ᓄᓇᕕᒻᒥ ᑕᓯᐅᔭᕐᔪᐊᑉ ᓯᒡᔭᒐᓃᑦᑐᑦ ᓄᓇᓖᑦ ᕙᐃᐸ ᐋᑉᑎᒃᒧᑦ ᐊᑦᑕᑕᐅᑎᑖᖅᐳᑦ

For English version, see Nunavik’s Hudson coast communities get fibre optic connection

ᑕᒪᕐᒥ ᓄᓇᕕᐅᑉ ᑕᓯᐅᔭᕐᔪᐊᑉ ᓯᒡᔭᖓᓂ ᓄᓇᓖᑦ ᐊᑦᑕᑕᕐᓯᒪᓕᕐᑐᑦ ᕙᐃᐳ ᐋᑉᑎᒃ ᐊᑦᑕᑕᕈᓐᓇᐅᑎᒧᑦ.

ᑲᑎᕕᒃ ᓄᓇᓕᓕᒪᑦ ᒐᕙᒪᖓᑦᑕ ᐃᒃᓯᕙᐅᑕᖓ ᕼᐃᐊᑕ ᓯᓅᐹᑉ ᑕᒪᑐᒥᖓ ᑐᓴᒐᒃᓴᓕᐅᓚᐅᕐᓯᒪᔪᖅ ᕕᕝᕗᐊᕆ 12 ᓴᓪᓗᐃᑦᓂ.

ᐊᑯᓕᕕᒃ, ᐃᕗᔨᕕᒃ ᐊᒻᒪ ᓴᓪᓗᐃᑦ ᑭᖑᓪᓕᖅᐹᖓᔪᑦ ᐱᖓᓱᑦ ᓄᓇᓖᑦ ᐊᑦᑕᑕᐅᑎᑖᖅᑐᓂᒃ ᐅᑭᐅᕐᑕᖅᑑᑉ ᑲᓇᖕᓇᖓᓂ ᑕᕆᐅᑉ ᐃᓗᐊᓂ ᕙᐃᐳ ᐋᑉᑎ ᐊᑦᑕᑕᕈᓐᓇᐅᑎᒧᑦ, ᑖᓐᓇᓗ ᒪᕐᕈᐃᓕᖓᓪᓗᓂ ᐱᓕᕆᐊᖑᓚᐅᖅᖢᓂ.

ᐱᓕᕆᓂᖅ 1 ᐊᑦᑕᑕᖅᑎᑦᑎᓂᐅᓚᐅᕐᑐᖅ ᐅᑯᓂᖓ ᓯᓴᓯᐱ, ᑰᔾᔪᐊᕌᐱᒃ, ᐅᒥᐅᔭᖅ, ᐃᓄᒃᔪᐊᖅ ᐊᒻᒪ ᐳᕕᕐᓂᑐᖅᒥ ᐊᑦᑕᑕᕈᓐᓇᐅᑎᒧᑦ 2022-ᖑᑎᓪᓗᒍ. ᐃᓱᒪᒋᔭᐅᔪᖅ ᓄᓇᐃᓐᓇᒃᑯᑦ ᐊᑦᑕᑕᖅᑎᑦᑎᔪᓐᓇᕆᐊᒃᓴᖏᓐᓂ ᑲᖏᖅᓱᔪᐊᖅᒥ.

ᒫᓐᓇᒧᓪᓕ 1,800 ᕿᓛᒥᑕᓂ ᑕᕆᐅᑉ ᐊᑖᒍᑦ ᕙᐃᐳ-ᐋᑉᑎᒃ ᐅᐊᔭᓂ ᐋᖅᑭᒃᓯᓯᒪᓕᖅᑐᑦ.

“ᑲᑎᕕᒃ ᓄᓇᓕᓕᒫᑦ ᒐᕙᒪᖓ ᓱᓕ ᐱᓕᕆᐊᖃᒻᒪᕆᒃᑐᑦ ᐊᕕᒃᓯᒪᔾᔪᑎᐅᔪᓂᒃ ᐱᑕᖃᕈᓐᓃᖅᑎᑦᑎᓇᓱᒃᖢᑎᒃ ᓄᓇᕕᒃᒥ ᐸᐃᒃᒥᓪᓗ ᐊᒻᒪ ᑲᓇᑕᒥ ᐊᓯᖏᓐᓂ,” ᓯᓅᐹᓪ ᐅᖃᓚᐅᕐᑐᖅ ᑐᓴᒐᒃᓴᑎᒍᑦ.

ᑰᔾᔪᐊᖅ ᐊᒻᒪ ᐊᓯᖏᑦ ᓄᓇᕕᒃᒥ ᓄᓇᓖᑦ ᐊᑦᑕᑕᖅᑎᑕᐅᓛᕋᓱᒋᔭᐅᔪᑦ 2025-ᒥ, ᐅᖃᓚᐅᕐᑐᑦ ᑲᑎᕕᒃ ᓄᓇᓕᓕᒫᑦ ᒐᕙᒪᖓ.

ᐅᓇ ᐱᓕᕆᐊᒃᓴᖅ ᐱᑖᖅᓯᒪᓂᕐᒧᑦ $165 ᒥᓕᐊᓐᓂ ᐱᓕᕆᖃᑎᒌᒍᑎᐅᓂᐊᖅᖢᓂ ᑲᑎᕕᒃ ᓄᓇᓕᓕᒫᑦ ᒐᕙᒪᖓᓗ ᐊᒻᒪ ᑯᐸᐃ ᒐᕙᒪᖓᑦ.