ᒪᑭᕕᒃ ᓄᑖᙳᕆᐊᖅᑎᑦᑎᓂᐊᖅᑐᑦ ᓇᖕᒥᓂᖅ-ᐱᓇᓱᖕᓂᖅᒧᑦ ᐅᖃᓪᓚᖃᑎᒌᒍᑎᓂᒃ

ᒥᐊᓕ ᓴᐃᒪᓐ ᐅᑎᕐᓂᐊᖅᑐᖅ ᐋᔩᖅᑎᒻᒪᕆᒋᔭᐅᓗᓂ ᓄᓇᕕᒃᒧᑦ

ᒥᐊᓕ ᓴᐃᒪᓐ, ᑕᓕᖅᐱᐊᓂᒃ ᑐᒡᓕᕆᔭᐅᔪᖅ, 2019-ᒥᑦ ᒪᑭᕕᒃᑯᑦ ᓄᓇᕕᒃᒥᒃ ᐃᓄᐃᑦ ᒪᓕᒐᓕᕆᓂᖅᒧᑦ ᐱᓕᕆᔨᖏᓪᓗ. ᒪᑭᕕᒃ ᑐᓴᖅᑎᑦᑎᓚᐅᖅᑐᑦ ᐱᓇᓱᐊᕈᓯᐅᓚᐅᖅᑐᒥᓐ ᐅᓇ ᓴᐃᒪᓐ ᐅᑎᓚᐅᖅᓂᖓᓂᒃ ᐋᔩᖅᑎᒻᒪᕆᒋᔭᐅᓂᐊᕐᓗᓂ ᑖᒃᑯᓇᓃᑦᑐᓐᓃᓚᐅᖅᓯᒪᑎᓪᓗᒍ 2020-ᒥ. (ᐊᔾᔨᙳᐊᖅ ᐅᑯᓇᙵᑦ ᒪᑭᕕᒃᑯᓐᓂ)

By ᓴᐃᕋ ᕌᔾᔪᔅ

For an English version of this story, see Makivik to renew self-determination talks with Ottawa, Quebec

ᒪᑭᕕᑦ ᑯᐊᐳᕇᓴᓐ ᐅᖃᖅᑐᑦ ᓯᕗᓕᐅᖅᑎᖏᑦ ᑲᔪᓯᓂᐊᖅᓂᖏᓐᓂᒃ ᐋᔩᖃᑎᒌᖕᓂᖅᒥᒃ ᓇᖕᒥᓂᖅ-ᐱᓇᓱᖕᓂᖅᒧᑦ ᐊᖏᖃᑎᒌᒍᑎᓄᑦ ᓄᓇᕕᒃᒧᑦ.

ᓂᕈᐊᖅᑕᐅᓵᖅᓯᒪᔪᖅ ᐊᖓᔪᖅᑳᖅ ᐲᑕ ᐋᑕᒥ ᓂᕈᐊᖅᖠᖅᓯᒪᔪᖅ ᐱᓕᕆᐊᒃᓴᒥᑦ ᓯᕗᓪᓕᖅᐹᒥᑦ ᐱᒋᐊᖅᑕᐅᓂᑯᒥᒃ ᐃᓇᖏᖅᓯᒪᔭᖓᓄᑦ ᓵᓕ ᕗᐊᑦᒧᑦ 2018-ᒥᑦ ᐋᖅᑭᒃᓱᐃᔪᒪᓂᕐᒥᒃ ᓄᓇᖃᖅᑳᖅᑐᓂᒃ ᒐᕙᒪᓂᒃ ᓄᓇᕕᒃᒥ ᒪᓕᒃᓯᒪᓗᓂ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ, ᐃᓕᖅᑯᓯᖏᓐᓂᒃ ᐊᒻᒪ ᐅᖃᐅᓯᖏᓐᓂᒃ.

ᕗᐊᑦ ᐊᖓᔪᖅᑳᖑᑎᓪᓗᒍ ᒪᑭᕕᒃᑯᓐᓄᑦ ᐊᑎᓕᐅᓚᐅᖅᓯᒪᖕᒪᑕ ᐊᖏᕈᑎᒥᒃ ᒐᕙᒪᑐᖃᒃᑯᓪᓗ 2019-ᖑᑎᓪᓗᒍ ᖃᓄᐃᓕᐅᖅᐸᓪᓕᐊᓂᖅᒧᑦ ᒪᓕᒃᑕᐅᔪᒃᓴᓂᒃ ᐋᔩᖃᑎᒌᖕᓂᖅᒧᑦ ᐃᓄᐃᑦ ᓇᖕᒥᓂᖅ-ᒐᕙᒪᖃᓕᕋᓱᒃᑎᓪᓗᒋᑦ ᑕᒫᓂ.

“ᐅᓇ ᓄᑖᖅ ᖃᓄᐃᓕᐅᖅᐸᓪᓕᐊᔾᔪᑎᒃᓴᖅ ᓴᖅᑭᔮᑦᑎᐊᖅᓂᒃᑰᖓᓂᐊᖅᑐᖅ ᐊᒻᒪᓗ ᐃᓚᐅᑎᑦᑎᓯᒪᓗᓂ ᑕᒪᐃᓐᓂᒃ ᑲᑐᔾᔨᖃᑎᒌᓂᒃ ᓄᓇᕕᒃᒥᑦ,” ᐅᖃᖅᑐᖅ ᒪᑭᕕᒃᑯᑦ ᐊᖓᔪᖅᑳᖓᑦ ᐲᑕ ᐋᑕᒥ ᑐᓴᒐᒃᓴᓕᐅᖅᑎᓪᓗᒋᑦ.

“ᑲᔪᓯᓂᐊᖅᑐᒍᑦ ᐋᔩᖃᑎᖃᑲᑕᖕᓂᖅᒥᒃ ᑲᓇᑕᒥ, ᐊᒻᒪᓗ ᐅᖃᓪᓚᑲᑕᖕᓂᖅᐳᑦ ᐱᒋᐊᖅᕕᖃᕐᓂᐊᖅᖢᓂ ᑯᐸᐃᒃᒥᑦ.”

ᐋᑕᒥ ᐅᖃᓪᓚᖃᑎᖃᑲᑕᒃᓯᒪᓕᖅᑐᖅ ᐃᐊᓐ ᓚᕗᕆᓂᐃᒥᒃ, ᑯᐸᐃᒃ ᒥᓂᔅᑕᖓᑦ ᓄᓇᖃᖅᑳᖅᑐᓕᕆᓂᖅᒧᑦ.

ᐋᑕᒥ ᑐᓴᖅᑎᑦᑎᓚᐅᕐᒥᔪᖅ ᐱᓇᓱᐊᕈᓯᐅᓚᐅᖅᑐᒥᓐ ᒥᐊᓕ ᓴᐃᒪᓐ ᐅᑎᕐᓂᐊᖅᓂᕋᖅᖢᓂᐅᒃ ᒪᑭᕕᒃᑯᓐᓄᑦ ᐋᔩᖅᑎᒋᔭᐅᓂᐊᕐᓗᓂ, ᑖᓐᓇᓗ ᐱᓕᕆᐊᕆᓚᐅᖅᓯᒪᓪᓗᓂᐅᒃ 2018-ᒥᑦ ᑭᓯᐊᓂᓕ ᕿᒪᖕᓂᑯᒋᓪᓗᓂᐅᒃ 2020-ᒥᑦ.

ᓴᐃᒪᓐ ᐊᖓᔪᖅᑳᕆᔭᐅᓚᐅᖅᓯᒪᖕᒥᔪᖅ ᒪᑭᕕᒃᑯᓐᓄᑦ, ᐊᒻᒪᓗ ᐊᖓᔪᖅᑳᖑᓚᐅᖅᓯᒪᓪᓗᓂ ᐅᑯᓄᖓ ᐃᓄᐃᑦ ᑕᐱᕇᑦ ᑲᓇᑕᒥ.

ᐱᓕᕆᖃᑎᖃᑲᑕᖕᓂᐊᓕᖅᑐᕐᓕ ᓄᑖᓂᒃ ᐃᓄᖕᓂᒃ ᖃᐅᔨᓇᓱᒃᑎᓂᒃ ᑲᑎᒪᔨᓂᒃ ᐅᑯᓂᖓ ᐋᑕᒥ ᖃᓕᖑ, ᔫᐱ ᐃᐳ, ᓈᓐᓯ ᐊᑐᒃ, ᐅᓕᕕᐊ ᐊᐃᑭ-ᑕᓐᑲᓐ, ᓰᓚ ᓂᖏᐅᕈᕕᒃ ᐊᒻᒪ ᐲᑕ ᐃᑦᑐᑲᓚᖅ.

“ᖁᕕᐅᓱᕈᓘᔭᖅᑐᖓ ᐃᓚᒋᔭᐅᓂᐊᕐᓂᓐᓂᒃ ᓄᑖᙳᕆᐊᖅᑕᐅᔪᒥᒃ ᐱᓕᕆᓂᕐᒥᒃ ᐱᓇᓱᒃᑐᓂᒃ ᓇᖕᒥᓂᖅ-ᐱᓇᓱᖕᓂᖅᒧᑦ ᐃᓄᖕᓂᒃ ᓄᓇᕕᒃᒥᑦ,” ᓴᐃᒪᓐ ᐅᖃᓚᐅᖅᑐᖅ ᑐᓴᒐᒃᓴᓕᐊᑎᒍᑦ.

ᓖᓴ ᖁᐱᕐᕈᐊᓗᒃ, ᑖᓐᓇ ᒪᑭᕕᒃᑯᓐᓄᑦ ᐋᔩᖅᑎᒋᔭᐅᓕᓚᐅᖅᓯᒪᔪᖅ 2020-ᒥ ᐊᑕᑎᑕᐅᙱᓐᓇᕐᓂᐊᖅᑐᖅ ᑐᒡᓕᕆᔭᐅᓗᓂ ᐋᔩᖅᑎᒧᑦ, ᒪᑭᕕᒃᑯᑦ ᐅᖃᓚᐅᖅᑐᑦ.

ᖁᐱᕐᕈᐊᓗᒃ ᐃᒃᓯᕙᐅᑕᕆᔭᐅᓂᐊᖅᖢᓂ ᒪᑭᕕᒃᑯᑦ ᓇᖕᒥᓂᖅ-ᐱᓇᓱᖕᓂᖅᒧᑦ ᑲᑎᒪᔨᓄᑦ, ᐅᑯᓇᙶᖅᓯᒪᔪᓂᒃ ᑲᑐᔾᔨᖃᑎᒌᓂᒃ: ᑲᑎᕕᒃ ᓄᓇᓕᓕᒫᑦ ᒐᕙᒪᖓᓂᒃ, ᓄᓇᕕᒃᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᒃ ᐊᒻᒪ ᐃᓄᓕᕆᔨᒃᑯᓐᓂᒃ, ᑲᑎᕕᒃ ᐃᓕᓴᕐᓂᓕᕆᓂᒃᑯᓐᓂᒃ, Fédération des coopératives du Nouveau-Québec, ᓄᓇᕕᒃᒥ ᓄᓇᓂᒃ ᐸᐸᑦᑎᔨᒃᑯᑦ ᑲᑐᔾᔨᖃᑎᒌᖏᓐᓂᒃ, ᓴᑐᕐᕖᑦ ᐃᓄᐃᑦ ᐊᕐᓇᐃᑦ ᑲᑐᔾᔨᖃᑎᒌᖏᑦ ᓄᓇᕕᒃᒥ, ᖃᔪᐃᑦ ᐃᓅᓱᒃᑐᑦ ᑲᑐᔾᔨᖃᑎᒌᖏᓐᓂᒃ ᐊᒻᒪᓗ ᐊᕙᑕᖅ ᐃᓕᖅᑯᓯᓕᕆᔨᒃᑯᓐᓂᒃ.

ᒐᕙᒪᑐᖃᒃᑯᑦ ᒫᓐᓇ ᐱᓕᕆᖃᑎᖃᖅᑐᑦ ᓄᓇᖃᖅᑳᖅᑐᑐᓂᒃ ᐅᕙᓂ 80 ᐃᓕᓴᖅᓯᓯᒪᓂᖅᒧᑦ ᓄᓇᖃᖅᑳᖅᑐᑦ ᐊᒻᒪ ᓇᖕᒥᓂᖅ-ᐱᓇᓱᖕᓂᖅᒧᑦ ᑲᑎᖃᑎᒌᖕᓂᐅᔪᓂᒃ ᑲᓇᑕᒥ, ᑐᕌᒐᖃᕋᓱᒃᖢᑎᒃ ᓄᓇᖃᖅᑳᖅᑐᑦ ᐱᔪᓐᓇᐅᑎᖏᓐᓂᒃ ᐊᒻᒪ ᓇᖕᒥᓂᖅ-ᐱᓇᓱᖕᓂᖅᒧᑦ ᑲᔪᓯᑎᑦᑎᓂᖅᒥᒃ,” ᐅᑯᑎᒎᓇᕐᓕ ᒐᕙᒪᑐᖃᒃᑯᑦ ᓄᓇᖃᖅᑳᖅᑐᓕᕆᔨᒃᑯᖏᑦᑎᒍᑦ.

Share This Story

(0) Comments

Join the Conversation

Your email address will not be published. Required fields are marked *

*