ᖁᓛᓂ ᓴᐅᒥᖓᓂᒃ: ᓕᐳᕈᑯᓐᓄᑦ ᓂᕈᐊᒐᒃᓴᖅ ᓖᔅ ᑭᔅᑕᐱᔅ, ᒍᕇᓄᑦ ᑎᑎᐃ ᐱᓗᓐ, ᑲᓐᓲᕕᑎᕝᑯᓐᑦ ᓯᑏᕝ ᑯᕆᕘ ᐊᒻᒪ ᐊᓐᑏᐲᑯᓐᓄᑦ ᐹᓖᓐᓂ ᓚᐃᒻᐳᐊᐃ ᓵᓚᖃᕋᓱᒃᑐᐃᓐᓇᐃᑦ ᐆᒥᖓ ᐸᓛᒃ ᑯᐸᑯᐊ ᒪᓕᒐᓕᐅᖅᑎᒥ ᓯᐊᕕ ᐱᕉᐱᒥᒃ ᓄᓇᕕᒃᒧᑦ ᒐᕙᒪᑐᖃᒃᑯᑦ ᓂᕈᐊᖅᑎᑦᑎᓕᖅᐸᑕ. (ᐊᔾᔨᙳᐊᑦ ᓂᕈᐊᒐᒃᓴᓂᒃ)

ᓄᓇᕕᒃᒥᑦ ᐊᒥᓱᓂᒃ ᓂᕈᐊᒐᒃᓴᖃᖅᑐᑦ

ᐊᓐᑏᐲᑯᑦ ᐊᓪᓚᓄᑦ ᑯᕇᓄᑦ ᑲᑎᒪᔨᒥ ᓂᕈᐊᒐᒃᓴᖃᖅᑐᑦ ᐹᓖᓐ ᓚᐃᒻᐳᐊᐃᒥ, ᐅᑯᐊᓕ ᒍᕇᓐᖑᓂᕋᖅᑐᑦ ᑐᓴᖅᑎᑦᑎᓚᐅᕐᖢᑎᒃ ᓯᓚᑦᑐᖅᓴᕐᕕᒃᒥᑦ ᐃᓕᓐᓂᐊᖅᑎᒥ ᑎᑎᐃ ᐱᓗᓐᒥ

By ᓄᓇᑦᓯᐊᕐᒥ ᐱᕙᓪᓕᐊᔪᑦ

For an English version of this story, see Nunavik riding has full slate of candidates

ᐅᑯᐊ ᒍᕇᓐᑯᑦ ᐊᒻᒪ ᓂᐅ ᑎᒧᑯᕌᑎᒃ ᐹᑎᒃᑯᑦ ᑐᓴᖅᑎᑦᑎᓚᐅᕐᑐᑦ ᓂᕈᐊᒐᒃᓴᖃᕐᓂᖏᓐᓂᒃ ᐅᕗᖓ ᐊᐱᑎᐱ-ᔭᐃᒻᔅ ᐸᐃ-ᓄᓇᕕᒃ-ᐄᔭᐅᒧᑦ, ᓂᕈᐊᒐᒃᓴᐅᓪᓗᑎᒃ ᓄᓇᕕᒃᒧᑦ ᓯᑎᐱᕆ 20-ᒥᑦ ᒐᕙᒪᑐᖃᒃᑯᓐᓄᑦ ᓂᕈᐊᕐᓇᐅᓂᐊᖅᑐᒥᓐ.

ᐋᒐᓯᒥᓐ ᐊᓐᑏᐲᑯᑦ ᑐᓴᖅᑎᑦᑎᓚᐅᕐᒪᑕ ᓂᕈᐊᒐᒃᓴᕐᒥ ᐊᐱᑎᐱ-ᔭᐃᒻᔅ ᐸᐃ-ᓄᓇᕕᒃ-ᐄᔭᐃᒧᑦ, ᓂᕈᐊᒐᒃᓴᐅᕝᕕᒋᔭᐅᔪᑦ ᐃᓄᖃᖅᑐᐃᓐᓇᐅᓕᖅᖢᑎᒃ ᓄᓇᕕᒃᒧᑦ ᓂᕈᐊᕐᓇᐅᓂᐊᖅᑐᒧᑦ ᓯᑎᐱᕆ 20-ᒥ.

ᐊᒐᓯᒥ ᐊᓐᑏᐲᑯᑦ ᑐᓴᖅᑎᑦᑎᓚᐅᕐᑐᑦ ᐹᓖᓐ ᓚᐃᒻᐳᐊᐃ ᓂᕈᐊᒐᒃᓴᐅᓂᐊᕐᓂᖓᓂᒃ, ᑲᑎᒪᔨᐅᖃᑕᐅᔪᖅ ᐊᓪᓚᓄᑦ ᑯᕇᓄᑦ ᑲᑎᒪᔨᓄᑦ ᓯᓴᐱᓯᒥᑦ ᒫᓂ ᔭᐃᒻᔅ ᐸᐃ ᒥᒃᓵᓂ.

ᐅᑯᐊ ᒍᕇᓐ ᐹᑎᒃᑯᑦ ᑕᐃᓯᓚᐅᕐᑐᑦ ᑎᑎᐃ ᐱᓗᓐ ᓂᕈᐊᒐᒃᓴᐅᓂᐊᖅᖢᓂ. ᐱᓗᓐ ᓯᓚᑦᑐᖅᓴᕐᕕᒃᒥᑦ ᐃᓕᓐᓂᐊᖅᑎᐅᔪᖅ ᐊᒻᒪᓗ ᓂᐅᕕᕐᕕᖕᒥ ᓂᐅᕕᖅᑎᑦᑎᔨᐅᓪᓗᓂ ᓯᐳᒐᒧᒥᑦ.

ᐅᑯᐊ ᒪᕐᕉᒃ ᓄᑖᒃ ᓂᕈᐊᒐᒃᓴᐅᔫᒃ ᓵᓚᖃᕋᓱᖕᓂᐊᖅᑑᑦ ᐸᓛᒃ ᑯᐸᑯᐊᑯᓐᓄᑦ ᒪᓕᒐᓕᐅᖅᑎᒥᒃ ᓯᐊᕕ ᐸᕈᐱᒥ, ᑖᓐᓇᓗ ᓂᕈᐊᒐᒃᓴᐅᒃᑲᓐᓂᖅᖢᓂ ᐊᒻᒪᓗ ᑭᒡᒐᖅᑐᐃᓯᒪᓪᓗᓂ ᑕᒪᑐᒪᓂ ᓂᕈᐊᖅᑕᐅᓚᐅᕐᓯᒪᒐᒥ 2019-ᒥᑦ.

ᐸᓛᒃ ᑯᐸᑯᐊ ᒪᓕᒐᓕᐅᖅᑎ ᓯᐊᕕ ᐸᕉᐱ ᓂᕈᐊᒐᒃᓴᐅᒃᑲᓐᓂᖅᑐᖅ ᐅᕗᖓ ᐊᐱᑎᐱ-ᔭᐃᒻᔅ ᐸᐃ-ᓄᓇᕕᒃ-ᐄᔭᐅᒧᑦ. (ᕙᐃᔅᐳᒃᒥ ᐊᔾᔨᙳᐊᖅ)

ᐊᓯᖏᑦ ᓇᓗᓇᐃᖅᑕᐅᔪᑦ ᓂᕈᐊᒐᒃᓴᐃᑦ ᐅᑯᐊᖑᔪᑦ ᓯᑏᕝ ᑯᕆᕘ ᑳᓐᓲᕕᑎᕝᑯᓐᓄᑦ, ᓖᔅ ᑭᔅᑕᐱᔅ ᓕᐳᕈᑯᓐᓄᑦ ᐊᒻᒪ ᒪᐃᑯᓪ ᑯᓘᑎᖏ ᐅᑯᓄᖓ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᑲᓇᑕᒥ.

ᐊᐱᑎᐱ-ᔭᐃᒻᔅ ᐸᐃ-ᓄᓇᕕᒃ-ᐄᔭᐅ ᐱᖓᔪᒋᔭᐅᓪᓗᓂ ᐊᖏᓛᖑᖃᑕᐅᔪᖅ ᓂᕈᐊᒐᒃᓴᖃᖅᐸᒃᑐᓂᑦ ᓄᓇᕗᓪᓗ ᓄᓇᑦᓯᐊᓪᓗ ᑭᖑᓂᐊᒍᑦ.

ᐅᑯᓂᖓ ᓄᓇᓕᖕᓂ ᑲᒪᒋᔭᖃᖅᖢᑎᒃ ᕚᓪ ᑐᐊ ᐊᒻᒪ ᓯᓂᑎᐅ ᖃᓪᓗᓈᓄᑦ, ᒪᐅᖓ ᔭᐃᒻᔅ ᐸᐃ ᑯᕆ ᓄᓇᓕᖏᓐᓂᒃ ᐄᔭᐅ ᐃᑦᓯᒥᓐ, ᓇᔅᑲᐱ ᓄᓇᓕᖏᓐᓂᒃ ᑲᕙᕙᓯᑲᒪᑯᓐᓂᒃ ᐊᒻᒪᓗ 14-ᓂ ᐃᓄᐃᑦ ᓄᓇᖏᓐᓂᒃ ᓄᓇᕕᒃᒥᑦ.

ᐸᕉᐱ 2019-ᒥᑦ ᓵᓚᒃᓴᓚᐅᖅᓯᒪᔪᖅ ᑕᒪᐅᖓ 37 ᐳᓴᓐᑎᓄᑦ ᓂᕈᐊᖅᑕᐅᓪᓗᓂ, ᑭᖑᓂᐊᒍᑦ ᓕᐳᕈᒃᑯᑦ ᐃᓴᐱᐅᓪ ᐴᔪᕌᓐ ᑖᓐᓇᓕ 28 ᐳᓴᓐᑎᓄᑦ ᓂᕈᐊᕆᔭᐅᓪᓗᓂ.

ᓂᕈᐊᕐᕕᐅᕙᒃᑐᖅ 64,651-ᓂ ᓂᕈᐊᖅᑐᓂᒃ ᓇᐃᓴᐃᓚᐅᕐᓯᒪᔪᑦ 2019-ᒥᑦ. ᐅᑯᑎᒌᓇᕐᓕ ᓇᐃᓴᐃᔨᒃᑯᑦ ᑲᓇᑕᒥ, ᑖᒃᑯᐊ ᓂᕈᐊᕈᓐᓇᖅᑐᑦ ᐃᒪᐃᓕᖓᓚᐅᕐᑐᑦ 63 ᐳᓴᓐᑏᑦ ᐅᐃᕖᖑᓪᓗᑎᒃ, 17 ᐳᓴᓐᑏᑦ ᑯᕇᑐᑦ ᐅᖃᕈᓐᓇᖅᖢᑎᒃ, 13 ᐳᓴᓐᑏᑦ ᐃᓄᒃᑐᑦ ᐅᖃᕈᓐᓇᖅᖢᑎᒃ, ᐊᒻᒪ 3 ᐳᓴᓐᑎ ᐅᖃᐅᓯᖃᐅᖅᖢᑎᒃ ᐊᒻᒪ 1 ᐳᓴᓐᑏᑦ ᐋᑳᓐᑯᐃᓐᒥ ᐅᖃᕈᓐᓇᖅᖢᑎᒃ.

Share This Story

(0) Comments

Join the Conversation

Your email address will not be published. Required fields are marked *

*