ᐃᖃᓗᐃᑦ ᐱᕗᑦ $600,000−ᓂ ᓄᓇᕗᒻᒥ ᒐᕙᒪᒃᑯᓐᓂ ᑭᐳᒃᓯᓂᕐᒥ ᐊᑭᐅᔪᓂ ᐃᒪᕐᒧᑦ ᑐᐊᕕᕐᓇᕐᓂᐅᔪᒥ ᐊᑭᖏᓐᓂ

ᓄᓇᓕᐸᐅᔭᖅ ᐊᐱᕆᔭᐅᕗᖅ ᐅᑎᖅᑎᕆᓂᕐᒥ $3.5 ᒥᓕᐊᓐᓂ ᐊᑐᓚᐅᖅᑕᒥᓂ ᐃᖃᓗᖕᓂ ᐃᒪᖓ ᐃᒥᒐᒃᓴᐅᙱᑎᓪᓗᒍ ᐅᖅᓱᐊᓗᖕᒥ ᓱᕈᖅᑎᕆᓯᒪᑎᓪᓗᒍ

ᐃᖃᓗᖕᓂ ᒪᐃᔭᖓ ᑲᓂ ᐱᐅᓪ ᐅᖃᓪᓚᒃᐳᖅ ᓄᓇᓕᐸᐅᔭᒥ ᑲᑎᒪᓂᐅᔪᒥ ᔫᓂ 14−ᒥ ᑲᑎᒪᔩᑦ ᐅᖃᐅᓯᖃᓚᐅᕐᓂᖏᓐᓂ $600,000−ᒥ ᐃᑲᔪᖅᓯᕈᑎᒥᒃ ᓄᓇᕗᒻᒥ ᒐᕙᒪᒃᑯᓐᓂ ᑮᓇᐅᔭᓂᒃ ᑭᐳᒃᓯᓂᕐᒥ ᐊᑭᐅᔪᓂ ᐃᓚᒋᔭᐅᔪᓂ ᐃᖃᓗᖕᓂ ᐃᒪᕐᒧᑦ ᑐᐊᕕᕐᓇᕐᓂᐅᔪᒥ. (ᐊᔾᔨᓕᐅᖅᑕᐅᔪᖅ ᐃᐊᒪ ᑐᕌᓐᑐᕐᒧᑦ)

By ᐃᐊᒪ ᑐᕌᓐᑐᕐᒧᒃ

For English version, see Iqaluit gets $600,000 from GN to offset water emergency costs

ᓄᓇᓕᐸᐅᔭᒥ ᐃᖃᓗᖕᓂ ᐱᓚᐅᖅᐳᖅ $600,000−ᓂ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂ ᐃᑲᔪᕐᓂᕐᒧᑦ ᑭᐳᒃᓯᓂᕐᒥ ᐊᑭᐅᔪᓂ ᐃᓚᒋᔭᐅᔪᒥ ᓄᓇᓕᐸᐅᔭᐅᑉ ᐃᒪᕐᒧᑦ ᑐᐊᕕᕐᓇᕐᓂᖓᓂ ᐊᕐᕌᓂᓂ.

ᓄᓇᓕᖕᓂ ᐊᖓᔪᖅᑳᒻᒪᕆᖓ ᐊᐃᒥ ᐃᐅᓪᒍᔅᒪ ᐅᖃᐅᔾᔨᓚᐅᖅᐳᖅ ᓄᓇᓕᐸᐅᔭᒥ ᑲᑎᒪᔨᐅᔪᓂ ᔫᓂ 14−ᒥ ᓄᓇᓕᐸᐅᔭᖅ ᐊᑐᓚᐅᕐᓂᖏᓐᓂ $3.5 ᒥᓕᐊᓐᐸᓗᖕᓂ ᑐᐊᕕᕐᓇᕐᓂᐅᑎᓪᓗᒍ, $2 ᒥᓕᐊᓐᐸᓗᖕᓂ ᓴᓇᓪᓗᓂ ᑮᓇᐅᔭᖅᑖᕆᔭᐅᕙᓪᓕᐊᔪᓂ ᐊᓯᐅᔪᓂ ᐃᒪᕐᒧᑦ ᐊᑭᓕᒐᒃᓴᐅᔪᓂ ᐊᑭᓕᖅᑕᐅᓚᐅᙱᑦᑐᓂ.

ᓄᓇᓕᐸᐅᔭᖅ ᐲᖅᓯᓚᐅᖅᐳᑦ ᑕᒪᒃᑭᓂ ᐃᒪᕐᒧᑦ ᐊᑭᓕᒐᒃᓴᖏᓐᓂ ᐅᒃᑐᐱᕆᒧᑦ ᐊᒻᒪ ᓄᕕᐱᕆᒧᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᖃᐅᔾᔨᓚᐅᖅᑎᓪᓗᒍ ᐃᓄᖕᓂ ᐃᒥᑲᑕᖁᔭᐅᙱᑎᓪᓗᒋᑦ ᐃᒪᕐᒥᓂ ᓱᕈᖅᑎᓯᒪᓚᐅᕐᒪᑦ ᐅᖅᓱᐊᓗᖕᒥ.

ᑐᐊᕕᕐᓇᐅᑎᓪᓗᒍ, ᓄᓇᓕᐸᐅᔭᒥ ᑲᑎᒪᔨᐅᔪᑦ ᐊᔾᔨᒌᒃᑐᒥ ᓂᕈᐊᓚᐅᖅᐳᑦ ᑐᒃᓯᕋᕐᓂᕐᒥ ᓄᓇᕗᒻᒥ ᓄᓇᓕᖕᓂ ᑐᒃᓯᕋᕐᓂᐅᔪᒥ ᐃᑲᔪᖅᓯᖅᑕᐅᓂᕐᒧᑦ ᐱᓕᕆᐊᖑᔪᒥ ᐅᑎᖅᑎᕆᓂᐅᔪᒥ ᑕᐃᒃᑯᓄᖓ ᐊᑭᐅᔪᓄᑦ.

ᒪᐃᔭ ᑲᓂ ᐱᐅᓪ ᐅᖃᐅᔾᔨᓚᐅᖅᐳᖅ ᑮᓇᐅᔭᑦ ᓄᓇᕗᒻᒥ ᒐᕙᒪᒃᑯᓐᓂ “ᐃᑲᔪᕐᓂᕐᔪᐊᖑᓚᐅᖅᑎᓪᓗᒍ,” “ᓄᒫᓇᒐᓚᒃᐳᖅ.”

“ᐅᕙᑦᑎᓐᓂ ᑐᓂᓯᙱᓗᐊᕐᓂᖃᖅᐳᑦ ᑮᓇᐅᔭᓂ, ᐸᓯᔭᒃᓴᐅᙱᑎᓪᓗᑕ,” ᐅᖃᓚᐅᖅᐳᖅ.

“ᑕᐃᒃᑯᐊ ᓴᐅᓯᓚᐅᖅᑐᓂ ᖃᑦᑖᓗᖕᒥ, ᐸᓯᔭᒃᓴᐅᕗᑦ,” ᐃᓚᒋᐊᖅᓯᓚᐅᖅᐳᖅ, ᐅᖃᐅᓯᖃᖅᑐᒥ ᓄᓇᐅᑉ ᐊᑖᓂ ᐅᖅᓱᐊᓗᖃᐅᑎᒥᒃ ᖃᑦᑖᓗᖕᒥ ᓴᓂᓕᐊᓂ ᐃᒪᕐᒧᑦ ᓴᓗᒻᒪᖅᓴᐃᕝᕕᖕᒥ ᐱᓕᕆᕝᕕᖕᒥ ᐃᓱᒪᒋᔭᐅᓚᐅᖅᑐᒥ ᓇᑭᙶᕐᓂᖓᓂ ᓱᕈᖅᑎᕆᓂᐅᔪᒥ.

ᒪᐃᔭᐅᑉ ᑐᖓᓕᖓ ᓵᓚᒪᓐ ᐊᕙ ᐅᖃᓚᐅᖅᐳᖅ ᓄᓇᕘᑉ ᓄᓇᒥ−ᐊᑐᕐᓂᕐᒧᑦ ᐸᕐᓇᐅᑎᖓ ᒫᓐᓇᐅᔪᒥ ᕿᒥᕐᕈᔭᐅᕙᓪᓕᐊᕗᖅ ᐊᒻᒪ ᐃᓚᒋᔭᐅᓪᓗᓂ ᑖᔅᓱᒥᖓ, ᒐᕙᒪᑐᖃᒃᑯᓐᓂ ᑮᓇᐅᔭᓂ ᐊᑐᐃᓐᓇᖅᑕᖃᖅᐳᖅ ᓴᓗᒻᒪᖅᓴᐃᓂᕐᒥ ᐃᓂᐅᔪᓂ ᓄᓇᕗᒻᒥ.

“ᐃᒻᒪᖄ ᑕᐃᑯᖓ ᖃᐅᔨᒋᐊᕈᓐᓇᖅᐳᒍᑦ ᐊᒻᒪ ᐱᓇᓱᐊᕐᓗᑕ ᑮᓇᐅᔭᓂᒃ ᑕᐃᑲᙵᑦ,” ᐊᕙ ᐅᖃᓚᐅᖅᐳᖅ.

ᑲᑎᒪᔨ ᑲᐃᔪᓪ ᓯᐊᐳᑦ ᐅᔾᔨᕆᓚᐅᖅᐳᖅ ᑮᓇᐅᔭᖃᖅᑎᑕᐅᓂᖅ ᐊᑭᓖᔾᔮᙱᓐᓂᖓᓂ ᓄᓇᓕᐸᐅᔭᐅᑉ ᑕᒪᒃᑭᖅᑐᒥ ᐊᑭᖓᓐᓂ, ᐃᓱᒪᒋᔪᓐᓃᖅᓯᓂᕐᒥ ᐃᒪᒧᑦ ᐊᑭᓕᒐᒃᓴᓄᑦ ᐃᓱᒪᓕᐊᖑᓚᐅᖅᐳᖅ ᑲᑎᒪᔩᑦ ᐱᓕᕆᓚᐅᖅᑕᖏᓐᓂ ᑲᑎᙵᓪᓗᑎᒃ.

“$2 ᒥᓕᐊᓐᑲᓴᖕᓂ ᑕᐃᔅᓱᒥᖓ ᑭᐅᓂᐅᔪᒥ ᑐᕌᖓᔪᒥ ᓂᕈᐊᕐᓂᐅᓚᐅᖅᐳᖅ ᑲᑎᒪᔨᐅᔪᓄᑦ … ᖃᐅᔨᒪᑦᑎᐊᖅᖢᑎᒃ ᐱᕕᖃᕐᓂᖓᓂ ᐅᑎᖅᑎᕆᓂᕐᒥ ᑕᐃᒃᑯᓂᖓ ᑮᓇᐅᔭᓂ ᐊᔪᕐᓇᑦᑎᐊᐸᓗᒃᑲᔭᕐᓂᖓᓂ,” ᐅᖃᓚᐅᖅᐳᖅ.

ᓯᐊᐳᑦ ᐅᖃᓚᐅᕆᕗᖅ ᑮᓇᐅᔭᑦ “ᐊᖏᔪᐊᓘᓐᓗᓂ ᐃᑲᔫᓯᐊᖑᓚᐅᖅᐳᖅ.”

“ᐃᓱᒪᓕᐊᑦ ᓴᓇᕙᒃᑕᕗᑦ ᖃᓄᐃᓐᓂᖃᖅᓯᒪᕗᑦ ᐊᒻᒪ ᐅᓇ ᐊᑕᐅᓯᐅᖃᑕᐅᓂᐊᖅᐳᖅ ᑕᐅᑦᑐᖓᓂ,” ᐅᖃᓚᐅᖅᐳᖅ.

Share This Story

(0) Comments