ᖃᖓᑕᓲᑦ ᖃᖓᑕᑲᑕᖕᓂᖏ ᐅᓄᕈᓐᓃᖅᐹᓪᓕᖅᑕᐅᓯᒪᓂᖏᑦ ᑲᔪᓯᑐᐃᓐᓇᕆᐊᓖᑦ ᔫᓂᒧᑦ: ᑲᓃᑎᐊᓐ ᓄᐊᑦ

ᑲᓃᑎᐊᓐ ᓄᐊᑦ ᑲᔪᓯᓂᐊᖅᑐᑦ ᖃᖓᑕᓂᕆᑲᑕᒃᑕᖏᓐᓂᒃ ᐃᖃᓗᐃᓪᓗ ᓄᓇᓖᓪᓗ ᐊᑯᓐᓂᖓᒍ5 ᐅᓄᕈᓐᓃᖅᐹᓪᓕᖅᓯᒪᓂᖏᑦᑎᒍ5 ᔫᓂ ᑎᑭᔾᓗᒍ, ᐅᖃᖅᑐᖅ ᖃᖓᑕᓲᕐᓄᑦ ᐊᖓᔪᖅᑳᑉ ᑐᒡᓕᖓ ᐋᓐᑐᕉ ᐳᐅᑉ.

ᖃᖓᑕᓲᖃᖅᑎᐅᔪᑦ ᐅᓄᕈᓐᓃᖅᐹᓪᓕᖅᑎᑦᑎᓚᐅᖅᑐ ᒫᓂᐸᓗᒃ 35ᐳᓴᓐᑎᒥ ᒪᐃ ᐱᒋᐊᓕᓵᓚᐅᕐᓂᖓᓂᒃ.

“ᑭᓯᐊᓂᓕ ᑕᒪᐃᓐᓄᓕᒫᖅ ᓄᓇᓕᖕᓄᑦ ᖃᖓᑕᖃᑦᑕᖅᑐᒍᑦ ᓱᓕ,” ᐳᐅᑉ ᐅᖃᖅᑐᖅ.

ᒫᓐᓇᐅᔪᕐᓕ ᐱᔨᑦᑎᕋᐅᑎᒋᔭᐅᔪᑦ ᐋᑐᕚᒥᑦ ᐋᑐᕚᒧᑦ ᓱᓕ ᓱᖅᑯᓯᖅᑕᐅᓯᒪᙱᑦᑐᖅ, ᑕᐃᒪᓐᓇᑦᑕᐃᓐᓇᖅᑕᐅᖅ ᐊᐅᓱᐃᑦᑐᕐᒧᓐ ᐊᒻᒪ ᑭᒻᒥᕈᒻᒧᑦ ᓱᖁᓯᕐᓯᒪᙱᒃᑭᓪᓗᓂ.

ᐳᐅᑉ ᐅᖃᓚᐅᖅᑐᖅ ᑲᓃᑎᐊᓐ ᓄᐊᑦᑯᑦ ᓄᖅᑲᖅᑎᑦᑎᔪᒪᙱᓐᓂᕋᖅᖢᑎᒃ ᓇᓕᐊᓐᓂᒃ ᐊᖅᑯᑎᒋᖃᑦᑕᖅᑕᖏᓐᓂᒃ.

ᐸᕐᓇᐅᑎᒋᔭᐅᓚᐅᕐᑐᕐᓕ ᑲᔪᓯᑎᓪᓗᒋᑦ ᖃᖓᑕᓂᐅᕙᒃᑐᑦ ᔪᓚᐃᒥᑦ.

“ᑭᓯᐊᓂᓕ ᑖᓐᓇ ᐅᖃᐅᓯᖅ ᐊᓯᙳᑐᐃᓐᓇᕆᐊᓕᒃ ᒪᓕᒡᓗᓂ ᖃᓄᐃᓕᐅᕐᓂᐊᕐᒪᖔᑕ ᐅᕙᓂ,” ᐳᐅᑉ ᐅᖃᖅᑐᖅ. “ᐅᓄᕐᓂᖅᓴᐃᑦ ᐃᓄᐃᑦ ᐃᖏᕐᕋᑲᑕᓕᖅᐸᑕ ᑕᐃᒪᓕ ᐃᓚᖏᑦ ᖃᖓᑕᓂᐅᕙᒃᑐ ᐅᑎᕐᑎᓐᓇᔭᖅᑕᕗᑦ.”

ᐃᖃᓗᖕᓂ ᓄᕙᒡᔪᐊᕐᓇᖅ-19 ᐋᓐᓂᐊᕕᒡᔪᐊᕐᓇᒥ ᐱᑕᖃᓕᓚᐅᖅᑎᓪᓗᒍ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᐅᓪᓚᕈᓐᓇᙱᑎᑦᑎᓂᖅᓴᐅᓕᓚᐅᖅᑐᑦ ᐃᖃᓗᖕᓂᑦ ᐃᖃᓗᖕᓄᑦ ᑭᓯᐊᓂ ᐱᔭᕆᐊᓕᖕᓄᑦ ᐊᒻᒪ ᐋᓐᓂᐊᕐᕕᓕᐊᕐᓂᕐᒧᑦ ᑕᐃᒪᙵᓂᒃ ᐄᐳᕈᓪ 16-ᖑᓚᐅᖅᑐᒥᓐ.

ᑲᓃᑎᐊᓐ ᓄᐊᑦᑯᑦ ᐱᓕᕆᓯᒪᐃᓐᓇᖅᑐᑦ ᑕᐃᒪᙵᑦ ᒐᕙᒪᒃᑯᑦ ᐋᖅᑭᒃᓱᖅᑕᐅᓯᒪᔪᓂᒃ ᑲᒪᒋᔭᖃᖅᖢᑎᒃ ᐱᔨᑦᑎᕋᐅᑎᓂ ᐊᑐᐃᓐᓇᖃᖅᑎᑦᑎᓇᓱᒃᖢᑎᒃ, ᐳᐅᑉ ᐅᖃᖅᑐᖅ.

ᑭᓯᐊᓂᓕ “ᖃᖓᑕᑲᑕᒋᐊᒃᓴᖅ ᐃᓄᖃᙱᓗᐊᖅᑐᓂᒃ ᖃᖓᑕᓲᓂᒃ ᐃᑲᔪᕈᑎᖃᙱᒻᒪ ᑭᓇᑐᐃᓐᓇᕐᒧᓐ,” ᐅᖃᖅᑐᖅ.

ᒫᓐᓇᒧᓪᓕ, ᐱᔨᑦᑎᕋᐅᑏᑦ ᐅᓄᕈᓐᓃᖅᐹᓪᓕᖅᑎᑕᐅᓯᒪᓂᖓ ᐊᒃᑐᐃᓂᖃᙱᓐᓂᕋᖅᑕᖓ ᐃᖅᑲᓇᐃᔭᖅᑎᓄᑦ, ᐅᖃᖅᑐᖅ ᑐᕇᓴ ᐊᒥᓱᕋᓕ, ᐊᖓᔪᖅᑳᒧᑦ ᐃᑲᔪᖅᑎ ᑲᑐᔾᔨᖃᑎᒌᓄᑦ ᑭᒡᒐᖅᑐᐃᔪᓂᒃ 320-ᓂᒃ ᑲᓃᑎᐊᓐ ᓄᐊᑦ ᐃᖅᑲᓇᐃᔭᖅᑎᖏᓐᓂᒃ, ᐃᓚᖃᖅᖢᓂ ᐅᓯᔭᐅᔪᓂᒃ ᑲᒪᔨᐅᔪᓂᒃ ᐊᒻᒪᓗ ᖃᖓᑦᑕᐅᑎᒃᓴᓕᕆᔨᓂᒃ.

“ᐃᒻᒪᖄᓪᓘᓐᓃᑦ, ᐃᓚᖏᓐᓂᒃ ᐃᖅᑲᓇᐃᔮᖏᓐᓄᑦ ᐅᑎᖁᔨᓯᒪᓕᖅᑐᑦ ᐊᕐᕌᓂ ᓄᖅᑲᖅᑎᑕᐅᓚᐅᕐᓯᒪᔪᓂᒃ ᐊᒻᒪᓗ ᐃᖅᑲᓇᐃᔮᒃᓴᖅᑕᖃᐃᓐᓇᐅᔭᖅᖢᓂ,” ᐅᖃᖅᑐᖅ.