ᓄᓇᕗᒻᒥᐅᓄᑦ 2018 ᐅᖃᑲᑕᖕᓂᐅᓚᐅᕐᐳᖅ

ᓂᐲᑦ ᑐᓴᕐᓴᐅᔪᑦ ᖁᓄᔪᕐᓂᐊᕐᓂᕐᒥᑦ ᐱᐅᒃᓴᙱᓐᓂᕐᒧ ᐊᒻᒪ ᐊᓯᖏᑦᓂᒃ ᐱᑦᑎᐊᙱᓗᐊᕈᑎᓂᒃ

ᓴᓪᓕᕐᒥᑦ ᐊᕐᕙᒐᓱᒃᑐᑦ ᓇᖏᕐᐳᑦ ᐊᕐᕕᒃᑕᖓᓂᒃ ᐅᕙᓂ ᑭᕙᓪᓕᕐᒥᑦ ᓄᓇᓕᖕᓂᑦ ᔫᓂ 28-ᒥᑦ ᓴᓪᓕᐅᑉ ᓯᓚᑎᑦᑎᐊᖓᓂᑦ. (ᐊᔾᔨᓕᐅᕆᔨ ᒍᕆᒡ ᓂᖏᐅᓯᐊᒃ)

By ᐹᑐᕇᓯᐊ ᓚᐃᑦᕗᑦ

For this story in English, see For Nunavummiut, 2018 was a year to speak out.

ᓲᓴᓐ ᐊᒡᓘᒃᑲᖅ ᐱᒋᐊᖅᑎᑦᑎᓚᐅᕐᑐᖅ ᑐᓴᕋᓱᖕᓂᕐᒥᑦ ᐊᓯᐅᓯᒪᔪᓂᒃ ᐊᒻᒪ ᐃᓄᐊᖅᑕᐅᓯᒪᔪᓂᒃ ᓄᓇᖃᖅᑳᖅᑐᓂᒃ ᐊᕐᓇᓂᒃ ᐊᒻᒪ ᓂᕕᐊᕐᓵᓂᒃᖃᐅᔨᒐᓱᖕᓂᕐᒥᑦ ᑲᖏᖅᖠᓂᖅᒥᑦ ᐃᙱᐅᓯᖃᖅᖢᓂ ᐊᕐᓇᐃᑦ ᓂᐱᖃᙱᓪᓗᑎᒃ ᐋᓐᓂᕐᓯᒪᔭᕆᐊᖃᙱᓐᓂᖏᓐᓂᒃ. ᑕᐃᒪᐃᑦᑐᒪᓯᒪᓕᕋᒥᑦ. ᖃᐅᔨᒪᔭᐅᑦᑎᐊᖅᑐᖅ ᓄᓇᕗᒥᑦ ᐃᙱᖅᑎ ᐊᒻᒪ ᓂᐱᓕᐅᕆᔨ ᐅᖃᐅᓯᖃᓚᐅᕐᑐᖅ ᓴᙱᔪᒥᒃ ᐆᒥᖓ ᐊᖑᑎᒥ ᖁᓄᔪᕐᓂᐊᖅᑎᕕᓂᕐᒥᓂᒃ ᓱᕈᓯᐅᑎᓪᓗᒍ. ᑕᐃᒪᓐᓇᑦᑕᐅᖅ ᐊᒥᓱ ᐅᐸᒍᑎᓯᒪᔪᑦ ᖃᐅᔨᓇᓱᖕᓂᕐᒥ ᐅᖃᓪᓚᖃᑦᑕᓚᐅᕆᕗᑦ ᒪᑯᐊ ᓄᓇᕗᒥᑦ ᐊᖓᔪᖄᖑᔪᑦ, ᓯᕗᓕᐅᕐᑎᐅᔪᑦ, ᑲᑐᔾᔨᖃᑎᒌᖑᔪᑦ ᐊᒻᒪ ᑐᒃᓯᐊᕐᕕᓕᕆᔨᐅᔪᑦ ᐅᖃᖃᑦᑕᖁᔭᐅᓪᓗᑎᒃ ᐋᓐᓂᕐᓯᕆᓂᕐᒥᒃ ᖃᐅᔨᔭᕌᖓᒥᒃ—ᖁᓄᔪᕐᓂᐊᕐᓂᒃᑯᑦ ᐊᓯᐊᒍᓪᓘᓐᓃᑦ.

ᐃᓚᖏᑦ ᑕᒪᑐᒥᖓ ᑐᓴᒻᒪᕆᓚᐅᕐᑐᑦ. ᓇᐃᑕᓐ ᐅᐱᐊᑦ, ᐊᖓᔪᖄᖅ ᐃᓄᐃᑦ ᑕᐱᕇᑦ ᑲᓇᑕᒥ, ᐅᖃᒻᒪᕆᓚᐅᕐᑐᖅ ᑲᓇᑕᐅᑉ ᐃᓄᐃᑦ ᑲᑐᔾᔨᖃᑎᒌᖏᑦ ᐱᓇᓱᐊᒐᖃᕐᓂᐊᕐᓗᑎᒃ ᓱᕈᓯᕐᓂᒃ ᖁᓄᔪᓐᓂᐊᖅᑕᐅᑦᑕᐃᓕᑎᑦᑎᓂᕐᒥᒃ ᐃᓄᐃᑦ ᓄᓇᖏᓐᓂᒃ, ᐱᒋᐊᕈᑎᖃᕐᓗᑎᒃ ᖃᐅᔨᒪᓪᓚᕆᒃᑐᓂᒃ ᑲᑎᖃᑎᒌᒃᑎᑦᑎᓂᕐᒥ ᑕᒪᑐᒥᖓ ᐱᓕᕆᐊᖃᕐᓂᐊᕐᑐᓂᒃ ᑖᓐᓇᓗ ᐋᑐᕚᒥ ᑲᑎᒪᒍᑎᐅᓚᐅᖅᖢᓂ.

ᐊᓯᖏᓐᓂᒡᓕ 2018-ᒥᑦ ᐅᓂᒃᑳᕕᓂᕐᓂᒃ, ᐳᕙᒡᓗᖕᓂᖅ, ᑖᓐᓇ ᐋᓐᓂᐊᖅ ᑲᓇᑕᒥᓪᓗᐊᑕᖅ ᐋᓐᓂᐊᕆᔭᐅᕙᒃᑐᖅ, ᑲᔪᓯᓯᒪᕗᖅ ᓄᓇᕗᒥᑦ, ᑕᒪᑐᒧᖓ ᐱᓕᕆᐊᖃᕐᓂᕋᓚᐅᕐᓯᒪᒐᓗᐊᖅᖢᓂ ᓄᓇᖃᖅᑳᖅᑐᓄᑦ ᐱᔨᑦᑎᕋᐅᑎᓄᑦ ᒥᓂᔅᑕ ᔭᐃᓐ ᐱᓪᐹᑦ ᑭᒡᒐᖅᑐᐃᓪᓗᓂ ᒐᕙᒪᑐᖃᒃᑯᓐᓂᒃ ᓄᖑᑎᑦᑎᒐᓱᖕᓂᕐᒥᒃ ᑖᔅᓱᒥᖓ ᐋᓐᓂᐊᕐᒥᒃ ᒫᓂ ᑎᓴᒪᓂᒃ ᐊᕕᒃᑐᖅᓯᒪᓂᒃᑯᑦ ᐃᓄᐃᑦ ᓄᓇᖏᓐᓂᒃ ᐅᓇ 2030 ᑎᑭᓚᐅᕐᑎᓐᓇᒍ. ᑕᒪᑐᒥᖓ ᖃᐅᔨᓴᕐᕕᒃᓴᑦ, ᐋᕿᒃᓱᖅᑕᐅᓂᑯ ᓄᓇᕗᑦ ᒐᕙᒪᒃᑯᓐᓄᑦ, ᐅᑯᓇᓂ ᐋᕿᒃᑕᐅᓚᐅᕐᑐᑦ ᕿᑭᖅᑕᖅᔪᐊᖅᒥ ᐊᒻᒪ ᑎᑭᕋᕐᔪᐊᖅᒥ.

ᒪᓕᒐᓕᕆᓂᒃᑯᑦ ᖃᓄᐃᓕᐅᕈᓘᔭᕐᓇᓚᐅᕆᕗᖅ ᐊᕐᕌᓂ, ᐱᒋᐊᖅᖢᓂ ᐲᖅᑕᐅᑎᑦᑎᓂᕐᒥᒃ ᑕᐃᔅᓱᒪᓂ ᓯᕗᓕᐅᕐᑎᐅᓚᐅᕐᑐᒥᒃ ᐹᓪ ᖁᐊᓴ ᐊᐃᑉᐸᖓᓂ ᒪᓕᒐᓕᕆᔨᕐᔪᐊᑦ ᑲᑎᒪᑎᓪᓗᒋ. ᖃᑯᒍᙳᒃᑲᓐᓂᕐᑎᓪᓗᒍ ᑕᕝᕙᓂ ᐊᕐᕌᒍᒥ, ᐱᖓᔪᖓᓐᓂᒃ ᑲᑎᒪᑎᓪᓗᒋᑦ, ᓯᕗᓕᐅᕐᑎ ᓴᕕᑲᑖᖅ ᑕᐃᔅᓱᒪᓂ ᒥᓂᔅᑕᐅᓚᐅᕐᑐᒥᑦ ᐹᑦ ᐊᕐᓇᑲᒃ ᒥᓂᔅᑕᐅᓂᖓᓄᑦ ᐱᓕᕆᐊᖏᓐᓂᒃ ᐊᕐᓵᕐᓯᓚᐅᕐᑐᖅ ᒥᓂᔅᑕᓄᑦ ᓈᒻᒪᙱᓕᐅᕈᑎᓂ ᐊᑐᓚᐅᕐᓂᖓᓄᑦ. ᓯᕗᓪᓕᕐᒥᒃ ᓄᖃᕈᒪᓚᐅᙱᑦᑐᖅ, ᑭᓯᐊᓂᓕ ᓄᖃᑐᐃᓐᓇᓚᐅᕐᑐᖅ, ᐅᖃᐅᓯᖃᖅᖢᓂ ᓯᕗᓕᐅᕐᑎᒥᑦ “heavy handed”-ᖑᓂᕋᐃᓪᓗᓂ.

ᖁᕕᐊᓇᙱᑦᑐᖃᓚᐅᕆᕗᖅ ᑭᕙᓪᓕᕐᒥᑦ, ᑕᐃᑲᓂ ᒪᕐᕉᒃ ᐊᖑᑏᑦ ᓇᓄᕐᓄᑦ ᑐᖁᑕᐅᓪᓗᑎ ᐊᑕᐅᑦᑎᒃᑰᙱᒃᑲᓗᐊᖅᖢᑎᒃ. ᑕᐃᒪᐃᓐᓂᖓᓄᑦ ᑭᕙᓪᓕᕐᒥ ᖁᐊᕐᓵᑲᑕᓕᓚᐅᕐᐳᑦ ᐊᒻᒪ ᓂᙵᒃᓯᒪᓕᖅᖢᑎᒃ ᐃᓄᐃᑦ ᓈᒻᒪᒃᓴᙱᓯᒪᒐᒥᒃ ᓇᓐᓄᒃᑕᐅᔪᓐᓇᖅᑐᑦ ᖃᔅᓯᐅᖃᑦᑕᕆᐊᖃᕐᓂᖏᓐᓂᒃ.

ᐃᒪᖅ ᐃᓱᒫᓘᑎᐅᓯᒪᕗᖅ ᓄᓇᕗᒥᑦ, ᐃᒥᕐᑕᒐᒃᓴᖃᙱᓗᐊᓕᕐᑎᓪᓗᒋᑦ ᐃᖃᓗᖕᓂ ᐊᒻᒪᓗ ᖃᓛᖅᑎᑦᑎᒋᐊᖃᕐᓯᒪᓪᓗᑎᒃ ᐊᔾᔨᒌᙱᑦᑐᑦ ᓄᓇᓖᑦ, ᐅᑯᐊ ᐃᓚᐅᓪᓗᑎᒃ ᐃᒡᓗᓕᒃ, ᖁᒡᓗᖅᑑᖅ, ᑲᖏᖅᖠᓂᖅ ᐊᒻᒪ ᑎᑭᕋᕐᔪᐊᖅ.

ᖃᔅᓰᕈᓘᔭᒻᒪᕆᒃᖢᑎᒃ ᖃᐅᔨᓇᓱᑲᑕᓚᐅᕐᑎᓪᓗᒋ ᐊᒻᒪ ᐋᕿᒃᓱᐃᒐᓱᑲᐅᕐᑐᕋᓱᒃᖢᑎᒃ ᓄᓇᓕᖕᓂ ᒪᓕᒐᕋᓛᖑᓂᐊᕐᑐᓂᒃ ᐊᒻᒪ ᓄᓇᕗᒧᑦ ᐱᖁᔭᐅᓂᐊᕐᑐᓂᒃ, ᓱᐴᖅᑐᒐᖅ ᐃᓱᒪᕐᓲᑎᙳᓚᐅᕐᐳᖅ ᑲᓇᑕᒥ ᐱᖓᑦᓯᖅ, ᐅᒃᑑᐱᕆ 17-ᒥᑦ. ᑕᒪᑐᒧᖓ ᖃᓄᐃᓕᕈᑎᐅᓇᔭᕐᑐᑦ, ᒪᑯᓄᐊ ᐊᓯᐊᒍᑦ ᖁᕝᕙᖅᐹᓪᓕᕈᑎᐅᓂᖓ ᑮᓇᐅᔭᑎᒍᑦ ᐅᑯᓄᖓ ᓄᓇᕗᒥᑦ ᐃᒥᐊᓗᖕᒧᑦ ᐊᒻᒪ ᓱᐴᖅᑐᒐᕐᒧ ᑲᒥᓴᓐᑯᓐᓂ, ᓱᓕ ᓱᖅᑯᐃᓇᕐᓯᒋᐊᖃᖅᑐᑦ, ᑭᓯᐊᓂᓕ ᐅᖃᓕᒫᖅᐸᒃᑐᓄᑦ ᐅᑯᐊ ᓄᓇᑦᓯᐊᕐᒥ ᐱᕙᓪᓕᐊᔪᑦ ᑕᒪᑐᒥᖓ ᑕᐅᑐᑲᑕᐃᓐᓇᕐᓂᐊᕐᑐ ᐊᒻᒪᓗ ᐊᓯᖏᓐᓂᒃ ᐱᕙᓪᓕᐊᓂᐅᔪᓂᒃ ᓄᓇᕗᒥᑦ 2019-ᒥᑦ.

ᐅᕝᕙᐅᑯᐊ ᓄᓇᑦᓯᐊᕐᒥ ᐱᕙᓪᓕᐊᔪᓂᒃ ᐃᖅᑲᐅᒪᓇᓗᐊᕆᔭᐅᔪᑦ ᓄᓇᕗᒥᑦ ᐅᓂᒃᑳᓕᐊᓂᒃ 2018-ᒥᑦ:

ᔮᓇᑕᓐ ᓇᔅ ᑕᓗᕐᔪᐊᒥ ᐃᖏᕐᕋᔭᒃᐳᖅ ᐊᐳᑎᒃᑯᑦ ᐃᖏᕐᕋᔾᔪᑎᖏᓐᓂᒃ ᐊᑐᖅᖢᓂ ᔭᓄᐊᕆᒥ. ᑖᓐᓇ ᐃᖏᕐᕋᔾᔪᑎ ᐊᑐᖅᑕᐅᑎᑲᑕᓚᐅᕐᒥᔭᖓ ᐃᓅᓱᒃᑐᓂᑦ. (ᐊᔾᔨᓕᐅᕆᔨ ᔮᓇᑕᓐ ᓇᔅ)

ᔭᓄᐊᕆ

  • ᐅᖅᓱᖅᑑᕐᒥᑦ ᐃᒻᒪᓕᓴᓕᕆᔨ ᓗᐃ ᑲᒧᑲᒃ ᑕᐃᔭᐅᓚᐅᕐᐳᖅ ᐃᓕᓴᕆᔭᐅᓯᒪᓂᕐᒥᒃ ᑲᓇᑕᒥ (Officer of the Order of Canada) ᐆᒧᖓ ᒐᕙᓇ ᔭᓄᕈᒧᑦ ᔫᓕ ᐸᐃᔭᑦ “ᐱᓇᓱᐃᓐᓇᕐᓯᒪᓂᖓᓄᑦ ᑲᑎᕐᓱᐃᓂᕐᒥᒃ ᐊᒻᒪ ᓴᕿᔮᖅᑎᑦᑎᓂᕐᒥᒃ ᐅᓂᒃᑳᖏᓐᓂᒃ ᐃᓄᐃᑦ ᓄᓇᕗᒥᑦ” ᑕᖀᒃ ᒪᕐᕉᒃ ᓯᕗᓂᐊᖏ ᐃᓅᔪᓐᓃᓚᐅᙱᓐᓂᖓᓂᒃ. ᐊᓯᖏ ᑖᔅᓱᒧᖓ ᐅᖃᐅᓯᐅᓂᑯᑦᑕᐅ ᐅᑯᓂᖓ ᔨᕌᑦ ᑐᕼᐊᐃᒥ, ᔭᐃᒥᓯ ᐃᑦᑐᓗᒃ, ᒥᓂ ᒍᕇ, ᐋᓐᑐᕉ ᖄᐱ ᐊᒻᒪ ᑕᒡ ᓯᑕᓐᑕᓐ.
  • ᑏᓱᒧ ᐃᖏᕐᕋᕙᒃᑐᖅ ᐅᖅᑰᓴᐅᑎ ᐊᑐᖅᑕᐅᓪᓗᓂ ᐊᐅᒃᓰᕋᓱᒃᑎᒡᓗᒋᑦ ᖁᐊᕐᓯᒪᔪᓂᒃ ᓱᓪᓗᓕᖕᓂ ᓯᕗᓕᖅᐹᖑᕈᑎᐅᓚᐅᕐᐳᖅ ᐃᖃᓗᖕᓂ ᐃᑭᑦᑐᓂᒃ 2018-ᒥᑦ. ᐃᖃᓗᐃᑦ ᓄᓇᓕᐸᐅᔭᖓᑕ ᖃᑦᑎᕆᔨᖏᑦ ᐅᖄᓚᕝᕕᐅᓚᐅᕐᓯᒪᕗᑦ 10:55 ᐅᓐᓄᒃᑯ ᔭᓄᐊᕆ 1-ᒥᑦ ᐃᒡᓗ ᐃᑭᑦᑐᒧᑦ ᑖᓐᓇᓗ ᐃᒡᓗ 2217, ᑕᓪᓕᒪᐅᓕᖓᔪᖅ ᓂᐊᖁᙴᑉ ᐊᑐᕆᐊᖓᓂ ᓱᖁᒍᑎᒻᒪᕆᐅᓚᐅᕐᐳᖅ ᐊᒻᒪᓗ ᐃᒡᓗᖃᖅᑐᑦ ᐃᓂᖃᕈᓐᓃᖅᖢᑎᒃ ᑖᔅᓱᒧᖓ ᐃᑯᐊᓚᔪᒧ ᐊᒻᒪ ᖃᒥᑦᑎᐊᖅᑕᐅᑕᐃᓐᓇᖅᖢᓂ 9:00-ᒥ ᐅᓪᓛᒃᑯᑦ ᔭᓄᐊᕆ 2-ᒥᑦ.
  • ᐸᖕᓂᑑᕐᒥᑦ ᐃᓐᓇᑐᖃᐃᑦ, ᐃᓅᓱᒃᑐᑦ, ᐊᖓᔪᖄᑦ, ᐃᓅᓯᓕᕆᔩᑦ, ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑐᑦ ᐊᒻᒪ ᐊᓯᖏᑦ ᓄᓇᖃᖅᑐᑦ ᐱᓇᓱᐊᕈᓰᖕᓂ ᒪᕐᕉᖕᓂ ᑲᑎᒪᓗᑎᒃ ᐋᕿᒃᓱᐃᕙᓪᓕᐊᓂᐊᖅᑐ ᑕᓪᓕᒪᓄᑦ ᐊᕐᕌᒍᓄᑦ ᓄᓇᓕᖕᓂ ᖃᓄᐃᑦᑕᐃᓕᓂᕐᒧᑦ ᖃᓄᐃᓕᐅᕈᑎᒃᓴᓂᒃ.
  • ᐊᑯᓂᕈᓗᒃ ᓄᓇᕗᒥ ᓯᕗᓕᐅᕐᑎᐅᖃᑕᐅᓯᒪᔪᖅ ᔮᒃ ᐊᓇᕈᐊᖅ, 2017-ᒥ ᓂᕈᐊᒐᒃᓴᐅᓚᐅᕐᓯᒪᔪᖅ ᓄᓇᕗᑦ ᒐᕙᒪᒃᑯᓐᓄᑦ, ᐃᖅᑲᖅᑐᐃᕕᒃᑯᑎᒍ ᐅᓪᓗᓂ 30-ᓂ ᑎᒍᔭᐅᓯᒪᔭᕆᐊᖃᖅᖢᓯ ᐸᓯᔭᒃᓴᐅᓂᕋᓚᐅᕐᑎᓪᓗᒍ ᐃᒥᐊᓗᒃᓯᒪᓪᓗᓂ ᐊᖁᓚᐅᕐᓯᒪᓂᖓᓄᑦ.
  • ᓂᕈᐊᕈᓐᓇᖅᑐᑦ ᖃᒪᓂᑦᑐᐊᕐᒥ ᓂᕈᐊᓚᐅᕐᑐᑦ ᐊᓯᔾᔨᖁᔨᓪᓗᑎᒃ ᓄᓇᓕᖕᓂ ᐃᒥᐊᓗᖕᒧᑦ ᐱᖁᔭᖏᓐᓂᒃ ᓂᕈᐊᕐᓂᕐᓴᐅᓪᓗᑎᒃ ᐃᒥᐊᓗᒃᑖᕈᓐᓇᕐᓂᕐᒥᒃ ᖃᖓᑐᐃᓐᓇᖅ.
  • ᐃᓅᓱᒃᑐᑦ ᒫᓂ 15-ᖏᓐᓂ ᓄᓇᕗᑦ ᓄᓇᓕᖏᓐᓂᒃ ᑐᓴᖅᑎᑕᐅᓚᐅᕐᑐᑦ ᐱᕕᖃᕈᓐᓇᕐᓂᐊᕐᓂᖏᓐᓂᒃ ᖃᕋᓴᐅᔭᒃᑯᑦ ᖃᐅᔨᓴᖅᑐᓕᕆᓂᕐᒥᒃ ᐊᕐᕌᒎᖕᓂ ᒪᕐᕉᖕᓂ, ᑐᓂᔭᐅᓯᒪᓂᕐᒧᑦ $1.7 ᒥᓕᐊᓐᑖᓚᓂ ᒐᕙᒪᑐᖃᒃᑯᑦ ᐃᑲᔫᑎᖏᓐᓂ ᖃᕋᓴᐅᔭᓕᕆᓂᕐᒥᒃ ᐊᖏᒡᓕᒋᐊᖅᑎᑦᑎᒐᓱᖕᓂᕐᒧᑦ.
  • ᓄᓇᕗᑦ ᒐᕙᒪᖓ ᐱᒋᐊᖅᑎᑦᑎᓚᐅᕐᐳᑦ ᓄᓇᕗᓕᒫᒥᑦ ᑐᓴᕋᓱᖕᓂᕐᒥᑦ ᖃᓄᖅ ᓄᓇᕗᑦ ᓱᐴᖅᑐᒐᕐᓄᑦ ᒪᓕᒐᒃᓴᐅᓂᐊᕐᓗᑎᒃ ᑕᒪᒃᑯᐊ ᐊᑐᐃᓐᓇᐅᔪᓐᓇᖅᓯᒍᑎᒃ.
  • ᐊᕐᓴᖅᓃᑦ ᓴᕿᔮᖅᑎᑦᑎᓂᖅ ᐱᓕᕆᐊᓂᒃ, ᒪᑯᓂᖓ ᓇᖕᒥᓂᖅ ᐊᐅᓚᑕᐅᔪᓂᒃ ᐊᒻᒪ ᐃᓕᖁᓯᒃᑯᑦ ᐱᓕᕆᐊᓂᒃ ᑲᓇᑕᐅᑉ ᐅᑭᐅᕐᑕᖅᑐᖓᓂ ᐱᒋᐊᓚᐅᕐᐳᖅ ᔭᓄᐊᕆ 31-ᒥᑦ ᐋᑐᕚᒥᑦ.

ᓲᓴᓐ ᐊᒡᓘᑲᖅ ᓱᕈᓯᐅᑎᓪᓗᒍ ᖁᓄᔪᕐᓂᐊᕐᑎᕕᓂᕐᒥᓂᒃ ᑕᐃᓯᓚᐅᕐᐳᖅ ᐅᖃᓪᓚᒃᑎᓪᓗᒍ ᐊᓯᐅᓯᒪᔪᓂᒃ ᐊᒻᒪ ᐃᓄᐊᖅᑕᐅᓯᒪᔪᓂᒃ ᓄᓇᖃᖅᑳᖅᑐᓂᒃ ᐊᕐᓇᓂᒃ ᐊᒻᒪ ᓂᕕᐊᕐᓵᓂᒃ ᖃᐅᔨᒐᓱᖕᓂᕐᒧᑦ (MMIWG) ᑲᖏᖅᖠᓂᕐᒥᒃ ᕕᕝᕗᐊᕆ 22-ᒥᑦ. (CPAC ᐊᔾᔨᓕᐅᒐᖓ)

ᕝᕗᐊᕆ

  • ᕕᕝᕗᐊᕆ ᐃᓄᒃᑐᑦ ᐅᖃᐅᓯᐅᑉ ᑕᕿᒋᓚᐅᐸᖓ, ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ, ᓄᓇᕗᒻᒥᐅᑦ ᖁᕕᐊᓲᑎᖃᕐᓗᑎᒃ ᐃᓄᐃᑦ ᐅᖃᐅᓯᖓᓂᒃ ᐃᓕᖁᓯᖓᓂᒡᓗ. ᐊᕐᕌᓂᓕ ᖁᕕᐊᓲᑎᐅᓚᐅᕐᑐᖅ ᐅᓇ ᐃᓄᐃᑦ ᐅᒃᐱᕆᔭᖏᑦ ᐅᓂᒃᑳᖏᓪᓗ.
  • Si Micro ᑐᓴᖅᑎᑦᑎᓚᐅᕐᑐᑦ ᒪᓂᒻᒪᐃᓯᒪᓂᐊᕐᓂᕐᒥᒃ ᓄᑖᑎᒃ 4G ᐅᖄᓚᐅᑎᕋᓛᓂᒃ ᐱᔨᑦᑎᕋᐅᑎᖃᕐᓂᐊᕐᓂᕐᒥᒃ, ᑕᐅᔭᐅᓪᓗᓂ SSi Mobile, ᐱᒋᐊᕐᓗᑎᒃ ᑲᖏᖅᑐᒑᐱᖕᒥᑦ ᐊᒻᒪ ᐃᒡᓗᓕᒑᕐᔪᒃᒥᑦ—ᒪᕐᕉᒃ ᓄᓇᓖᒃ ᐱᔨᑦᑎᕋᖅᑕᐅᓯᒪᙱᑦᑐᑦ ᓄᓇᕗᒥᑦ ᐅᖄᓚᐅᓯᕆᔨᒃᑯᓐᓄᑦ, ᐱᐊᓪ.
  • ᐸᐃ ᒐᓚᖃᐅᑎᑦ, ᑭᐊᓕ ᕗᕇᓱ ᐊᒻᒪ ᑖᓂᐊ ᑕᒑᖅ ᓂᕈᐊᒐᒃᓴᐅᑎᑕᐅᓚᐅᕐᑐᑦ 2018-ᒧᑦ ᔫᓄ ᐃᓕᓴᕆᔭᐅᔾᔪᑎᓄᑦ, ᑲᓇᑕᒥ ᐊᖏᓂᖅᐹᖅ ᑎᑕᒃᑎᓄᑦ ᐃᙱᖅᑎᓂᒡᓗ ᐃᓕᓴᕆᔭᐅᔾᔪᑎᓕᕆᓂᖅ.
  • ᐊᖓᔪᖄᖅ ᑲᖏᖅᑐᒑᐱᒃᒥᑦ ᖁᓗᐊᖅ ᐃᓕᓐᓂᐊᕐᕕᒃᒥᑦ, ᐅᓖᐱᑲ ᕼᐊᐃᓐᓄ, ᐃᓚᒋᔭᐅᓚᐅᕐᑐᖅ 40-ᓂᒃ ᐃᓕᓴᐃᔨᓄᑦ ᐊᖓᔪᖄᑦᑎᐊᕙᐅᓛᖑᔪᓂᒃ ᑲᓇᑕᒥ ᓂᕈᐊᕆᔭᐅᓯᒪᓂᒃᑯᑦ ᐅᑯᓇᙵᑦ Learning Partnership (ᐃᓕᖃᑎᒌᖕᓂᒃᑯᑦ ᐱᓕᕆᖃᑎᒌᖕᓂᖅ), ᐃᓕᓴᕆᔾᔪᑎᐅᔪᖅ ᐃᓕᓐᓂᐊᕐᕕᖕᓄᑦ ᐊᖓᔪᖄᓄᑦ ᑲᓇᑕᒥᑦ ᐊᕐᕌᒍᑕᒪᑦ.

ᐳᕙᓪᓗᖕᓂᕐᒥᑦ ᐱᓕᕆᔨᒻᒪᕆᐅᔪᑦ ᐊᒻᒪ ᐊᓯᖏᑦ ᐋᓐᓂᐊᖃᖅᑕᐃᓕᓂᕐᒧᑦ ᐃᖅᑲᓇᐃᔭᖅᑏᑦ ᕿᑭᖅᑕᖅᔪᐊᕐᒧᐊᓚᐅᕐᐳᑦ ᖃᐅᔨᓴᑲᑕᒋᐊᖅᑐᖅᖢᑎᒃ ᓄᓇᖃᖅᑐᓂᒃ ᕿᑭᖅᑖᓗᖕᒥ, ᑖᕙᓂ ᐳᕙᒡᓗᖕᓇᖅᑐᖃᓛᖑᓂᖓᓄᑦ.

    • ᐅᖃᓕᒫᒐᖅ ‘ᑕᑯᑎᑦᑎᔾᔪᑎᒋᔭᖏᑦ’ ‘Cutting Ice’ ᐃᓅᓯᐊᓂᒃ ᐊᒻᒪ ᑎᑎᕋᐅᔭᒐᖏᓪᓗ ᐆᒪ ᐋᓂ ᐳᑐᒎᑉ ᓴᕿᑎᑕᐅᕗᖅ.
    • ᑲᓇᑕᒥ ᐊᓯᐅᓯᒪᔪᓂᒃ ᐊᒻᒪ ᐃᓄᐊᖅᑕᐅᓯᒪᔪᓂᒃ ᓄᓇᖃᖅᑳᖅᑐᓂᒃ ᐊᕐᓇᓂᒃ ᐊᒻᒪ ᓂᕕᐊᕐᓵᓂᒃᖃᐅᔨᒐᓱᖕᓂᖅ ᓯᕗᓪᓕᖅᐹᕐᒥᑦ ᐃᓄᐃᑦ ᓄᓇᖓᓂ ᐱᓕᕆᓚᐅᕐᐳᑦ, ᐊᓪᓗᓂ ᐱᖓᓱᓂᒃ ᑲᖏᖅᖠᓂᖅᒦᖢᑎᒃ. ᖁᓄᔪᕐᓂᐊᕐᓂᖅ—ᐊᒻᒪ ᓄᓇᕗᑦ ᓂᐱᖃᕈᑎᒋᙱᑕᖓ—ᑐᖁᒍᑎᐅᓚᐅᕐᐳᖅ ᐆᒧᖓ ᐱᐊᑦᓯ ᖃᓚᓯᕐ, ᖃᐅᔨᓇᓱᒃᑐᑦ ᑐᓴᖅᑎᑕᐅᓚᐅᕐᑐᑦ, ᐊᒻᒪᓗ

ᓴᐅᒥᐊᓂᒃ: ᓘᒃᑖᖅ ᒪᐃᒃ ᐹᑐᓴᓐ, ᓄᓇᕗᒥᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ ᐹᑦ ᐊᕐᓇᑲᒃ, ᐃᓚᖃᖅᖢᑎᒃ ᓄᓇᕗᑦ ᓯᕗᓕᐅᖅᑎᖓᓂᒃ ᐹᓪ ᖁᐊᓴ ᐊᒻᒪ ᑎᑎᕋᖅᑎᖓ ᑲᐃᓕ ᐋᕆᐊᒃ ᐃᑲᔪᖅᐳᑦ ᓄᓇᓕᖕᓂ ᖃᐅᔨᓴᕐᕕᐅᓂᐊᕐᑐᒥᒃ ᐳᕙᒡᓗᖕᓇᒥᑦ ᕿᑭᖅᑕᖅᔪᐊᕐᒥᑦ ᕕᕝᕗᐊᕆᐅᑎᓪᓗᒍ. (ᐊᔾᔨᙳᐊᖁᑎᒋᔭᐅᔪᖅ)

ᑐᖁᒍᑎᐅᖃᑦᑕᐃᓐᓇᕐᓂᐊᖅᖢᓂ ᓱᒃᑲᐃᑦᑐᒥ ᐊᒥᓱᓄᑦ ᑭᓯᐊᓂ ᓄᓇᕗᒻᒥᐅᑦ ᐅᖃᓪᓚᒍᒪᓕᕈᑎᒃ ᑕᒪᓐᓇ ᐱᐅᙱᓐᓂᖓᓂᒃ ᐊᒻᒪ ᐃᑲᔪᖅᑕᐅᔪᒪᓗᑎᒃ, ᐅᖃᓚᐅᕐᑐᖅ ᖃᓚᓯᐅᑉ ᓄᐊᑯᓗᐊ, ᓘᕋ ᒪᑲᓐᔨ.

  • ᓲᓴᓐ ᐊᒡᓘᒃᑲᖅ ᐅᖃᓪᓚᖃᓚᒪᐅᕆᕗᖅ ᐅᑯᓇᓂᐊᓯᐅᓯᒪᔪᓂᒃ ᐊᒻᒪ ᐃᓄᐊᖅᑕᐅᓯᒪᔪᓂᒃ ᓄᓇᖃᖅᑳᖅᑐᓂᒃ ᐊᕐᓇᓂᒃ ᐊᒻᒪ ᓂᕕᐊᕐᓵᓂᒃᖃᐅᔨᒐᓱᖕᓂᕐᒥᑦ ᑲᖏᖅᓕᕆᕐᒥᒃ ᐃᙱᐅᓯᖃᖅᖢᓂ ᐊᕐᓇᐃᑦ ᐋᓐᓂᕐᓯᒪᔭᕆᐊᖃᙱᓐᓂᖏᓐᓂᒃ ᓂᐱᖃᙱᓪᓗᑎᒃ. ᑕᐃᒪᐃᓐᓇᓱᓚᐅᙱᑦᑑᒐᓗᐊᖅ. ᑖᓐᓇ ᖃᐅᔨᒪᔭᐅᑦᑎᐊᖅᑐᖅ ᓄᓇᕗᒻᒥᐅᑦ ᐃᙱᖅᑎ ᐊᒻᒪ ᓂᐱᓕᐅᕐᓯᒪᔪᖅ ᖃᐅᔨᓇᓱᖕᓂᕐᒥᒃ ᐃᓱᓕᑎᑦᑎᓚᐅᕐᑐᖅ ᐅᖃᐅᓯᖃᓚᐅᖅᑎᓪᓗᒍ ᐊᖑᑎᒥ ᑖᔅᓱᒥᖓ ᖁᓄᔪᐊᕐᓂᐊᖅᑐᕕᓂᕐᒥᒃ ᓱᕈᓯᐅᑎᓪᓗᒍ.
  • ᐊᐅᓱᐃᑦᑐᖅ ᑐᒡᓯᐊᕐᑯᒃ, ᑐᒃᓯᐊᕐᕕᑐᐊᖅ ᖁᑦᑎᒃᑐᒥᑦ ᓄᓇᓕᖕᓂ ᓄᖑᓚᐅᕐᒪᑦ ᐃᑭᖢᓂ. ᐃᒐᖓᓂ ᐊᐅᒪᕈᕐᓯᒪᔪᓄᑦ ᐃᑭᓕᕆᐊᕋᓱᒋᔭᐅᔪᖅ.

 

ᒫᑦᓯ

  • ᓄᓇᕗᒥᑦ ᐃᓕᓴᐃᔨᑦ, ᐃᓚᐅᓪᓗᑎᒃ ᐃᓄᒃᑎᑐᑦ ᐃᓕᓴᐅᔩᑦ ᐊᒻᒪ ᐃᓕᖁᓯᓕᕆᔩᑦ, ᐊᑐᓕᐅᓚᐅᕐᐳᑦ ᓄᑖᒥᒃ ᐊᕐᕌᒍ ᑎᓴᒪᓄᑦ ᐃᖅᑲᓇᐃᔭᕐᓂᕐᒧᑦ ᐊᖏᕈᑎᓂᒃ ᑲᑐᔾᔨᖃᑎᒌᖏᑦ ᐊᒻᒪ ᓄᓇᕗᑦ ᒐᕙᒪᒃᑯᑦ.
  • ᓄᓇᕗᑦ ᑕᓪᓕᒪᕆᓕᖅᑕᖓ ᑲᑎᒪᔨᕐᔪᐊᑦ ᓯᕗᓪᓕᖅᐹᒥᑦ ᑲᑎᒪᒋᐊᓚᐅᕐᐳᑦ ᑕᐃᒪᙵᓂᒃ ᐅᒃᑑᐱᕆ 30, 2017-ᒥᑦ ᓄᓇᕗᒥᐅᑦ ᓂᕈᐊᓚᐅᕐᑎᓪᓗᒋᑦ.
  • ᑲᓇᑕᒥ ᐊᓯᐅᓯᒪᔪᓂᒃ ᐊᒻᒪ ᐃᓄᐊᖅᑕᐅᓯᒪᔪᓂᒃ ᓄᓇᖃᖅᑳᖅᑐᓂᒃ ᐊᕐᓇᓂᒃ ᐊᒻᒪ ᓂᕕᐊᕐᓵᓂᒃᖃᐅᔨᒐᓱᖕᓂᕐᒧᑦ ᐱᓕᕆᔪᑦ ᑐᒃᓯᕋᐅᓯᐅᓚᐅᕐᐳᑦ ᐅᖓᕙᕆᐊᖅᑕᐅᖁᔨᓪᓗᑎᒃ ᐱᓇᓱᐊᒐᖓᓂᒃ ᐅᓇ ᑎᑭᓪᓗᒍ 2020.
  • ᓂᕈᐊᖅᑎᐅᔪᑦ ᖁᒡᓗᖅᑑᕐᒥᑦ ᓂᕈᐊᒃᑲᓐᓂᓚᐅᕐᐳᑦ ᒪᐃᔭᖓᓂᒃ ᐅᕋᐃᐊᓐ ᓂᕕᖓᓗᒃᒥᑦ ᐊᐃᑉᐸᖓᓂ ᒪᐃᔭᐅᓂᐊᕐᓗᓂ. ᓂᕈᐊᕐᓇᖅ ᑭᖑᕙᕆᐊᖅᑕᐅᓯᒪᓚᐅᕐᑐᖅ ᓲᖃᐃᒻᒪ ᓂᕈᐊᒐᒃᓴᓕᐅᕈᑏᑦ ᖃᓪᓗᓈᑐᑐᐃᓐᓇᖅ ᑎᑎᕋᖅᑕᐅᓯᒪᓚᐅᕐᒪᓐ ᐊᒻᒪ ᐃᓄᐃᓐᓇᖅᑑᙵᙱᖢᑎᒃ, ᑖᒃᑯᐊ ᐅᖃᐅᓯᖓᑎᑐᑦ ᓄᓇᖃᖅᑐᑦ ᕿᑎᕐᒥᐅᓂᒃ. ᕼᐋᒻᒪᓚᒃᑯᑦ ᑕᕿᓂᒃ ᐅᓄᓗᐊᙱᑦᑐᓂᒃ ᐃᓄᐃᓐᓇᖅᑑᖅᑎᑦᑎᓚᐅᕐᑐᑦ ᓂᕈᐊᒐᒃᓴᓕᐅᕈᑎᓂᒃ ᐊᒻᒪ ᓂᕈᐊᒐᒃᓴᓕᐅᕈᓐᓇᒃᑲᓐᓂᓕᖅᖢᑎᒃ.
  • ᓄᓇᕗᒧᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕ ᐹᑦ ᐊᓐᓇᑲᒃ ᓈᒥᒋᔭᐅᙱᕈᓘᔭᖅᑐᓂᒃ ᒪᓕᒐᓕᕆᕝᕕᒃᒥᑦ ᑲᒪᒋᔭᖓᑕ ᓈᒻᒪᙱᓕᐅᕈᑎᖏᓐᓄᑦ, ᐅᓇ ᐃᓚᐅᓪᓗᓂ ᐅᓂᒃᑳᙳᕙᒃᑐᖅ ᑐᐊᕕᕐᓇᖅᑐᑦ ᐅᖄᓚᐅᑎᐅᔪᑦ ᓄᓇᓕᖕᓂ ᐋᓐᓂᐊᕕᖕᒧᑦ ᑭᐅᔭᐅᙲᓐᓇᖃᑦᑕᓚᐅᕐᓂᖏᓐᓄᑦ.
  • ᓯᕗᓕᐅᕐᑎ ᐹᓪ ᖁᐊᓴ ᐊᑐᖅᖢᓂ ᒥᓂᔅᑕᐅᓂᖓᓄᑦ ᑐᒡᓕᖓᑕ ᐅᖃᐅᓯᖏᓐᓂᒃ ᒪᓕᒐᓕᕆᕝᕕᒃᒥᑦ ᑖᒃᑯᐊ ᒥᓂᔅᑕᐅᓕᓵᖅᑐᑦ ᐅᐸᒍᑎᓯᒪᓚᐅᕐᓂᖏᓐᓂᒃ ᕕᕝᕗᐊᕆᐅᑎᓪᓗᒋ ᐊᕐᓴᕐᓃᑦ ᐱᓕᕆᐊᓄᑦ ᓴᕿᔮᒐᖃᕐᓂᕐᒧᑦ ᐋᑐᕚᒥᑦ, ᑭᓯᐊᓂᓕ ᐊᕐᕕᐊᑦ ᐅᐊᖕᓇᖓ-ᑎᑭᕋᕐᔪᐊᖅᒧᑦ ᒪᓕᒐᓕᐅᕐᑎ ᔮᓐ ᒪᐃᓐ ᐊᐱᕆᓚᐅᕐᓯᒪᔪᖅ ᑕᑯᔪᓐᓇᕆᐊᒃᓴᖓᓄᑦ ᑮᓇᐅᔭᐃᑦ ᐊᑐᖅᑕᐅᔪᕕᓃᑦ ᐋᑐᕚᒥ ᓇᓕᖃᖏᓐᓂᒃ.
  • ᑎᒡᓕᒃᑏᑦ ᐃᓵᓚᐅᕐᓯᒪᕗᑦ ᐸᖕᓂᖅᑑᑉ ᐃᖃᓗᓕᕆᔨᒃᑯᑦ ᓴᓇᕝᕕᐊᓄᑦ ᐊᒻᒪ ᖃᔅᓯᑲᓪᓛᓗᖕᓂᒃ ᑮᓇᐅᔭᓂᒃ ᑎᒍᓯᓪᓗᑎᒃ.
  • ᐅᓪᓗᖅ ᓯᕗᓂᐊᒍᑦ ᐆᒪ ᓄᓇᕐᔪᐊᕐᒥᒃ ᐳᕙᒡᓗᖕᓇᒧᑦ ᐅᓪᓘᓂᐊᓵᖅᑎᓪᓗᒍ, ᒐᕙᒪᑐᖃᒃᑯᑦ ᐱᓇᓱᐊᕐᓂᐊᕐᓂᕋᓚᐅᕐᓯᒪᔪᑦ ᐳᕙᒡᓗᖕᓇᒥᒃ ᓄᖑᑎᑦᑎᓂᐊᕐᓂᕋᖅᖢᑎᒃ ᑕᒪᐃᓐᓂᓕᒫ ᑎᓴᒪᓂ ᐊᕕᒃᑐᖅᓯᒪᒧᓃᑦᑐᓂᒃ ᐃᓄᐃᑦ ᓄᓇᖓᓂ ᐅᓇ 2030 ᑎᑭᓚᐅᕐᑎᓐᓇᒍ.

ᐄᐳᕈᓪ

  • ᐱᕋᔭᒃᑐᓂᒃ ᐃᓵᖅᑐᖃᓚᐅᕐᑐᖅ ᐅᕇᓱᓪ ᐊᕐᓇᒻᒪᒃᑎᖅ ᐃᓕᓐᓂᐊᕐᕕᖕᒧᑦ ᖃᒪᓂᑦᑐᐊᕐᒥᒃ ᒪᑭᕝᕕᐊᑉ ᓄᙳᐊᓂᑦ, ᓱᕋᒃᑎᕆᓪᓗᑎᒃ ᐊᒥᓱᕈᓘᔭᕐᓂᒃ ᐃᒐᓛᓂᒃ ᐊᒻᒪ ᐹᓂᒃ, ᑎᒡᓕᒃᖢᑎᒡᓗ $1,000-ᓂ ᑮᓇᐅᔭᓂ ᐊᒻᒪ ᑕᕐᕆᔭᕈᓐᓇᐅᑎᓂᒃ ᓇᐅᑦᑎᖅᓱᕈᑎᓂᒃ ᑎᒍᓯᓪᓗᑎᒃ.
  • ᓄᓇᕗᒥ ᐸᓖᓯ ᐃᓅᔪᓐᓃᓚᐅᕐᑐᖅ ᐃᖅᑲᓇᐃᔭᙱᑎᓪᓗᒍ ᖃᒧᑕᐅᔭᒃᑰᖅᖢᓂ ᖁᒡᓗᖅᑑᑉ ᓯᓚᑎᑦᑎᐊᖓᓂᒃ.
  • ᑲᖏᖅᑐᒑᐱᖕᒥᐅᑕᖅ ᐊᖑᑎ ᐃᒫᓂ ᐃᓅᔪᓐᓃᓚᐅᕐᑐᖅ ᓇᓐᓄᒐᓱᒃᑎᓪᓗᒍ ᓯᓈᒥ. ᐊᖑᑎᑦ ᑕᓪᓕᒪ ᓇᓐᓄᒐᓱᒪᐅᕐᓯᒪᖕᒪᑕ ᐅᖓᓯᖕᓂᖃᓪᓗᐊᖅᑐᒥᒃ 65 ᑭᓛᒥᑕᔅᓂ ᓄᓇᖓᑦᑕ ᓂᒋᖅᐸᓯᐊᓂ, ᐃᓚᖓᑦ ᓯᑯᒃᒥ ᐃᒫᕋᒥ ᓴᕿᙲᓐᓇᓕᖅᖢᓂ.
  • ᓄᓇᕗᑦ ᒐᕙᒪᒃᑯᑦ ᐱᓕᕆᔪᒪᔪᓐᓃᓚᐅᕐᑐᑦ ᒍᕇᔅ ᐸᐃ ᐊᖅᑯᑎᓕᐊᖑᔪᒪᔪᒥᒃ ᐊᒻᒪ ᐃᒃᓴᖅᕕᓕᐊᒃᓴᒥᒃ, ᒐᕙᒪᑐᖃᒃᑯᑦ ᑐᒃᓯᕋᐅᑎᓕᐊᒥᑦ ᐊᖏᓚᐅᙱᓐᓂᖏᓐᓄᑦ ᐱᓕᕆᐊᒥᑦ 75 ᐳᓴᓐᑎᖓᓂᒃ ᐊᑭᓖᒍᑎᒃᓴᓂᒃ ᒫᓃᓪᓗᐊᕋᔭᖅᑐᓂᒃ $500 ᒥᓕᐊᓐ ᑖᓚᖃᓪᓗᐊᖅᑐᒥᑦ.
  • ᓴᓂᑭᓗᐊᕐᒥ ᐃᓕᓴᐅᔨᐅᓚᐅᕐᓯᒪᔪᖅ ᔮᓂ ᒦᑯ ᐃᖅᑲᖅᑐᖅᑕᐅᓚᐅᕐᐳᖅ ᑎᒍᔭᐅᓯᒪᓂᐊᖅᖢᓂ ᐅᑭᐅᓂᒃ 8-ᓂᒃ ᐊᒻᒪ ᑕᕿᒥ ᐃᓚᖃᕐᓗᒍ, ᒐᕙᒪᑐᖃᒃᑯᑦ ᑎᒍᔭᐅᓯᒪᕝᕕᐊᓃᓐᐊᖅᑐᒃᓴᐅᓪᓗᓂ ᖁᓄᔪᕐᓂᐊᖃᑦᑕᕐᓯᒪᓂᖓᓄᑦ ᓱᕈᓯᕐᓂ ᐊᕐᕌᒍ 35 ᐃᓗᐊᒍ 1972-ᒥᑦ 2007-ᒧᑦ.
  • ᐊᐃᒃ ᕼᐊᐅᓕ, ᐃᓱᒪᒋᔭᐅᑦᑎᐊᓚᐅᕐᓯᒪᔫᒐᓗᐊᖅ ᓇᖕᒥᓂᖅ ᐱᓕᕆᐊᖃᖅᖢᓂ ᐃᒡᓗᓕᒃᒥᐅᑕᖅ ᖃᖓᑦᑎᐊᓵᖅ ᐃᒃᓯᕙᐅᑕᐅᓚᐅᕐᑐᖅ ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐᑯᓐᓄᑦ ᓴᕿᑕᐅᓚᐅᕐᐳᖅ ᖁᓄᔪᕐᓂᐊᖅᑎᐊᓘᓂᖓᓂᒃ.
  • ᓄᓇᕗᑦ ᑐᙵᕕᒃᑯᑦ ᐊᖓᔪᖄᖓ ᐊᓗᑭ ᑰᑦᑎᖅ ᐅᖃᓪᓚᓚᐅᕐᐳᖅ ᓂᐅ ᔪᐊᒃᒥᑦ ᔫᓇᐃᑕᑦ ᓇᐃᓴᓐ ᑲᑎᒪᔨᕐᔪᐊᖏᓐᓄᑦ ᓄᓇᖃᖅᑳᖅᑐᑦ ᐃᓱᒫᓘᑎᖏᓐᓂᒃ. ᐅᖃᖅᖢᓂ ᓄᑖᓂ ᒐᕙᒪᑐᖃᒃᑯᑦ ᒪᓕᒐᓕᐅᕆᐊᖃᕐᓂᖏᓐᓂᒃ ᐃᓕᓴᖅᓯᓯᒪᓂᕐᒥᒃ ᐃᓄᒃᑐᑦ ᑲᓇᑕᒥ ᐅᖃᐅᓯᐅᖃᑕᐅᓪᓚᕆᖕᓂᖓᓂᒃ.
  • ᓄᓇᕗᒥᑦ ᐸᓖᓯᒃᑯᑦ ᑭᒃᑯᓕᒫᓂᒃ ᖃᐅᔨᒪᑎᑦᑎᓇᓱᒃᑐᑦ ᓈᒻᒪᙱᓐᓂᖓᓂᒃ ᐃᖃᓗᐃᑦ ᓯᓈᖓ, ᐊᖑᓇᓱᒃᑎᒥ ᐊᓯᐅᔨᔪᖃᓚᐅᕐᑎᓪᓗᒍ ᖃᒧᑕᐅᔭᖓᓂᒃ ᐊᒻᒪ ᖃᒧᑎᖏᓐᓂᒃ.

 

ᐃᓄᒋᐊᕈᓘᔭᐃᑦ ᑲᑎᑉᐳᑦ ᑲᖏᖅᖠᓂᕐᒥᑦ ᖃᐅᔨᓇᓱᒃᖢᑎᒃ ᐃᖣᕋᐃ ᐃᖃᓗᒃᑕᐅᔪᑦ ᐃᓚᖓᓂᒃ ᐃᖃᓗᒐᓱᖄᑎᒋᑎᓪᓗᒋᑦ ᐱᓇᓱᐊᕈᓯᐅᑉ ᓄᙳᐊᓂᑦ ᒪᐃᒥᑦ. (ᐊᔾᔨᓕᐅᕆᔨ ᑭᐊᓕ ᒪᒃᓛᑎ)

ᒪᐃ

  • 22-ᓂ ᐅᑭᐅᓕᒃ ᑲᖏᖅᑐᒑᐱᖕᒥᐅᑕᖅ ᐊᕐᓇᖅ ᐃᓅᔪᓐᓃᕐᓯᒪᔪᖅ ᓇᓂᔭᐅᓚᐅᕐᐳᖅ ᑕᒻᒫᑎᕝᕕᒃᒥᑦ ᐊᒻᒪᓗ ᐃᓅᐊᕐᓯᓂᕐᒧᑦ-ᐃᒻᒥᓃᕐᓂᕐᒨᕐᓂᕋᖅᑕᐅᓪᓗᓂ.
  • ᒐᕙᒪᑐᖃᒃᑯᑦ ᑐᓴᖅᑎᑦᑎᔪᑦ ᐃᑲᔫᑎᒃᓴᓂᒃ ᓄᑖᒥ ᕘᔅ ᐃᐅᑯᑦ ᓯᕐᓗᐊᒃᓴᖓᓂᒃ ᐃᖃᓗᖕᓂ ᐊᒻᒪᓗ ᓄᑖᙳᕆᐊᖅᑕᐅᓗᑎᒃ ᐊᓯᔾᔨᖅᑕᐅᓗᑎᒡᓗᓘᓐᓃᑦ ᖃᖓᑕᓲᒃᑯᕖᑦ ᖁᒡᓗᖅᑑᒥᑦ, ᓇᐅᔮᓂᑦ, ᑭᒻᒥᕈᒻᒥᑦ, ᑎᑭᕋᕐᔪᐊᕐᒥᒃ ᐊᒻᒪ ᐃᒡᓗᓕᒑᕐᔪᒃᒥ.
  • ᓄᓇᕗᑦ ᒐᕙᒪᒃᑯᑦ ᐊᒻᒪ ᐸᓖᓯᒃᑯᑦ (ᐳᑭᖅᑕᓖ) ᑭᒡᒐᖅᑐᐃᔨᖏᑦ ᐅᐸᓚᐅᕐᑐᑦ ᐸᖕᓂᖅᑑᒧ ᕼᐋᒻᒪᓚᒃᑯᑦ ᑲᑎᒪᔨᖏ ᐃᑲᔪᖅᑕᐅᔪᒪᑎᓪᓗᒋ ᐊᑐᖅᑕᐅᙱᓐᓇᓗᐊᖅᑐᓄᑦ ᐱᑦᑎᐊᙱᔪᑎᓗᐊᓗᖕᓄᑦ ᐊᒻᒪ ᐃᒻᒥᓃᑲᑕᒐᓱᓗᐊᖅᑐᓄᑦ ᐃᓅᓱᒃᑐᓂᒃ ᑕᕝᕙᓂ ᕿᑭᖅᑖᓗᖕᒥᑦ ᓄᓇᓕᖕᓂᑦ.
  • ᐅᐃᓂᐱᒡᒥᑦ ᑎᑎᕋᐅᔭᒐᕐᓂᒃ ᓴᕿᔮᒐᖃᕐᕕᒃ ᑐᙵᓱᒃᑎᑦᑎᔨᐅᓚᐅᕐᐳᑦ ᐱᒋᐊᓕᓵᒻᒪᕆᒃᑐᒥᑦ ᖃᓄᐃᓕᐅᕈᓯᕐᒥᑦ ᐆᒥᖓ ᓄᑖᒥᒃ ᐃᓄᖕᓄᑦ ᑐᕌᖓᔪᒥᑦ ᑎᑎᕋᐅᔭᒐᖃᕐᕕᒃᓴᒥᑦ ᐅᐸᒍᑎᓯᒪᓪᓗᑎᒃ ᓄᓇᕗᒧᑦ ᑲᒥᓯᓇᐅᓂᑯ ᐲᑕ ᐃᕐᓂᖅ ᐊᒻᒪ ᑲᖏᖅᖠᓂᕐᒥᑦ ᕼᐋᒻᒪᓚᑯᓐᓄᑦ ᑲᑎᒪᔨ ᑎᕇᓯ ᑐᖏᓕᒃ, ᑖᒃᑯᐊ ᐃᓚᒋᔭᐅᓂᖏᓐᓄᑦ ᑕᑯᔭᒐᖃᕐᕕᐃᑦ ᓄᓇᖃᖅᑖᖅᑐᓄᑦ ᐃᓚᒋᔭᐅᓂᖏᓐᓄᑦ. ᐃᓄᐃᑦ ᑎᑎᕋᐅᔭᒐᖏ ᓴᕿᔮᖅᑎᑦᑎᕕᐅᓂᐊᕐᑐᖅ ᐊᒥᓲᓛᓂᒃ ᑲᑎᕐᓱᒐᕐᓂᒃ ᐃᓄᐃᑦ ᓴᓇᐅᒐᖏᓐᓂᒃ ᓄᓇᕐᔪᐊᓕᒫᒥᙶᖅᑐᓂᒃ, ᐊᒥᓲᓂᕐᓴᓪᓕ ᓄᓇᕗᒥᙶᕐᓯᒪᓪᓗᑎᒃ.
  • “ᑮᓇᐅᔭᓂ ᐊᑐᕆᐊᖃᕋᕕᑦ ᑮᓇᐅᔭᓕᐅᕋᓱᒡᓗᑎᑦ,” ᐅᖃᖅᑐᖅ ᓯᕗᓕᐅᕐᑎ ᐹᓪ ᖁᐊᓴ ᑭᐅᓂᖓᒍᑦ ᐊᐱᕆᔭᐅᑎᓪᓗᒍ ᒪᓕᒐᓕᕆᕕᒡᔪᐊᒥᑦ ᑮᓇᐅᔭᓂ ᐊᑐᓚᐅᕐᓯᒪᔭᖏᓐᓂᒃ ᐊᕐᓴᕐᓃᑦ ᐱᓕᕆᐊᓄᑦ ᓴᕿᔮᒐᖃᖅᑎᓪᓗᒋᑦ ᐋᑐᕚᒥᑦ.
  • ᐊᖑᑎ ᒪᒃᑯᒃᑐᖅ, ᐃᖃᓗᒃᑑᑦᑎᐊᕐᒥᐅᑕᕕᓂᖅ, ᐸᓯᔭᒃᓴᙳᖅᑎᑕᐅᓚᐅᕐᐳᖅ ᐃᓄᐊᕐᓯᓂᕐᒥ ᐅᖃᓕᒫᒐᖃᕐᕕᓕᕆᔨᒥ ᐋᑐᕚᒥᑦ.

16 ᓄᓇᕗᑦ 22-ᖑᔪᓂᒃ ᓂᕈᐊᖅᑕᐅᓯᒪᔪᑦ ᓄᓇᕗᑦ ᒐᕙᒪᑯᓐᓄᑦ ᓂᕈᐊᓚᐅᕐᐳᑦ ᐲᖅᑕᐅᖁᔨᓪᓗᑎᒃ ᓯᕗᓕᐅᑎ ᐹᓪ ᖁᐊᓴᒥᑦ ᒥᓂᔅᑕᐅᓂᕐᒥᒃ ᔫᓂ 14-ᒥᑦ. (ᐊᔾᔨᓕᐅᕆᔨ ᐱᐅᑦ ᐳᕋᐅᓐ)

ᔫᓂ

  • ᓄᑖᖅ ᓴᕿᔮᒐᖅ, ᑕᐃᔭᐅᔪᖅ ‘ᑐᓂᕐᕈᓯᐊᖏᑦ’, ᓴᕿᔮᑦᑎᑦᑎᔪ ᑎᑎᕋᐅᔭᒐᖏᓐᓂᒃ ᒪᕐᕉᒃ ᑭᙵᕐᒥᐅᑖᒃ ᐃᓕᓴᕆᔭᐅᓯᒪᒻᒪᕆᓚᐅᕐᑐᑦ ᑎᑎᕋᐅᔭᒐᖅᑎᐅᓚᐅᕐᑑᖕᓄᑦ ᑭᓄᐊᔪᐊᒃ ᐋᓴᕙᒃ ᐊᒻᒪ ᑎᒨᑎ ᐱᑦᓯᐅᓛᒃ. ᐃᓅᔪᓐᓃᕐᓯᒪᔫᒃ, ᒪᑐᐃᖅᑕᐅᓚᐅᕐᑐᖅ ᑎᑎᕋᐅᔭᒐᕐᓄᑦ ᓴᕿᔮᒐᖃᕐᕕᖕᒥᑦ ᐋᓐᑎᐅᕆᐅᒥᑦ.
  • ᐅᑯᓇᙵᑦ 35-ᒥ ᑭᒃᑯᓕᒫᓄᑦ ᐃᒡᓗᒋᔭᐅᔪᑦ ᓇᓗᓇᐃᖅᑕᐅᒻᒪᕆᓚᐅᕐᐳᑦ ᐊᕐᕌᓂ “ᑐᐊᕕᕐᓇᖅᑐᒥᑦ ᐱᓕᕆᐊᖑᒋᐊᖃᕐᓂᖏᓐᓂᒃ” ᒪᑐᒧᖓ ᐅᖁᖃᓗᐊᓕᕐᓂᖏᓐᓄᑦ, 32 ᑖᒃᑯᓇᙵᑦ ᐃᒡᓗᓂ ᒫᓐᓇ ᓴᓗᒻᒪᕐᓴᐃᔨᒻᒪᕆᖕᓄᑦ ᓴᓗᒻᒪᖅᑕᐅᓯᒪᓕᖅᑐᑦ, ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᑦ ᐃᒡᓗᓕᕆᔨᕐᔪᐊᑯᓐᓄᑦ, ᖁᐊᓴ ᑯᓱᒐᖅ ᐅᖃᓚᐅᕐᑐᖅ ᐃᓚᒋᔭᐅᔪᓄᑦ ᒪᓕᒐᓕᕆᕕᒡᔪᐊᕐᒥᑦ.
  • ᒐᕙᒪᑐᖃᒃᑯᑦ ᐊᖏᓚᐅᕐᑐᑦ ᐅᖓᕙᕆᐊᖅᑎᑕᐅᔪᒪᔪᓂ ᖃᐅᔨᓇᓱᖕᓂᕐᒥᒃ ᐱᒋᐊᕈᑎᐅᕙᒃᑐᓂᒃ ᐱᑦᑎᐊᙱᓗᐊᕐᓂᐊᓗᖕᒥᑦ ᐊᕐᓇᓂ ᓄᓇᖃᖅᑳᖅᑐᓂᒃ ᑕᖅᑭᒃᑲᓐᓂᕐᓂᒃ 6-ᓂᒃ, ᑭᓯᐊᓂᓕ ᑲᓇᑕᒥ ᐊᓯᐅᓯᒪᔪᓂᒃ ᐊᒻᒪ ᐃᓄᐊᖅᑕᐅᓯᒪᔪᓂᒃ ᓄᓇᖃᖅᑳᖅᑐᓂᒃ ᐊᕐᓇᓂᒃ ᐊᒻᒪ ᓂᕕᐊᕐᓵᓂᒃᖃᐅᔨᒐᓱᖕᓂᕐᒧᑦ ᑲᒥᓯᓇᐅᔪᑦ ᐅᖃᓚᐅᕐᑐᑦ ᑖᓐᓇ ᕿᓚᒥᐅᓗᐊᕐᓂᕋᖅᖢᒍ ᐱᐊᓂᒃᓯᒐᓱᒃᑎᓪᓗᒋᑦ ᐱᓕᕆᐊᖏᓐᓂᒃ.
  • ᐊᖑᓇᓱᒃᑏᑦ ᑭᕙᓪᓕᖅᒥᑦ ᐅᖃᐅᔾᔭᐅᓚᐅᕐᑐᑦ ᓄᓇᕗᑦ ᐊᕙᑎᓕᕆᓂᕐᒧᑦ ᒥᓂᔅᑕᒧᑦ, ᔫ ᓴᕕᑲᑖᖅ, ᑎᓴᒪᒃᑲᓐᓂᕐᓂᒃ ᓇᓐᓄᒍᓐᓇᕐᓂᖏᓐᓂᒃ ᑕᒪᑐᒪᓂ ᐅᑭᐅᕐᒥ, ᑖᒃᑯᐊ ᓇᓐᓄᒃᑕᐅᔪᓐᓇᖅᑐᑦ ᑲᑎᖢᑎᒃ 38-ᖑᓕᖅᖢᑎᒃ ᐊᕐᕌᒍᒧᑦ.
  • ᐅᒃᐱᕈᓱᓗᐊᕈᓐᓃᕐᓂᕐᒧᑦ ᓂᕈᐊᓚᐅᕐᑎᓪᓗᒋ ᓴᕿᑕᐅᔪᒥᑦ ᔮᓐ ᒪᐃᓐᒧᑦ, ᐃᒃᓯᕙᐅᑕᖅ ᒪᓕᒐᓕᐅᕐᑎᑐᐃᓐᓇᕐᓄᑦ, ᐊᒡᒍᒧᑦ ᒪᓕᒐᓕᐅᕐᑎ ᐹᓪ ᖁᐊᓴ ᐲᖅᑕᐅᓚᐅᕐᐳᖅ ᓯᕗᓕᐅᕐᑎᐅᓂᕐᒥᒃ ᐊᒻᒪ ᐃᓇᖏᖅᑕᐅᓪᓗᓂ ᐊᕐᕕᐊᑦ ᓂᒋᐊᓄᑦ ᓯᕗᓕᐅᖅᑎᒧᑦ ᔫ ᓴᕕᑲᑖᖅ.
  • ᓄᓇᕗᑦ ᒪᓕᒐᓕᐅᕐᑎᖏ ᐊᓂᒍᐃᑎᑦᑎᑕᐃᓐᓇᓚᐅᕐᐳᑦ ᒪᓕᒐᖅ 7-ᒥᑦ (Bill 7)—ᓄᓇᕗᑦ ᓱᐴᖅᑐᒐᕐᓄᑦ ᒪᓕᒐᖅ—ᐱᔪᓐᓇᕈᑎᓗᓕᕐᓗᓂ ᐱᖁᔭᑎᒍᑦ ᖃᕋᓴᐅᔭᒃᑯᑦ ᓂᐅᕕᕈᓐᓇᕐᓂᕐᒥᒃ ᒥᑭᑦᑑᑕᐅᓈᕐᓂᓯᒪᔪᓂᒃ ᓱᐴᖅᑐᒐᕐᓂ.
  • ᐊᒥᓱᒻᒪᕇᑦ ᕿᑭᖅᑖᓗᒃᒥᑦ ᐃᑲᔪᖅᑕᐅᕕᖕᒦᑦᑐᑦ ᓈᒻᒪᙱᓕᐅᕈᑎᓄᑦ ᖃᓄᐃᓕᐅᕈᓘᔭᓚᐅᕐᓯᒪᔪᑦ ᐊᒻᒪ ᐊᑕᐅᓯᕐᒧᐊᖅᖢᑎᒃ ᐃᓯᖅᑕᐅᔪᓐᓇᐃᓪᓕᑎᓪᖢᑎᒃ. ᓱᕋᒃᑎᕆᓗᐊᕐᓂᖏᓐᓄᑦ ᐃᓚᖏᑦ ᑎᒍᔭᐅᓯᒪᔪᑦ ᓅᑕᐅᔭᕆᐊᖃᓚᐅᕐᑐᑦ ᑲᓇᑕᐅᑉ ᓂᒋᐊᓄᑦ ᑭᓯᐊᓂ ᓱᕋᒃᑎᖅᑕᕕᓂᖏᑦ ᐋᕿᒃᓱᖅᑕᐅᕌᓂᒃᐸᑕ.
  • ᓄᓇᕗᒧᑦ ᐊᖓᔪᖄᙳᓚᐅᕐᓯᒪᔪᖅ ᑐᖁᖓᔪᓕᕆᔨ, ᐹᑦᒪ ᓱᕋᒪᓚ, ᓄᓇᕗᑦ ᒐᕙᒪᒃᑯᓐᓂᒃ ᑮᓇᐅᔭᖅᑖᕋᓱᒃᐳᖅ ᐃᖅᑲᖅᑐᐃᕕᒃᑎᒍᑦ ᑖᒃᑯᐊ ᐃᖅᑲᓇᐃᔭᕈᓐᓃᖅᑎᑦᑎᓚᐅᕐᓯᒪᓂᕋᖅᖢᒋᑦ ᑕᒻᒪᕐᓯᒪᔪᒃᑯᑦ. ᓱᕋᒪᓚ ᓄᓇᕗᒧᑦ ᐊᖓᔪᖄᖑᓚᐅᕐᑐᖅ ᑐᖁᖓᔪᓕᕆᔨᓄᑦ ᐱᒋᐊᖅᖢᓂ 2010-ᒥᑦ.

ᔪᓚᐃ

  • ᐅᖅᑯᕐᒥᐅᑦ ᑎᑎᕋᐅᔭᕐᑎᖏᑦ ᓴᕿᑎᑦᑎᓚᐅᕐᐳᑦ 2018 ᐸᖕᓂᕐᑑᒥ ᑎᑎᕋᐅᔭᒐᐃᑦ ᓄᓇᑕᐅᔪᑦ ᐅᕙᓂ ᓄᓇᕗᒻᒥ ᓴᓇᙳᐊᖅᑏᑦ ᑲᑐᔾᔨᖃᑎᒌᖏᑦ ᑲᑎᑎᑦᑎᓂᖓᓂᒃ ᐃᖃᓗᖕᓂᑦ. ᐅᑯᐊ ᓴᕿᑕᐅᓚᐅᕐᑐᑦ ᑕᐃᒪᙵᑦ 2011-ᒥᑦ ᓴᕿᑎᑦᑎᓚᐅᕐᓯᒪᒐᒥᒃ.
  • ᐊᕐᕕᐊᕐᒥᐅᑕᖅ ᐃᓅᔪᓐᓃᓚᐅᕐᑐᖅ ᓇᓄᕐᒧᑦ ᐃᖅᑲᐅᒪᔭᐅᓚᐅᕐᐳᖅ ᓴᐳᔾᔨᓯᒪᓚᐅᕐᓂᖓᓂᒃ ᓱᕈᓯᖏᓐᓂᒃ. 31-ᓂ ᐅᑭᐅᓕ ᒪᓐᓂᒃᑕᖃᑎᖃᖅᖢᓂ ᓱᕈᓯᖏᓐᓂᒃ ᓴᓐᑐᕆ ᕿᑭᖅᑕᒥᒃ, ᒫᓂ 10 ᑭᓛᒥᑕᔅᐸᓗᒃ ᐅᖓᓯᖕᓂᓕ ᐊᕐᕕᐊᓂᑦ, ᑖᓐᓇ ᓇᓄᖅ ᑖᒃᑯᓄᖓ ᐅᐸᒍᑎᓪᓗᓂ.
  • ᓄᓇᕗᒥᑦ ᓯᕗᓕᖅᐹᖅ ᐊᕐᕙᒃᑕᐅᓚᐅᕐᑐᖅ ᓴᓪᓕᕐᒥ. ᐊᖑᓇᓱᐊᓂᒃᑎᓪᓗᒋ, ᐅᒥᐊᖅᑐᖅᑐᑦ ᐊᒧᓯᓚᐅᕐᐳᑦ 8 ᒦᑕᔅᓂ ᑕᑭᓂᓕᖕᒥᑦ (27 ᕖᑦ ᑕᑭᓂᓕᒃ) ᐊᕐᕕᖕᒥᑦ ᓯᒡᔭᒧᑦ ᐊᒻᒪ ᐱᓚᒃᑐᖅᑕᐅᓪᓗᓂ, ᒪᒃᑕᖓ ᓄᓇᖃᖅᑐᓄᑦ ᑐᓂᐊᖃᖅᑕᐅᓪᓗᓂ.
  • ᕙᐃᔅᐳᒃ ᐊᑐᐃᓐᓇᐅᓕᕐᓂᐊᖅᑐᑦ ᐃᓄᒃᑎᑐᑦ 2019-ᒥᑦ, ᑭᑯᓕᒫᓄᑦ ᑐᓴᒐᒃᓴᓕᕆᓂᕐᒧᑦ ᑲᒻᐸᓂᐅᔪᑦ ᑐᓴᖅᑎᑦᑎᓚᐅᕐᑐᑦ ᔪᓚᐃ 9-ᒥᑦ, ᓄᓇᕗᑦ ᐅᓪᓗᖓᓂᒃ.
  • ᓄᓇᕗᑦ ᒐᕙᒪᖓ ᑐᓴᖅᑎᑦᑎᓚᐅᕐᐳᖅ ᐅᑎᖅᑎᑦᑎᓂᐊᕐᓂᕋᐃᓪᓗᑎᒃ ᐃᖅᑲᓇᐃᔮᒃᓴᓕᕆᔨᒃᑯᓐᓂᒃ, ᐅᑭᐅᑦ 6 ᐊᓂᒍᖅᑎᓪᓗᒍ ᑖᒃᑯᐊ ᐱᑕᖃᕈᓐᓃᖅᑎᑕᐅᓚᐅᕐᓯᒪᑎᓪᓗᒋ 2012-ᒥᑦ.
  • ᐃᖃᓗᖕᓂ ᐊᒃᑕᕐᕕᒃ ᕗᐃᐊᔅᑦ 40 ᐊᑐᕆᐊᕐᒥᑦ ᐃᑯᐊᓪᓚᓚᐅᕐᒪᑦ, ᐊᒻᒪ ᐃᑲᕐᕌᖕᓂ ᒪᕐᕉᖕᓂ 25-ᓄᑦ ᖃᑦᑎᕆᔨᓄᑦ ᖃᒥᑕᐅᔪᓐᓇᕐᓯᓚᐅᕐᖢᓂ.
  • ᒥᕐᖑᐃᕐᓯᕐᕕᓕᕆᔨᑦ ᑲᓇᑕᒥ ᑐᓴᖅᑎᑦᑎᓚᐅᕐᑐᑦ ᑎᑭᓪᓗᒍ $900,000 ᐃᑲᔫᑎᒃᓴᖏᓐᓂᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᐅᓚᑦᑎᔾᔪᑎᒋᓂᐊᖅᑕᖏᓐᓂᒃ ᓴᐳᔾᔨᓯᒪᓂᕐᒧᑦ ᐱᓕᕆᐊᒃᓴᒥᑦ ᐃᓄᖕᓂᒃ ᐃᓚᐅᑎᑦᑎᔪᒪᓪᓗᑎᒃ ᐊᐅᓚᑦᑎᓂᕐᒥᒃ ᐆᒥᖓ ᓄᑖᒥᒃ ᑕᓪᓗᕈᑎᐅᑉ ᐃᒪᖓᓂ ᐃᒪᕐᒥᐅᑕᓂᒃ ᓴᐳᔾᔨᓯᒪᕝᕕᐅᓂᐊᕐᑐᒥᒃ.
  • ᐃᖅᑲᖅᑐᐃᔨᒻᒪᕆᐅᔪᑦ ᐱᖓᓱᑦ ᐊᑐᕈᓐᓃᖅᑎᑦᑎᓚᐅᕐᐳᑦ ᒐᕙᒪᑐᖃᒃᑯᑦ ᓇᓗᓇᐃᖅᑕᐅᓯᒪᓂᕐᒧᑦ ᐃᓱᒪᓕᐊᖑᓂᑯᒥ ᐋᕿᒃᑕᐅᓂᑯ ᑎᓯᐱᕆ 2016-ᖑᑎᓪᓗᒍ ᐃᖅᑲᖅᑐᐃᔨ ᐹᓂ ᑐᒪᒃᒧᑦ, ᐃᒪᓐᓇ ᑭᕙᓪᓕᖅ ᕼᐋᓪ ᓇᓗᓇᐃᖅᑕᐅᓯᒪᔪᓐᓇᕐᓂᖓᓂᒃ ᐃᓕᓐᓂᐊᕆᐊᕐᕕᐅᕙᓚᐅᕐᓂᕐᒧᑦ. ᑖᓐᓇᓕ ᐱᒋᐊᕈᑎᐅᔪᓐᓇᓕᓚᐅᕐᑐᖅ ᐃᓕᓐᓂᐊᕆᐊᖅᑎᑕᐅᕙᒃᑐᕕᓃᑦ ᑭᕙᓪᓕᖅ ᕼᐋᒧᑦ ᑮᓇᐅᔭᖅᑖᕋᓱᒍᓐᓇᕐᓯᓗᑎᒃ.

ᐋᒐᓯ

  • ᐃᒪᕐᓂᒃ ᓴᐳᓐᓂᐊᖅᑎᒃᑯᑦ ᒪᑐᐃᕐᓯᓚᐅᕐᐳᑦ ᓄᑖᒥᒃ ᐅᒥᐊᒃᑯᑦ ᐱᙱᖕᓇᖅᑐᓕᕆᕝᕕᒃᓴᒥᑦ ᑲᖏᖅᖠᓂᕐᒥ, ᓯᕗᓕᖅᐹᖅ ᐅᑭᐅᕐᑕᖅᑐᕐᒥᑦ, ᐊᒻᒪᓗ ᐃᖅᑲᓇᐃᔭᖅᑎᖃᖅᖢᓂ ᐃᓄᖕᓂᒃ ᐃᓅᓱᒃᑐᓂᒃ.
  • ᐃᖃᓗᐃᑦ ᓄᓇᓕᐸᐅᔭᖓ “ᐊᐱᕆᑦᑎᐊᕋᓱᒃᖢᑎᒃ” ᓄᓇᖃᖅᑐᑦ, ᓇᖕᒥᓂᖅ ᐱᓕᕆᐊᖃᖅᑐᑦ ᐊᒻᒪ ᐳᓛᖅᑎᐅᕙᒃᑐᑦ ᐅᕕᓂᖕᓂᐊᕐᕕᒃᒥᑦ ᓇᖏᓗᑎᒃ ᐅᐊᓴᖃᑦᑕᖁᔭᐅᓪᓗᑎᒃ ᐃᒪᕐᒥᒃ ᐊᑐᓗᐊᙱᓐᓂᕐᓴᐅᓂᐊᕐᒪᑕ.
  • ᐃᓄᐃᑦ ᑕᐱᕇᑦ ᑲᓇᑕᒥ ᑲᑎᒪᔭᕐᑐᖅᑐᑦ ᓂᕈᐊᓚᐅᕐᐳᑦ ᓇᐃᑕᓐ ᐅᐱᐊᑦᒥᑦ ᐊᐃᑉᐸᖓᓂᒃ ᐊᖓᔪᖄᙳᒃᑲᓐᓂᕐᓂᐊᕐᓗᓂ ᐅᕙᓂ ᑲᑎᒪᕕᒡᔪᐊᖅᑎᓪᓗᒋ ᐃᓅᕕᒃ, ᓄᓇᑦᓯᐊᕐᒥᑦ.
  • ᓯᕗᓕᐅᕐᑎ ᔫ ᓴᕕᑲᑖᖅ ᒪᕐᕉᒃ ᒥᓂᔅᑕᐅᑉ ᐱᓕᕆᐊᖏᓐᓂᒃ ᐊᓯᔾᔨᕐᓯᓚᐅᕐᐳᖅ, ᐃᖃᓗᐃᑦ-ᑕᓯᓗᒃ ᒪᓕᒐᓕᐅᕐᑎ ᔪᐊᔾ ᕼᐃᒃᔅ ᒥᓂᔅᑕᙳᖅᖢᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ, ᐊᒻᒪ ᑲᒪᒋᔭᖃᖅᖢᓂ ᐃᒻᒥᓃᖅᑎᑦᑎᑦᑕᐃᓕᓂᕐᒧᑦ, ᐊᒻᒪᓗ ᑲᔪᓯᓪᓗᓂ ᒥᓂᔅᑕᐅᓂᕐᒥᑦ ᑮᓇᐅᔭᓕᕆᔨᒃᑯᓐᓄᑦ. ᐃᖃᓗᐃᑦ-ᓂᐊᖁᙴ ᒪᓕᒐᓕᐅᕐᑎ ᐹᑦ ᐊᕐᓇᒃᑕᖅ ᒥᓂᔅᑕᙳᖅᖢᓂ ᑲᒪᒋᔭᖃᕐᓂᕐᒥᒃ ᓄᓇᕗᑦᒥ ᐃᒡᓗᓕᕆᔨᕐᔪᐊᒃᑯᓐᓂ ᐊᒻᒪ ᒥᓂᔅᑕᐅᒋᓪᓗᓂ ᑲᒪᒋᔭᖃᕐᓂᕐᒥᒃ ᖁᓪᓕᖅ ᐆᒻᒪᖁᑎᓕᕆᔨᒃᑯᓐᓂ.
  • ᐃᖃᓗᖕᓂ ᐊᖑᓇᓱᒃᑏᑦ ᐊᕐᕙᓚᐅᕐᑐᑦ ᑖᓐᓇᓗ ᐊᕐᕌᒍᑦ 7 ᐊᓂᒍᖅᑎᓪᓗᒍ ᐱᔭᐅᑕᐃᓐᓇᖅᖢᓂ ᐊᒻᒪ ᐊᐃᑉᐸᕆᔭᐅᓪᓗᓂ ᐊᕐᕌᒍᑦ 100 ᐃᓗᐊᓂ.
  • ᐅᒥᐊᕐᔪᐊᖅ ᐃᓄᖕᓂ ᐅᓯᑲᖅᑕᖅᑎᐅᕙᒃᑐᖅ ᐊᑲᑕᒥᒃ ᐊᐃᐅᕕ (Akademik Ioffe), ᐊᐅᓚᑕᐅᔪᖅ ᐅᑯᓇᙵᑦ ᐅᐊᓐ ᐆᓴᓐ ᐊᒃᔅᐸᑎᓴᓐᑯᓐᓂᒃ, ᐃᒃᑲᕐᕆᓚᐅᕐᓯᒪᕗᖅ ᑰᒑᕉᑉ ᖃᓂᒋᔭᖓᓂᒃ.
  • ᓯᕗᕚᕆᔭᐅᓚᐅᕐᓯᒪᔪᑦ ᐊᕼᐃᐊᕐᒥᐅᑦ ᐃᓄᐃᑦ, ᓄᓇᖃᖅᑐᕕᓃᑦ ᒫᓂ ᖃᐅᔨᒪᔭᐅᓕᕐᑐᖅ ᑭᕙᓪᓕᖅᒥᑦ, ᐊᖏᕈᑎᖃᓚᐅᕐᓯᒪᕗᑦ ᐃᖅᑲᖅᑐᐃᕕᒃᑯᑦ ᓯᓚᑖᒎᖓᓪᓗᑎᒃ ᒪᓂᒪᕝᕕᐅᒐᒥᒃ ᒫᓂ $5 ᒥᓕᐊᓐᑖᓚᓂᒃ ᑮᓇᐅᔭᓂ ᓅᑕᐅᓚᐅᕐᓯᒪᓂᕐᒧᑦ 1940-ᖏᓐᓂᒃ ᐊᒻᒪ 1950-ᖏᓐᓂᒃ.
  • ᓄᓇᕗᒥᐅᑦ ᐊᐃᑉᐸᖓᓂ ᓇᓄᕐᓄᑦ ᐅᒋᐊᖅᑕᐅᔪᒥᒃ ᑐᓴᖅᐳᑦ ᑕᒪᑐᒪᓂ ᐊᕐᕌᒍᒥᒃ, ᐊᖑᓇᓱᒃᑎ ᐃᓅᔪᓐᓃᓚᐅᕐᑎᓪᓗᒍ ᓇᐅᔮᑦ ᓯᓚᑖᓂᑦ.

ᓯᑎᐱᕆ

  • ᐃᓕᓐᓂᐊᕐᓂᓕᕆᓂᕐᒧᑦ ᒥᓂᔅᑕ ᑕᐃᕕᑎ ᔪᐊᓇᓯ ᑐᓴᖅᑎᑦᑎᕗᖅ ᓄᑖᓂᒃ ᐸᕐᓇᐅᑎᒃᓴᓂᒃ ᐋᕿᒍᑎᐅᓂᐊᖅᑐᓂᒃ 2008-ᒥ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᖅᔪᐊᕐᒥᑦ ᐊᒻᒪ ᐃᓄᐃᑦ ᐅᖃᐅᓯᖓᓂᒃ ᓴᐳᔾᔨᓯᒪᓂᕐᒧᑦ ᐱᖁᔭᖅᔪᐊᕐᒥᒃ. ᓄᓇᕗᓕᒫᒥᑦ ᑭᒃᑯᓕᒫᓂᒃ ᖃᐅᔨᑲᑕᒐᓱᖕᓂᐊᓚᐅᕐᑐᑦ ᐅᑭᐊᒃᓵᒃᑯᑦ ᑕᒪᐃᓐᓂ ᓄᓇᕗᒥᑦ ᓄᓇᓕᖕᓂᒃ.
  • ᑭᒃᑯᓕᒫᓂᒃ ᖃᐅᔨᒐᓱᖕᓂᖅ ᐆᒥᖓ ᐊᓯᐅᓯᒪᔪᓂᒃ ᐊᒻᒪ ᐃᓄᐊᖅᑕᐅᓯᒪᔪᓂᒃ ᓄᓇᖃᖅᑳᖅᑐᓂᒃ ᐊᕐᓇᓂᒃ ᐊᒻᒪ ᓂᕕᐊᕐᓵᓂᒃᖃᐅᔨᒐᓱᖕᓂᕐᒧᑦ ᐃᖃᓗᖕᓃᓚᐅᕐᑐᑦ ᖃᐅᔨᓇᓱᒃᖢᑎᒃ ᐃᓅᖃᑎᒌᖕᓂᕐᒧᑦ ᐊᒻᒪ ᐋᓐᓂᐊᖃᖅᑕᐃᓕᓂᕐᒧᑦ ᐊᒃᑐᐃᒍᑎᐅᓕᕐᑐᑦ ᐃᓄᒋᐊᒃᑑᓂᖃᑦᑕᓕᕐᓂᒃᑯᑦ. ᐃᓕᓴᐱ ᑕᐃᕕᑎ ᐊᓂᒡᒥᐅᖅ ᐃᖅᑲᐅᒪᕗᖅ ᖃᓄᖅ, ᓱᕈᓯᐅᓪᓗᓂ ᐃᓕᓐᓂᐊᕆᐊᖃᑦᑕᓚᐅᕐᓯᒪᓂᕐᒥ ᐃᖃᓗᖕᓂ, ᐅᖃᐅᔾᔭᐅᕙᒃᖢᓂ ᐃᓄᒃᑎᑐᑦ ᐅᖃᓪᓚᒋᐊᖃᙱᓐᓂᖓᓂᒃ.
  • ᓄᓇᕐᔪᐊᕐᒥᒃ ᐃᒻᒥᓃᖅᑎᑦᑎᑦᑕᐃᓕᓂᕐᒧᑦ ᐅᓪᓗᕐᒥ, ᓯᑎᐱᕆ 10, ᐃᓄᐃᑦ ᐅᑭᐅᕐᑕᖅᑐᕐᒥᑦ ᑲᑎᖃᑎᒌᓚᐅᕐᐳᑦ ᐊᒻᒪᓗ ᒪᓕᒐᓕᕆᕕᒡᔪᐊᕐᒥᑦ ᐋᑐᕚᒥ ᑕᒪᓐᓇ ᐅᔾᔨᕆᑎᑦᑎᔾᔪᑎᐅᓇᓱᒃᖢᓂ ᐱᑕᖃᕆᐊᖃᕐᓂᖓᓂᒃ ᐃᒻᒥᓃᖅᑎᑦᑕᐃᓕᒍᑎᒃᓴᓂᒃ ᐃᓄᐃᑦ ᓄᓇᖓᓂᒃ, ᑕᒫᓂ ᖁᓖᕐᓱᖅᖢᓂ ᐅᓄᕐᓂᕐᓴᐅᖕᔭ ᑲᓇᑕᓕᒫᖅ ᑕᐅᑐᒃᖢᒍ.
  • ᓄᐊᑦᔅᑎᐅᓪ ᑐᓴᖅᑎᑦᑎᓚᐅᕐᑐᑦ ᒪᓂᒻᒪᑎᑦᑎᓂᐊᕐᓂᕋᖅᖢᑎᒃ ᓱᒃᑲᓂᕐᓴᒥᒃ, ᑮᓇᐅᔭᖅᑐᕐᓇᙱᓐᓂᕐᓴᓂ ᖃᕋᓴᐅᔭᒧᑦ ᐊᑦᑕᑕᕈᓐᓇᐅᑎᒧᑦ ᐱᔨᑦᑎᕋᐅᑎᓂᒃ ᐃᖃᓗᖕᓂᑦ, ᐱᒋᐊᕐᓗᓂ ᐅᒃᑐᐱᕆ 1, ᐊᒻᒪᓗ ᑖᓐᓇ ᐱᔨᑦᑎᕋᐅᑎ ᐊᑐᐃᓐᓇᐅᓕᓪᓗᐊᖅᖢᓂ ᓄᓇᕗᑦ ᓄᓇᖏᓐᓂᒃ 2019 ᓄᙳᐊᓂᑦ.
  • SSi Micro’s ᓄᑖᖅ ᐅᖃᓚᐅᑎᕋᓛᓄᑦ ᐱᔨᑦᑎᕋᐅᑎ ᐱᖏᐊᖅᑎᑦᑎᓂᐊᕐᒪᑕ ᐃᖃᓗᖕᓂᑦ ᓈᑦᑏᖑᔭᓛᕐᓂᐊᒥᑦ, ᓯᑎᐱᕆ 22. ᑖᓐᓇ ᐱᔨᑦᑎᕋᐅᑎ ᑕᐃᔭᐅᔪᖅ SSi Mobile, ᐊᑐᐃᓐᓇᐅᓕᕐᑐᖅ 15-ᓂ ᓄᓇᓕᖕᓂᑦ ᓄᓇᕗᒥᑦ ᐊᒻᒪᓗ ᑕᖅᑭᓂᒃ ᐊᒡᒋᖅᑐᓂᒃ ᐊᑐᐃᓐᓇᐅᓕᕐᓂᐊᕋᓱᒋᔭᐅᓪᓗᓂ ᓄᓇᕗᓕᒫᒥᑦ.
  • ᐅᓇ ᓄᑖᖅ ᖃᖓᑕᓲᒃᑯᕕᑦ ᑕᓗᕐᔪᐊᕐᓂᑦ ᒪᑐᐃᖅᑕᐅᓪᓚᕆᑕᐃᓐᓇᓚᐅᕐᐳᖅ.
  • ᐋᓐᓂᐊᕐᑐᓂᒃ ᖃᐅᔨᓴᖅᑎᐅᔪᑦ ᐊᒻᒪ ᐳᕙᒡᓗᖕᓇᒧᑦ ᐋᓐᓂᐊᓯᐅᕐᑏᑦ ᑭᕙᓪᓕᕐᒧᙵᐅᕗᑦ ᐱᓇᓱᐊᕈᓯᕐᓂᒃ ᑕᓪᓕᒪᓂᒃ ᐳᕙᒡᓗᖕᓇᒥ ᖃᐅᔨᓴᑲᑕᖕᓂᐊᕐᓗᑎᒃ ᑎᑭᕋᕐᔪᐊᕐᒥ.
  • ᓄᓇᕗᒥᑦ ᐃᓄᐃᑦ ᓇᖕᒥᓂᖃᖃᑕᐅᓕᕐᐳᑦ ᒐᕙᒪᑐᖃᒃᑯᓐᓂ ᐃᑦᑕᕐᓂᓴᕐᓂᒃ ᓇᓂᔭᐅᓚᐅᕐᓯᒪᔪᓂᒃ ᐅᒥᐊᕐᔪᐊᕕᓂᕐᒥᑦ ᕗᕌᖕᒃᓕᓐ ᐅᒥᐊᕐᔪᐊᖏᑦᑕ ᐃᓚᖓᓂᒃ. ᓇᓂᔭᐅᔪᑦ ᐃᓚᖃᖅᑐᑦ ᐅᑯᓂᖓ: ᐃᒪᖃᐅᑎᕕᓂᖅ ᐊᖓᔪᖄᑉ ᑎᑎᕋᕐᕕᕕᓂᐊᓂ ᐊᑦᑎᕐᓂᕐᓴᒦᖢᓂ ᐅᕙᓂ HMS ᐃᕆᐸᔅ, ᐃᓚᖃᕐᖢᓂ ᐊᒃᖢᓇᐅᔭᒐᓚᖕᓂ ᖁᓛᓃᓐᓂᕐᓴᒥᑦ.
  • ᓄᓇᕕᒃ ᒪᑭᕕᒃ ᑯᐊᐳᕇᓴᖓ, ᓇᖕᒥᓂᖃᖅᑎᑦ ᕘᔅᑦ ᐃᐅᒥ, ᐊᒻᒪᓗ ᐃᓄᕕᐊᓗᐃᑦ ᐊᕕᒃᓯᒪᓂᒃᑯᑦ ᑯᐊᐳᕇᓴᓐ, ᓇᖕᒥᓂᖃᖅᑎᐅᔪᑦ ᑲᓃᑎᐊᓐ ᓄᐊᑦᒥᑦ, ᐊᑎᓕᐅᓚᐅᕐᐳᑦ ᑲᑎᖃᑎᒌᖕᓂᐊᕐᓂᕐᒧᑦ ᐊᖏᕈᑎᓂᒃ ᐋᕿᒃᑕᐅᓂᐊᕐᓗᓂ ᐊᑕᐅᓯᐅᓕᕐᓗᓂ “ᐅᑭᐅᕐᑕᖅᑐᕐᒥᑦ ᖃᖓᑕᓲᓪᓗᐊᑕᐅᓕᕐᓗᓂ.”

ᐃᖃᓗᐃᑦ-ᓂᐊᖁᙴᒧᑦ ᒪᓕᒐᓕᐅᕐᑎ ᐹᑦ ᐊᕐᓇᑲᒃ ᓄᖅᑲᖅᐳᖅ ᒥᓂᔅᑕᐅᓂᕐᒥᒃ ᐅᒃᑑᐱᕆ 25-ᒥᑦ, ᒥᓂᔅᑕᓂᕐᒧᑦ ᐱᓕᕆᐊᖏᓐᓂᒃ ᐊᕐᓵᖅᑕᐅᓚᐅᕐᑎᓪᓗᒍ ᑕᒪᐅᖓᒥᐊᖅ ᑐᓴᖅᑕᐅᔭᕆᐊᖃᙱᓐᓂᕐᒥᒃ ᓱᕋᐃᓂᕐᒧᑦ. (ᐊᔾᔨᓕᐅᕆᔨ ᐱᐊᑦ ᐳᕋᐅᓐ)

ᐅᒃᑑᐱᕆ

    • ᓯᑲᐅᑦ ᑎᑭᑦᑐᓐᓇᓚᐅᒋᑦᑐᑦ ᓯᑯᖃᓗᐊᕐᓂᖓᓄᑦ ᐅᑭᐅᕐᑕᖅᑑᑉ ᓯᒡᔭᖓ ᐅᑯᓄᖓ ᐃᖃᓗᒃᑑᑦᑎᐊᖅ ᐊᒻᒪ ᖁᒡᓗᖅᑑᖅᒧᑦ ᓄᓇᕗᑦ ᐱᖓᖕᓇᖅᐸᓯᐊᓂ. ᐅᕐᓱᐊᓗᒃ, ᐃᒡᓗᓕᐅᒐᒃᓴᑦ, ᐅᖁᒪᐃᑦᑐᑦ ᓄᓇᓯᐅᑎᑦ ᐊᒻᒪ ᓄᓇᓯᐅᑎᑦ ᐃᓚᒋᔭᐅᓚᐅᕐᐳᑦ ᐊᔪᕐᓯᐅᖃᔪᓂᒃ ᑐᒃᑐᔭᖅᑑᒥᑦ, ᓄᓇᑦᓯᐊᖅ.
    • ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦᑕ ᑮᓇᐅᔭᖅᑖᕆᕙᓪᓕᐊᔭᖏᑦ ᐅᓄᕐᓯᒋᐊᕐᓯᒪᕗᑦ ᐊᕐᕌᒎᕋᑖᖅᑐᒥ, ᒪᐅᖓ $31 ᒥᓕᐊᓐ ᑖᓚᓄ ᐅᕙᙵᑦ $18,4 ᒥᓕᐊᓐᑖᓚᐅᓚᐅᕐᑐᓂᒃ, ᐅᑯᑎᒍᓇᕐᓕ ᑲᑐᔾᔨᖃᑎᒌᑦ ᐊᕐᕌᒍᒧᑦ ᐅᓂᒃᑳᖏᑦᑎᒍᑦ ᑲᑎᒪᕕᒡᔪᐊᖅᑎᓪᓗᒋ ᐃᖃᓗᖕᓂ ᓴᕿᑕᐅᓚᐅᕐᑐᓂᒃ.
    • ᓯᓚᓕᕆᔨᐅᕙᒃᑐᑦ ᑕᐃᖃᑦᑕᖅᑕᖓᑦ “ᓯᓚᒧᑦ ᖄᖅᑕᔫᖅ” ᐃᖃᓗᖕᓄᑦ ᑎᑭᓚᐅᕐᐳᖅ, ᐊᓯᖏᓐᓄᓪᓗ ᕿᑭᖅᑖᓘᑉ ᓂᒋᐊᓃᑦᑐᓄᑦ ᓄᓇᓕᖕᓄᑦ, ᐊᓄᕌᕕᒡᔪᐊᑲᑕᖅᖢᓂ ᑎᑭᑦᑐᒥᑦ 114 ᑭᓛᒥᑕᔅ ᐃᑲᕐᕋᒥ ᑕᓪᓕᕐᒥᖅ, ᐅᒃᑑᐱᕆ 5 ᐅᓪᓛᖓᓂᒃ ᐊᒻᒪᓗ ᖃᒥᒍᑎᐅᓪᓗᓂ ᐊᒻᒪ ᓴᕕᕋᔭᐃᑦ ᐃᒡᓘ ᖃᖓᓃᑦᑐᑦ ᐲᔭᖅᐸᓵᖅᖢᑎᒃ.
    • ᖃᒪᓂᑦᑐᐊᕐᒥᑦ ᕼᐋᒻᒪᓚᒃᑯᑦ ᑲᑎᒪᔨᖏᑦ ᐱᖁᔨᕗᙶᕈᑎᒥᑦ ᐊᓂᒍᐃᑎᑦᑎᓚᐅᕐᐳᑦ ᒪᐃᔭᒥᑦ ᐅᒃᐱᕆᔭᖃᕈᓐᓃᕐᓂᕐᒧᑦ, ᑖᓐᓇ ᐸᓯᔭᒃᓴᙳᖅᑎᑕᐅᓚᐅᕐᑎᓪᓗᒍ ᐋᓐᓂᕐᓯᕆᓂᕐᒥᒃ. ᓵᓐ ᐊᑦᑐᖓᓚ ᐸᓯᔭᒃᓴᐅᑎᑕᐅᔪᖅ ᓯᑎᐱᕆ 8-ᒥᑦ ᐱᑦᑎᐊᖏᓐᓂᕕᓂᕐᒥᒃ, ᓄᓇᕗᒥᑦ ᐳᑭᖅᑕᓖᑦ ᐅᖃᓚᐅᕐᑐᑦ.
    • ᑖᓂᐊ ᑕᒑᖅ, ᖃᐅᔨᒪᔭᐅᓂᕐᓴᐅᔪᖅ ᑲᑕᔾᔭᖃᑦᑕᕐᓂᖓᓂᒃ ᐊᒻᒪ ᐃᙱᐅᓯᐅᖃᑦᑕᕐᓂᖓᓂᒃ, ᐃᓕᓴᕆᔭᐅᓚᐅᕐᐳᖅ ᐆᒧᑦGiller Prize long-list nominationᐅᖃᓕᒫᒐᓕᐊᖓᓄᑦ ᓯᕗᓕᖅᐹᒧᑦ ᐆᒥᖓ Split Tooth.

ᓯᕗᓪᓕᖅᐹᑦ ᐴᖃᖅᓯᒪᔪᑦ ᐊᑐᐃᓐᓇᐅᓕᕐᓂᕐᒧᑦ ᓱᐴᖅᑐᒐᐃᑦ ᑎᑭᑉᐳᑦ ᐃᖃᓗᐃᑦ ᑎᑎᖃᖅᑯᕕᐊᓄᑦ ᐅᕙᙵᑦ ᐋᓐᑎᐅᕆᐅᒥᑦ ᐱᑖᕕᒃᒥᑦ Tweed. ᐅᓇ ᑎᑭᓴᖅᑕᐅᓚᐅᕐᑐᖅ ᐅᒃᑑᐱᕆ 17-ᒥᑦ, ᓱᐴᖅᑐᒐᖅ ᒪᓕᒐᖅᑎᒍᑦ ᐃᓱᒪᕐᓱᕐᓇᓕᖅᑎᓪᓗᒍ ᑲᓇᑕᒥ ᐊᒻᒪ ᐃᖃᓗᖕᓄᑦ ᑎᑭᖢᓂ ᐅᒃᑑᐱᕆ 25-ᒥᑦ. (ᐊᔾᔨᙳᐊᖅ ᐅᑯᓇᙵᑦ @TULUGAKCHATTER/TWITTER)

  • ᓱᐴᕐᑐᒐᖅ ᒪᓕᒐᑎᒍᑦ ᐊᑐᖅᑕᐅᔪᓐᓇᕐᓯᓚᐅᕐᐳᖅ ᐱᖓᑦᓯᖅ, ᐅᒃᑑᐱᕆ 17-ᒥᑦ. ᓄᓇᕗᒥᑦ ᐱᑖᕐᕕᒋᔪᓐᓇᖅᑕᑐᐊᖓ ᐅᓇ ᑳᓇᐱ ᒍᕉᑦ, ᐅᕘᓇ Tweed.com-ᑯᑦ ᓱᐴᕐᑐᒐᕐᒥᑦ ᑎᑭᓴᐃᕝᕕᐅᔪᓐᓇᖅᑐᖅ ᖃᔅᓴᒐᓴᖕᓂᑦ ᐳᕌᕕᓐᓯᐅᔪᓂᒃ.
  • ᖃᓄᐃᓕᐅᕈᓘᔭᕈᑎᒃᓴᑦ ᐱᕙᓪᓕᐊᓂᕐᒧᑦ ᐸᕐᓇᐅᑏᑦ ᐅᑯᓄᖓ ᓄᓇᕗᒥᑦ ᐊᑐᒃᑲᓐᓂᕈᓐᓇᖅᑐᓕᕆᔨᑦ ᑯᐊᐳᕇᓴᓐᑯᑦ ᐊᖓᔪᖅᑳᖓ ᓯᑳᑦ ᓄᐊᑎ ᑐᓴᖅᑎᑦᑎᓚᐅᕐᐳᖅ ᐊᕐᕌᒍᒧᑦ ᑲᑎᒪᕕᒡᔪᐊᖅᑎᓪᓗᒋᑦ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᑖᒃᑯᐊ ᑯᐊᐳᕇᓴᓐᑯᑦ ᑮᓇᐅᔭᒃᑯᕕᖓ ᐲᕐᓯᕕᐅᓚᐅᕐᓂᖓᓂᒃ $300,000-ᓂ.
  • ᓯᕗᓕᐅᕐᑎ ᔫ ᓴᕕᑲᑖᖅ ᐲᕐᑎᑦᑎᓚᐅᕐᐳᖅ ᐃᖃᓗᐃᑦ-ᓂᐊᖁᙴᒧᑦ ᒪᓕᒐᓕᐅᕐᑎᒥᒃ ᐹᑦ ᐊᕐᓇᑲᒃᒥᑦ ᒥᓂᔅᑕᐅᓂᕐᒧᑦ ᑲᒪᒋᔭᖏᓐᓂᒃ, ᐅᖃᖅᖢᓂ ᓱᕋᐃᓪᓚᕆᓚᐅᕐᓂᖓᓂᒃ ᑕᒪᐅᖓᒥᐊᖅ ᐅᖃᐅᓯᕆᔭᕆᐊᖃᙱᑕᖓᓄᑦ ᐃᒃᐸᒃᓴᖓᓂᒃ ᒪᓕᒐᓕᕆᔨᒃᑯᑦ ᑲᑎᒪᑎᓪᓗᒋᑦ. ᐊᕐᓇᑲᒃ ᓯᕗᓪᓕᕐᒥ ᐲᖅᑕᐅᑦᑕᐃᓕᒪᓚᐅᕐᑑᒐᓗᐊᖅ ᐃᓂᒋᔭᒥᓂᒃ, ᑭᓯᐊᓂᓕ ᖃᐅᒃᐸᙳᖅᑎᓪᓗᒍ ᐲᑐᐃᓐᓇᓕᓚᐅᕐᑐᖅ.

ᓄᕕᐱᕆ

  • ᐊᐃᕕᓕᒃᒧᑦ ᒪᓕᒐᓕᐅᕐᑎ ᐸᑎᖅ ᓇᑦᓱ ᐅᑎᖅᑎᑕᐅᓚᐅᕐᐳᖅ ᒪᓕᒐᓕᕆᔨᕐᔪᐊᒃᑯᑦ ᒐᕙᒪᓕᕆᔨᓄᑦ ᑲᑎᒪᔨᐅᓄᑦ ᓯᕗᓕᐅᕐᑎᓕᕆᓐᓇᐅᑎᓪᓗᒍ. ᑭᖑᓂᑦᑎᐊᖓᒍᑦ ᓄᓇᕗᑦᒥ ᐃᒡᓗᓕᕆᔨᕐᔪᐊᒃᑯᓐᓂᒃ ᐊᒻᒪ ᓄᓇᕗᑦ ᓯᓚᑦᑐᖅᓴᕐᕕᒃᒥᑦ ᑲᒪᒋᔭᖃᓕᖅᖢᓂ.
  • ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᖓᔪᖅᑳᖅ ᐲᔭᐃ ᐊᕿᐊᕈᖅ ᐊᐃᑉᐸᖓᓂ ᐊᖑᔪᖅᑳᖑᓂᐊᓕᖅᑐᖅ ᑕᕝᕗᖓ ᓂᕈᐊᖅᑕᐅᒃᑲᓐᓂᖅᑎᓪᓗᒍ.
  • ᐃᓱᒪᒋᔭᖃᖅᖢᓂ ᐃᓕᓴᐃᔨᑕᖃᙱᓗᐊᕐᓂᖅ ᐊᒻᒪ ᐋᓐᓂᐊᓯᐅᕐᑎᑕᖃᙱᓗᐊᕐᓂᖅ ᓄᓇᕗᒥᑦ, ᓯᕗᓕᐅᕐᑎ ᔫ ᓴᕕᑲᑖᖅ ᐅᖃᓚᐅᕐᑐᖅ ᒐᕙᒪᖏ ᐱᑐᐃᓐᓇᕆᐊᖃᙱᓐᓂᕋᖅᖢᓂᒋᑦ ᐃᓄᒃᑐᑦ ᐃᓕᓐᓂᐊᖅᑎᑦᑎᔭᕆᐊᖃᕐᓂᕐᒥᒃ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔮᖏᓐᓂᒃ.
  • ᐃᑭᑦᑐᕕᓂᖅ ᓯᕐᓗᐊᖅ ᐊᑕᔪᖅ ᐃᖃᓗᐃᑦ ᓄᐊᑦᒫᑦ ᓂᐅᕕᕐᕕᒃᒥᑦ ᐃᓚᒋᔭᐅᓚᐅᕐᐳᖅ ᑕᓪᓕᒪᓂᒃ ᐃᑭᑦᑐᓂᒃ ᓄᓇᓕᐸᐅᔭᐃᑦ ᖃᑦᑎᕆᔨᖏᑦ ᐅᐸᒋᐊᖃᓚᐅᕐᑕᖏᓐᓂᒃ ᓄᕕᐱᕆ 7-ᒥᑦ ᐊᒻᒪ 8-ᒥᑦ, ᑕᐃᒪᐃᓐᓂᖓᓄᓪᓗ ᐸᓖᓯᒃᑯᑦ ᖃᐅᔨᓴᓕᓚᐅᕐᑐᑦ ᑖᒃᑯᓂᖓ. ᐃᓅᓱᒃᑐᒥᑦ ᐸᓯᔭᒃᓴᙳᖅᑐᖃᓚᐅᕐᑐᖅ ᐃᑭᑎᑦᑎᑲᑕᖕᓂᖓᓄᑦ.
  • ᑭᓕᒃᕙᒃ ᑭᐅᕋᓐ ᑲᑉᓘᓇ ᑎᒃᑯᐊᖅᑕᐅᓚᐅᕐᑐᖅ ᐊᖓᔪᖅᑳᖑᓂᕐᒧᑦ ᓴᓇᕝᕕᒃᒥᑦ ᐅᑯᓄᖓ ᓄᓇᕗᑦ ᑐᙵᕕᒃᑯᓐᓄᑦ. ᑲᑉᓘᓇ ᓯᕗᓂᐊᒍᑦ ᓄᓇᕗᑦ ᒐᕙᒪᒃᑯᓐᓄᑦ ᒥᓂᔅᑕᒧᑦ ᑐᒡᓕᕆᔭᐅᓚᐅᕐᑐᖅ ᐃᓅᓯᖃᑦᑎᐊᕐᓂᕐᒧᑦ, ᑖᓐᓇ ᐋᕿᒃᑕᐅᓂᑯ 2015-ᒥᑦ ᐱᔾᔪᑎᒋᓪᓗᒍ ᓄᓇᕗᒥᑦ ᐃᒻᒥᓃᑲᑕᓗᐊᖅᑐᓄᑦ.
  • ᕿᑎᕐᒥᐅᑦ ᐃᑦᑕᕐᓂᓴᓕᕆᔨᒃᑯᑦ ᐱᒋᐊᖅᑎᑦᑎᓚᐅᕐᐳᑦ ᐆᒥᖓ ᓄᑖᒥᒃ ᐃᓄᖕᓄᑦ ᓇᖕᒥᓂᕆᔭᐅᔪᒥ ᑲᒻᐸᓂ ᑐᕌᒐᖃᖅᖢᓂ ᑳᕕᑦᑎᐊᕚᓗᖕᒥ ᓴᓇᓂᕐᒥᑦ ᑲᓇᑕᐅᑉ ᐅᑭᐅᕐᑕᖅᑐᖓᓂᒃ ᐅᑭᐅᕐᑕᖅᑐᕐᒥᐅᓄᑦ.
  • ᑐᖁᖓᔪᓕᕆᔨᒃᑯᓐᓄᑦ ᐃᖃᖅᑐᐃᔪᑦ ᐋᕿᒃᓯᓚᐅᕐᐳᑦ ᐅᓇ 20-ᓂ ᐅᑭᐅᓕᒃ ᑯᓄᒃ ᖃᒪᓂᖅ ᐃᓅᔪᓐᓃᓚᐅᕐᓂᖓᓂᒃ ᐃᒻᒥᓃᕐᓂᕐᒧᑦ ᒥᑦᑎᒪᑕᓕᒃᒥᑦ ᐊᕐᕌᓂ, ᑖᓐᓇ ᖁᑭᐅᑦᑎᔭᖅᖢᓂ ᖁᑭᖅᑕᐅᑎᓪᓗᒍ ᐸᓖᓯᒧᑦ. ᐸᓖᓯ ᐸᓯᔭᒃᓴᙳᖅᑎᑕᐅᓚᐅᙱᑦᑐᖅ ᖁᑭᖅᓯᓚᐅᖅᑎᓪᓗᒍ, ᓲᖃᐃᒻᒪ ᐱᓕᕆᕝᕕᐅᑉ ᓯᓚᑖᓂᙶᖅᑐᓂᒃ ᖃᐅᔨᓴᖅᑕᐅᓚᐅᕐᒪᑦ ᐋᑐᕚᒥ ᐸᓖᓯᒃᑯᓐᓄᑦ ᖃᐅᔨᓕᓚᐅᕐᑐᑦ ᐃᒻᒥᓂᒃ ᓴᐳᑎᓯᒪᓂᕐᒧᑦ ᖁᑭᕆᐊᓚᐅᕐᓯᒪᓂᖓᓂᒃ ᑖᓐᓇ ᖃᒪᓂᖅ ᖁᑭᐅᑎᒥᓂᒃ ᑐᕌᖅᑎᑲᐅᕐᑐᕆᐊᕐᒪᑦ ᑖᔅᓱᒧᖓ.
  • ᓇᐃᑕᓐ ᐅᐱᐊᑦ, ᐊᖓᔪᖅᑳᖅ ᐃᓄᐃᑦ ᑕᐱᕇᑦ ᑲᓇᑕᒥ, ᐅᖃᒻᒪᕆᓚᐅᕐᑐᖅ ᑲᓇᑕᒥᑦ ᐃᓄᐃᑦ ᑲᑐᔾᔨᖃᑎᒌᖓᑦ ᐱᓇᓱᐊᕐᓂᐊᕐᓂᕋᖅᖢᓂᒋᑦ ᓱᕈᓯᕐᓂᒃ ᖁᓄᔪᕐᓂᐊᖅᑕᐅᑦᑕᐃᓕᑎᑦᑎᓂᕐᒥᒃ ᐃᓄᐃᑦ ᓄᓇᖓᓂᒃ. ᐅᐱᐊᑦ ᑕᐃᒪᓐᓇ ᐅᖃᓚᐅᕐᑐᖅ ᐱᒋᐊᓕᓵᖅᑎᓪᓗᒋᑦ ᐅᓪᓘᒃ ᒪᕐᕈᑦ ᐊᔪᕈᓐᓃᕐᓯᒪᓪᓚᕆᒃᑐᓂᒃ ᑲᑎᒪᓂᕐᒥᒃ ᐅᕙᓂ ᕗᐊᐸᓅᒥᑦ ᐋᑐᕚᒦᑦᑐᒥᑦ.
  • ᐃᓄᐃᑦ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᐅᔪᑦ ᐃᓄᐃᑦ ᓄᓇᖓᓂᒃ ᑲᑎᖄᑎᒋᕗᑦ ᓄᑖᒥᒃ ᐋᕿᒃᓯᓪᓗᑎᒃ ᑲᑐᔾᔨᖃᑎᒌᒥᒃ, ᐃᓄᐃᑦ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᓐ ᑲᑐᔾᔨᖃᑎᒌᒥᑦ.

ᕿᓂᖅᑕᖅ ᐳᔪᖅ ᓴᕿᑉᐸᓪᓕᐊᕗᖅ ᐃᖃᓗᐃᑦ ᓄᐊᑦᒫᑦᖓᓂᒃ ᒫᓂ 8:00-ᒥᑦ ᐅᓪᓛᒃᑯᑦ ᑎᓴᒻᒥᖅ, ᓄᕕᐱᕆ 8-ᒥᑦ. (ᐊᔾᔨᓕᐅᕆᔨ ᑯᐊᑦᓂ ᐃᐊᑦᒍ)

ᑎᓯᐱᕆ

  • ᓄᓇᑦᓯᐊᕐᒥ ᐱᕙᓪᓕᐊᔪᑦ ᐱᒋᐊᖅᑎᑦᑎᕗᑦ ᓄᑖᒥᑦ ᖃᕋᓴᐅᔭᒃᑯᑦ ᓴᕿᔮᒐᕐᒥᒃ.
  • ᐃᓄᐃᑦ ᐊᖓᔪᖅᑳᖏᓐᓂᒃ ᐱᔭᐅᓚᐅᕐᓯᒪᔪᑦ ᓱᕈᓯᐅᑎᓪᓗᒋ ᒫᓂ 1950-ᖏ ᐃᓱᓕᓕᖅᑎᓪᓗᒋ ᐊᒻᒪ 1980-ᖏᑦ ᐱᒋᐊᕐᓯᒪᓕᕐᑎᓪᓗᒋᑦ ᖃᓪᓗᓈᓅᖅᑕᐅᓪᓗᑎᒃ ᑎᒍᐊᖅᑖᕆᔭᐅᓂᐊᕐᒪᑕ ᐱᓇᓱᒍᓐᓇᖅᓯᔪᑦ ᒫᓂ $25,000-ᓂᒃ ᐊᑐᓂ ᓈᒻᒪᙱᓕᐅᕈᑎᕕᓂᖏᓐᓄᑦ.
  • ᒐᕙᒪᑐᖃᒃᑯᑦ ᑐᓴᖅᑎᑦᑎᕗᑦ ᐃᓚᒌᓄᑦ ᓈᒻᒪᒃᑐᓂᒃ ᐊᓯᙳᕈᑎᒃᓴᓂᒃ ᓂᕿᑦᑎᐊᕙᓕᕆᓂᕐᒧᑦ ᐱᓕᕆᐊᒃᓴᓂᒃ. ᓄᑖᑦ ᖃᓄᐃᓕᐅᕈᑎᒃᓴᑦ ᐃᓚᖃᖅᑐᑦ ᖁᑦᑎᒃᑐᒃᑯᑦ ᐃᑲᔫᑎᒃᓴᓂᒃ ᐊᖏᒡᓕᒋᐊᕈᑎᐅᓪᓗᓂ ᒫᓐᓇ ᐃᑲᔫᑎᓂᒃ ᒪᑯᓄᖓ ᐱᖁᑎᓄᑦ ᐃᒻᒧᒃᓄᑦ ᐊᒻᒪ ᓱᕈᓯᓛᓄᓪᓗ ᐊᒫᒪᒐᒃᓴᓂᒃ 25 ᐳᓴᓐᑎᒥᒃ.
  • ᓄᓇᕗᑦ ᐱᐊᓂᒃᓯᕗᑦ ᐊᐃᑉᐸᖓᓂᑦ ᓄᓇᓕᖕᓂ ᖃᐅᔨᓴᕐᑲᑕᖕᓂᕐᒥᒃ ᐳᕙᒡᓗᖕᓴᒥᑦ. ᐳᕙᒡᓗᖕᓇᖅᑐᒥᑦ ᓇᓂᓯᓚᐅᙱᑦᑐᑦ ᑎᑭᕋᕐᔪᐊᕐᒥ.
  • ᓄᓇᖃᖅᑐᑦ ᐃᖃᓗᒃᑑᑦᑎᐊᕐᒥ ᐃᓱᒪᒋᔭᖃᕆᐊᖃᙱᑦᑐᑦ ᖃᐅᔾᓗᖅᑕᒥᑦ ᑯᕕᐊᒃᓱᒡᕕᖃᕈᒪᓂᕐᒥᒃ. ᐅᓪᓗᓂᒃ ᐱᖓᓱᓂᒃ ᐱᕐᓯᓚᐅᖅᑎᓪᓗᒍ ᐱᒋᐊᖅᖢᓂ ᑎᓯᐱᕆ 12-ᒥᑦ ᐊᐱᕐᔪᐊᒻᒪᕆᓚᐅᕐᐳᑦ ᖁᕕᐊᓱᒡᕕᕈᔪᒃᑯᑦ ᖃᖓᑲᓪᓛᓗᖕᓂᑦ.
  • ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᓂᕈᐊᖅᑐᑦ ᓂᕈᐊᒃᑲᓐᓂᓚᐅᕐᐳᖅ ᐊᖓᔪᖄᕆᕋᑖᖅᑕᖓᓂᒃ, ᓯᑖᓐᓕ ᐊᓇᑉᓚᒃᒥᑦ ᑎᓯᐱᕆ 10-ᖑᑎᓪᓗᒍ. ᐱᓕᕆᓕᒪᔪᖅ ᓄᓇᕗᑦ ᑐᙵᕕᒃᑯᑦ ᐊᖓᔪᖄᖓᑕ ᑐᒡᓕᖓ, ᔭᐃᒥᓯ ᐃᑦᑐᓗᒃ, ᓂᕈᐊᖅᑕᐅᒃᑲᓐᓂᓚᐅᕐᐳᖅ ᑖᒃᑯᓄᖓ ᑐᒡᓕᕆᔭᐅᒃᑲᓐᓂᕐᓂᐊᖅᖢᓂ ᑲᑐᔾᔨᖃᑎᒌᓄᑦ.
Share This Story

(0) Comments