ᓱᒃᑲᐃᓐᓂᖓᓄᑦ ᐃᑭᐊᕿᕕᒃ (internet) ᐃᓕᓐᓂᐊᕐᑎᐅᔪᖅ ᐊᖏᕐᕋᖓᓂ ᐃᓕᓐᓂᐊᕈᓐᓇᙱᔾᔪᑎᖃᖅᑐᖅ
“ᐊᕐᓱᕈᕐᓇᖅᑐᒥ ᐃᓱᒪᓕᐅᕆᓚᐅᕐᕋᒪ ᐃᓚᒃᑲ ᕿᒪᒡᓗᒋ ᐃᓄᑑᓗᖓ ᒪᓐᑐᕆᐊᒦᓐᓂᐊᕐᓗᖓ ᓲᖃᐃᒻᒪ ᐃᑭᐊᕿᕕᒃ ᓄᓇᕕᒃᒥᑦ ᓈᒻᒪᙱᓗᐊᕋᔭᕐᒪᑦ ᐃᓕᓐᓂᐊᕈᑎᓐᓄᑦ ᐊᒻᒪ ᐊᔾᔨᒌᒍᓐᓇᙱᖢᓂ ᖃᕋᓴᐅᔭᒃᑯᑦ ᐃᓕᓐᓂᐊᕈᑎᒃᓴᓐᓄᑦ”
ᖃᕋᓴᐅᔭᒧᑦ ᐊᑦᑕᑕᕈᓐᓇᐅᑎ ᐃᒐᓛᒦᑦᑐᖅ ᑕᐅᑐᖕᓇᖅᑐᒥ ᑲᖏᓱᐊᓗᔾᔪᐊᖅᒥᑦ, ᑕᕝᕙᓂ ᐱᔨᑦᑎᕋᖅᑕᐅᔪᑦ ᖃᕋᓴᐅᔭᓄᑦ ᐊᑦᑕᑕᕈᓐᓇᐅᑎᓕᕆᔨᓄᑦ ᓱᒃᑲᐃᑦᑐᐊᓗᖕᒥ ᐊᑐᑲᑕᒃᓯᒪᖕᒪᑕ ᑕᖅᑭᐅᓕᕐᑑᖕᓂ ᒪᕐᕉᖕᓂᒃ. ᐋᓐᑐᕆᐊ ᐳᕋᔫ, ᒪᒋᐅᓪ ᔫᓂᕘᓯᑎᒥ ᐃᓕᓐᓂᐊᕐᑎᐅᔪᖅ ᑕᕝᕙᓂ ᓄᓇᖃᑎᖅᑐᖅ, ᐅᖃᓚᐅᕐᑐᖅ ᐃᓱᒪᓕᐅᕆᓚᐅᕐᓂᕋᖅᖢᓂ ᐊᒃᓱᕈᖅᖢᓂ ᒪᓐᑐᕆᐊᒦᖏᓐᓇᕐᓗᓂᓘᓐᓃᑦ ᐊᖏᕐᕋᐅᓗᓂᓘᓐᓃᑦ ᐋᓐᓂᐊᕕᒡᔪᐊᕐᓇᒧᑦ ᑕᐃᒪᓕ ᒪᓐᑐᕆᐊᒦᖏᓇᓕᓚᐅᕐᑐᖅ ᐃᓱᒪᓪᓗᓂ ᓄᓇᖓᓃᑦᑐᖅ ᖃᕋᓴᐅᔭᒃᑯᑦ ᐊᑦᑕᑕᕈᓐᓇᐅᑎ ᓈᒻᒪᙱᓗᐊᕋᔭᕐᓂᖓᓂᒃ ᖃᕋᓴᐅᔭᒃᑯᑦ ᐃᓕᓐᓂᐊᕈᑎᖏᓐᓄᑦ. (ᐊᔾᔨᓕᐅᕆᔨ ᕖᓕᒃᔅ ᓴᐃ-ᐋᐱᓐ)
For an English version of this story, see Nunavik university student says slow internet prevents her from studying at home during pandemic
ᑎᑎᖃᑦ ᑐᕌᖓᔪᑦ ᐅᕗᖓ ᓯᕗᓕᐅᕐᑎ ᕗᕌᓐᓱᐊ ᓚᒎᒧᑦ
ᐃᓚᓐᓇᕆᔮᒃ ᓯᕗᓕᐅᕐᑎ ᓚᒎ,
ᐅᓇ ᑎᑎᕋᖅᑕᕋ ᑭᒡᒐᖅᑐᐃᓪᓗᖓ ᓄᓇᕕᒻᒥᐅᓂᒃ ᐱᔾᔪᑎᖃᖅᖢᖓ ᐃᑭᐊᕿᕕᐅᑉ (internet) ᖃᓄᖕᑑᓂᖓᓂᒃ ᓄᓇᕕᒻᒥ. ᑕᒪᑐᒥᖓ ᐅᖃᐅᓯᖃᓗᐊᓚᐅᙱᓐᓂᓐᓂ ᐱᐅᙱᓐᓂᖓᓂᒃ ᐃᑭᐊᕿᕕᐅᑉ, ᖃᐅᔨᒪᔪᖓ ᑲᑎᕕᒃ ᓄᓇᓕᓕᒪᑦ ᒐᕙᒪᖓ ᐸᕐᓇᐅᓯᐅᕐᓯᒪᓂᖏᓐᓂᒃ ᓱᒃᑲᔪᓂᒃ ᐃᑭᐊᕿᕕᒃᑖᖅᑎᑦᑎᓛᕐᓂᖏᓐᓂᒃ ᐃᓚᖏᓐᓄᑦ ᓄᓇᓕᖕᓄᑦ ᓄᓇᕕᒃᒥᑦ 2025 ᑎᑭᓚᐅᕐᑎᓐᓇᒍ.
ᑎᑎᕋᖅᑕᕋ ᐅᓇ 2025-ᒥ ᐃᓱᖃᕐᕕᐅᑎᑕᐅᓯᒪᔪᖅ ᓱᒃᑲᔪᒥᑦ ᐃᑭᐊᕿᕕᑦᑖᖅᑎᑦᑎᓂᐊᕐᓂᖅ ᓄᓇᕕᒻᒥᐅᓂᒃ ᐊᑐᖅᑕᐅᓂᐊᖁᓪᓗᒍ. ᐊᒻᒪᓗ, ᐅᓇ ᒐᕙᒪᑐᖃᑦᑎᓐᓂᒃ, ᐳᕌᕕᓐᓯᑎᒍᑦ ᐊᒻᒪ ᐊᕕᒃᑐᕐᓯᒪᓂᒃᑯᑦ ᒐᕙᒪᐅᔪᑦ ᑕᒪᑐᒥᖓ ᑲᒪᒋᔭᖃᕐᑎᑕᐅᓗᑎᒃ ᑖᒃᑯᐊ ᐃᑲᔫᑎᑖᕐᑎᑕᐅᓯᒪᓂᖏᓐᓂᒃ ᓈᒻᒪᒃᑐᓂᒃ.
ᖃᐅᔨᒪᔪᓯ, ᓄᓇᕕᒃ ᑯᐸᐃᒃ ᐅᐊᓇᖓᓃᓛᖓᓃᒻᒪᑦ. ᐃᓅᓚᐅᕐᓯᒪᔪᖓ ᐊᒻᒪ ᐱᕈᕐᓴᖅᖢᖓ ᒥᑭᑦᑐᒥ ᐃᓄᐃᑦ ᓄᓇᓕᖓᓂ ᐅᕙᓂ ᑲᖏᖅᓱᐊᓗᔾᔪᐊᖅᒥᑦ. 2014-ᖑᑎᓪᓗᒍ ᓄᒃᑎᓚᐅᕐᓯᒪᔪᖓ ᒪᓐᑐᕆᐊᒧᑦ ᐃᓕᓐᓂᐊᒃᑲᓐᓂᕆᐊᕋᓱᒃᖢᖓ. ᑲᖏᖅᓱᐊᓗᔾᔪᐊᖅ ᐃᓄᖃᙱᑦᑐᒦᒻᒪᑦ ᓄᓇᓕᐅᓪᓗᓂ ᐊᒻᒪ ᐅᐸᒃᑕᐅᔪᓐᓇᖅᖢᓂ ᖃᖓᑕᓲᒃᑯᑦ, ᐅᕝᕙᓘᓐᓃᑦ ᖃᒧᑕᐅᔭᒃᑯᑦ ᐅᑭᐅᖑᓕᕌᖓᑦ.
ᖃᓄᐃᒋᙱᑕᕋ ᐱᕈᓚᐅᕐᓯᒪᓂᕋ ᑲᖏᖅᓱᐊᓗᔾᔪᐊᖅᒥᑦ. ᑲᔾᔮᕐᓇᖅᑐᐊᓗᖕᓂ ᖃᖅᑲᓂᒃ ᐊᕙᓗᔭᐅᓯᒪᓪᓗᓂ ᐊᒻᒪᓗ ᐸᐅᕐᖓᐃᑦ ᐱᕈᖅᐸᖢᑎᒃ ᐅᑭᐊᒃᓵᒃᑯᑦ, ᑕᕆᐅᑉ ᖃᓂᒋᔭᖓᓂ ᑕᒫᓂᓗ ᐃᖃᓗᖃᑦᑎᐊᖅᕗᒥ ᐊᒻᒪ ᐊᖅᑯᑎᖃᖅᖢᓂ ᑕᒻᒫᕐᕕᓕᐊᕐᕕᖕᓂᒃ. ᐱᕈᓚᐅᕋᒪ ᓄᓇᐃᓐᓇᕐᒥᑦ—ᐃᖃᓗᒐᓱᖕᓂᕐᒥᒃ, ᐊᖑᓇᓱᖕᓂᕐᒥᒃ ᐊᒻᒪ ᐊᐅᓪᓛᖃᑕᐅᕙᒃᖢᖓ ᐃᓚᓐᓂᒃ. ᐊᒃᓱᐊᓗᒃ ᖁᕕᐊᓇᑦᑎᐊᓚᐅᕐᓯᒪᔪᖅ.
ᑲᖏᖅᓱᐊᓗᔾᔪᐊᖅ, ᒪᓐᑐᕆᐊᑎᑐᑦ, ᓄᓇᓕᐅᔪᑦ ᑯᐸᐃᒃᒥᑦ, ᑭᓯᐊᓂᓕ ᐱᔨᑦᑎᕋᐅᑎᓂᒃ ᐊᑐᐃᓐᓇᖃᕐᓂᖅ ᐊᔾᔨᒋᙱᑕᒻᒪᕆᐊᓗᖓ. ᐊᕐᕌᒍ 2020-ᒥᑦ, ᐊᒻᒪ ᐃᓚᒋᓚᐅᕐᑕᖓᓕ ᐊᑐᖃᑦᑕᐃᓐᓇᖅᑐᖅ ᐊᔾᔨᐅᙱᔾᔪᑎᐅᔪᖅ ᐅᓇ ᐱᐅᙱᑎᒋᓂᖓ ᐊᒻᒪᓗ ᓈᒻᒪᙱᓗᐊᓕᔭᓐᓂᖓ ᐃᑭᐊᕿᕕᒃᒧᑦ ᐊᑦᑕᑕᐅᑎᓕᕆᓂᖅ. ᓄᓇᖃᕐᓯᒪᓪᓗᖓ ᒪᓐᑐᕆᐊᒥ ᐊᒻᒪ ᑲᖏᖅᓱᐊᓗᔾᔪᐊᕐᒥ ᐅᔾᔨᕆᓯᒪᓕᕋᒪ ᐃᑲᔫᑎᐅᒃᑲᓐᓂᕈᓐᓇᕐᑐᓂᒃ ᓱᒃᑲᔪᒥᒃ ᐱᐅᔪᒥ ᐃᑭᐊᕿᕕᖃᕐᓂᖅ
ᐃᒻᒪᖄᓪᓘᓐᓃ, ᑕᐃᒪᙵ ᓄᕙᒡᔪᐊᕐᓇᖅ-19 ᐋᓐᓂᐊᕕᒡᔪᐊᕐᓇᖅᑕᖃᓕᕐᑎᓪᓗᒍ, ᓇᓗᓇᕈᓐᓃᕐᒥᔪᖅ ᐱᐅᔪᓂᒃ ᐃᑭᐊᕐᕕᖃᕐᓂᖅ ᐱᓕᕆᐊᖃᕐᓂᕐᒨᖓᓚᐅᕐᑐᖅ ᒫᓐᓇᓕ ᐱᓪᓚᕆᖕᓄᑦ ᐱᔨᑦᑎᕋᐅᑎᓅᖓᓕᕐᓂᖓᓂᒃ. ᓄᓇᕕᒻᒥᐅᑦ ᐱᔪᓐᓇᐅᑎᖃᕈᓐᓇᕐᓂᖏᓐᓂᒃ ᐊᑐᕐᑐᒥ ᐃᑭᐊᕿᕕᖃᕐᓂᕐᒥ ᐱᖃᖅᑎᑕᐅᓯᒪᙱᑦᑐ ᐊᒻᒪᓗ ᑕᐃᒪᐃᓐᓂᖓᓄᑦ, ᓈᒻᒪᙱᓐᓂᒃᑯᑦ ᐊᒃᑐᐃᒍᑎᖃᓕᕐᒪᑦ ᐃᓕᓐᓂᐊᕈᑎᑦᑎᓐᓄᑦ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔾᔪᑎᓄᑦ, ᓴᓇᕝᕕᖕᓄᑦ ᐊᒻᒪ ᑮᓇᐅᔭᓕᐅᕋᓱᖕᓂᕐᒧᑦ ᐊᒻᒪᓗ ᐱᓗᐊᕐᑐᒥ ᐃᓱᒪᑦᑎᓐᓄᑦ ᖃᓄᐃᑦᑕᐃᓕᓂᕐᒧᑦ ᐊᒻᒪ ᖃᓄᐃᖏᓐᓇᓱᖕᓂᕐᒧᑦ ᓄᓇᕕᒻᒥᐅᑕᓂᒃ.
ᑎᓯᐱᕆ 2016-ᒥᑦ, ᔮᓐ-ᐱᐊ ᐸᓚᐃ, ᐃᒃᓯᕙᐅᑕᕆᔭᐅᔪᖅ ᑲᓇᑕᒥ ᓈᓚᐅᑎᓄᑦ-ᑕᓚᕖᓴᓄᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ ᑲᒥᓴᓐᑯᓐᓄᑦ, ᐅᖃᓚᐅᕐᓯᒪᖕᒪᓐ ᐅᓇ ᒐᕙᒪᑐᖃᒃᑯᓐᓄᑦ ᐱᓕᕆᕝᕕᐅᔪᖅ ᐊᑐᓕᖅᑎᑦᑎᓂᕋᖅᖢᓂᒋᑦ ᓄᑖᒥ ᒪᓕᒐᒥᑦ ᐃᒪᓐᓇ ᓱᒃᑲᔪᒥ ᐃᑭᐊᕿᕕᖃᕐᓂᖅ ᐱᔨᑦᑎᕋᐅᑎᒻᒪᕆᐅᖕᒪᑦ ᐃᓅᓯᕐᒧᑦ ᐱᐅᓯᕚᓪᓕᕈᑎᐅᓪᓗᓂ ᑲᓇᑕᒥᐅᑕᓕᒫᓄᑦ. ᑕᒪᒃᑯᐊᓕ ᒐᕙᒪᑐᖃᒃᑯᑦ, ᐳᕌᕕᓐᓯᑎᒍᑦ ᐊᒻᒪ ᐊᕕᒃᑐᕐᓯᒪᓂᒃᑯᑦ ᒐᕙᒪᐅᔪᑦ ᐱᓕᕆᐊᖃᕋᓗᐊᕐᑎᓪᓗᒋᑦ ᐃᑭᐊᕿᕕᒃᒧᑦ ᐱᓕᕆᐊᒥ, ᐊᕐᕌᒍᑦ ᑕᓪᓕᒪᑦ ᐊᓂᒍᕐᓯᒪᓕᕐᑎᓪᓗᒍ ᓄᓇᕕᒻᒥᐅᑦ ᓱᓕ ᐊᑐᐃᓐᓇᖃᙱᑦᑐᑦ ᐊᑐᒐᒃᓴᐅᙱᓐᓇᐅᔭᕋᔭᕐᑐᒥ ᓱᒃᑲᔪᒥ ᐃᑭᐊᕿᕕᒃᒥᑦ.
ᓱᒃᑲᔪᖅ ᐱᐅᓪᓗᓂ ᐃᑭᐊᕿᕕᖃᕐᓂᖅ ᓄᓇᕕᒻᒥ ᐱᐅᓯᕚᓪᓕᖅᑎᑦᑎᒻᒪᕆᒃᑲᔭᕐᑐᖅ ᐃᓅᓯᕐᒥ ᑕᒪᐃᓐᓂ, ᐱᓗᐊᕐᑐᒥ ᓄᓇᖃᕐᑐᓄᑦ ᐅᐸᒃᑕᐅᓴᕋᐃᙱᑦᑐᓃᑦᑐᓂᒃ. ᐊᒻᒪᓗ, ᓱᒃᑲᔪᑦ ᐊᑐᐃᓐᓇᐅᙱᓐᓇᐅᔭᕐᑐᖅ ᐃᑭᐊᕿᕕ ᐱᕕᖃᕈᑎᐅᔪᓐᓇᕋᔭᕐᑐᖅ ᓄᓇᕕᒻᒥᐅᓂᒃ ᓄᓇᕐᔪᐊᒥᐅᓄᑦ ᐊᑦᑕᑕᖃᑦᑕᐅᑎᔪᓐᓇᕐᓯᒍᑎ.
ᒫᓐᓇ ᐱᐊᓂᒐᓱᒃᑲᒃᑯ ᐊᕐᕌᒍ ᑎᓴᒪᒋᔭᕋ ᔫᓂᕘᓯᑎᒥ ᐃᓕᓐᓂᐊᕆᐊᕐᓯᒪᓂᓐᓂ ᐅᑯᓇᓂ ᐃᓕᓐᓂᐊᓕᓵᕐᑐᓂᒃ ᐊᒻᒪ ᐃᓕᓐᓂᐊᕐᑐᓂᒃ ᒥᑭᓐᓂᕐᓴᓂ ᐃᓕᓴᐃᔨᐅᓂᕐᒧᑦ ᐃᓕᓐᓂᐊᒐᒃᓴᓂ ᐅᕙᓂ ᒪᒋᐅᓪ ᔫᓂᕘᓯᑎᒥ. ᐱᔾᔪᑎᒋᓪᓗᒍ ᒫᓐᓇ ᓄᕙᒡᔪᐊᕐᓇᖅ-19 ᐋᓐᓂᐊᕕᒡᔪᐊᕐᓇᖅ, ᑕᒪᕐᒥᒃ ᐃᓕᓐᓂᐊᒐᒃᓴᒃᑲ ᖃᕋᓴᐅᔭᒃᑰᕆᐊᖃᕐᒪᑕ. ᐊᓯᒃᑲᓕ ᐃᓕᓐᓂᐊᕐᑎᓪᓗᒋ ᐊᖏᕐᕋᖏᓐᓂᒃ ᐊᒻᒪ ᐃᓚᖏᓐᓃᑎᓪᓗᒋ, ᐊᔪᕐᓇᖅᑐᕈᓗᖕᒥ ᐃᓱᒪᓕᐅᕆᓚᐅᕋᒪ ᐃᓚᒃᑲ ᕿᓚᒡᓗᒋᑦ ᐃᓄᑑᓗᖓ ᒪᓐᑐᕆᐊᒦᓐᓂᐊᕐᓗᖓ ᐅᓇ ᐃᑭᐊᕿᕕᒃ ᓄᓇᕕᒃᒥ ᓈᒻᒪᙱᓕᐅᕈᑎᖃᕐᓇᓗᐊᕐᓂᖓᓄᑦ ᐃᓕᓐᓂᐊᕈᑎᒋᔭᓐᓂ ᖃᕋᓴᐅᔭᒃᑯ ᓈᒻᒪᙱᓕᐅᕈᑎᐅᓇᔭᕐᒪ. ᐃᓚᐅᖃᑕᐅᔪᓐᓇᕋᔭᓚᐅᙱᓐᓇᒪ ᔫᒻᑯᑦ ᐃᓕᓐᓂᐊᕈᑎᒃᓴᓂᒃ, ᐊᒻᒪᓘᓐᓃᑦ ᖃᐅᔨᓴᕆᐊᓕᖕᓂ ᖃᐅᔨᓇᓱᒍᓐᓇᙱᓪᓗᖓ ᐱᐅᓂᒍᑎᒋᓇᔭᕐᑕᓐᓂ ᐊᓂᒍᐃᑦᑎᐊᕐᓂᒃᑯᑦ ᐃᓕᓐᓂᐊᖅᑕᓐᓂ.
ᓄᓇᕕᒻᒥᐅᓄᓪᓕ, ᐊᑐᐃᓐᓇᖃᕐᓂᖅ ᓱᒃᑲᔪᒥ ᐱᐅᔪᒥ ᐃᑭᐊᕿᕕᒃᒥ ᐊᑐᐃᓐᓇᖃᕈᑎᐅᔪᓐᓇᕐᒥᖕᒪ ᐃᓱᒪᓕᕆᓂᕐᒧᑦ ᐋᓐᓂᐊᖃᖅᑕᐃᓕᓂᕐᒧᑦ ᐱᔨᑦᑎᕋᐅᑎᓂᒃ. ᐱᑕᖃᙱᓗᐊᖃᑦᑕᐃᓐᓇᕐᒪᑦ ᐃᓱᒪᓕᕆᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᓄᓇᕕᒻᒥ. ᐊᒻᒪᓗ ᐊᒃᓱᕈᕐᓇᖅᐸᒃᖢᓂ ᐃᓱᒪᓕᕆᓂᕐᒥ ᐱᓕᕆᐊᖃᒻᒪᕆᒃᑐᓂᒃ ᓄᓇᓕᕐᓅᐊᖅᑎᑦᑎᔭᕆᐊᒃᓴᖅ ᐊᒻᒪ ᑕᒫᓂ ᑲᒪᒋᔭᐅᔭᕆᐊᓕᖕᓂ ᖃᐅᔨᓴᕈᓐᓇᑦᑎᐊᕐᓗᓂ ᓈᒻᒪᒃᑐᓂ ᑲᒪᒋᔭᐅᔾᔪᑎᒃᓴᓂᒃ ᐱᓕᕆᐊᖑᔭᐅᑎᑦᑎᔪᓐᓇᖅᑐᓂᒃ. ᑭᓯᐊᓂᓕ ᐅᓇ ᓄᕙᒡᔪᐊᕐᓇᖅ-19 ᐋᓐᓂᐊᕕᒡᔪᐊᕐᓇᖅ ᓴᖅᑭᑎᑦᑎᒍᑎᐅᓚᐅᕐᒪᓐ ᐅᖃᖃᑎᖃᕈᓐᓇᕐᓂᕐᒥᑦ ᐃᓱᒪᓕᕆᓂᕐᒧᑦ ᐊᑐᕐᓗᑎᒃ ᔫᒻᒥᒃ (Zoom), ᑭᓯᐊᓂᓕ ᐋᒃᑯ ᓄᓇᕕᒻᒥᐅᑦ. ᐅᓇ ᐱᐅᙱᓗᐊᕐᓂᖓ ᐃᑭᐊᕿᕕᐅᑉ ᓴᖅᑭᔮᕈᓐᓇᕐᓂᖓ ᓄᓇᕕᒻᒥᐅᓂᒃ ᐊᑐᐃᓐᓇᖃᖅᑎᑦᑎᙱᒻᒪᑦ ᐃᓱᒪᓕᕆᓂᕐᒧᑦ ᐋᓐᓂᐊᖃᖅᑕᐃᓕᓂᕐᒥ ᐱᔨᑦᑎᕋᐅᑎᓂ.
ᐊᑐᐃᓐᓇᖃᕈᓐᓇᕐᓂᖅ ᓱᒃᑲᔪᒥ ᐱᐅᔪᒥ ᐃᑭᐊᕿᕕᒃᒥ ᐱᕕᖃᕈᑎᐅᔪᓐᓇᕋᔭᕐᒪᑦ ᓄᓇᕕᒻᒥᐅᓂᒃ ᐃᓱᒪᓕᕆᓂᕐᒧᑦ ᐋᓐᓂᐊᖃᕐᑕᐃᓕᓂᕐᒥᒃ ᐱᔨᑦᑎᕋᐅᑎᓂ. ᐅᓇᑦᑕᐅᖅ ᐃᓚᒋᔭᐅᔪᖅ ᓄᓇᕕᒻᒥᐅᑦ ᐱᔪᓐᓇᐅᑎᖃᕐᓂᖏᓐᓂᒃ ᐋᓐᓂᐊᖃᖅᑕᐃᓕᓂᕐᒧᑦ ᑲᒪᒋᔭᐅᔭᕆᐊᖃᕐᓂᕐᒥ ᓈᒻᒪᙱᓕᐅᕈᑎᒋᖕᒥᔭᖓᑦ.
ᑕᐃᒪᓕ ᐱᔪᒪᒐᒪ ᓱᖅᑯᐃᓇᑦᑎᐊᖅᑐᓂᒃ, ᓴᖅᑭᔮᑦᑎᐊᖅᑐᓂᒃ ᐊᒻᒪᓗ ᑭᖑᕙᕐᓯᒪᙱᑦᑐᓂᒃ ᑭᒃᑯᓕᒫᓅᖓᔪᓂᒃ ᐅᓂᒃᑳᓂ ᐅᑯᓄᖓ ᑕᒪᐃᓐᓄᓕᒫᖅ ᓄᓇᓕᖕᓃᑦᑐᓄᑦ ᐊᒻᒪ ᐅᐸᒐᒃᓴᐅᓂᕐᓴᓄᑦ ᓄᓇᓕᖕᓄ ᑲᓇᑕᒦᑦᑐᓂ ᖃᓄᖅ ᐅᑯᐊ ᒐᕙᒪᑐᖃᒃᑯᑦ ᐊᒻᒪ ᐳᕌᕕᓐᓯᑎᒍᑦ ᒐᕙᒪᐅᔪᑦ ᖃᓄᐃᑉᐸᓪᓕᐊᓕᕐᓂᖏᓐᓂᒃ ᐱᓇᓱᖕᓂᐊᕐᓂᕋᓚᐅᕐᓯᒪᔭᖓᓂᑦ ᓱᒃᑲᔪᒥᑦ ᐱᐅᓗᓂ ᐃᑭᐊᕿᕕᖃᖅᑎᑦᑎᓂᕐᒥᒃ ᑲᓇᑕᒥᐅᑕᓂᒃ.
ᐋᓐᑐᕆᐊ ᐳᕌᔫ
ᒪᓐᑐᕆᐊᓪ
ᖃᕋᓴᐅᔭᒃᑯᑦ ᑎᑎᕋᕈᓐᓇᖅᑐᓯ ᐋᖅᑭᒃᓱᐃᔨᒧᑦ ᐅᕗᖓ [email protected]
ᓄᓇᑦᓯᐊᕐᒥ ᐱᕙᓪᓕᐊᔪᑦ ᑐᙵᓱᒃᑎᑦᑎᔪᑦ ᑎᑎᕋᕈᒪᔪᓂᒃ ᐋᖅᑭᒃᓱᐃᔨᒧᑦ, ᑭᓯᐊᓂᓕ ᓇᓕᐊᓐᓂᑦ ᓴᖅᑭᑎᑦᑎᑐᐃᓐᓇᖃᑦᑕᙱᓐᓇᑦᑕ ᖃᖓᑐᐃᓐᓇᒃᑯᑦ.
ᑕᒪᕐᒥ ᑎᑎᕋᖅᑕᐅᔪᑦ ᐋᖅᑭᒋᐊᖅᑕᐅᖃᑦᑕᖅᑐᑦ ᑕᑭᓂᖓᒍᑦ, ᐅᖃᐅᓯᖓᒍᑦ, ᓄᖅᑲᖅᑕᕐᕕᐅᒋᐊᓕᒃᑯᑦ, ᑎᑎᕋᖅᑕᐅᓯᒪᓂᖓᒍᑦ, ᑐᓴᕈᒥᓇᕐᓂᖓᒍᑦ ᐊᒻᒪᓗ ᐱᑦᑎᐊᕐᓯᒪᙱᓐᓂᕐᐸᑕ, ᑭᓯᐊᓂᓕ ᖃᐅᔨᒪᖃᑦᑕᕆᐊᖃᕋᑦᑕ ᑭᓇᐅᓂᕐᓂ ᑎᑎᕋᖅᑕᑎᑦ ᓴᖅᑭᑎᓚᐅᙱᓐᓂᑦᑎᓐᓂ.
(0) Comments