ᐸᓖᓯᒃᑯᑦ ᓇᓗᓇᐃᕐᓯᕗᑦ ᐸᓯᔭᒃᓴᒥᒃ ᐊᒻᒪ ᑐᖁᑕᐅᔪᒥᒃ ᑰᔾᔪᐊᖅᒥ ᑯᑭᕐᓴᖅᑐᖃᖅᑎᓪᓗᒍ

ᔫᐱ ᐹᐸᒃ, 18, ᐸᓯᔭᒃᓴᙳᖅᑎᑕᐅᔪᖅ ᑐᖂᑦᑎᓂᖓᓂᒃ ᔭᐃᒻᔅ ᐃᑦᑐᓚᒃᒥ 41ᓂ ᐊᕐᕌᒍᓕᒃ

ᑯᐸᐃᒃ ᐸᓖᓯᒃᑯᑦ ᓇᓗᓇᐃᕐᓯᓚᐅᕐᑐᑦ ᐸᓯᔭᒃᓴᒥᒃ ᐊᒻᒪ ᑐᖁᑕᐅᔪᒥᒃᒃ ᑎᓯᐱᕆ 6ᒥ ᖁᑭᕐᓴᖅᑐᖃᖅᑎᓪᓗᒍ ᑰᔾᔪᐊᖅᒥ. (ᐊᔾᔨᙳᐊᖅ ᐅᑯᓴᖓᙵᑦ Sûreté du Québec)

By ᔨᐊᕝ ᐱᐊᑦᓯᐄ
ᓄᓇᓕᖕᓂ ᑐᓴᒐᒃᓴᓕᐅᕐᑎᐅᓂᕐᒧᑦ ᐱᓕᕆᐊᒃᓴᓄᑦ ᑐᓴᒐᒃᓴᓕᐅᕐᑎ

For English version, see Police identify suspect, victim in fatal Kuujjuaq shooting

ᑯᐸᐃᒃᒥ ᐸᓖᓯᒃᑯᑦ ᓇᓗᓇᐃᕐᓯᓚᐅᕐᑐᑦ ᐸᓯᔭᒃᓴᒥ ᐊᒻᒪ ᑐᖁᑕᐅᔪᒥᒃ ᖁᑭᕐᓴᖅᑐᖃᖅᑎᓪᓗᒋ ᑎᓯᐱᕆ 6ᒥ ᑰᔾᔪᐊᖅ ᑐᔪᕐᒥᕕᐅᑉ ᓯᓚᑎᑦᑎᐊᖓᓂᒃ.

ᔫᐱ ᐹᐸᒃ, 18, ᐸᓯᔭᒃᓴᙳᖅᑎᑕᐅᔪᖅ ᑐᖂᑦᑎᓂᖓᓂᒃ, ᐅᖃᓚᐅᕐᑐᑦ ᑯᐸᐃᒃᒥ ᐸᓖᓯᒃᑯᑦ ᐅᖃᓪᓚᒃᑎᖓ ᓵᔭᓐᑦ ᓈᓐᓯ ᕘᓂᐃ.

ᖃᕋᓴᐅᔭᒃᑯᑦ ᑎᑎᖃᑎᒍᑦ, ᕘᓂᐃ ᓇᓗᓇᐃᕐᓯᒪᐅᕐᒥᔪᖅ 41ᓂ ᐊᕐᕌᒍᓕᒃ ᔭᐃᒻᔅ ᐃᑦᑐᓚᒃ ᑐᖁᑕᐅᓂᖓᓂᒃ ᖃᓄᐃᓕᐅᕈᑎᒥᓐ.

ᐹᐸᒃ ᐃᖅᑲᖅᑐᐃᕕᒃᒧᐊᓚᐅᕐᑐᖅ ᑎᓯᐱᕆ 7ᒥ ᐊᒻᒪᓗ ᐅᑎᕆᐊᖃᕐᓂᐊᖅᖢᓂ ᔭᓄᐊᕆ 23ᒥ, ᐅᖃᓚᐅᕐᑐᖅ ᑲᓛᑎᐊ ᑳᐸᓅ, ᐸᓯᔭᒃᓴᓂ ᐱᓕᕆᐊᖃᖅᑐ ᒫᓐᓇ ᑰᔾᔪᐊᖅᒦᖢᓂ.

ᐅᓇ ᖁᑭᕐᓴᕐᓂᖅ ᑰᔾᔪᐊᖅᒥᐅᓂᒃ “ᖁᒃᓴᓪᓚᒃᓯᒪᓐᓇᖅᑐᖅ,” ᐅᖃᓚᐅᕐᑐᖅ ᒪᐃᔭ ᒥᐊᓕ ᔪᐊᓇᔅ.

ᐅᓇ ᖃᓄᐃᓕᐅᕈᑎ ᑎᓴᒪᒋᔭᐅᔪᖅ ᑐᖁᑕᐅᔪᓂᒃ ᑕᒪᑐᒪᓂ ᐊᕐᕌᒍᒥ ᓄᓇᕕᒃᒥ, ᐅᖃᓚᐅᕐᑐᖅ ᔮᓐ-ᕗᕌᓐᓱᐊ ᒨᕆᓐ, ᓄᓇᕕᒃ ᐸᓖᓯᒃᑯᑦ ᐊᖓᔪᖅᑳᖓᑦᑕ ᑐᒡᓕᖓ.

Share This Story

(0) Comments