ᒪᕐᕈᖕᓂᒃ ᐳᕙᒡᓗᒋᐊᒃᓴᖏᓐᓂᒃ ᖃᐅᔨᓴᓚᐅᕐᓯᒪᔪᒍᑦ 2019-ᒥᑦ, ᓄᓇᕕᒃᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑲᑎᒪᔨᖏᑦ ᐅᖃᖅᑐᑦ

“ᐅᑯᐅ ᓄᓇᓕᖕᓃᑦᑐᓕᒫᓂᒃ ᖃᐅᔨᓴᕐᓂᐅᔪᖅ ᓴᖅᑭᑕᐅᓚᐅᙱᑦᑐᖅ”

ᓄᓇᕕᒃ ᓄᓇᓕᓕᒫᑦ ᑲᑎᒪᔨᖏᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪ ᐃᓄᓕᕆᔨᒃᑯᓐᓄᑦ ᐅᖃᖅᑐᖅ ᒪᕐᕉᖕᓂ ᓄᓇᓕᖕᓃᑦᑐᓕᒫᓂᒃ ᐳᕙᒡᓗᒋᐊᒃᓴᖏᓐᓂᒃ ᖃᐅᔨᓴᓚᐅᕐᓂᖏᓐᓂᒃ ᐅᑯᐅᖑᔪᖅ. (ᐊᔾᔨᙳᐊᖁᑎᒋᔭᐅᔪᖅ)

By ᒧᕆ ᕈᓴᑦ, M.D., M.Sc., FRCPC
ᑐᑭᒥᐊᖅᑎᑦᑎᔨ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᓄᓇᕕᒃᒥᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᐃᓄᓕᕆᔨᒃᑯᑦ

For an English version of this story, see We did two TB screenings in 2019, Nunavik health board says

ᓄᓇᕕᒃᒥᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᐃᓄᓕᕆᔨᒃᑯᑦ ᐅᖃᐅᓯᐅᓂᑯᓂᒃ ᑕᑯᓚᐅᕐᒪᑕ ᐅᕘᓇ: ᑐᕉᑑ ᒐᕙᒪᖓ 2.0: ᐸᕐᓇᒃᓯᒪᒋᑦᑎ ᑲᑕᒃᑎᑕᐅᓂᒃᓴᒥᑦ,” ᓴᖅᑭᑕᐅᓂᑯ ᓄᓇᑦᓯᐊᕐᒥ ᐱᕙᓪᓕᐊᔪᓂᒃ ᓄᕕᐱᕆ 27, 2019-ᒥᑦ.

ᖁᔭᓕᔪᒪᕗᒍᑦ ᐃᓱᒪᓘᑎᒋᔭᔅᓯᓐᓂᒃ ᐋᓐᓂᐊᖃᖅᑕᐃᓕᓂᕐᒧᑦ ᐃᓱᒫᓘᑎᒋᔭᐅᔪᓂᒃ ᐃᓄᖕᓂᒃ ᐊᒻᒪᓗ ᒐᕙᒪᒃᑯᓐᓂᒃ ᐅᖃᓚᐅᕐᑕᒥᖕᓂᒃ ᐊᑐᖁᔨᓯᒪᓂᕐᒥᒃ ᐳᕙᒡᓗᖕᓇᖅ ᓄᖑᑎᑕᐅᓂᐊᕐᓂᖓᓂᒃ ᐃᓄᐃᑦ ᓄᓇᖓᓂ 2030-ᒥᑦ.

ᑐᑭᓯᒋᐊᖅᑎᑦᑎᔪᒪᕗᒍᑦ ᐅᓂᒃᑲᐅᓯᕆᓚᐅᖅᑕᔅᓯᓐᓂ ᐱᔾᔪᑎᖃᖅᑐᒥᒃ ᐳᕙᒡᓗᖕᓇᖅ ᓄᖑᑎᑕᐅᓇᓱᖕᓂᖓᓄᑦ ᖃᓄᐃᓕᐅᕈᑎᐅᔪᓂᒃ ᓄᓇᕕᒃᒥᑦ ᓄᖅᑲᖅᓯᒪᓂᖏᓐᓂᒃ 2018 ᐱᒋᐊᓕᓵᕐᓯᒪᑎᓪᓗᒍ.

ᐱᓕᕆᖃᑎᖃᖅᖢᑎᒃ ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪ ᐊᓯᖏᓐᓂᒃ ᐃᓄᐃᑦ ᓄᓇᖓᓃᑦᑐᓂᒃ, ᐅᑯᐊ NRBHSS-ᑯᑦ ᐱᒋᐊᓚᐅᕐᓯᒪᔪᑦ ᐊᑐᓕᖅᑎᑦᑎᕙᓪᓕᐊᓂᕐᒥᑦ ᓄᓇᕕᒃᒥᑦ ᖃᓄᐃᓕᐅᕈᑎᒃᓴᓄᑦ ᐸᕐᓇᐅᑎᓂᒃ ᐳᕙᒡᓗᖕᓇᒥ ᓄᖑᑎᑦᑎᓂᕐᒧ ᓄᓇᖃᖅᑐᓂ ᓄᓇᓕᖕᓂᑦ ᐊᒻᒪ ᐊᕕᒃᑐᕐᓯᒪᓂᒃᑯᑦ ᐱᓕᕆᖃᑎᒋᔭᐅᔪᓂᒃ.

ᐃᓚᒋᔭᐅᓚᕐᑐᕐᓕ ᐱᓕᕆᐊᖑᓪᓚᕆᖕᓂᐊᖅᑐᓂᒃ ᐊᑐᓕᖅᑎᑕᐅᔪᓂᒃ, ᐃᓚᒋᔭᐅᓪᓗᓂ RAP—TB, ᐅᑯᓂᖓ ᖃᐅᔨᕚᓪᓕᖅᑎᑦᑎᔪᒪᕗᒍᑦ:

  • ᓄᓇᓕᖕᓃᑦᑐᓕᒫᓂ ᖃᐅᔨᓴᓚᐅᕐᓯᒪᔪᑦ ᔪᓚᐃ—ᐋᒐᓯ 2019 ᐃᓚᖓᓐᓂᒃ 14-ᖑᔪᓂᒃ ᓄᓇᓕᖕᓂᑦ, ᐊᒻᒪᓗ 95% ᐅᖓᑖᓂᑦ ᖃᐅᔨᓴᖅᑕᐅᔪᖃᓚᐅᖅᖢᓂ;
  • ᐊᐃᑉᐸᖓᓕ ᓄᓇᓕᖕᓃᑐᓕᒫᓂᒃ ᐊᓯᐊᓂᖔᖅ ᖃᐅᔨᓴᕐᓂᖅᑕᖃᕐᒥᔪᖅ ᑖᓐᓇᓗ ᐱᓕᕆᐊᖑᓪᓗᓂ ᓱᓕ ᐊᒻᒪᓗ ᐱᐊᓂᖕᓂᐊᕋᓱᒋᓪᓗᑎᒃ ᐱᓇᓱᐊᕈᓯᐅᓂᐊᖅᑑᑉ ᓄᙳᐊᓂᒃ.

ᐊᐃᑦᑖᖑᒐᓗᐊᖅ, ᐳᕙᒡᓗᖕᓇᖅ ᐋᓐᓂᐊᖑᖕᒪᑦ ᐃᓱᒪᓂᖃᕈᑎᐅᓕᖅᐸᒃᖢᓂ ᐊᒻᒪ ᑲᙳᒋᔭᐅᔭᖢᓂ, ᓄᓇᓕᖕᓂᒃ ᐊᖓᔪᖅᑳᕆᔭᐅᔪᓂᑦ ᑕᒪᒃᑯᐊ ᓄᓇᓕᖕᓂ ᖃᐅᔨᓴᑲᑕᖕᓂᖅ ᓴᖅᑭᑕᐅᓯᒪᓚᐅᙱᑦᑐᖅ.

ᐱᓕᕆᖃᑎᖃᖅᖢᑕ ᓄᓇᓕᖕᓂ ᐊᖓᔪᖅᑳᕈᔪᖕᓂ ᐊᒻᒪ ᐋᓐᓂᐊᕕᖕᓂᒃ ᓄᓇᕕᒃᒥᑦ, ᐸᕐᓇᒃᓯᒪᔪᒍᑦ ᐱᖓᓱᓂᒃ ᓄᓇᓕᖕᓂ ᖃᐅᔨᓴᖃᑦᑕᕈᒪᓪᓗᑕ ᐊᕐᕌᒍᑕᒫᑦ ᐳᕙᒡᓗᖕᓇᕐᒧᑦ.

ᐱᓕᕆᐊᖃᖅᑐᒍᑦ ᑐᓴᐅᒪᑎᑦᑎᓂᕐᒥᒃ ᐊᒻᒪ ᐃᓕᓐᓂᐊᕈᑎᒃᓴᓂᒃ ᐋᓐᓂᐊᖃᖅᑕᐃᓕᓂᕐᒧᑦ ᐱᓕᕆᔨᓄᑦ ᐊᒻᒪ ᐃᓄᖕᓂ ᑐᑭᓯᕚᓪᓕᕈᑎᒃᓴᓂ ᐊᒻᒪ ᐱᓕᕆᐊᖃᕈᑎᒃᓴᓂ ᐳᕙᒡᓗᑐᓕᕆᓂᕐᒥ ᐊᒻᒪᓗ ᐃᓱᒪᒋᔭᐅᓯᒪᔪᓂᑦ ᑐᑭᓯᕚᓪᓕᖅᑎᑦᑎᓇᓱᒡᓗᑎᒃ.

ᐊᑐᓕᖅᑎᑦᑎᔪᒪᓂᕐᒥᒃ ᐸᕐᓇᒃᓯᒪᖕᒥᔪᑦ ᐊᔾᔨᒌᙱᑦᑑᑎᓂᒃ ᖃᓄᐃᓕᐅᕈᑎᒃᓴᓂ ᐋᓐᓂᐊᖃᖅᑕᐃᓕᓂᕐᒥ ᐃᓄᒋᐊᑐᓂᒃ.

ᐅᖃᕈᓐᓇᖅᑐᓯ ᖃᖓᑐᐃᓐᓇᖅ ᐅᕙᑦᑎᓐᓄᑦ ᑐᓴᒃᑲᓐᓂᕈᒪᒍᔅᓯ

ᒧᕆ ᕈᓴᑦ, M.D., M.Sc., FRCPC
ᑐᑭᒥᐊᖅᑎᑦᑎᔨ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ
ᓄᓇᕕᒃᒥᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᐃᓄᓕᕆᔨᒃᑯᑦ

ᖃᕋᓴᐅᔭᒃᑯᑦ ᑎᑎᕋᕈᓐᓇᖅᑐᓯ ᐋᕿᒃᓱᐃᔨᒧᑦ ᐅᕗᖓ editors@nunatsiaq.com.

ᓄᓇᑦᓯᐊᕐᒥ ᐱᕙᓪᓕᐊᔪᑦ ᑐᙵᓱᒃᑎᑦᑎᔪᑦ ᑎᑎᖃᓂᒃ ᐋᕿᒃᓱᐃᔨᒧᑦ. ᑭᓯᐊᓂᓕ ᓴᕿᑎᑦᑏᓐᓇᕈᓐᓇᙱᓐᓇᑦᑕ ᓇᓕᐊᓐᓂᑐᐃᓐᓇ ᑎᑎᕋᖅᑕᐅᔪᓂᒃ ᖃᖓᑐᐃᓐᓇᒃᑯᑦ.

ᐸᐃᑉᐹᒃᑯᑦ ᑐᓴᒐᒃᓴᓕᐊᑦᑎᓐᓂᒃ, ᑎᑎᕋᖅᑕᐅᔪᑦ ᓯᕗᓪᓕᖅᐹᖓᓂᒃ ᓴᕿᑎᑦᑎᖃᑦᑕᖅᑐᒍᑦ ᐃᓂᒃᓴᖃᑐᐊᕈᑎᒃ. ᖃᕋᓴᐅᔭᒃᑯᑦ ᓴᖅᑭᔮᒐᑦᑎᒍᑦ, ᓴᖅᑭᑎᖃᑦᑕᖅᑕᕗᑦ ᐋᖅᑭᒃᓱᒃᑲᓐᓂᓚᐅᖅᖢᑎᒍᑦ.

ᑕᒪᕐᒥᒃ ᑎᑎᖃᑦ ᐋᕿᒃᓱᖅᑕᐅᕙᒃᑐᑦ ᑕᑭᓂᖏᑦᑎᒍᑦ, ᐅᖃᐅᓯᖏᑦᑎᒍᑦ, ᑎᑎᕋᖅᑕᐅᓯᒪᓂᖓᒍᑦ ᐊᒻᒪ ᐅᖃᐅᓯᖏᑦᑎᒍᑦ. ᐊᑏᑦ ᓴᕿᔮᖁᙱᒃᑯᕕᐅᑉ ᐊᔪᕐᓇᙱᑦᑐᖅ, ᑭᓯᐊᓂᓕ ᐅᕙᒍᑦ ᖃᐅᔨᒪᔭᕆᐊᖃᖅᑐᒍᑦ ᑭᓇᐅᖕᒪᖔᖅᐱᑦ ᓴᕿᑎᓚᐅᙱᓐᓂᑦᑎᓐᓂᒃ.

Share This Story

(0) Comments

Join the Conversation

Your email address will not be published. Required fields are marked *

*