ᐱᖓᓱᑦ ᐅᓐᓄᐊᓕᒫᖅ ᐃᑭᑦᑐᑦ ᐃᖃᓗᒃᑑᑦᑎᐊᕐᒥ ᖃᐅᔨᓴᖅᑕᐅᔪᖅ

For the English version of this story, please see 3 overnight fires in Cambridge Bay under investigation.

ᖃᑦᑎᕆᔨᑦ ᐃᖃᓗᒃᑑᑦᑎᐊᕐᒥ ᖃᐅᔨᓴᕐᒪᑕ ᐱᖓᓱᓂᒃ ᐃᑭᑦᑐᓂᒃ ᐅᓐᓄᐊᓕᒫᖅ ᓄᓇᓕᖕᓂ.

“ᖃᐅᔨᔾᔪᑎᒃᓴᖃᙱᑦᑐᒍᑦ ᒫᓐᓇ ᐅᖃᕈᓐᓇᖅᑐᖓ ᑲᑎᙵᓚᐅᕐᓂᖏᓐᓂᒃ,” ᐅᖃᖅᑐᖅ ᐃᖃᓗᒃᑑᑦᑎᐊᕐᒥ ᖃᑦᑎᕆᔨᒃᑯᑦ ᐊᖓᔪᖅᑳᖓ ᑮᑦ ᒨᕆᓴᓐ.

“ᑕᐃᒪᓕ ᑕᐃᒪᐃᓚᐅᕋᓗᐊᖅᑎᓪᓗᒋᑦ ᑕᐃᑲᓂᑦᓴᐃᓐᓇᖅ, ᑲᖐᓱᒃᑐᖃᖅᐳᖅ ᑕᐃᒪᐃᑐᐃᓐᓇᕆᐊᖃᕐᓂᖏᓐᓂᒃ.”

ᓯᕗᓪᓕᖅ ᐃᑭᑦᑐᖅ − ᓯᕐᓗᐊᖅ − ᐅᖃᐅᓯᐅᓚᐅᖅᑐᖅ 1:30 ᐅᓪᓛᒃᑯᑦ ᖃᒥᑕᐅᓪᓗᓂᓗ ᓄᓇᓕᖕᒥᐅᑕᒧᑦ ᖃᑦᑎᕆᔾᔪᑎᒧᑦ, ᒧᐊᕆᓴᓐ ᐅᖃᕐᖢᓂ.

ᐊᓱᐃᓛᒃ, 4:30−ᒧᐊᖅᑎᓪᓗᒍ ᐅᓪᓛᒃᑯᑦ, ᖃᑦᑎᕆᔨᒃᑯᑦ ᐱᓪᓗᑎᒃ ᐅᓂᒃᑳᓂᑦ ᐃᑭᑦᑐᒧᑦ ᐃᓄᖃᙱᑦᑐᒥᒃ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓂ ᐃᓄᖃᙱᑦᑐᒥ ᐃᒡᓗᓕᕆᔨᒃᑯᑦ ᐃᒡᓗᖁᑎᖓᓂ 5 ᐅᑲᓕᖅ ᐊᖅᑯᑎ, ᖃᓂᒋᔭᖓᓂ ᑲᓇᑕᒥ ᖁᑦᑎᒃᑐᒥ ᐅᑭᐅᖅᑕᖅᑐᒥ ᖃᐅᔨᓴᕐᕕᖕᒥ.

ᖃᑦᑎᕆᑎᓪᓗᒋᑦ, ᐃᖅᑲᓇᐃᔭᖅᑏᑦ ᖃᐅᔨᓚᐅᖅᑐᑦ ᐊᐃᑉᐸᖓᓂᑦ ᓯᕐᓗᐊᕐᒥᑦ ᐃᑭᓕᖅᑐᒥᑦ, ᖃᒥᑕᐅᓚᐅᖅᑐᖅ ᕼᐋᒻᒪᓚᒃᑯᑦ ᐃᒥᖅᑕᐅᑎᖓᓄᑦ, ᒨᕆᓴᓐ ᐅᖃᓚᐅᖅᑐᖅ.

ᐋᓐᓂᖅᑐᖃᓚᐅᙱᑦᑐᖅ ᐃᑯᐊᓪᓚᖓᓂ.

ᐃᒡᓗ ᑭᖑᓂᐊᒍᑦ ᐃᒍᑦᑎᖅᑕᐅᓕᓚᐅᖅᑐᖅ “ᐋᖅᑭᒃᓱᖅᓯᒪᑦᑎᐊᕐᓂᖓᓄᑦ” ᐃᑭᑦᑐᒧᑦ, ᒧᐊᕆᓴᓐ ᐅᖃᖅᖢᓂ.

ᖃᑦᑎᕆᔩᑦ ᐊᓂᒍᐃᓚᐅᖅᑐᑦ 8:20 ᐅᓪᓛᒃᑯᑦ.

ᐃᖃᓗᒃᑑᑦᑎᐊᕐᒥᑦ ᖃᑦᑎᕆᔨᒃᑯᑦ ᖁᔭᓕᓚᐅᖅᐳᑦ ᓄᓇᓕᖕᓂ Facebook−ᑯᑦ ᒪᒃᐱᖅᑐᒐᖓᓂ ᐃᑲᔪᓚᐅᕐᓂᖏᓐᓄᑦ ᖃᑦᑎᕆᓂᕐᒥᒃ.

“ᑭᓇᑐᐃᓐᓇᖅ ᑐᓴᐅᒪᔪᖅ ᐃᑭᓐᓂᐅᑉ ᒥᒃᓵᓄᑦ 5 ᐅᑲᓕᖅ ᐅᕝᕙᓘᓐᓃᑦ ᒪᕐᕉᒃ ᓯᕐᓗᐊᒃ ᐃᑭᓚᐅᕐᕖᒃ ᐱᔮᕆᔭᐅᓪᓗᑎᒃ ᐋᖅᑭᒃᑕᐅᓚᐅᖅᑐᑦ ᐅᓐᓄᒃ ᐸᓖᓯᒃᑯᓐᓄᑦ ᖃᑦᑎᕆᔨᒃᑯᓐᓄᓪᓘᓐᓃᑦ,” ᐅᖃᖅᑐᕕᓂᖅ.