ᓄᓇᕗᒥᑦ ᒪᓕᒐᓕᐅᖅᑎᒃᑯᑦ ᓱᐴᖅᑐᖅᑕᐃᓕᓂᖅᒧᑦ ᒪᓕᒐᕐᓂᒃ ᐱᒋᐊᓪᓚᒃᑎᑦᑎᕗᑦ

ᒪᓕᒐᓕᕆᔨᒃᑯᑦ ᐊᓂᒍᖅᑎᑦᑎᓚᐅᖅᑐᑦ ᐋᖅᑭᒋᐊᕈᑎᐅᔪᓂᒃ ᑐᐹᑯᒥ ᐊᐅᓚᑦᑎᓂᖅᒧᑦ ᐊᒻᒪ ᓱᐴᖅᑐᖅᕕᐅᔭᕆᐊᖃᙱᑦᑐᓄᑦ ᒪᓕᒐᖅᒥ

ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕ ᖁᐊᓴ ᑯᓱᒐᖅ, ᐅᕙᓃᑦᑐᖅ ᐊᔾᔨᙳᐊᒥᒃ, ᐊᐱᖅᓱᖅᑕᐅᓚᐅᖅᑐᖅ ᓄᓇᕗᒥᑦ ᒪᓕᒐᓕᕆᔨᓄᑦ ᒪᐃ 28-ᖑᑎᓪᓗᒍ ᐆᒪ ᑐᐹᑯᒥᑦ ᐊᐅᓚᑦᑎᔾᔪᑎᓂᒃ ᐊᒻᒪᓗ ᓱᐳᖅᑐᖅᕕᐅᔭᕆᐊᖃᙱᑦᑐᓄᑦ ᒪᓕᒐᕐᓂᒃ. ᐊᓯᙳᖅᑎᑕᐅᔪᑦ ᒪᓕᒐᖅᒧᑦ ᐊᓂᒍᖅᑎᑕᐅᓚᐅᖅᑐᑦ ᔫᓂ 8-ᒥᑦ. (ᐊᔾᔨᓕᐅᕆᔨ ᑕᔅᑎᓐ ᐸᑖᕐ)

By ᑕᐃᕕᑦ ᕕᐊᓐ
ᓄᓇᓕᖕᓂ ᑐᓴᒐᒃᓴᓕᐅᕐᑎᐅᓂᕐᒧᑦ ᐱᓕᕆᐊᒃᓴᓄᑦ ᑐᓴᒐᒃᓴᓕᐅᕐᑎ

For an English version of this story, see Nunavut MLAs tighten territory’s smoking laws

ᐃᒡᓗᓕᕆᔨᒃᑯᑦ ᐃᒡᓗᖏᓐᓂ ᐃᒡᓗᖃᖅᑐᑦ ᓱᐴᖅᑐᕆᐊᖃᕈᓐᓃᖅᑎᑕᐅᔪᑦ ᐃᒡᓗᖏᑦᑕ ᐃᓗᐊᓂ ᐊᒻᒪᓗ ᓯᒡᒐᓖᙳᐊᑦ ᐳᔪᖃᖅᑐᑦ ᓄᓇᕗᒥ ᐊᑐᖁᔭᐅᙱᑦᑎᐊᒻᒪᕆᓕᖅᖢᑎᒃ, ᐊᒻᒪ ᐊᓯᖏᓐᓂᒃ ᐅᑯᐊ ᒪᓕᒐᓕᐅᖅᑎᒃᑯᑦ ᓄᑖᙳᕆᐊᖅᑎᑦᑎᓚᐅᖅᑎᓪᓗᒋᑦ ᓄᓇᕗᒥᑦ ᑐᐹᑯᒧᑦ ᒪᓕᒐᖅᓂᒃ ᐱᓇᓱᐊᕈᓯᐅᓵᖅᑐᒥᓐ.

ᒪᓕᒐᓕᐅᖅᑎᑦ ᐊᓂᒍᐃᑎᑦᑎᓚᐅᖅᒪᑕ ᐋᖅᑭᒋᐊᕈᑎᒋᔭᐅᔪᓂᒃ ᑐᐹᑯᒥ ᐊᐅᓚᑦᑎᓂᖅᒧᑦ ᐊᒻᒪᓗ ᓱᐴᖅᑐᖅᕕᐅᔭᕆᐊᖃᙱᑦᑐᓄᑦ ᒪᓕᒐᖅᒥᑦ ᔫᓂ 8-ᖑᑎᓪᓗᒍ.

ᐅᑯᐊ ᐊᓯᔾᔨᖅᑕᐅᔪᑦ ᐋᖅᑭᒃᑕᐅᓯᒪᓇᓱᒃᑐᑦ ᐃᓄᖕᓂᒃ ᓱᐴᖅᑐᖅᑎᑦᑎᑦᑕᐃᓕᓂᖅᒧᑦ — ᐱᓗᐊᖅᑐᒥᓐ ᐃᓅᓱᒃᑐᓂᒃ — ᐊᒻᒪᓗ ᐊᐅᓚᑦᑎᕚᓪᓕᕋᓱᒃᖢᑎᒃ ᓴᖅᑭᑕᐅᕙᓪᓕᐊᕙᒃᑐᓂᒃ ᓱᐴᖅᑐᒐᒃᓴᓂᒃ ᒪᑯᑎᑐᓇᖅ ᕙᐃᐱᖕ (vaping), ᐅᖃᓚᐅᖅᑐᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕ ᖁᐊᓴ ᑯᓱᒐᖅ ᒪᓕᒐᓕᕆᕝᕕᒃᒥᑦ ᒪᐃ 28-ᖑᑎᓪᓗᒍ.

ᒫᓐᓇᓕ 19-ᓂ ᐅᖓᑖᓂᒡᓗ ᐊᕐᕌᒍᖃᖅᑐᑦ ᓂᐅᕕᕈᓐᓇᖅᑐᑦ ᓯᒡᒐᓖᓂᒃ, ᓄᓇᓯᐅᑎᐅᑉ ᐃᓗᐊᓂ ᐃᓅᓱᒃᑐᒥ ᐱᑕᖃᕈᓂ ᓱᐴᖅᑐᕆᐊᖃᕈᓐᓃᖅᑐᑦ ᐊᒻᒪᓗ ᓯᒡᒐᓕᐊᕆᔭᐅᕙᒃᑐᑦ ᓴᙱᓛᖃᖅᑎᑕᐅᓂᐊᖅᖢᑎᒃ.

“ᐅᑯᐊ ᖃᓄᐃᓕᐅᕈᑎᐅᓇᓱᒃᑐᑦ ᐃᑲᔪᕈᑎᐅᔪᑦ ᐃᓄᖕᓂ ᐳᔪᕐᒥ ᐱᑲᑕᒃᑎᑦᑎᑦᑕᐃᓕᓂᖅᒥᒃ ᐊᒻᒪᓗ ᐊᒃᑐᐃᒍᑎᖃᑲᐅᑎᒋᓂᐊᖅᖢᓂ,” ᑯᓱᒐᖅ ᐅᖃᖅᑐᖅ.

ᒪᓕᒐᖅ ᑭᖑᓪᓕᖅᐹᒥᒃ ᐋᖅᑭᒋᐊᖅᑕᐅᓚᐅᖅᓯᒪᔪᖅ 2018-ᒥ, ᑯᓱᒐᖅ ᐅᖃᖅᑐᖅ.

ᑯᓱᒐᖅ ᐊᐱᖅᑯᑎᓂᒃ ᑭᐅᑲᑕᓚᐅᕐᒥᔪᖅ ᒪᓕᒐᓕᐅᖅᑎᓂᒃ ᒪᓕᒐᐅᑉ ᒥᒃᓵᓅᖓᔪᓂᒃ ᒪᐃ 28-ᖑᑎᓪᓗᒍ.

ᐊᕐᕕᐊᑦ ᐅᐊᖕᓇᖓᓄᑦ-ᑎᑭᕋᖅᔪᐊᖅᒧᑦ ᒪᓕᒐᓕᐅᖅᑎ ᔮᓐ ᒪᐃᓐ ᐊᐱᕆᓚᐅᖅᑐᖅ ᒪᑯᐊ ᓯᒡᒐᓖᙳᙱᑦᑐᑦ ᓱᐴᖅᑐᕈᑏᑦ ᐊᑐᖅᑕᐅᓂᖅᓴᐅᔭᕆᐊᒃᓴᖏᓐᓂᒃ ᓄᓇᕗᒥᑦ ᐃᓅᓱᒃᑐᓄᑦ, ᐅᕝᕙᓘᓐᓃᑦ ᑖᒃᑯᐊ ᐊᑐᐊᒐᐃᑦ ᒪᓕᒋᐊᒃᓴᖏᓐᓂᒃ ᐅᓄᖅᓯᕙᓪᓕᐊᓂᖏᓐᓄᑦ ᑲᓇᑕᐅᑉ ᓂᒋᐊᓂᒃ ᐊᑐᖅᐸᓪᓕᐊᔪᓂᒃ.

ᑯᓱᒐᖅ ᐅᖃᓚᐅᖅᑐᖅ ᐅᓇ ᖃᓄᐃᓕᐅᕈᓯᐅᔪᖅ ᐱᒋᐊᓕᓵᖅᐸᓪᓕᐊᖕᒪᑦ ᐊᒻᒪᓗ ᑕᒪᑐᒥᖓ ᐱᓕᕆᕙᒌᕐᓗᓂ ᐱᐅᓂᖅᓴᐅᓇᔭᖅᖢᓂ.

“ᑕᒪᓐᓇ ᑕᒫᓂ ᐊᑐᖅᑕᐅᕙᓪᓕᐊᓕᕐᒪᓐ ᐊᒻᒪᓗ ᐊᑐᖅᑕᐅᓂᖅᓴᐅᓕᖅᖢᓂ ᐊᒻᒪ ᓄᖅᑲᖅᑎᑦᑐᓐᓇᕈᒪᓪᓗᑎᒃ,” ᐅᖃᖅᑐᖅ.

ᒪᐃᓐ ᐊᐱᕆᓚᐅᕐᒥᔪᖅ ᖃᓄᖅ ᒪᓕᒐᖅ ᒪᓕᒃᑎᑕᐅᓂᐊᕆᐊᒃᓴᖓᓂᒃ ᓄᓇᓕᖕᓂᑦ.

ᐱᒻᒪᕆᐅᓛᕐᓕ ᓂᐅᕕᐊᒃᓴᖃᖅᐸᒃᑐᑦ ᖃᓄᐃᔨᒪᓗᑎᒃ ᓄᑖᓂᒃ ᒪᓕᒐᕐᓂᒃ, ᑯᓱᒐᖅ ᐅᖃᖅᑐᖅ, ᐅᖃᒃᑲᓐᓂᖅᖢᓂ ᒫᓂ 6-ᓂᒃ ᒪᓕᒐᓕᕆᔨᓂᒃ ᐱᓕᕆᔨᖃᕐᓂᐊᕐᓂᕋᖅᖢᓂ ᐱᒋᐊᓕᓵᖅᑐᓂᒃ ᐊᒻᒪᓗ ᑭᖑᓂᐊᒍ ᒪᓕᒐᓕᕆᔨᓂᒃ ᐱᓕᕆᓕᖅᑎᑦᑎᓗᑎᒃ.

ᓇᑦᓯᓕᒃᒧᑦ ᒪᓕᒐᓕᐅᖅᑎ ᐃᒥᓕᐊᓐᓄ ᕿᙳᖅ ᐊᐱᕆᓚᐅᖅᑐᖅ ᑖᓐᓇ ᒪᓕᒐᖅ ᐊᑑᑎᖃᕋᔭᕆᐊᒃᓴᖓᓂᒃ ᖃᕋᓴᐅᔭᒃᑯᑦ ᓂᐅᕕᕋᓱᒃᑐᓂᒃ ᓯᒡᒐᓖᓂᒃ ᐊᒻᒪ ᓱᐴᖅᑐᕈᑎᓂᒃ.

ᑯᓱᒐᖅ ᐅᖃᓚᐅᖅᑐᑦ ᑕᒪᐅᓇ ᒐᕙᒪᒃᑯᑦ ᐊᔪᕐᓂᐊᕋᓱᒋᓪᓗᓂᒋᑦ ᐊᐅᓚᑦᑎᔭᕆᐊᒃᓴᖅ.

“ᐃᓄᐃᑦ ᐱᕋᔭᒐᓱᖕᓂᒃᑯᑦ ᐱᓕᕆᐊᖃᕈᒪᒃᐸᑕ, ᑖᒃᑯᐊᓕ ᑲᒪᒋᔭᖃᕆᐊᓕᖕᓄᑦ ᐱᓕᕆᐊᖑᖃᑦᑕᕋᔭᕐᒥᔪᑦ,” ᐅᖃᖅᑐᖅ.

ᐃᖃᓗᐃᑦ-ᒪᓂᕋᔭᒃᒧᑦ ᒪᓕᒐᓕᐅᖅᑎ ᐋᑕᒥ ᐋᕆᐊᒃ ᓚᐃᑦᓯᑑᓐ ᐅᖃᓚᐅᖅᑐᖅ ᖁᕕᐊᓱᓗᐊᕐᓂᕋᖅᖢᓂ ᓱᐴᖅᑐᕆᐊᖃᕈᓐᓃᕐᓂᖏᓐᓂᒃ ᓄᑕᕋᐅᓗᐊᖅᑐᓂᒃ ᐱᑕᖃᖅᑎᓪᓗᒍ ᓄᓇᓯᐅᑎᓂᒃ, ᑭᓯᐊᓂᓕ ᐊᐱᖁᑎᖃᕐᒥᔪᖅ ᖃᓄᖅ ᐊᓯᖏᑦ ᐊᐅᓚᑕᐅᔪᓐᓇᕋᔭᕆᐊᒃᓴᖏᓐᓂᒃ.

ᐊᐱᕆᓚᐅᖅᑐᖅ ᖃᑯᒍ ᐃᒡᓗᓕᕆᔨᒃᑯᑦ ᐊᑐᖅᑐᐊᕈᑎᖏ ᓇᓗᓇᐃᖅᓯᓯᒪᓕᕐᓂᐊᕆᐊᒃᓴᖏᓐᓂᒃ ᓱᐴᖅᑐᕆᐊᖃᙱᓐᓂᖅᒥᒃ ᐃᒡᓘᑉ ᐃᓗᐊᓂ, ᑖᔅᓱᒧᖓᓗ ᑯᓱᒐᖅ ᐅᖃᓚᐅᖅᑐᑦ ᐊᕐᕌᒎᖕᓂ ᒪᕐᕈᓪᓗᐊᕐᓂ ᑖᓐᓇ ᐋᖅᑭᒃᓱᖅᑕᐅᓇᔭᕐᓂᖓᓂᒃ.

ᐋᖅᑭᒃᑕᐅᓚᐅᖅᑎᓪᓗᒍ, ᑕᒪᐃᓐᓄᓕᒫᖅ ᐃᒡᓗᓕᕆᔨᒃᑯᑦ ᐃᒡᓗᖏᓐᓃᑦᑐᓄᑦ ᒪᓕᒃᑕᐅᔭᕆᐊᖃᓂᐊᖅᑐᖅ.

51 ᐳᓴᓐᑎᐅᔪᑦ ᓄᓇᕗᒥᑦ 12-ᓂ 19-ᓄ ᓱᐴᖅᑐᖃᑦᑕᕐᒪᑕ, ᐅᕘᓇᓕ 2018/19-ᒥ ᑐᐹᑯᒥ ᐊᐅᓚᑦᑎᓂᖅᒧᑦ ᒪᓕᒐᖅᓄᑦ ᐅᓂᒃᑳᓂᒃ. ᐅᓇ 6-ᖏᖅᓱᖅᖢᓂ ᖁᑦᑎᖕᓂᖅᓴᖅ ᑲᓇᑕᓕᒫᖅ ᑕᐅᑐᒃᖢᒍ.

ᐳᕌᕕᓐᓯᓂᒡᓕ, 16 ᐳᓴᓐᑎᖏᑦ ᐊᕐᕌᒍᓕᖕᓂ 12-ᓂ ᖁᓛᓄᑦ ᓱᐴᖅᑐᖃᑦᑕᕐᒪᑕ, ᑕᐅᑐᒃᖢᒍᓕ 62 ᐳᓴᓐᑎᖏᑦ ᓄᓇᕗᒻᒥᐅᑕ ᐅᕘᓇ ᐅᓂᒃᑳᑎᒍᑦ.

ᐃᓚᖏᓐᓂᒃ ᓄᓇᕗᑦ ᓄᓇᓕᖕᓐᓂᒃ, 84 ᐳᓴᓐᑎᖏᑦ ᓱᐴᖅᑐᖃᑦᑕᕐᒪᑕ.

Share This Story

(0) Comments

Join the Conversation

Your email address will not be published. Required fields are marked *

*