ᓄᓇᕗᑦ ᒐᕙᒪᖓ ᓈᒻᒪᒃᓴᙱᑦᑐᑦ ᐃᓱᒪᓕᐊᕆᔭᐅᔪᒥ ᐸᓯᔭᒃᓴᐅᔾᔪᑎᑦ ᓄᖅᑲᖅᑎᑕᐅᔪᒪᓂᖓ ᐆᒧᖓ ᐃᒡᓗᓕᒃᒥᐅᑕᒥᑦ ᐊᖑᓇᓱᒃᑎᒧᑦ

ᒪᐃᑯᓪ ᐃᕐᖓᐅᑦ ᐃᒡᓗᓕᒃᒥᐅᑕᖅ ᑐᒃᑐᒥ ᖁᑭᖅᓯᓚᐅᕐᓯᒪᖕᒪᑦ 2015-ᒥ ᐊᖑᓇᓱᖁᔭᐅᙱᑎᓪᓗᒋᑦ

ᓄᓇᕗᑦ ᒐᕙᒪᖓᑦ ᑐᒃᓯᕋᖅᑐᖅ ᐃᖅᑲᖅᑐᐃᔨᓄᑦ ᐊᖓᔪᖅᑳᒧᑦ ᓂᐅᓪ ᓵᑭᐅᑉ ᐃᓱᒪᓕᐊᖓᓂᒃ ᓄᖅᑲᖅᑎᑦᑎᔪᒪᓂᕐᒥᒃ ᐸᓯᔭᒃᓴᐅᔾᔪᑎᓂᒃ ᐃᒡᓗᓕᒃᒥᐅᑕᒧᑦ ᐊᖑᑎᒥᑦ ᑐᒃᑐᓚᐅᕐᓯᒪᓂᖓᓂᒃ ᑐᒃᑐᐃᑦ ᐱᖁᔭᐅᙱᑎᓪᓗᒋᑦ. (ᐊᔾᔨᙳᐊᖁᑎᒋᔭᐅᔪᖅ)

By ᑖᒪᔅ ᐅᕉᓄ ᓄᓇᑦᓯᐊᕐᒥ ᐱᕙᓪᓕᐊᔪᑦ

For an English version of this story, see Nunavut government appeals decision to halt case against Igloolik hunter

ᓄᓇᕗᑦ ᒐᕙᒪᖓ ᐅᖃᕐᑐᑦ ᓄᓇᕗᒥᑦ ᒪᓕᒐᓕᕆᔨᓄᑦ ᐊᖓᔪᖅᑳᖅ “ᑕᒻᒪᓚᐅᕐᓂᖓᓂᒃ” ᐃᒡᓗᓕᒃᒥᐅᑕᒥᒃ ᐊᖑᓇᓱᒃᑎᒥ ᐃᖅᑲᖅᑐᐃᔪᓐᓃᕐᓂᖓᓂ ᑐᒃᑐᓚᐅᕐᓯᒪᑎᓪᓗᒍ ᑐᒃᑐᒐᓱᓐᓇᙱᑎᓪᓗᒍ 2015-ᒥ ᕿᑭᖅᑖᓘᑉ ᑐᒃᑐᖏᓐᓂᒃ.

ᐊᖑᓇᓱᒃᑎᐅᔪᖅ ᒪᕐᕉᖕᓂ ᐸᓯᔭᒃᓴᐅᔾᔪᑎᖃᖅᑐᖅ ᐅᕘᓇ ᐆᒪᔪᓄᑦ ᐱᖁᔭᕐᔪᐊᑎᒍᑦ ᐅᓇ ᐊᖓᔪᖅᑳᖅ ᓂᐅᓪ ᓵᑭᐅᑉ ᓄᖃᖅᑎᓯᒪᔭᖓᓂᒃ, ᒐᕙᒪᒃᑯᑦ ᐅᖃᓚᐅᕐᑐᑦ ᐃᖅᑲᖅᑐᐃᕕᓄᑦ ᑎᑎᖃᓂᒃ ᐱᒋᐊᖅᑕᐅᓯᒪᔪᓂᒃ ᓄᓇᕗᒥᑦ ᐃᖅᑲᖅᑐᐃᕕᖕᒧᑦ ᓈᒻᒥᒋᔭᐅᙱᑦᑐᓂᒃ ᐱᓕᕆᔨᓄᑦ ᐄᐳᕉᑎᓪᓗᒍ.

ᒪᐃᑯᓪ ᐃᕐᖓᐅᑦ, 22-ᓂ ᐅᑭᐅᓕᒃ ᑲᓃᑎᐊᓐ ᐅᓇᑕᖅᑐᒃᓴᙳᐊᖑᑎᓪᓗᒍ ᑕᐃᔅᓱᒪᓂ, ᖁᑭᕐᓯᓂᕋᓚᐅᕐᓯᒪᖕᒪᑦ ᐊᖑᓴᓪᓗᕐᒥ ᑐᒃᑐᒥ ᕕᕝᕗᐊᕆ 2015-ᒥᑦ ᓄᓇᒥ ᖃᐅᔨᓴᖅᑎᓪᓗᒍ. ᒐᕙᒪᒃᑯᑦ ᕿᑭᖅᑖᓗᒃᒥᑦ ᑐᒃᑐᓂ ᐱᖁᔨᑲᑕᙱᓐᓂᖓᑦ ᐱᒋᐊᓚᐅᕐᓯᒪᓪᓗᓂ ᔭᓄᐊᕆ 1, 2015.

ᐃᕐᖓᐅᑦ ᐸᓯᔭᒃᓴᙳᖅᑎᑕᐅᓚᐅᕐᓯᒪᔪᖅ ᒪᕐᕉᖕᓄ ᐸᓯᔭᒃᓴᐅᔾᔪᑏᖕᓄᑦ ᐅᕘᓇ ᓄᓇᕗᒥᑦ ᐆᒪᔪᓄᑦ ᐱᖁᔭᕐᔪᐊᑎᒍᑦ.

ᑭᓯᐊᓂᓕ ᐃᕐᖓᐅᑦ, ᑖᔅᓱᒥᖓ ᐅᓇᑕᖅᑐᒃᓴᙳᐊᖑᖃᑎᖏᓐᓂᒃ ᓂᕆᖃᑎᖃᓚᐅᕐᓯᒪᓪᓗᓂ, ᐅᖃᓚᐅᕐᑐᖅ ᓵᑭᒧᑦ ᑐᒃᑐᒐᔭᓚᐅᙱᓐᓂᖓᓂᒃ ᖃᐅᔨᒪᓚᐅᕐᕈᓂ ᑐᒃᑐᒋᐊᖃᙱᓐᓂᕐᒥᒃ.

ᑐᒃᑐᒐᓱᓚᐅᖅᑎᓐᓇᒍᑦ ᐃᕐᖓᐅᑦ ᐃᓐᓇᕐᒧᑦ ᐊᒻᒪ ᐃᓚᒋᔭᐅᔪᒧᑦ ᐊᖑᓇᓱᒃᑐᓕᕆᔨᓄᑦ ᐊᐱᕆᓚᐅᕐᓯᒪᔪᖅ ᑐᒃᑐᒐᓱᒍᓐᓇᕆᐊᒃᓴᖓᓂᒃ, ᓵᑭ ᑐᓴᖅᑐᕕᓂᖅ.

ᑖᓐᓇᓕ ᐃᓐᓇᖅ ᐃᕐᖓᐅᒧᑦ ᐅᖃᓚᐅᕐᓯᒪᔪᖅ ᑐᒃᑐᑦᑕᐃᓕᓐᓇᖅᑕᖃᙱᓐᓂᖓᓂᒃ.

ᓵᑭ ᐸᓯᔭᒃᓴᐅᔾᔪᑎᓂᒃ ᓄᖅᑲᖅᑎᑦᑎᓚᐅᕐᓯᒪᔪᖅ ᐃᕐᖓᐅᒧᑦ ᐸᓯᔭᒃᓴᐅᔾᔪᑎᓂᒃ ᐃᓱᒪᓕᐅᕆᓚᐅᕐᖢᓂ ᑖᓐᓇᓗ ᓴᕿᑕᐅᓚᐅᕐᓯᒪᓪᓗᓂ ᒫᑦᓯᐅᓚᐅᕐᑐᒥᒃ ᑕᒪᑐᒪᓂ ᐊᕐᕌᒍᒥᑦ.

ᐃᓱᒪᓕᐊᖓᒍᓪᓗ ᓵᑭ ᐅᖃᓚᐅᕐᑐᖅ ᑕᒪᓐᓇ ᐱᑐᐃᓐᓇᐅᙱᓐᓂᖓᓂᒃ, ᐃᓚᖃᖅᖢᓂ ᓄᓇᐃᓐᓇᕐᒦᓐᓂᕐᒥᒃ ᐊᒻᒪᓗ ᑐᓴᐅᒪᑎᑕᐅᑦᑎᐊᙱᓐᓂᕐᒥ ᐃᓐᓇᕐᒥᑦ ᐱᔪᓐᓇᐅᑎᓕᖕᓂᑦ, ᑕᒪᓐᓇᓗ “ᑕᒻᒪᖅᑎᑕᐅᓂᐅᓪᓗᓂ.”

ᑭᓯᐊᓂᓕ ᓄᓇᕗᑦ ᒐᕙᒪᖓ ᑖᔅᓱᒥᖓ ᐊᖏᖃᑎᖃᓚᐅᙱᑦᑐᑦ. ᑐᓴᒐᒃᓴᑎᒍᑦ ᐅᕘᓇ ᓈᒻᒪᒃᓴᙱᔾᔪᑎᓂ ᐃᖅᑲᖅᑐᐃᕕᒥ ᐄᐳᕈᓪ 5-ᖑᑎᓪᓗᒍ, ᒐᕙᒪᒃᑯ ᐅᖃᓚᐅᕐᑐᑦ ᓵᑭ ᑕᒻᒪᓚᐅᕐᓯᒪᓂᖓᓂᒃ ᐋᕿᒃᓯᓂᖓᓂᒃ ᑕᒻᒪᕐᓯᒪᓂᕐᒨᓂᖓᓂᒃ.

“ᐃᖅᑲᖅᑐᐃᕕᒃᑯᑦ ᑕᒻᒪᓚᐅᕐᒪᑕ ᐃᒪᓐᓇ … ᐊᖑᓇᓱᒃᑕᐃᓕᓂᕐᒥ ᓱᕋᐃᓂᖅ ᐱᔾᔪᑎᖃᓚᐅᕐᓂᖓᓂᒃ ᐱᓪᓚᕆᒃᑯᑦ ᑕᒻᒪᕐᑕᐅᓯᒪᓂᕐᒥ,” ᑎᑎᕋᕐᓯᒪᔪᖅ ᓄᓇᕗᑦ ᒐᕙᒪᒃᑯᑦ ᓗᐊᐃᔭᖓᑦ, ᐄᑐᕆᐊᓐ ᓯᐊᒃ.

ᓯᐊᒃ ᐃᖅᑲᖅᑐᐃᕕᒃᒦᓚᐅᙱᑦᑐᖅ ᔪᓚᐃ 24-ᒥ ᑖᓐᓇ ᐅᖃᐅᓯᐅᓕᕐᑎᓪᓗᒍ ᐃᖅᑲᖅᑐᐃᔨᒧᑦ ᔭᔅᑎᔅ ᐹᓪ ᐳᐊᐃᓴᒃ, ᑖᓐᓇᓕ ᐃᖅᑲᖅᑐᐃᕕᖕᒥᑦ ᐋᕿᒃᑕᐅᔪᓂᒃ ᓈᒻᒪᒋᔭᐅᙱᑦᑐᓄᑦ ᐅᖃᕐᕕᐅᒍᓐᓇᖅᑐᓃᖢᓂ.

ᐳᐊᐃᓴᒃ ᑕᒪᑐᒥᖓ ᓄᖅᑲᖅᑎᑦᑎᓚᐅᕐᑐᖅ ᓈᒻᒪᒃᓴᙱᓐᓂᕐᒧᑦ ᐃᖅᑲᖅᑐᐃᕕᒃᒦᒍᑎᓂ ᑭᓯᐊᓂ ᓄᕕᐱᕆ 13-ᖑᓕᕐᐸᑦ. ᓯᕗᓂᐊᓂᓪᓕ, ᐃᖅᑲᖅᑐᐃᕕᒃᑯᑦ ᐅᖃᖃᑎᖃᕐᓂᐊᖅᑐᑦ ᓯᐊᒃᒥᑦ “ᖃᐅᔨᓇᓱᒡᓗᑎᒃ ᖃᓄᐃᒻᒪ ᐅᓪᓗᒥ ᐱᑕᖃᓚᐅᙱᓐᓂᖓᓂᒃ.”

ᐃᕐᖓᐅᑦ ᓗᐊᐃᔪᖓ, ᐱᐊᓐᓴᓐ ᑕᐅᐊᓐ, ᐅᖃᓚᐅᕐᑐᖅ ᓂᕆᐅᖕᓂᕋᖅᖢᓂ ᒐᕙᒪᒃᑯᑦ ᑎᑎᖃᒃᑲᓐᓂᕐᓂᒃ ᓴᕿᑎᑦᑎᓂᐊᕐᓂᖏᓐᓂᒃ ᐃᑲᔫᑎᒋᓂᐊᖅᑕᖏᓐᓂᒃ ᓈᒻᒪᒃᓴᙱᔾᔪᑎᒋᔭᖏᓐᓄᑦ.

“ᐅᓇ ᐃᖅᑲᖅᑐᐃᕕᒃᒧᑐᐊᖅ ᐱᓕᕆᐊᖑᓂᐊᕐᑐᖅ,” ᑲᐅᐊᓐ ᐅᖃᓚᐅᕐᑐᖅ ᐳᐊᐃᓴᒃᒧᑦ.

ᐸᓯᔭᒃᓴᐅᓂᕐᒧᑦ ᖃᓄᐃᓕᐅᕈᑎᐅᓂᑯᑦ ᐸᓯᔭᒃᓴᐅᑎᑦᑎᓂᒃᑯᑦ ᖃᓄᐃᓗᐊᙱᓐᓂᕐᓴᖅ ᒪᑯᓇᙵᓪᓕ ᐋᓐᓂᕐᓯᕆᓗᐊᕐᓂᒃᑯᑦ ᐱᕋᔭᒍᑎᐅᔪᓂᒃ. ᑕᒪᒃᑯᐊ ᐸᓯᔭᒃᓴᙳᖅᑎᑕᐅᔪᑦ ᐃᖅᑲᖅᑐᐃᕕᒃᑰᕌᓂᒃᓯᒪᔪᓂ ᐃᖅᑲᖅᑐᐃᕕᒧᑐᐊᖅ ᐱᓕᕆᐊᕆᔭᐅᕙᒃᑐᑦ, ᐊᒻᒪᓗ ᐃᖅᑲᖅᑐᐃᔨᒐᓚᒃᓄᑦ ᑲᒪᒋᔭᐅᔭᕆᐊᖃᙱᖢᑎᒃ.

Share This Story

(0) Comments