ᐋᔅᓕ ᑲᒥᖕᔅ ᐅᖃᐅᓯᖃᖅᑐᖅ ᐃᓄᐃᑦ ᐃᓱᒪᒋᔭᖏᓐᓂᒃ ᓯᓚᐅᑉ ᐊᓯᙳᖅᐸᓪᓕᐊᓂᖓᓂᒃ ᓄᓇᕐᔪᐊᕐᒥ ᑲᑎᒪᓂᕐᒥᒃ ᓯᓚᒧᑦ ᓯᑎᐱᕆ 23-ᖑᑎᓪᓗᒍ. (ᐊᔾᔨᙳᐊᖅ ᐅᕙᙵ ᐋᔅᓕ ᑲᒥᖕᔅ)

ᓯᓚᒥ ᐅᔾᔨᕈᓱᒃᑎᑦᑎᔨᐅᕙᒃᑐᖅ ᐅᖃᐅᓯᐅᔪᑦ ᐋᖅᑭᒃᑕᐅᔪᓐᓇᕐᓂᐊᕐᓗᑎᒃ ᓄᓇᕐᔪᐊᒥ ᐱᓕᕆᐊᖃᕐᓂᒃᑯᑦ

ᐋᔅᓕ ᑲᒥᖕᔅ ᓄᓇᕐᔪᐊᕐᒥ ᑲᑎᒪᓂᕐᒥᒃ ᐅᖃᐅᓯᖃᖅᑐᖅ ᓯᓚᒧᑦ ᐊᑐᕆᐊᖃᖅᑐᓂᒃ

By ᑕᐃᕕᑦ ᓛᕼᐄᑦ

For an English version of this story, see Climate activist hopes keynote address translates into real-world action

ᐋᔅᓕ ᑲᒥᖕᔅ ᓴᖅᑭᔮᕐᕕᒃᑰᓚᐅᕐᑐᖅ ᑕᖅᑭᐅᓚᐅᕐᑐᒥ ᐃᓱᒪᓪᓗᓂ ᐅᖃᐅᓯᖏ ᓄᓇᕐᔪᐊᕐᒧᑦ ᐊᖓᔪᖅᑳᓂ ᐱᓕᕆᐊᖃᖅᑎᑦᑎᒃᑲᓐᓂᕈᑎᐅᖁᓪᓗᓂᐅᒃ.

“ᑕᒪᑐᒧᖓ ᑲᑎᑕᐅᕙᓪᓕᐊᔪᑦ ᖃᓄᐃᓕᐅᖁᔨᓂᕐᒧᑦ ᓱᓕ ᐊᑐᕐᑕᐅᑐᐃᓐᓇᖁᕙᒃᑲ,” ᐅᖃᖅᑐᖅ ᐃᓄᒃ ᐅᔾᔨᕈᓱᒃᑎᑦᑎᔨᐅᕙᒃᑐᖅ.

ᐅᖃᓪᓚᓚᐅᕐᒪ ᐊᐃᑉᐸᖓᓂ ᐊᕐᕌᒍᒥ ᓄᓇᕐᔪᐊᕐᒥ ᑲᑎᒪᕕᒡᔪᐊᕐᓇᓯ ᓯᓚᒧᑦ ᐊᑐᕆᐊᖃᖅᑐᓂᒃ, ᑲᑎᒪᕕᒡᔪᐊᕐᓇᖅ ᐃᑲᔪᕈᑎᐅᓇᓱᒃᖢᓂ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ ᐊᒃᑐᖅᑕᐅᖢᐊᖅᑐᓄᑦ. ᐅᓇ ᓯᕗᓪᓕᖅᐹᕆᓚᐅᕐᑕᖓ ᐅᖃᓪᓚᒃᖢᓂᒃ ᑖᒃᑯᓄᖓ, ᐊᒻᒪᓗ ᐱᕕᖃᕐᓂᕐᒥᓄᑦ ᐊᑐᕋᓱᒻᒪᕆᓚᐅᖅᖢᓂᐅᒃ.

ᑲᑎᒪᓂᖅ ᖃᕋᓴᐅᔭᒃᑯᑦ ᑲᑎᒪᔾᔪᑎᐅᓚᐅᕐᑐᖅ ᓯᑎᐱᕆ 21-ᒥ ᓯᑎᐱᕆ 23-ᒧ, ᑖᖅᑭᐅᓂᐊᖅᑐᒥᒃ ᑲᑎᒪᓂᐊᓵᖅᑎᓪᓗᒋ ᓄᓇᕐᔪᐊᒥ ᑲᑐᔾᔨᔪᓂᒃ (United Nations) ᑲᑎᒪᓂᐅᓂᐊᖅᑐᒥᒃ ᓯᑳᓚᓐᒥ ᑕᐃᔭᐅᔪᖅ COP26 ᑖᒃᑯᐊᓗ ᐊᑐᓂ ᐸᕐᓇᐅᑎᖃᕐᓗᑎᒃ ᐳᔪᕐᓗᒃ ᓯᓚᐃᓐᓇᕐᒧᐊᖅᐸᓪᓕᐊᔪᓂᒃ ᒥᒃᖠᕚᓪᓕᖅᑎᑦᑎᓇᓱᖕᓂᕐᒧᑦ.

ᑲᒥᖕᔅ, ᐃᓅᓚᐅᕐᓯᒪᔪᖅ ᐸᖕᓂᕐᑑᒥ, ᐅᖃᓚᐅᕐᑐᖅ ᐅᖃᐅᓯᖏᑦ ᐱᔾᔪᑎᖃᓚᐅᕐᓂᕋᖅᖢᓂᒋᑦ ᓯᓚᐅᑉ ᐊᓯᙳᖅᐸᓪᓕᐊᓂᖓ ᐊᒃᑐᐃᒍᑎᖃᕐᓂᖓᓂᒃ ᐃᒡᓗᓂ ᓴᓇᔭᐅᓯᒪᔪᓂᒃ ᐊᒻᒪᓗ ᓂᕿᖃᕐᓂᕐᒧᑦ ᐅᑭᐅᕐᑕᖅᑐᕐᒥ, ᐊᒻᒪᓗ ᖃᓄᖅ ᑕᐃᒪᓐᓇ ᐊᒃᑐᐃᒍᑎᖃᖃᑦᑕᕐᓂᖓᓂᒃ ᐃᓄᖕᓂ ᑕᒫᓂ ᓄᓇᖃᖅᑐᓂᒃ.

“ᐃᓱᒪᔭᕆᐊᖃᕋᑦᑕ ᐃᓄᖕᓄᑦ ᐊᒃᑐᐊᒍᑎᐅᔪᓂᒃ ᓯᓚᐅᑉ ᐊᓯᙳᖅᐸᓪᓕᐊᓂᖓ.” ᑲᒥᖕᔅ ᐅᖃᖅᑐᖅ.

ᑲᒥᖕᔅ ᐅᖃᓚᐅᕐᑐᖅ ᖃᓄᐃᓕᐅᕐᓂᕆᔭᖓ ᑕᕝᕙᓂ ᐱᐅᓂᕐᓴᐅᓚᐅᕐᓂᕋᖅᑕᖓ ᐊᓯᖏᓐᓂᒡᓕ ᑐᙵᓱᒃᑎᑕᐅᓪᓗᓂ ᑲᑎᒪᕕᒡᔪᐊᖅᑐᓄᑦ ᐅᖃᓪᓚᒃᑎᐅᓂᐊᕐᓗᓂ ᓄᓇᖃᖅᑳᖅᑐᑦ ᐃᓱᒪᒋᔭᖏᓐᓂᒃ ᑭᓯᐊᓂᓕ ᐅᖃᓪᓚᑲᑕᒃᑐᓂ ᐃᓚᐅᑎᑕᐅᕙᙱᖢᓂ.

ᑭᓯᐊᓂᓕ ᓯᕗᓪᓕᖅᐹᒥᒃ ᐅᖃᓪᓚᒍᓐᓇᕐᓂᖓ ᐊᒃᓱᕈᓐᓇᓚᐅᕐᑐᖅ ᐊᓯᖏᓐᓂᓪᓕ ᐅᐸᒃᓯᒪᓂᑯᖏᓐᓂᒃ, ᒪᐅᓇ ᖃᕋᓴᐅᔭᒃᑰᕆᐊᖃᕐᓂᖓ.

ᐋᓐᓂᐊᕕᒡᔪᐊᕐᓇᐅᑉ ᓯᕗᓂᐊᓂᒃ, ᑲᒥᖕᔅ ᐅᖃᓚᐅᕐᑐᖅ ᐅᐸᖃᑎᒌᖕᓂᒃᑯᑦ ᐃᓄᖕᓂ ᐱᖃᑎᖃᖃᑦᑕᕈᓐᓇᓚᐅᓂᖓᓂ ᑲᑎᒪᓂᓕᒫᒥᒃ. ᑕᐃᒪᓐᓇᓕ ᐱᓕᕆᐊᖃᕈᓐᓇᙱᖢᓂ ᐅᖃᓚᐅᕐᑐᖅ ᐅᖃᓪᓚᖃᑕᐅᓂᐊᖅᑐᒥᒃ, ᕼᐃᓐᑐ ᐅᒪᕈ ᐃᐳᕋᕼᐊᒻᒥ, ᐅᖃᓪᓚᖃᑎᖃᑲᑕᒍᓐᓇᓚᐅᕐᑐᖅ.

ᐊᒻᒪᓗ, ᑲᒥᖕᔅ ᐅᖃᓚᐅᕐᑐᖅ ᐃᑭᐊᕿᕕᒃᑰᖃᑕᐅᔪᓂᒃ ᐅᖃᓪᓚᖃᑎᖃᕈᓐᓇᓚᐅᕐᓂᕋᖅᖢᓂ ᐊᐱᕐᓱᕐᓂᖅ ᐊᒻᒪ ᑭᐅᑲᑕᖕᓇᐅᑎᓪᓗᒍ ᐅᖃᓪᓛᓂᒃᑎᓪᓗᒍ.

“ᐃᓄᑑᖂᔨᓐᓇᕋᓗᐊᖅᑎᓪᓗᒍ ᓱᓕ ᐊᒃᑐᐊᓂᖅᑕᖃᓚᐅᕐᒥᔪᖅ,” ᐅᖃᖅᑐᖅ.

ᐅᓇ COP26 ᑲᑎᒪᕕᒡᔪᐊᕐᓇᖅ ᖃᒡᓕᕙᓪᓕᐊᑎᓪᓗᒍ, ᑲᒥᖕᔅ ᐅᖃᓚᐅᕐᑐᖅ ᑐᓴᕈᒪᓂᕋᖅᖢᓂ ᓄᓇᕐᔪᐊᕐᒥ ᓯᕗᓕᐅᕐᑎᑦ ᖃᓄᖅ ᐸᕐᓇᐅᑎᖃᕐᒪᖔᑦ ᓯᓚᐅᑉ ᐊᓯᙳᖅᐸᓪᓕᐊᓂᖓ ᐱᓕᕆᐊᖑᓂᐊᕐᓂᖓᓄᑦ.

ᐅᖃᓚᐅᕐᑐᖅ ᐃᓱᒪᓂᕋᖅᖢᓂ ᑕᒪᑐᒧᖓ ᐱᓕᕆᓂᖅ ᖃᓄᐃᓕᐅᕈᑎᖃᓪᓚᕆᖁᓪᓗᓂᐅᒃ, ᓲᖃᐃᒻᒪ “ᐱᓕᕆᐊᖃᕈᓐᓇᕋᑦᑕ ᐊᓯᙳᖅᐸᓪᓕᐊᓂᐅᔪᒥᒃ ᑭᓯᐊᓂᓕ ᐅᕙᑦᑎᓐᓂ ᑕᐃᒪᐃᑎᑦᑎᓂᑦᑎᓐᓂ ᖃᐅᔨᒪᔭᕆᐊᖃᕋᑕ ᓄᓇᕐᔪᐊᓯᐅᑕᐃᓪᓗ ᐊᓯᖏ.”

“ᑕᒪᓐᓇ ᑐᕌᒐᐅᔪᖅ,” ᑲᒥᖕᔅ ᐅᖃᖅᑐᖅ.

“ᐊᒃᓱᕈᓐᓇᐊᖅᑐᖓ ᑕᒪᓐᓇ ᐱᓇᓱᒡᓗᒍ.”

Share This Story

(0) Comments