ᓇᐃᑦᑐᓂᒃ ᐅᖃᐅᓯᖃᑲᑕᒃᖢᑎᒃ ᑕᐃᒪᓐᓇᓗ ᐅᓪᓗᖃᖁᑖᖕᓂᕐᒧᑦ ᐃᓚᒋᔭᐅᔪᖅ ᒪᓕᒐᓕᐅᖅᑎᕐᔪᐊᖑᓪᓗᓂ, ᐃᓪᓚᐅᖅ ᐅᖃᖅᑐᖅ

ᓯᕗᓪᓕᖅᐹᖅ 44-ᒋᓕᖅᑕᖏᑦ ᒪᓕᒐᓕᕆᕕᒡᔪᐊᑦ ᑲᑎᔨᕐᔪᐊᖏᑦ ᑲᑎᒪᓕᖅᑎᓪᓗᒋᑦ ᓄᓇᕗᒧᑦ ᒪᓕᒐᓕᕆᔨᕐᔪᐊᙳᓵᖅᑐᖅᒧᑦ ᐃᓕᑉᐸᓪᓕᐊᔾᔪᑎᒋᓕᓚᐅᕐᑕᖓ ᐆᒪ ᐊᓐᑏᐲ ᒪᓕᒐᓕᕆᔨᕐᔪᐊᕐᒧᑦ ᓘᕆ ᐃᓪᓚᐅᖅ

ᖃᓄᐃᓕᐅᕈᑎᐅᕙᓪᓕᐊᔪᑦ ᐱᓪᓚᕆᐊᓘᑎᑕᐅᖕᒪᑕ ᒪᓕᒐᓕᕆᕕᒡᔪᐊᕐᒥᒃ ᐊᒻᒪᓗ ᒪᓕᒐᓕᕆᔨᕐᔪᐊᑦ ᐅᖃᕈᓐᓇᕐᕕᖃᖅᖢᑎᒃ ᖃᐅᔨᓴᐅᑎᒥ ᒪᓕᒃᑐᓂᒃ. ᓯᑎᐱᕆᒥ ᓂᕈᐊᕐᓇᖅ ᐱᐊᓂᒃᑎᓪᓗᒍ ᐊᒻᒪᓗ ᒪᓕᒐᓕᕆᔨᕐᔪᐊᑦ ᑲᑎᒪᑲᑕᓕᖅᑎᓪᓗᒋᑦ ᐃᓪᓚᐅᖅ 28ᖏᓱᖅᖢᓂ ᐅᖃᓪᓚᒃᓯᒪᕗᖅ ᐅᓄᖅᑐᐃᖅᓱᓛᖑᓪᓗᓂ ᒥᓂᔅᑕᐅᔪᓂᒃ ᐊᒻᒪ ᒪᓕᒐᓕᐅᖅᑎᐅᓕᒪᓂᕐᓴᓂᒃ.

ᐃᓪᓚᐅᖅ, ᐱᓕᕆᐊᖃᓪᓚᕆᓚᐅᕐᑐᖅ ᓗᐊᐃᔭᐅᓪᓗᓂ, ᐅᖃᓚᐅᕐᑐᖅ ᒪᓕᒐᓕᕆᕕᒡᔪᐊᑉ ᐱᓕᕆᔾᔪᓯᖏᓐᓂᒃ ᓱᖏᐅᑎᔭᕆᐊᖃᕐᓂᖓᓂᒃ ᓲᖃᐃᒻᒪ ᓱᒃᑲᐃᖢᓂ ᐅᖃᓪᓚᖃᕐᑕᕋᒥ.

“ᖃᐅᔨᔪᖓ ᐅᖃᓪᓚᒋᐊᖃᕐᓂᓐᓂᒃ ᓱᑲᓂᕐᓴᐅᓗᖓ ᐃᓱᒪᒋᔭᓕᒫᒃᑲ ᑐᓴᖅᑐᐅᑎᑦᑎᒪᒍᒃᑭᑦ,” ᐅᖃᓚᐅᕐᑐᖅ ᐊᐱᖅᓱᖅᑕᐅᑎᓪᓗᒍ ᒪᓕᒐᓕᕆᕕᒡᔪᐊᖅ ᐅᑭᐅᕐᒧᑦ ᕿᑲᓚᐅᑲᖕᓂᐊᓕᖅᑎᓪᓗᒋᑦ. “ᐅᖃᓪᓚᓕᕌᖓᒪᑦ ᐅᖃᕈᓐᓇᖃᑦᑕᕋᒪ ᓇᑉᐸᓪᓗᐊᑐᐃᓐᓇᖏᓐᓂᒃ ᐅᖃᐅᓯᕆᔪᒪᖅᑲᐅᔭᕐᒪ.”

ᐃᓚᖏᓐᓄᑦ ᒪᓕᒐᓕᕆᔨᕐᔪᐊᓄᑦ ᐋᑐᕚᒧᑦ ᓄᒃᑎᖅᖢᓂ ᐋᖅᑭᒋᐊᖃᕈᓘᔭᕐᓇᕐᒪᑦ ᐊᒻᒪᓗ ᐃᓕᖅᑯᓯᕆᙱᓐᓂᕐᒥᒃ ᐅᔾᔨᕈᓱᓕᕐᓇᖅᖢᓂ ᓄᓇᓕᐸᐅᔭᓃᓕᖅᖢᓂ ᐊᖏᕐᕋᖏᓐᓂᒡᓕ.

ᐃᓪᓚᐅᖅ ᓄᓇᓕᐸᐅᔭᓂᒃ ᓄᓇᖃᓚᐅᕐᓯᒪᔪᖅ ᐃᓕᓐᓂᐊᖅᑎᓪᓗᒍ ᔫᓂᕘᓯᑎ ᐋᑐᕚᒥᑦ ᓗᐊᐃᔭᐅᓂᕐᒥᒃ, ᑭᓯᐊᓂᓕ ᒪᓕᒐᓕᐅᖅᑎᕐᔪᐊᙳᕐᓂᖅ ᓱᓕ ᐊᔾᔨᒋᙱᒻᒪᕆᖕᒥᖕᒪᒍ. ᐃᓪᓚᐅᖅ ᐅᖃᓚᐅᕐᑐᖅ ᒪᓕᒐᓕᕆᔨᕐᔪᐊᖑᓂᕐᒥ ᐋᖅᑭᒃᐹᓪᓕᕐᓂᕋᖅᖢᓂ ᐊᒻᒪᓗ ᐃᒪᓐᓇᐅᙱᑦᑎᐊᖅᑐᒧᑦ 9-ᒥ 5-ᒧ ᓴᓇᓐᓇᐅᕙᒃᑐᑎᑐᑦ.

“ᐃᓛᓐᓂ ᐅᓪᓗᖃᖃᑦᑕᖅᑐᒍ ᐃᑲᕐᕋᓂ 12ᓂ ᐱᓕᕆᓪᓗᑕ, ᐊᒻᒪᓗ ᑲᑎᒪᔨᕐᔪᐊᑦ ᑲᑎᑦᑕᕌᖓᑕ ᐊᒃᓱᕈᓗᒃ ᐱᒻᒪᕆᐅᓕᕐᓇᖅᑐᖅ ᐊᒻᒪᓗ ᖃᓄᐃᓕᐅᕐᓂᐊᕐᒪᖔᑦ ᓇᓗᓇᖅᐸᒃᖢᓂ.” ᐅᖃᓚᐅᕐᑐᖅ. “ᐋᖅᑭᒃᓱᖅᓯᒪᓇᓱᒃᖢᓂ ᓈᒻᒪᙱᑦᑐᖅ ᓲᖃᐃᒻᒪ ᐊᓯᙳᑲᐅᖅᑐᕈᓐᓇᕐᒪᑕ ᓂᕈᐊᖅᑕᐅᓂᖏᓐᓄᑦ ᖃᓄᐃᓕᐅᕆᐊᖃᖅᑐᓂᒃ.”

ᐃᓪᓚᐅᖅ ᐱᓕᕆᐊᒃᓴᕐᓂᒃ ᐋᖅᑭᒃᓱᐃᓯᒪᔪᖅ. ᑲᔪᓯᑎᑦᑎᓯᒪᔪᖅ ᒪᓕᒐᓕᕆᔨᕐᔪᐊᖑᓚᐅᖅᑑᑉ ᒪᒥᓛᖅ ᖃᖅᑲᐅᑉ ᖃᐅᔨᓴᖅᑕᐅᖁᔨᔾᔪᑎᕕᓂᖓ ᓄᓇᕗᒥᑦ ᐃᒃᓯᕋᕐᔪᐊᖑᓚᐅᕐᓯᒪᔪᒥᒃ ᐊᑖᑕ ᔪᐊᓇᔅ ᕆᕗᐊᑉ ᒥᒃᓵᓄᑦ, ᑖᓐᓇ ᐸᓯᔭᒃᓴᐅᑎᑕᐅᖕᒪᑦ ᐃᓄᖕᓂᒃ ᓄᑕᕋᕐᓂᒃ ᖁᓄᔪᕐᓂᐊᖃᑦᑕᓚᐅᖅᓯᒪᓂᖓᓂᒃ. ᐃᓪᓚᐅᖅ ᐸᓖᓯᓄᑦ ᑐᓂᓯᑲᑕᖁᔨᔪᖅ ᑕᒪᑐᒧᖓ ᓈᒻᒪᙱᓕᐅᕈᑎᐅᓯᒪᔪᓂᒃ, ᐊᒻᒪᓗ ᑎᑎᕋᕐᕕᖓ ᐃᓱᒪᓕᕆᓂᕐᒧᑦ ᐋᓐᓂᐊᖃᑐᓕᕆᓂᕐᒧᑦ ᐃᓅᓯᓕᕆᓂᕐᒥᒃ ᑲᒪᒋᔭᖃᖅᖢᑎ ᐃᑲᔪᖅᑕᐅᔪᒪᔪᖃᕈᓂ.

ᐃᓪᓚᐅᖅ ᐅᖃᓚᐅᕐᑐᖅ ᓄᓇᖃᖅᑳᖅᑐᓂᒃ ᐊᒻᒪ ᐅᑭᐅᕐᑕᖅᑐᓕᕆᓂᕐᒧᑦ ᑲᑎᒪᔨᕋᓛᓂᒃ ᐃᑲᔪᒪᑦᑎᐊᕐᓂᕋᖅᖢᓂ, ᐊᒻᒪᓗ ᖃᐅᔨᕚᓪᓕᕈᒪᓪᓗᓂ ᐃᓱᒫᓘᑎᒋᔭᐅᔪᓂᒃ ᓄᓇᖃᖅᑳᖅᑐᓄᑦ ᐊᓪᓚᓄᑦ ᐊᒻᒪ ᐊᓪᓚᒐᔪᓄᑦ ᐊᒻᒪᓗ ᐃᓄᖕᓄᑦ ᓂᐱᒋᔭᐅᔪᒪᑦᑎᐊᖅᖢᓂ.

“ᐅᔾᔨᕆᓯᒪᒐᒪ ᐊᔾᔨᒌᖕᓂᖃᐅᕐᓂᑦᑎᓐᓂᒃ ᐃᓅᓪᓗᑕ ᐅᑯᓂᖓ ᓄᓇᖃᖅᑳᖅᑐᓂᒃ ᐊᓪᓚᓂᒃ ᐊᒻᒪᓗ ᐊᓪᓚᖓᔪᓂᒃ,” ᐅᖃᖅᑐᖅ. “ᐊᒻᒪᓗ ᑲᑎᒪᔨᑎᒍ ᐊᒃᑐᐃᒍᑎᐅᔪᓂᒃ ᖃᐅᔨᔪᒪᑦᑎᐊᖅᖢᓂ.”

ᒪᓕᒐᓕᕆᔨᕐᔪᐊᕐᒥ ᑲᑎᒪᑲᑕᓕᓛᕐᒥᔪᑦ ᔭᓄᐊᕆ 31, 2022-ᒥ.