ᖁᑦᑎᒃᓯᕙᓪᓕᐊᔪᑦ ᕿᑐᕐᖏᐅᕈᑎᓄᑦ ᐊᑭᓕᐅᑎᒃᓴᑦ ᐊᒃᑐᐃᔾᔮᕋᓱᒋᔭᐅᙱᑦᑐᑦ ᓄᓇᕗᒥᑦ ᐃᒡᓗᐃᑦ ᐊᑭᖏᓐᓂᒃ
ᓄᓇᕗᒥᑦ ᐃᒡᓗᓂᒃ ᐊᒥᒐᖅᓯᑲᑕᖕᓂᖅ ᐊᒃᑐᐃᓂᖃᕐᓂᖅᓴᐅᕗᖅ ᐊᑭᖏᓐᓄᑦ, ᐅᖃᖅᑐᖅ ᐃᖃᓗᖕᓂ ᑮᓇᐅᔭᒃᑯᕕᒃᒧᑦ ᐊᐅᓚᑦᑎᔨ
ᐊᑭᑦᑐᖅᐸᓪᓕᐊᓂᖓ ᐃᒡᓗᒃᓴᓄᑦ ᐊᑐᖅᑕᐅᕙᒃᑐᑦ ᓱᒃᑲᐃᑉᐹᓪᓕᕈᑎᐅᕗᖅ ᓄᓇᕗᒥᑦ ᐃᒡᓗᓕᐅᕐᓂᕐᒥᒃ. (ᐊᔾᔨᓕᐅᕆᔨ ᒥᓚᓂ ᐅᕆᑦᓵᑦ)
For an English version of this story, see Rising interest rates not expected to dampen Nunavut house prices
ᖁᑦᑎᖕᓂᕐᓴᐃᑦ ᕿᑐᕐᖏᐅᕈᑎᓄᑦ ᐊᑭᓕᐅᑎᒃᓴᑦ ᐊᒃᑐᐃᓂᑲᓗᐊᔾᔮᙱᑦᑐᑦ ᓄᓇᕗᒥᑦ ᓇᖕᒥᓂᖅ ᐃᒡᓗᓕᕆᓂᕐᒧᑦ ᐱᔾᔪᑎᖃᖅᖢᓂ ᐃᒡᓗᑖᕈᒪᔪᑦ ᐅᓄᕐᓂᖏᓐᓄᑦ ᐊᒻᒪᓗ ᓂᐅᕕᐊᒃᓴᖃᖅᑐᖃᙱᓗᐊᖅᖢᓂ, ᐅᖃᖅᑐᖅ ᐃᖃᓗᖕᓂᒃ ᑮᓇᐅᔭᒃᑯᕕᒃᒧᑦ ᐊᐅᓚᑦᑎᔨᒃ ᐆᒥᖓ ᓄᓇᖃᖅᑳᖅᑐᑦ ᑮᓇᐅᔭᒃᑯᕕᖓ ᑲᓇᑕᒥ (First Nations Bank of Canada).
“ᓇᓕᐊᒃ ᓄᓇᓕᒃ ᓈᒻᒪᒃᑐᓂ ᐃᒡᓗᖃᙱᑦᑐᑦ ᐃᓄᖏᓐᓄᑦ, ᑭᒃᑯᑐᐃᓐᓇᕐᓅᕋᓗᐊᖅᐸᑦ, ᐃᓄᓕᕆᓂᒃᑯᑦ
ᐃᖃᓗᖕᓂ ᐱᖓᓱᓂᒃ ᐃᒡᓗᕈᓯᖃᕐᑐᖅ ᐃᒡᓗ ᓂᐅᕕᐊᒃᓴᐅᓚᐅᕐᑐᖅ $718,000 ᖃᖓᑦᑎᐊᓵᖅ.
ᐊᓯᖏᓐᓂᓪᓕ ᑲᓇᑕᒥ ᐊᒻᒪᓗ ᐃᒡᓗᒃᓴᖃᐅᕐᓂᖅᓴᐅᓪᓗᑎ ᓂᐅᕕᐊᒃᓴᓂᒃ, ᕿᑐᕐᖏᐅᕈᑎᓄᑦ ᐊᑭᓕᐅᑎᒃᓴᓄᑦ ᖁᕝᕙᖅᐸᓪᓕᐊᓂᖏ ᓄᖅᑲᕐᔫᒥᓂᐊᕐᒥᔪᖅ ᐃᒡᓗᑖᕈᒪᔪᑦ ᓄᖅᑲᕐᔫᒥᒃᐸᑕ, ᐅᖃᖅᑐᖅ ᒎᒻᔅ.
ᑭᓯᐊᓂᓕ ᑕᒪᓐᓇ ᐱᔭᕆᑐᓂᕐᓇᐅᖕᒪᑦ ᐃᖃᓗᖕᓂ, ᐅᖃᖅᑐᖅ. ᐃᒡᓗᐃᑦ ᐊᒥᒐᑐᐃᓐᓇᙱᓚᑦ ᑭᓯᐊᓂᓕ ᓄᓇᓕᐸᐅᔭᐃᑦ ᐃᒪᖃᖅᑎᑦᑎᓂᖓ ᒪᓕᒋᐊᖃᕋᔭᕐᒪᑦ ᐃᒡᓗᓕᐊᕆᔭᐅᕙᓪᓕᐊᔪᓄᑦ ᐅᓄᕐᓯᕙᓪᓕᐊᓂᖏᓐᓄᑦ ᑕᕝᕙᓂ ᓄᓇᖃᕐᑐᑦ.
ᐅᕌᐳᑦ ᕼᐆᒡ, ᑮᓇᐅᔭᒃᑯᕕᒃᒧᑦ RBC-ᑯᓐᓄ ᒪᒥᒪᔾᔪᑎᓕᕆᓂᕐᒥᒃ ᐱᓕᕆᔨᒻᒪᕆᒃ, ᐅᖃᓚᐅᕐᑐᖅ ᑖᓐᓇ ᑮᓇᐅᔭᒃᑯᕕᖓ ᐹᖕᒃ ᐊᕝ ᑲᓇᑕᒥ ᐱᖓᓱᐃᕐᓗᓂ ᕿᑐᕐᖏᐅᕈᑎᓄᑦ ᐊᑭᓕᐅᑎᒃᓴᓂᒃ ᖁᕝᕙᕆᐊᖅᑎᑦᑎᓇᔭᕆᐊᒃᓴᖓᓂᒃ 2022-ᒥ, ᑖᒃᑯᐊᓗ ᖁᕝᕙᕆᐊᖅᑕᖅᐸᒡᓗᑎᒃ 0.25 ᐳᓴᓐᑎᒥ. ᖁᕝᕙᓯᖕᓂᕐᓴᐃᑦ ᕿᑐᕐᖏᐅᕈᑎᓄᑦ ᐊᑭᓕᐅᑎᒃᓴᑦ ᑐᑭᖃᕋᔭᕐᒥᔪᖅ ᐃᒡᓗᓄᑦ ᐊᑭᓕᐅᑎᐅᕙᓪᓕᐊᖃᑦᑕᖅᑐᑦ ᖁᕝᕙᖅᐹᓪᓕᕋᔭᕐᓂᖏᓐᓂᒃ ᓇᖕᒥᓂᖃᖅᑐᓄᑦ ᐊᒻᒪ ᓂᐅᕕᕈᒪᓇᔭᖅᑐᓄᑦ.
3,000 ᐅᖓᑖᓂ ᓄᑖᓂᒃ ᐃᒡᓗᑖᕆᐊᖃᕐᒪᑕ ᓄᓇᕗᒥᑦ ᐱᔭᐅᔭᕆᐊᖃᕐᓂᖏᑦᑎᒍᑦ, ᐅᕘᓇᓕ ᓄᓇᕗᒥᑦ ᒐᕙᒪᒃᑯᑦ ᐅᓂᒃᑳᓕᐊᕆᓯᒪᔭᖏᓐᓂᒃ.
ᓄᓇᕗᒥᑦ ᐃᒡᓗᑖᕆᐊᖃᒻᒪᕆᒃᑎᓪᓗᒋᑦ, ᐅᑯᐊ ᓄᓇᕗᒥᑦ ᐃᒡᓗᓕᕆᔨᕐᔪᐊᒃᑯᑦ ᑭᒃᑯᓕᒫᓄᑦ ᐃᒡᓗᒃᓴᓂᒃ ᐱᓕᕆᐊᖃᕐᓂᕐᓴᐅᖕᒪᑕ ᓇᖕᒥᓂᕆᔭᐅᔪᒃᓴᓂᐅᙱᑦᑐᖅ, ᐅᖃᖅᑐᖅ ᓄᓇᕗᒥᑦ ᐃᔨᓗᓕᕆᔨᕐᔪᐊᒃᑯᑦ ᐊᐅᓚᑦᑎᔨᖓ ᓯᑏᕙᓐ ᕼᐆᐃ.
ᕼᐆᐃ ᐅᖃᓚᐅᕐᑐᖅ ᓄᓇᕗᒥᑦ ᐃᒡᓗᓕᕆᔨᕐᔪᐊᒃᑯᑦ ᐸᕐᓇᒐᓱᖕᓂᕋᖅᖢᓂᒋᑦ 50-ᓂ ᐃᒡᓗᒃᓴᓕᐅᕈᒪᓪᓗᑎᒃ ᐅᖓᑖᓂᓪᓘᓐᓃᑦ ᑕᒪᑐᒪᓂ ᐊᕐᕌᒍᒥ. ᐃᑲᔫᑎᒃᓴᒃᑲᓐᓂᕐᓄᑦ ᑕᒪᓐᓇ ᐅᓄᕐᓯᒋᐊᖅᑎᑦᑎᔾᔪᑎᐅᔪᓐᓇᖅᑐᖅ ᐃᒡᓗᓂ ᓴᓇᔭᐅᔪᓂᒃ, ᕼᐆᐃ ᐅᖃᒃᑲᓐᓂᖅᑐᖅ. ᓇᓗᓇᐃᒃᑯᑎᖃᖅᖢᑎ $4.9 ᒥᓕᐊᓐ ᑖᓚᐃ ᐃᒡᓗᒃᓴᓄᑦ ᐃᑲᔫᑎᐅᓚᐅᕐᑐᖅ ᓄᓇᕗᒧᑦ ᑲᓇᑕᒥ ᐃᒡᓗᓕᕆᔨᕐᔪᐊᒃᑯᓐᓂ ᐊᐅᔭᐅᓚᐅᕐᓯᒪᔪᖅ
ᐃᒪᓐᓇᐅᒡᒍᓪᓗᓂ ᐊᕐᕌᒍᒥ, ᐅᑯᐊ ᓄᓇᕗᒥᑦ ᐃᒡᓗᓕᕆᔨᕐᔪᐊᒃᑯᑦ ᓴᓇᓇᔭᖅᖢᑎᒃ 80-ᓂ ᐃᒡᓗᒃᓴᓂᒃ, ᕼᐆᐃ ᐅᖃᖅᑐᖅ. ᑭᓯᐊᓂᓕ ᖁᕝᕙᖅᐸᓪᓕᐊᓂᖓ ᐃᖅᑲᓇᐃᔭᖅᑎᖃᕐᓂᖅ ᐊᒻᒪ ᐱᖁᑎᑦ ᐃᒡᓗᒃᓴᓕᐊᕆᔭᒃᓴᐃᑦ ᐅᑯᓄᖓ ᓄᓇᕗᒥᑦ ᐃᒡᓗᓕᕆᔨᕐᔪᐊᒃᑯᑦ ᐋᖅᑭᒃᓯᓯᒪᙱᒻᒪᑕ ᐊᐅᓚᔾᔪᑎᒃᓴᐅᓇᔭᕐᑐᓂᒃ ᑕᐃᒪᓐᓇᑎᒋ ᐃᒡᓗᓂᒃ ᓴᓇᓂᕐᒧᑦ.
ᐃᓚᒋᔭᐅᓚᐅᕐᑐᕐᓕ ᐱᔾᔪᑎᒋᔭᐅᔪᖅ ᓄᓇᕗᒥᑦ ᐃᒡᓗᓕᕆᔨᕐᔪᐊᒃᑯᑦ ᐊᑭᓕᕐᓱᐃᔪᓐᓇᕋᔭᙱᓐᓂᖏᓐᓂᒃ ᖁᕝᕙᖅᐸᓪᓕᐊᔪᓂᒃ ᐊᑭᓕᐅᑎᒃᓴᓂᒃ ᐋᖅᑭᓯᒪᔪᓂᒃ ᐊᐅᓚᔾᔪᑎᖃᕐᓂᖏᓐᓄᑦ ᐅᓇ ᐊᑭᑦᑐᕆᐊᕈᑎᐅᓇᔭᕐᑐᖅ 2 ᐳᓴᓐᑎᒥ ᐋᖅᑭᒃᑕᐅᓯᒪᓪᓗᓂ. ᑭᓯᐊᓂᓕ ᐊᑭᑦᑐᕆᐊᖅᐹᓪᓕᕐᓂᖏᓐᓄᑦ ᑕᖅᑭᐅᓵᖅᑐᓂᒃ ᐅᑯᐊ ᓇᐃᓴᐃᔨᒃᑯᑦ ᑲᓇᑕᒥ ᐅᖃᓚᐅᕐᑐᖅ ᐊᑐᖅᐸᒃᑐᓄᑦ ᐊᑭᓕᐅᑎᐅᕙᒃᑐᑦ ᖁᕝᕙᖅᐹᓪᓕᓚᐅᕐᓂᖏᓐᓂᒃ 4.7 ᐳᓴᓐᑎᒥ ᐊᕐᕌᒎᓚᐅᕐᑐᒥ ᐅᒃᑑᐱᕆᒥ. ᐅᓇ ᖁᑦᑎᓛᖑᔪᖅ 2003-ᒥ ᐱᒋᐊᖅᑐᓂᒃ.
ᕼᐆᐃ ᐅᖃᓚᐅᕐᑐᖅ ᓄᓇᕗᒥᑦ ᐃᒡᓗᓕᕆᔨᕐᔪᐊᒃᑯᑦ ᕿᓂᕐᓂᕋᖅᖢᓂᒋᑦ ᐱᓕᕆᖃᑎᖏᓐᓂᒃ ᐅᖃᖃᑎᖃᕐᓗᑎᒃ ᐅᑯᑎᑐᓇᖅ ᑲᓇᑕᒥ ᐃᒡᓗᓕᕆᔨᕐᔪᐊᒃᑯᓐᓂᒃ ᖃᐅᔨᓇᓱᒡᓗᑎᒃ ᖃᓄᖅ ᐃᑲᔫᑎᒃᓴᖅᑖᕈᑎᓂ ᐱᑕᖃᕐᒪᖔᑦ ᒪᑯᓄᖓ ᐊᑭᑦᑐᖅᐸᓪᓕᐊᔪᓄᑦ ᐃᒡᓗᖃᕈᑎᓄᑦ.
ᐊᑭᑦᑐᕆᐊᕐᓂᐅᔪᑦ ᐊᒻᒪ ᕿᑐᕐᖏᐅᕈᑎᓄᑦ ᐊᑭᓕᐅᑎᒃᓴᑦ ᖁᕝᕙᖅᐸᑕ ᑕᐃᒪᓕ ᐊᒃᓱᕈᕈᑎᐅᒃᑲᓐᓂᕐᓂᐊᖅᑐᖅ ᓄᓇᕗᒻᒥᐅᓄᑦ ᓇᖕᒥᓂᖅ ᐃᒡᓗᖃᖅᑐᓄᑦ, ᒎᒻᔅ ᐅᖃᖅᑐᖅ, ᒪᐅᓇ ᐃᒡᓗᓄ ᐊᑭᓕᐅᑎᐅᕙᓪᓕᐊᔾᔪᑎᓄᑦ ᐊᒻᒪᓗ ᓴᓂᕐᕙᐃᙱᓐᓂᕐᓴᐅᓕᕐᓗᑎᒃ ᐊᑭᑐᓂᕐᓴᐅᓕᕐᓂᖏᓐᓄᑦ ᒪᑯᐊ ᐅᕐᓱᐊᓗᐃᑦ ᐊᒻᒪ ᓂᖀᑦ.
(0) Comments