ᓄᑖᖅ ᐃᖃᓗᒃᑑᑦᑎᐊᕐᒥ ᐱᓕᕆᕝᕕᒃᓴᖅ ᓄᓇᓕᖕᓃᑦᑐᓄᑦ ᐱᓕᕆᐊᖑᓯᒪᔪᖅ

For English version, see New Cambridge Bay workspace to be community-wide effort

ᓄᑖᖅ ᐱᓕᕆᕝᕕᒃᓴᖅ ᐃᖃᓗᒃᑑᑦᑎᐊᕐᓂ ᑲᑎᑉᐹᓪᓕᕈᑎᐅᓂᐊᕐᑐᖅ ᐃᓕᖅᑯᓯᓕᕆᓂᒃᑯᑦ ᖃᓄᐃᓕᐅᕈᓯᕐᓂ ᐊᒻᒪ ᐊᑐᒃᑲᓐᓂᕈᓐᓇᖅᑐᑦ ᖃᓄᖅ ᐱᓕᕆᐊᕆᔭᐅᕙᖕᓂᖏᓐᓂᒃ ᑲᓇᑕᐅᑉ ᐅᑭᐅᕐᑕᖅᑐᖓᓂᒃ.

ᐅᓇ ᑰᒐᓛᒃ ᐃᓕᖅᑯᓯᓕᕆᓂᕐᒧᑦ ᐱᓕᕆᕝᕕᒃᓴᖅ, ᐱᓕᕆᐊᖑᔪᖅ ᐅᑯᓇᙵᑦ ᐱᖅᑯᕼᐃᕐᓂᒃᑯᑦ ᐃᓕᕼᐅᑎᓂᖅ/ᕿᑎᕐᒥᐅᑦ ᐃᓕᖅᑯᓯᓕᕆᔨᒃᑯᑦ ᑲᑐᔾᔨᖃᑎᒌᓄᑦ, ᑭᓱᖃᙲᑦᑐᒦᑦᑐᑦ ᐊᑐᐃᓐᓇᐅᓂᐊᕐᓗᓂ ᐃᓐᓇᕐᓄ ᐊᒻᒪ ᐊᓯᖏᓐᓄᑦ ᓄᓇᖃᖅᑐᓄᑦ ᐊᐅᓪᓚᑲᑕᒍᓐᓇᕈᑎᐅᓗᓂ ᐊᒻᒪᓗ ᐃᒡᓘ ᐃᓗᐊᓂ ᐱᓕᕆᕝᕕᖃᕐᓗᓂ ᐃᓕᖁᓯᓕᕆᓂᕐᒧᑦ ᖃᓄᐃᓕᐅᕈᑎᒃᓴᓂᒃ.

ᐅᓇ 1,200 ᑭᑉᐹᕆᒃᑐ ᕖᑦ ᐊᖏᓂᓕ ᐊᑭᖃᕐᓂᐊᕐᑐᖅ $1.7 ᒥᓕᐊᓐ ᑖᓚᓂ ᐱᐊᓂᒃᑕᐅᓂᐊᕐᓗᓂ ᐊᒻᒪᓗ ᐊᖏᒡᓕᕚᓪᓕᕈᑎᐅᓗᑎ ᐅᕙᙵᑦ ᒪᐃ ᕼᐊᑯᖓᒃ ᐃᓕᖅᑯᓯᓕᕆᕝᕕᒃᒥ ᐊᒻᒪ ᐅᖃᓕᒫᒐᖃᕐᕕᒃᒥ, ᑕᐃᑲᓂ ᐱᓕᕆᕝᕕᖃᓘᑎᒃ ᒫᓐᓇ.

ᐅᓇ ᐊᑎᖓ ‘ᑯᒐᓛᒃ’ ᐅᕙᙶᕐᑐᖅ ᑰᒐᓛᒃᒥ ᓴᓂᑦᑎᐊᖓᓃᑦᑐᒥ ᐃᒡᓘ. ᓄᓇᖃᖅᑐᑐᖃᐃᑦ ᐃᓐᓇᐃᑦ ᐅᖃᕐᓯᒪᔪᑦ ᑖᓐᓇ ᓯᓕᓚᐅᕐᓯᒪᓂᖓᓂᒃ ᐊᒻᒪ ᐃᑎᓪᓗᓂ, ᑭᓯᐊᓂᓕ ᑰᒐᓛᖑᑐᐃᓐᓇᓕᕐᑐᖅ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ.

ᖃᓄᐃᓕᖓᓂᐊᕐᓂᖓ ᐱᓕᕆᕝᕕᒃᓴᐅᑉ ᐋᖅᑭᒃᓯᒪᔪᖅ ᓄᓇᓕᖕᓂ ᑎᑎᕋᐅᔭᕐᓯᒪᔪᓂᒃ, ᐃᓐᓇᑐᖃᐃᓪᓗ ᐃᖅᑲᐅᒪᔭᖏᓐᓂᒃ ᐃᓕᖅᑯᓯᒃᑯᑦ ᖃᓄᐃᓕᖓᔾᔪᓯᕕᓂᕐᓂᒃ ᐊᒻᒪᓗ ᐅᓄᕈᓘᔭᕐᑐᓂᒃ ᐊᐱᖅᓱᑲᑕᖕᓂᒃᑯᑦ ᓇᖕᒥᓂᖃᖅᑐᓂᒃ ᐊᖏᕐᕋᖏᓐᓂᒃ ᐊᒻᒪ ᐃᒡᓗᓕᐅᖅᑎᓂᒃ.

ᐃᓱᒪᒋᔭᐅᖕᒪᑦ ᐅᓇ ᐱᓕᕆᕝᕕᐅᓂᐊᕐᑐᖅ ᓯᓚᐅᑉ ᐊᓯᙳᖅᐸᓪᓕᐊᓂᖓ ᐊᑐᖅᑕᐅᕙᓪᓕᐊᔪᓐᓇᕐᓗᓂ ᐊᒻᒪ ᐃᓕᖅᑯᓯᓕᕆᓂᖅ ᐱᐅᓯᕚᓪᓕᕐᓗᓂ, ᐅᖃᓚᐅᕐᑐᖅ ᑲᑐᔾᔨᖃᑎᒌᓄᑦ ᐊᖓᔪᖅᑳᖅ ᑮᓇᐅᔭᓕᕆᓂᕐᒧᑦ ᐊᒻᒪ ᐊᐅᓚᑦᑎᔨ ᑭᒻ ᑯᕌᑲᑦ.

“ᐱᒃᑯᓕᓯᒪᒐᑦᑕ ᑲᑎᑎᑦᑎᔪᓐᓇᓚᐅᕋᑦᑕ ᐱᓕᕆᔾᔪᑎᓕᕆᔨᓂᒃ ᐊᒻᒪ ᑎᑎᕋᐅᔭᒐᖅᑎᓂ ᐃᒡᓗᒃᓴᓂᒃ ᐊᒻᒪᓗ ᐃᓱᒪᒋᔭᖏ ᑲᑎᑕᐅᓪᓗᑎᒃ ᐱᒻᒪᕆᐅᒋᔭᐅᓂᖏᑦᑎᒍᑦ ᐃᓐᓇᑐᖃᕐᓄᑦ,” ᐅᖃᕐᑐᖅ.

“ᓄᓇᓖᑦ ᑕᒪᑐᒧᖓ ᐃᑲᔪᕐᑕᐅᓯᒪᔪᑦ ᓲᖃᐃᒻᒪ ᐋᖅᑭᒃᓯᒪᓂᖓ ᓄᑖᒃᑲᓐᓂᕐᒥ ᐃᒡᓗᒥ ᐃᓚᒋᐊᕐᕕᖃᕈᓐᓇᕐᓯᒪᖕᒪᑦ.”