ᓄᑖᖅ ᐃᑭᑦᑐᒧᑦ ᓄᓇᓯᐅᑎ ᑎᑭᖦᖤᑕᐃᓐᓇᖅᐳᖅ ᐃᓘᓕᖕᒧᑦ

ᕼᐋᒻᓚᒃᑯᑦ ᐱᕗᑦ ᓄᑖᖑᔪᒥ ᐃᑭᑦᑐᒧᑦ ᓄᓇᓯᐅᑎ, ᐳᐊᕐᕆᓯᓕᒃ, ᒪᕐᕉᖕᓂ ᐃᒥᖅᑕᐅᑎᓂ ᓄᓇᓯᐅᑎᓂ ᑕᒪᑐᒪᓂ ᐊᐅᔭᐅᔪᒥ

ᐃᒡᓗᓕᐅᑉ ᓄᑖᖑᔪᖅ ᐃᑭᑦᑐᒧᑦ ᓄᓇᓯᐅᑎ ᐊᖁᑕᐅᕗᖅ ᐅᒥᐊᕐᔪᐊᒥᑦ ᕼᐋᒻᓚᒃᑯᓐᓄᑦ ᐱᓇᓱᐊᕈᓯᐅᓚᐅᖅᑐᒥ. ᕼᐋᒻᓚᒃᑯᑦ ᐅᑕᖅᑭᓯᒪᕗᑦ ᓄᑖᖑᔪᒥ ᓄᓇᓯᐅᒻᒥ ᑎᑭᓐᓂᐊᕐᓂᖓᓂ ᐊᕐᕌᒎᑉ ᐅᖓᑖᓂ. (ᔪᐊᔾ ᖃᐅᓐᓇᖅ ᐊᔾᔨᖁᑎᖓ)

By ᒫᑕᓕᓐ ᕼᐊᐅᕕᑦᒧᑦ

For English version, see New fire truck finally rolls into Igloolik

ᐊᑯᓂᐅᓂᖅᓴᐅᔪᒥ ᐊᕐᕌᒍᒥ ᐅᑕᖅᑭᓂᕐᒥ, ᐃᒡᓗᓕᒃ ᓄᑖᖑᔪᒥ ᐃᑭᑦᑐᒧᑦ ᓄᓇᓯᐅᑎᖃᓕᑕᐃᓐᓇᖅᐳᖅ.

ᐊᐅᑉᐸᕆᒃᑐᖅ ᓄᓇᓯᐅᑎ ᓴᓇᔭᐅᔪᒥ Fort Garry ᐃᑭᑦᑐᒧᑦ ᓄᓇᓯᐅᑎᓄᑦ ᐅᐃᓂᐱᐊᒡᒥ ᐅᓯᖓᐃᔭᐃᓚᐅᖅᐳᑦ ᐅᒥᐊᕐᔪᐊᕐᒥ ᓯᑎᐱᕆ 12−ᒥ, ᒪᕐᕈᖓᓂ ᐅᒥᐊᕐᔪᐊᖑᔪᒥ ᑎᑭᑦᑐᒥ ᓄᓇᓕᖕᓄᑦ ᑕᒪᑐᒪᓂ ᐊᐅᔭᐅᔪᒥ ᐊᒻᒪ ᖃᔅᓯᐊᕐᔪᖕᓂ ᐱᓇᓱᐊᕈᓯᐅᔪᓂ ᑭᖑᓂᐊᒍᑦ ᕿᓚᒻᒥᐅᓂᖅᓴᒥ ᓂᕆᐅᒋᔭᐅᓚᐅᖅᑐᒥ ᐋᒍᔅᑎ 24−ᒥ.

ᐊᑕᐅᓯᐅᓪᓗᓂ ᑎᓴᒪᐅᔪᓂ ᓄᑖᖑᔪᓂ ᐃᑭᑦᑐᒧᑦ ᓄᓇᓯᐅᑎᓂᑦ ᓂᐅᕕᖅᑕᐅᓚᐅᖅᑐᓂ ᑎᓴᒪᓄᑦ ᓄᓇᓂᐅᔪᓄᑦ ᓄᓇᕗᒻᒥ, ᐅᖃᐅᓯᐅᓪᓗᓂ ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒥ ᓄᓇᕗᒻᒥ ᖃᑦᑎᕆᔨᓄᑦ ᐊᖓᔪᖅᑳᖓᑕ ᑎᑎᕋᕐᕕᖓᓂ ᔪᓚᐃᒥ.

ᐃᒡᓗᓕᐅᑉ ᐃᑭᑦᑐᒧᑦ ᓄᓇᓯᐅᑎᖓ ᐊᑕᐅᓯᐅᓪᓗᓂ ᖃᔅᓯᒐᓚᐅᔪᓂ ᓄᑖᖑᔪᓂ ᕼᐋᒻᓚᒃᑯᑦ ᓄᓇᓯᐅᑎᖏᓐᓂ ᕼᐋᒻᓚᒃᑯᑦ ᐱᓚᐅᕐᓂᖓᓐᓂ ᑕᒪᑐᒪᓂ ᐊᐅᔭᐅᔪᒥ ᐅᖃᓚᐅᖅᐳᖅ ᐱᓚᐅᕆᕗᑦ ᒪᕐᕉᖕᓂ ᓄᑖᖑᔪᓂ ᐃᒥᖅᑕᐅᑎᓂ ᓄᓇᓯᐅᑎᓂ ᐊᒻᒪ ᐳᐊᕐᕆᓯᓕᖕᒥ.

ᕼᐋᒻᓚᒃᑯᑦ ᓂᕆᐅᓚᐅᕋᓗᐊᖅᐳᑦ ᐱᓂᐊᕐᓂᖏᓐᓂ ᐃᑭᑦᑐᒧᑦ ᓄᓇᓯᐅᑎᒥᒃ ᐊᕐᕌᓂᓂ ᐊᐅᔭᖓᓂ, ᑭᓯᐊᓂ ᐊᐅᓪᓚᖅᑎᑕᐅᓂᖓ ᑭᖑᕙᕆᐊᖅᑎᑕᐅᓚᐅᖅᐳᖅ ᑭᓯᐊᓂ ᑕᒪᑐᒪᓂ ᐊᕐᕌᒎᔪᒥ ᐅᒥᐊᕐᔪᐊᖃᕐᕕᖓᓄᑦ.

ᐃᒡᓗᓕᒃ ᐱᑕᖃᖅᐸᒌᖅᑐᒥ ᐋᖅᑭᐅᒪᑎᑦᑎᓂᕐᒧᑦ ᒍᓛᔾᔪᖓ ᐊᖏᙱᓗᐊᕋᓗᐊᖅᑎᓪᓗᒍ ᐃᒡᓗᖃᖅᑎᑦᑎᓂᕐᒥ ᑕᒪᒃᑭᓂ ᓄᑖᖑᔪᓂ ᐃᑭᑦᑐᒧᑦ ᓄᓇᓯᐅᑎᒥᒃ ᐊᒻᒪ ᓄᓇᓕᖕᓂ ᓄᑕᐅᙱᓐᓂᖅᓴᒥ ᐃᑭᑦᑐᒧᑦ ᓄᓇᓯᐅᑎᖓᓂ, ᕼᐋᒻᓚᒃᑯᑦ ᕿᓂᖅᐳᑦ ᕿᓚᒻᒥᐅᔪᒥ ᐋᖅᑭᒍᑎᒃᓴᒥ ᐅᑕᖅᑭᓂᖏᓐᓂ ᖃᐅᔨᓇᓱᐊᕐᓂᕐᒥ ᐱᔪᓐᓇᕐᒪᖔᑕ ᓄᑖᒥᒃ ᐱᔾᔪᑎᒃᓴᐅᔪᒥ−ᓴᓇᓯᒪᔪᒥ ᐋᖅᑭᐅᒪᑎᑦᑎᓂᕐᒧᑦ ᒍᓛᔾᔫᔪᒥ.

ᓂᕆᐅᒃᐳᑦ ᐃᒡᓗᖃᖅᑎᑦᑎᓂᐊᕐᓂᖏᓐᓂ ᐊᑕᐅᓯᕐᒥ ᐃᑭᑦᑐᒧᑦ ᓄᓇᓯᐅᑎᒥᒃ ᒫᓐᓇᐅᔪᒥ ᐋᖅᑭᐅᒪᑎᑦᑎᓂᕐᒧᑦ ᒍᓛᔾᔪᖓᓂ ᐊᒻᒪ ᐊᐃᑉᐸᖓᓂ ᓄᑕᐅᙱᑦᑐᒥ ᐱᙳᐊᕐᕕᖕᒥ ᕿᓚᒻᒥᐅᔪᒥ ᐋᖅᑭᒍᑕᐅᓗᓂ.

“ᓴᖑᑎᓯᒪᕙᕗᑦ ᓄᓇᓯᐅᑎᖃᕐᕕᐅᓂᖓᓂ ᐃᒡᓘᓂᖓᓂ. ᑕᐃᒪᑐᖅ ᐃᓂᒃᓴᖃᑦᑎᐊᕐᓂᐊᖅᐳᖅ ᐃᓕᓯᓂᖓᓂ ᓄᑕᐅᙱᑦᑐᒥ ᐃᑭᑦᑐᒧᑦ ᓄᓇᓯᐅᑎᖓᓂ ᐃᓗᐊᓄᑦ,” ᐅᖃᓚᐅᖅᐳᖅ ᕼᐋᒻᓚᒃᑯᑦ ᐃᓄᓕᒫᓄᑦ ᐱᓕᕆᓂᐅᔪᒥ ᑐᑭᒧᐊᒃᑎᑦᑎᔨᖓ ᓯᑏᕝ ᐅᐃᑦᒫᒃ.

ᐅᖃᓚᐅᖅᐳᖅ ᓄᖅᑲᖅᑎᑦᑎᓂᐊᕐᓂᖓᓂ ᓄᑕᐅᙱᓐᓂᖅᓴᐅᔪᒥ ᐃᑭᑦᑐᒧᑦ ᓄᓇᓯᐅᑎᖓᓂ, ᓇᓚᐅᑦᑖᕆᔭᐅᔪᒥ ᐅᑭᐅᓕᖕᒥ 20−ᓂ 25−ᓄᑦ, ᐊᑐᕈᓐᓃᖅᑎᑕᐅᓂᖓᓂ.

Share This Story

(0) Comments