊᖃᓕᕐᒪᑕ ᐊᒃᑐᖅᑕᐅᓗᐊᕐᓂᖏᓐᓂᒃ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ.

Share This Story

(0) Comments

Join the Conversation

Your email address will not be published. Required fields are marked *

*