ᖁᕐᓗᖅᑑᖅ ᑐᒃᑐᒐᓱᖕᓂᖅ ᒪᑐᔪᖅ 2023-ᒧ
ᑲᑎᖢᑎᒃ 170 ᑐᒃᑐᐃᑦ ᐱᔭᐅᔪᓐᓇᖅᑐᖅ ᑎᑭᑕᐅᓚᐅᕐᒪᑦ, ᐅᖃᕐᑐᑦ ᐊᕙᑎᓕᕆᔨᒃᑯᑦ
ᑐᒃᑐᑕᐅᔪᓐᓇᖅᑐᑦ ᐊᑎᖃᖅᑎᑕᐅᔪᑦ ᐳᓘᓅᔅ-ᑲᓇᖕᓇᕐᒥ ᑐᒃᑐᑕᐅᔪᑦ 2022-23 ᐊᕐᕌᒍᒥ ᖁᕐᓗᖅᑑᕐᒥ ᒪᑐᔭᐅᔪᖅ ᑐᒃᑐᒍᓐᓇᖅᑎᑕᐅᓚᐅᖅᑎᓪᓗᒋᑦ 170-ᓂ ᑎᑭᑎᓪᓗᒍ, ᐊᕙᑎᓕᕆᔨᒃᑯᑦ ᑐᓴᖅᑎᑦᑎᓚᐅᕐᑐᑦ ᐱᓇᓱᐊᕈᓯᐅᓚᐅᕐᑐᒥ. (ᐊᔾᔨᙳᐊᖁᑎᒋᔭᐅᔪᖅ ᓄᓇᑦᓯᐊᕐᒥ ᒐᕙᒪᒃᑯᓐᓂ)
For English version, see Kugluktuk caribou harvest closes for 2023
ᑕᒪᑐᒪᓂᒃ ᐳᓘᓅᑦ-ᑲᓇᕐᓴᕐᒥ ᑐᒃᑐᐃᑦ ᑐᒃᑐᑕᐅᔪᓐᓇᕐᓂᖏᑦ ᖁᕐᓗᖅᑑᖅᒥ ᒪᑐᔪᖅ.
ᓄᓇᕗᒥ ᐊᕙᑎᓕᕆᔨᒃᑯᑦ ᑐᓴᖅᑎᑦᑎᓚᐅᕐᑐᑦ ᓄᖅᑲᖅᑎᑕᐅᓂᖓᓂᒃ ᔪᓂ 14ᒥ ᑐᓴᒐᒃᓴᑎᒍᑦ.
ᓄᓇᓖᑦ ᑐᒃᑐᒍᓐᓇᕐᓂᖏᑦ 170ᓂ ᐊᕐᕌᒍᒧᑦ 2022-23ᒧᑦ ᑎᑭᑕᐅᓚᐅᕐᒪᑦ, ᑕᐃᒪᓐᓇᓗ ᑐᒃᑐᒃᑲᓐᓂᕆᐊᖃᕈᓐᓃᖅᖢᑎᒃ, ᐊᕙᑎᓕᕆᔨᒃᑯᑦ ᑐᓴᒐᒃᓴᑎᒍᑦ ᐅᖃᓚᐅᕐᑐᑦ.
ᐊᒥᐊᒃᑯᒋᔭᐅᔪᑦ ᓂᕕᙵᑕᐃ ᐊᑐᔾᔮᔪᓐᓃᖅᑐᑦ ᐊᒻᒪᓗ ᐅᑎᖅᑎᑕᐅᔭᕆᐊᖃᖅᖢᑎᒃ ᐊᖑᓇᓱᒃᑐᓕᕆᔨᒃᑯᓐᓄᑦ ᐅᕝᕙᓘᓐᓃᑦ ᐆᒪᔪᕐᓂᐊᖅᑎᒃᑯᓐᓄᑦ.
ᑐᒃᑐᒐᓱᒃᑲᓐᓂᕋᓱᒃᑐᑦ ᑖᒃᑯᓂᖓ ᑐᒃᑐᓂ 2022-23 ᐊᕐᕌᒍᒥᑦ ᓱᕋᐃᓂᕋᖅᑕᐅᓕᒑᔪᑦ ᓄᓇᕗᒥᑦ ᐆᒪᔪᓕᕆᔨᕐᔪᐊᒃᑯᑦ ᒪᓕᒐᖓᓂᒃ ᐊᒻᒪᓗ ᐱᕋᔭᒍᑎᐅᓂᕋᖅᑕᐅᔪᓐᓇᖅᖢᑎ ᐊᒻᒪ ᖃᐅᔨᓴᕈᑎᐅᓕᕐᓗᑎᒃ ᐊᒻᒪᓗ ᐸᓯᔭᒃᓴᙳᕈᑎᐅᔪᓐᓇᖅᖢᑎᒃ, ᑐᓴᒐᒃᓴᐃᑦ ᐅᖃᕐᓯᒪᓚᐅᕐᑐᑦ.
ᑲᑎᖢᑎᒃ ᑐᒃᑐᑕᐅᔪᓐᓇᖅᑐᑦ ᐋᖅᑭᒃᑕᐅᓚᐅᕐᓯᒪᔪᑦ ᓄᓇᕗᒻᒥ ᐆᒪᔪᓕᕆᔨᒃᑯᑦ ᑲᑎᒪᔨᖏᓐᓄᑦ ᐃᑲᔪᕋᓲᑎᐅᓪᓗᓂ ᐅᓄᕐᓯᕚᓪᓕᖅᑎᑕᐅᓇᓱᒃᖢᑎᒃ ᐳᓘᓅᔅ-ᑲᓇᖕᓇᕐᒥ ᑐᒃᑐᓂᒃ.
ᐃᓱᒪᒋᔭᐅᖕᒪᑦ ᐅᓇ ᐊᐅᓚᑦᑎᓂᕐᒧᑦ ᐱᓕᕆᐊᖑᓇᓱᒃᖢᓂ ᐅᓄᕐᓯᕚᓪᓕᖅᑎᓐᓇᓱᒃᖢᒋᑦ ᑐᒃᑐᐃᓐᓇ ᓯᕗᕚᕆᔭᐅᔪᑦ ᑐᒃᑐᑲᑕᒍᓐᓇᓚᖁᓪᓗᒋᑦ, ᑐᓴᒐᒃᓴᐃᑦ ᐅᖃᕐᓯᒪᓚᐅᕐᑐᑦ.
(0) Comments