ᓇᑉᐸᖅᑎᕆᓂᖅ ᑲᔪᓯᕗᖅ ᑲᖏᖅᖢᒑᐱᐅᑉ ᓄᑖᖑᔪᒥ ᒥᑭᑦᑐᓄᑦ−ᐅᒥᐊᕐᓄᑦ ᑭᓴᕐᕕᒃᓴᖓᓂ

ᐱᓕᕆᓂᖅ ᐱᒋᐊᓚᐅᖅᐳᖅ ᐊᐅᔭᙳᓕᓵᖅᑎᓪᓗᒍ, ᐊᒻᒪ ᐅᒃᑐᐱᕆ 23−ᒥ ᐅᖁᒪᐃᑦᑐᓂ ᓄᓇᓯᐅᑎᓂ ᑕᑯᒃᓴᐅᕗᑦ ᓴᓇᕙᓪᓕᐊᓪᓗᑎᒃ ᒪᓪᓕᓗᐊᖅᑕᐃᓕᒍᒻᒥ, ᐅᔭᕋᓱᒡᔪᓂ ᐅᓯᖓᐃᔭᐃᓪᓗᑎᒃ ᐊᒻᒪ ᓅᑎᕆᓂᕐᒥ ᓄᓇᒥ.

ᔫᓂ 2022−ᒥ, ᒐᕙᒪᑐᖃᒃᑯᑦ ᑐᓂᓯᓚᐅᖅᐳᑦ $38-ᒥᓕᐊᓐ−ᑲᓴᖕᓂ ᑳᓐᑐᕌᖕᒥ ᓴᓇᓂᕐᒧᑦ ᑭᓴᕐᕕᒃᓴᒥ ᐱᓕᑕᒃ ᓇᖕᒥᓂᖃᖅᑎᓄᑦ ᐃᖃᓗᖕᓂ.

ᐅᖃᐅᓯᒃᓴᓕᐊᖑᔪᒥ ᐊᕐᕌᓂ, ᒐᕙᒪᒃᑯᑦ ᐅᖃᓚᐅᖅᐳᑦ ᐱᓕᕆᓂᖅ ᐃᓚᖃᕐᓂᐊᖅᐳᖅ ᐋᖅᑭᒃᑕᐅᓯᒪᔪᒥ ᐅᒥᐊᒃᑯᕕᖕᒥ, ᐳᒃᑕᓛᖅᑐᒥ ᐅᒥᐊᒃᑯᕕᖕᒥ ᐊᒻᒪ ᓄᓇᓕᖕᓂ ᐊᐅᓪᓚᕆᐊᕐᕕᒃᓴᒥ ᓯᕕᑐᓂᐅᔪᒥ.

ᓂᕆᐅᒋᔭᐅᕗᖅ ᒥᑭᑦᑐᓄᑦ−ᐅᒥᐊᕐᓄᑦ ᑭᓴᕐᕕᒃᓴᖅ ᑲᖏᖅᖢᒑᐱᖕᒥ ᐱᔭᕇᖅᑕᐅᓂᐊᕐᓂᖓᓂ 2026−ᒥ.

2008, ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᓄᑦ ᐅᓂᒃᑳᓕᐊᖑᔪᒥ ᖃᐃᖁᔨᓂᖃᓚᐅᖅᐳᖅ ᒐᕙᒪᑐᖃᒃᑯᓐᓂ ᓴᓇᓂᖏᓐᓂ ᒥᑭᑦᑐᓄᑦ ᐅᒥᐊᕐᓄᑦ ᑭᓴᕐᕕᒃᓴᓂ ᓄᓇᕗᒻᒥ ᖁᕝᕙᕆᐊᖅᑎᑦᑎᓂᕐᒧᑦ ᐅᑭᐅᖅᑕᖅᑐᒥ ᐊᐅᓚᑦᑎᔪᓐᓇᕐᓂᖏᓐᓂ.

ᖄᖏᖅᓯᒪᔪᒥ ᐊᕐᕌᒍᓄᑦ ᖁᓕᓄᑦ, ᒐᕙᒪᒃᑯᑦ ᑮᓇᐅᔭᖃᖅᑎᑦᑎᓯᒪᕗᑦ ᐱᓕᕆᐊᒃᓴᐅᔪᓂ ᖃᔅᓯᒐᓚᖕᓂ ᓄᓇᕗᒻᒥ ᓄᓇᓕᐅᔪᓂ: ᐸᖕᓂᖅᑑᑉ ᑭᓴᕐᕕᒃᓴᖓ ᓴᓇᔭᐅᓚᐅᖅᓯᒪᕗᖅ 2013−ᒥ ᐊᒻᒪ ᒥᑦᑎᒪᑕᓕᐅᑉ ᒥᑭᑦᑐᓄᑦ ᐅᒥᐊᕐᓄᑦ ᑭᓴᕐᕕᒃᓴᖓ ᒪᑐᐃᓚᐅᖅᐳᖅ 2021−ᒥ.

ᒫᓐᓇᓕᓴᐅᓂᖅᓴᐅᔪᒥ, ᐃᖃᓗᖕᓂ ᐃᑎᔪᒥ ᑕᕆᐅᕐᒥ ᑐᓚᒃᑕᕐᕕᖓᓂ ᐊᒻᒪᓗ ᓇᖕᒥᓂᖅ ᒥᑭᑦᑐᓄᑦ ᐅᒥᐊᕐᓄᑦ ᑭᓴᕐᕕᒃᓴᖓ ᒪᑐᐃᓚᐅᖅᐳᖅ ᖄᖏᖅᓯᒪᔪᒥ ᐊᐅᔭᐅᔪᒥ.