ᓇᓗᓇᕐᓂᐅᔪᒥ ᐊᕙᓗᓯᕗᖅ ᓄᑖᖑᔪᒥ ᑮᓇᐅᔾᔭᒐᓱᐊᙱᑦᑐᓄᑦ ᑖᒃᓯᒧᑦ ᐃᓚᐅᙱᑦᑐᓂ ᒪᓕᒐᕋᓛᒥᒃ

ᑲᙳᑦᑎᓯᒪᕐᔪᐊᖅᐳᒍᑦ. ᐊᔪᕐᓇᖅᑐᐊᓗᖕᒦᑉᐳᒍᑦ,’ ᓖᔾᔭᓐᒥ ᑎᑎᕋᕐᕕᖕᒥ ᐊᐅᓚᑦᑎᔨ ᐅᖃᖅᐳᖅ

ᔮᓐ ᒍᕋᐃᔭᒻ, ᑎᑎᕋᕐᕕᖕᒥ ᐊᐅᓚᑦᑎᔨ ᑲᓇᑕᒥ ᓖᔾᔭᓐᒥ, ᐅᖃᓚᐅᖅᐳᖅ ᓖᔾᔭᓐ ᐊᑭᓕᒃᓴᖄᓂᓕᖅᐳᖅ ᓄᓇᓕᐸᐅᔭᒧᑦ, ᐊᒻᒪ ᐊᑭᓖᔭᕆᐊᖃᕐᓂᕐᒥ ᑖᒃᓯᓂᑦ ᐅᓇᑕᖅᑐᒃᓴᙳᐊᓄᑦ ᐃᒡᓗᖁᑎᖓᓐᓂ ᐊᒻᒪ ᐸᐃᕆᕝᕕᖕᒧᑦ ᐊᔪᕐᓇᙱᑎᑦᑎᒃᑲᓐᓂᔾᔮᙱᓚᖅ. (ᐊᔾᔨᓕᐅᖅᑕᐅᔪᖅ ᑕᐃᕕᒃ ᐱᐊᓐᒧᑦ)

By ᑕᐃᕕᒃ ᐱᐊᓐᒧᑦ
ᓄᓇᓕᖕᓂ ᑐᓴᒐᒃᓴᓕᐅᕐᓂᕐᒧᑦ ᐱᒋᐊᕈᑕᐅᔪᒥ ᑐᓴᒐᒃᓴᓕᕆᔨ

For English version, see Confusion surrounds new non-profit tax exemption bylaw

ᐃᓱᒪᓂᐅᔪᒥ ᐊᑯᓂᐅᔪᒥ ᐊᔪᖅᓴᖅᑐᓄᑦ ᑐᓂᓯᕙᒃᑐᓂ ᑮᓇᐅᔭᓕᐅᕋᓱᐊᖅᑎᐅᙱᑦᑐᓄᑦ ᐃᖃᓗᖕᓂ ᓵᙵᕗᑦ ᐊᑭᓕᒃᓴᖃᒃᑲᓐᓂᕐᓂᐊᕐᓂᖏᓐᓂ ᑕᒪᑐᒪᓂ ᑎᑭᑉᐸᓪᓕᐊᔪᒥ ᑖᒃᓯᒥᑦ ᐊᕐᕌᒎᔪᒥ ᐊᑲᐅᙱᖦᖢᓂ ᑐᓴᒐᒃᓴᐅᓚᐅᖅᐳᖅ ᔮᓐ ᒍᕋᐃᔭᒻᒧᑦ ᑐᓴᕐᓂᕐᒧᑦ ᑕᒪᑐᒪᓂ ᐱᓇᓱᐊᕈᓯᐅᔪᒥ.

ᑲᓇᑕᒥ ᓖᔾᔭᓐ ᐊᑭᓕᒃᓴᖄᓂᒃᐳᖅ ᓄᓇᓕᐸᐅᔭᒥ ᐃᖃᓗᖕᓂ $500,00−ᐸᓗᖕᓂ ᓇᖕᒥᓂᕆᔭᐅᔪᓄᑦ ᑖᒃᓯᓄᑦ ᓂᕆᕝᕕᖓᓄᑦ-ᐃᒥᕐᕕᖓᓄᑦ, ᐅᖃᓚᐅᖅᐳᖅ ᒍᕋᐃᔭᒻ, ᓖᔾᔭᓐᒥ ᑎᑎᕋᕐᕕᖓᑕ ᐊᐅᓚᑦᑎᔨᖓ. ᐊᑭᓖᔭᕆᐊᖃᕐᓂᕐᒥ ᓇᖕᒥᓂᕆᔭᐅᔪᓄᑦ ᑖᒃᓯᒥᑦ ᐊᓯᖏᓐᓄᑦ ᒪᕐᕉᖕᓄᑦ ᐃᒡᓗᖁᑎᖏᓐᓂ ᐊᑕᐅᓯᒃᑲᓐᓂᐅᓂᐊᖅᐳᖅ ᐊᑭᓕᒐᒃᓴᒥ ᐃᓚᓕᐅᔾᔨᓂᕐᒧᑦ ᐊᑭᓕᒃᓵᓗᖕᓄᑦ.

“ᑲᙳᑦᑎᓯᒪᕐᔪᐊᖅᐳᒍᑦ. ᐊᔪᕐᓇᖅᑐᐊᓗᖕᒦᑉᐳᒍᑦ ᓄᓇᓕᐸᐅᕙᒧᑦ ᐃᖃᓗᖕᓂ ᐱᔾᔪᑎᖃᖅᑐᒥ ᐊᑭᓖᔭᕆᐊᖃᕐᓂᐅᔪᒥ ᑕᐃᔅᓱᒪᓂᒃᑲᓐᓂᖅ ᑖᒃᓯᐅᔪᓄᑦ,” ᐅᖃᓚᐅᖅᐳᖅ ᒍᕋᐃᔭᒻ, ᐊᑭᓕᖅᓱᖅᑕᐅᓇᓂ ᐃᑲᔪᖅᑎᐅᔪᖅ ᓖᔾᔭᓐᒥ ᑕᐃᒪᙵᓂ 1984−ᒥ — ᓄᖅᑲᖓᔪᓐᓃᕆᐊᖃᖅᐸᓵᕋᒥ ᓄᕕᐱᕆᒥ ᐃᑲᔪᕐᓂᕐᒧᑦ ᓇᓕᒧᑎᑦᑎᓂᕐᒧᑦ ᑮᓇᐅᔭᖁᑎᖏᓐᓂ.

ᑲᑎᒪᔨᒃᑯᑦ ᐅᒃᑐᐱᕆ 11−ᒥ ᑲᑎᒪᓂᐅᔪᒥ, ᓄᓇᓕᐸᐅᔭᐅᑉ ᐊᐅᓚᑦᑎᔨᒻᒪᕆᓚᐅᑲᒃᑕᖓ ᕌᑦ ᒪᒡᕗᑦ ᓇᓗᓇᐃᖅᓯᓚᐅᖅᐳᖅ ᓇᖕᒥᓂᕆᔭᐅᔪᓄᑦ ᓇᖕᒥᓂᕆᔭᐅᔪᓂ ᐊᔪᖅᓴᖅᑐᓄᑦ ᑐᓂᓯᕙᒃᑐᓂ ᑮᓇᐅᔭᓕᐅᕋᓱᐊᖅᑎᐅᙱᑦᑐᓄᑦ ᐊᒻᒪ ᑮᓇᐅᔾᔭᒃᓴᕈᑕᐅᙱᑦᑐᓄᑦ ᑲᑐᔾᔨᖃᑎᒌᖑᔪᓄᑦ ᑕᒪᒃᑭᖅᑐᒥ ᐅᕝᕙᓘᓐᓃᑦ ᐃᓚᖓᒍᑦ ᐃᓚᐅᔾᔮᙱᓚᑦ ᓇᖕᒥᓂᕆᔭᐅᔪᓂ ᑖᒃᓯᖏᓐᓂᑦ.

ᓖᔾᔭᓐᒥ ᐅᓇᑕᖅᑐᒃᓴᙳᐊᓄᑦ ᐃᒡᓗᖁᑎᖓᑦ ᐊᒻᒪ ᐸᐃᕆᕝᕕᖓ ᐃᓚᒋᔭᐅᓚᐅᙱᓚᑦ ᑎᑎᕋᖅᓯᒪᓂᐅᔪᓂ.

ᐅᖂᑕᖅ ᑲᑐᔾᔨᖃᑎᒌᖑᔪᓂ ᐊᒻᒪ YWCA ᐊᒡᕕᒃ ᓄᓇᕗᒻᒥ ᐅᖅᑯᐊᖑᓂᐅᔪᓂ ᐊᑭᓖᔭᕆᐊᖃᔾ].ᙱᓚᑦ ᓇᖕᒥᓂᕆᔭᐅᔪᓄᑦ ᑖᒃᓯᒥᑦ. ᐃᖃᓗᖕᓂ ᐱᓐᑎᑳᖦᑐᓂ, Jehovah’s Witnesses ᐊᒻᒪ ᐋᖕᓕᑲᒃᑯᑦ ᐃᒃᓯᕋᕐᔪᐊᖓ ᐅᑭᐅᖅᑕᖅᑐᒥ ᑐᒃᓯᐊᕐᕕᓂ ᐊᑭᓖᔭᕆᐊᖃᕐᓂᐊᖅᐳᑦ 25 ᐳᓴᓐᑎᒥ ᑲᑎᓪᓗᒍ ᓇᖕᒥᓂᕆᔭᐅᔪᓄᑦ ᑖᒃᓯᒥᑦ ᐊᑭᓕᒐᒃᓴᐅᔪᒥ.

ᐅᓇ ᐃᓚᐅᙱᓐᓂᐅᔪᖅ ᐊᑯᓂᐅᑎᒋᓂᐊᖅᐳᖅ ᒪᓕᒃᑐᓄᑦ ᑎᓴᒪᓄᑦ ᑖᒃᓯᒥᑦ ᐊᕐᕌᒎᔪᓄᑦ, ᑭᖑᓂᐊᒍᑦ ᑐᒃᓯᕋᒃᑲᓐᓂᕆᐊᖃᕋᔭᖅᐳᑦ.

ᓄᓇᓕᐸᐅᔭᒥ ᐅᖃᖅᑎᐅᔪᖅ ᔨᐊᕝ ᐱᐅᓐ ᐅᖃᓚᐅᖅᐳᖅ ᓄᓇᓕᐸᐅᔭᒃᑯᑦ ᖃᐅᔨᒪᓗᐊᙱᓚᑦ ᖃᓄᑎᒋ ᑮᓇᐅᔭᓂ ᐃᓯᖅᐸᓪᓕᐊᔪᓂ ᐊᓯᐅᔨᓂᐊᕐᓂᖏᓐᓂ ᐅᕘᓇ ᐃᓚᐅᙱᓐᓂᐅᔪᓄᑦ, ᐱᓕᕆᕙᓪᓕᐊᖕᒪᑕ ᐊᑭᖏᓐᓂ 2023−ᒧᑦ ᑖᒃᓯᒥᑦ ᐊᕐᕌᒍᖓᓂ.

ᓄᓇᓕᐸᐅᔭᖅ ᓴᖑᓚᐅᖅᐳᑦ ᑐᒃᓯᕋᕐᓂᐅᔪᒥ ᐋᖅᑭᒃᓯᒪᓂᐅᔪᒥ ᖃᐅᔨᓴᐃᓂᕐᒧᑦ ᑮᓇᐅᔾᔭᒃᓴᕈᑕᐅᙱᑦᑐᓄᑦ ᐊᒻᒪ ᐊᔪᖅᓴᖅᑐᓄᑦ ᑐᓂᓯᕙᒃᑐᓂ ᑮᓇᐅᔭᓕᐅᕋᓱᐊᖅᑎᐅᙱᑦᑐᓄᑦ ᑲᑐᔾᔨᖃᑎᒌᖑᔪᓄᑦ ᐊᐃᑉᕆᓕ 2022−ᒥ. ᑐᒃᓯᕋᖅᑐᑦ ᑕᑯᑎᑦᑎᔭᕆᐊᖃᖅᐳᑦ ᓄᓇᓕᐸᐅᔭᕐᒥ ᑮᓴᐅᔭᓕᕆᓂᕐᒧᑦ ᐱᔭᕆᐊᖃᕐᓂᖓᓐᓂ ᑖᒃᓯᒧᑦ ᐊᑭᓖᙱᓐᓂᐅᔪᒥ ᐊᒻᒪ ᑖᓐᓇ ᑲᑐᔾᔨᖃᑎᒌᖑᔪᖅ ᑐᓂᓯᓗᓂ ᐱᔭᕆᐊᓕᖕᒥ ᓄᓇᓕᖕᓂ ᐱᔨᑦᑎᕋᕐᓂᐅᔪᒥ.

ᐃᓱᓕᕝᕕᒃᓴᖓ ᑕᒪᑐᒪ ᐊᕐᕌᒎᑉ ᑐᒃᓯᕋᕐᓂᐅᔪᓄᑦ ᒪᑐᓚᐅᖅᐳᖅ ᔫᓂᒥ ᐊᒻᒪ ᒪᒡᕗᑦ ᐅᖃᓚᐅᖅᐳᖅ ᐅᒃᑐᐱᕆ 11−ᒥ ᑐᒃᓯᕋᕐᓂᐅᔪᓂ ᑖᒃᓯᒥᑦ ᐃᓚᐅᙱᓐᓂᐅᔪᒥ ᐊᖏᖅᑕᐅᙱᓐᓂᖃᓚᐅᙱᓚᑦ.

13−ᓂ ᑲᑐᔾᔨᖃᑎᒌᖑᔪᓂ ᐃᓚᐅᙱᑎᑕᐅᔪᓂ ᐊᑭᓖᓂᕐᒥ ᑖᒃᓯᓂ ᐃᓚᖓᓐᓂ ᓇᖕᒥᓂᕆᔭᐅᔪᓄᑦ ᐊᑐᖅᑕᐅᓚᐅᖅᑐᓄᑦ ᓄᓇᓕᖕᓂ ᐱᔨᑦᑎᕋᕐᓂᕐᒧᑦ ᐅᕘᓇ ᓄᓇᓕᐸᐅᔭᐅᑉ ᓄᑕᐅᙱᑦᑐᒥ ᒪᓕᒐᕋᓛᖓᓂ ᓈᓴᐅᑖ 858−ᒥ.

ᒪᕐᕈᑐᐊᕐᓂ ᑲᑐᔾᔨᖃᑎᒌᖑᔪᓂ ᑎᑎᕋᖅᓯᒪᓂᐅᔪᒥ ᐊᒥᐊᒃᑯᕗᑦ ᐅᕘᓇ ᓄᑖᖑᔪᒥ, ᒪᓕᒐᕋᓛᖓᓂ ᓈᓴᐅᑖ 935−ᒥ.

ᐱᐅᓐ ᐅᖃᓚᐅᖅᐳᖅ ᓄᓇᓕᐸᐅᔭᐅᑉ ᒫᓐᓇᓕᓴᐅᔪᒥ ᐃᓴᓚᐅᖅᐳᖅ ᑲᑐᔾᔨᖃᑎᒌᖑᔪᓄᑦ ᐃᓱᒪᒋᓚᐅᖅᑕᖏᓐᓂ ᑐᒃᓯᕋᕋᔭᐅᕐᓂᖏᓐᓂ ᐃᓚᐅᙱᓐᓂᐅᔪᒥ, ᑭᓯᐊᓂ ᐱᒋᐊᓚᐅᙱᑦᑐᓂ, ᐱᕕᒃᓴᖃᖅᑎᑕᐅᓂᕐᒥ ᑐᒃᓯᕋᕐᓂᕐᒧᑦ ᓈᒻᒪᖅᑯᑦᑐᒥ 2023−ᒥ ᑖᒃᓯᒥᑦ ᐊᕐᕌᒍᖓᓄᑦ.

ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᑦ ᐅᖃᖃᑎᖃᕋᓱᓚᐅᖅᐳᑦ ᖃᔅᓯᒐᓚᖕᓂ ᑲᑐᔾᔨᖃᑎᒌᖑᔪᓂ ᓄᓇᓕᐸᐅᔭᐅᑉ ᑎᑎᕋᖅᓯᒪᓂᐅᔪᒥ ᑖᒃᓯᒥᑦ ᐃᓚᐅᙱᓐᓂᐅᔪᒥ ᑎᑭᑉᐸᓪᓕᐊᔪᒧᑦ ᐊᕐᕌᒍᒧᑦ.

ᐊᔪᕆᖅᓱᐃᔨ ᑖᓂᐅᓪ ᐱᕉᓪ, ᐃᒃᓯᕋᕐᔪᐊᒃᑯᑦ ᑐᒃᓯᐊᕐᕕᖓᓂ, ᐊᒻᒪ Association des francophones du Nunavut ᐃᓱᒻᒥᖅᑐᐃᔨᖓ ᑯᕆᔅᑎᐊᓐ ᐅᐊᑯ ᐊᖏᓚᐅᙱᓚᑦ ᐊᐱᖅᓱᖅᑕᐅᓂᕐᒧᑦ.

ᓖᔾᔭᓐᒥ ᑮᓇᐅᔭᐃᑦ ᐃᓯᖅᐸᓪᓕᐊᔪᖏᑦ ᑲᑕᒃᐸᓪᓕᐊᓕᓚᐅᖅᐳᑦ ᐱᐊᒥ ᐊᒻᒪ ᕙᐃᓂᒥ ᓂᐅᕕᕐᕕᖓ ᒪᑐᐃᓚᐅᖅᑎᓪᓗᒍ ᐃᖃᓗᖕᓂ ᓯᑎᐱᕆ 2017−ᒥ. ᒍᕋᐃᔭᒻ ᐅᖃᓚᐅᖅᐳᖅ ᓯᕗᓪᓕᖅᐹᖓᓂ ᐊᕐᕌᒍᖓᓂ, ᓂᐅᕕᐊᒃᓴᖏᑦ ᑲᑕᓚᐅᖅᐳᑦ $3 ᒥᓕᐊᓐ−ᑲᓴᖕᓂ.

ᐊᒻᒪ ᐊᓱᐃᓛᒃ 2020−ᒥ, ᐊᒥᓱᓄᑦ ᖃᓂᒻᒪᓐᓇᐅᔪᒥ ᓴᖅᑭᓚᐅᖅᐳᖅ.

ᒍᕋᐃᔭᒻ ᐅᖃᐅᓯᖏᓐᓂ, ᑮᓴᐅᔾᔭᒃᓴᓂᐅᔪᒥ ᐃᓚᖓᓐᓂ ᓖᔾᔭᓐᒥ “ᑐᖁᓚᐅᖅᐳᖅ” ᑕᐃᔅᓱᒪᓂᐅᓚᐅᖅᑐᒥ.

“ᐱᔪᓐᓇᖅᑕᓕᒫᑦᑎᓐᓂ ᐱᓇᓱᐊᖅᐳᒍᑦ ᑮᓇᐅᔭᖃᖅᑎᑕᐅᒃᑲᓐᓂᕋᓱᐊᕐᓂᕐᒥ, ᑭᓯᐊᓂ ᐊᔪᕐᓇᙱᑦᑐᑯᓘᙱᓚᖅ ᑮᓇᐅᔭᖃᖅᑎᑕᐅᒃᑲᓐᓂᕋᓱᐊᕐᓂᕐᒥ ᐅᕙᙶᖅᑎᓪᓗᑎᑦ ᒐᕙᒪᒃᑯᓐᓂ−ᑎᓕᐅᕆᔭᐅᔪᒥ ᒪᑐᓯᒪᔭᕆᐊᖃᕐᓂᐅᔪᒥ,” ᐅᖃᓚᐅᖅᐳᖅ.

“ᐊᑲᐅᙱᓕᐅᕈᑎᖃᙱᑦᑎᐊᖅᐳᒍᑦ ᑕᒪᑐᒥᖓ ᒪᓕᒐᕐᓂ ᒪᓕᑦᑎᐊᒃᑳᓘᒐᑦᑕ ᐃᓅᓪᓗᑕ ᐅᕙᓂ ᑲᓇᑕᒥ ᓖᔾᔭᓐᒥ — ᐊᑭᕋᖅᑐᕐᓇᑕ ᑭᓇᑐᐃᓐᓇᒥᒃ. ᐊᑲᐅᙱᕐᔪᐊᖅᐳᖅ ᑕᒪᒃᑭᓕᒫᖅ.”

ᓖᔾᔭᓐ, ᐊᔪᖅᓴᖅᑐᓄᑦ ᑐᓂᓯᕙᒃᑐᓂ ᑮᓇᐅᔭᓕᐅᕋᓱᐊᖅᑎᐅᙱᑦᑑᓪᓗᑎᒃ, ᐃᓕᓯᓯᒪᕗᑦ ᑮᓇᐅᔭᓂ ᓂᐅᕕᐊᒃᓴᖏᓐᓂ ᐊᒻᒪ ᐃᓚᒋᔭᐅᔪᓄᑦ ᐊᑭᓕᐅᑎᓂ ᓄᓇᓕᖕᓄᑦ ᐅᑎᖅᑎᑕᐅᓪᓗᑎᒃ. ᑐᓂᓯᓚᐅᖅᐳᖅ $600,000−ᓂ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕐᓂᕐᒧᑦ ᐊᓐᓂᑭᑕᕐᕕᖓᓄᑦ 2001−ᒥ ᐊᒻᒪ ᐃᑲᔪᓚᐅᖅᐳᑦ ᑮᓴᐅᔭᖃᖅᑎᑦᑎᓂᖏᓐᓂ ᓇᑉᐸᖅᑎᕆᓂᐅᔪᒥ ᐃᓄᑐᖃᑦ ᖃᕐᒪᖓᓂ, ᒍᕋᐃᔭᒻ ᐅᖃᓚᐅᖅᐳᖅ.

“ᑭᓯᐊᓂ ᐅᓪᓘᑉ ᐃᓱᐊᓂ, ᐊᐃᑦᑳᖑᒐᓗᐊᖅ, ᐃᓕᓴᕆᔭᐅᔾᔮᙱᓚᑎᑦ ᑖᔅᓱᒧᖓ. ᐃᓛᒃ, ᑐᑭᓯᐅᒪᕙᕋ. ᓇᒡᓕᖕᓇᕋᓱᑐᐃᓐᓇᖅᐳᖓ ᐄᖑᖅᑰᖅᑐᖅ,” ᐅᖃᓚᐅᖅᐳᖅ.

ᒍᕋᐃᔭᒻ ᐅᖃᓚᐅᖅᐳᖅ ᓄᓇᓕᐸᐅᔭᖅ ᐅᖃᐅᔾᔨᓚᐅᖅᐳᑦ ᓖᔾᔭᓐ ᑐᒃᓯᕋᒃᑲᓐᓂᕆᐊᖃᕐᓂᖓᓂ ᓇᖕᒥᓂᕆᔭᐅᔪᓄᑦ ᑖᒃᓯᒥᑦ ᓄᖅᑲᖓᓂᐅᔪᒥ ᑕᒪᑐᒪᓂ ᐊᕐᕌᒎᔪᒥ.

ᐊᐱᕆᓚᐅᖅᐳᖅ ᐱᓇᓱᐊᕈᓯᕐᒥ ᐅᖓᕙᕆᐊᖅᑕᐅᓂᖓᓂ ᐃᓱᓕᕝᕕᒃᓴᖓᓄᑦ — ᐋᖅᑭᒃᑕᐅᓯᒪᔪᒥ ᔫᓂ 30−ᒧᑦ — ᑭᓯᐊᓂ ᐅᖃᓚᐅᖅᐳᖅ ᑐᓴᒃᑲᓐᓂᓚᐅᖅᓯᒪᙱᓚᖅ ᓄᓇᓕᐸᐅᔭᕐᒥ.

“ᑕᐃᑯᙵᕆᐊᖃᕐᓂᐊᖅᐳᒍᑦ ᐊᒻᒪ ᑲᑎᒪᖃᑎᖃᕐᓗᑕ ᑕᐃᒃᑯᓂᖓ ᐃᓄᑦᑎᐊᕚᓗᖕᓂ ᓄᓇᓕᐸᐅᔭᕐᒥ.”

Islamic ᑲᑐᔾᔨᖃᑎᒌᖑᔪᓄᑦ ᓄᓇᕗᒻᒥ ᐊᖓᔪᖅᑳᖓ ᓴᐃᔭᑦ ᐋᓯᕝ ᐅᖃᓚᐅᖅᐳᖅ ᑲᑐᔾᔨᖃᑎᒌᖓ ᐱᓚᐅᙱᓚᑦ ᐅᖃᐅᔾᔨᓂᐅᔪᒥ ᓄᓇᓕᐸᐅᔭᕐᒥ ᑐᒃᓯᕋᕆᐊᖃᓛᖕᓂᖏᓐᓂ ᑖᒃᓯᒥᑦ ᐃᓚᐅᙱᓐᓂᐅᔪᒥ, ᐊᒻᒪ ᐱᔾᔪᑕᐅᕗᖅ ᐃᓱᒫᓗᖕᓂᕐᒧᑦ.

“ᐅᕙᒍᑦ, ᑕᒪᒃᑭᑦ ᑐᒃᓯᐊᕐᕕᐅᔪᑦ ᐊᒻᒪ ᐅᒃᐱᖅᑐᒃᑯᕕᐅᔪᑦ, ᐊᐅᓚᑕᐅᕗᑦ ᑐᓐᓂᖅᑯᓯᐊᖑᔪᓄᑦ,” ᐋᓯᕝ ᐅᖃᓚᐅᖅᐳᖅ. “ᐄᓪᓚᕆᒃ, ᐱᔭᒃᓴᖃᕐᔪᐊᕐᓂᐊᖅᐳᑦ ᑲᑎᖅᓱᐃᓂᕐᒥ ᑕᒪᒃᑭᓂ ᑮᓇᐅᔮᓗᖕᓂ.”

Islamic ᑲᑐᔾᔨᖃᑎᒌᖑᔪᑦ ᐊᐅᓚᑦᑎᕙᒃᐳᑦ ᐊᔪᖅᓴᖅᑐᓄᑦ ᓂᕿᑖᕐᕕᖕᒥ ᒪᕐᕈᖓᓂ ᓯᕙᑖᕐᕕᖕᒥ ᑕᐃᑲᙵᑦ Masjid−ᒥ, ᐃᓂᖃᖅᑐᒥ Road to Nowhere−ᒥ. ᐋᓯᕝ ᐅᖃᓚᐅᖅᐳᖅ ᐊᑭᓖᓂᕐᒥ ᑕᐃᔅᓱᒧᖓ ᐱᔨᑦᑎᕋᕐᓂᐅᔪᒥ, ᓇᓪᓕᐅᒃᑯᒫᖃᖅᑎᑦᑎᓂᕐᒥ ᐃᒡᓗᕐᔪᐊᒥ — ᐊᑭᖃᖅᑐᒥ $10,000−ᐸᓗᖕᓂ ᐊᕐᕌᒍᑕᒫᑦ — ᐊᒻᒪ ᒫᓐᓇ ᐊᑭᓖᔭᕆᐊᖃᕐᓂᕐᒥ ᓇᖕᒥᓂᕆᔭᐅᔪᓄᑦ ᑖᒃᓯᓂᑦ ᐅᐊᑲᓪᓚᐅᓂᐊᖅᐳᖅ ᑮᓇᐅᔾᔭᒃᓴᕈᑕᐅᙱᑦᑐᓄᑦ ᑮᓴᐅᔭᖏᓐᓄᑦ.

ᐅᖂᑕᖅ ᑲᑐᔾᔨᖃᑎᒌᖑᔪᓂ ᐃᓱᒻᒥᖅᑐᐃᔨᐅᔪᖅ ᓗᐊᕈᓪ ᒪᑯᐊᕆᔅᑎᓐ ᐅᖃᓚᐅᖅᐳᖅ ᑲᑐᔾᔨᖃᑎᒌᑦ ᑮᓇᐅᔭᓂ ᐊᑐᙱᓐᓂᖅᓴᐅᒍᑎᒃ ᐊᑭᓖᓂᕐᒧᑦ ᓇᖕᒥᓂᕆᔭᐅᔪᓂ ᑖᒃᓯᓂᑦ, ᐊᑐᖅᑐᐊᖅᑕᐅᓂᖓ 11−ᖑᔪᓂ ᐊᑭᑐᓗᐊᙱᑦᑐᓂ ᐃᒡᓗᓂᑦ ᑲᑎᙵᓂᐅᔪᓂ ᑲᑕᒃᐹᓪᓕᕋᔭᖅᐳᑦ. (ᐊᔾᔨᓕᐅᖅᑕᐅᔪᖅ ᑕᐃᕕᒃ ᐱᐊᓐᒧᑦ)

“[ᐊᑭᓖᓂᖅ ᓇᓪᓕᐅᒃᑯᒫᓄᑦ] ᐊᒻᒪ ᐊᐅᓚᑦᑎᓂᕐᒥ ᐊᔪᖅᓴᖅᑐᓄᑦ ᓂᕿᑖᕐᕕᖕᒥ ᐊᒻᒪ ᐊᑭᓖᔭᕆᐊᖃᕐᓂᕐᒥ ᐊᑭᓕᒐᒃᓴᓄᑦ ᐅᖅᓱᐊᓗᖕᒧᑦ ᐊᒻᒪ ᑭᓱᓕᒫᓂᒃ — ᐊᔪᕐᓇᖅᑐᐊᓘᓂᐊᖅᐳᖅ,” ᐅᖃᓚᐅᖅᐳᖅ.

ᓄᓇᑦᑕ ᓱᓇᒃᑯᑖᖏᑦ ᑕᑯᔭᒐᖃᕐᕕᖓᓂ ᖃᓄᐃᓐᓂᐅᔪᒥ, ᐊᐅᓚᑦᑎᔨ ᔭᓯᑲ ᑰᑦᑎᖅ ᐅᖃᓚᐅᖅᐳᖅ ᓇᒃᓯᐅᔾᔨᓚᐅᕐᓂᖓᓂ ᑐᒃᓯᕋᐅᑎᒥᒃ ᐊᒻᒪ ᐱᓚᐅᖅᐳᖅ ᓇᓗᓇᐃᖅᓯᔪᒥ ᓄᓇᓕᐸᐅᔭᒥ ᐱᓚᐅᕐᓂᖓᓐᓂ.

“ᑕᒪᓐᓇ ᑭᖑᓪᓕᖅᐹᖑᓪᓗᓂ ᑐᓴᕐᕕᒋᓚᐅᕐᓂᓐᓂ,” ᑰᑦᑎᖅ ᐅᖃᓚᐅᖅᐳᖅ.

ᑕᑯᓐᓇᒐᖃᕐᕕᒃ ᐃᖃᓗᖕᓂ−ᑐᙵᕕᖃᖅᖢᓂ ᐊᔪᖅᓴᖅᑐᓄᑦ ᑐᓂᓯᕙᒃᑐᓂ ᑮᓇᐅᔭᓕᐅᕋᓱᐊᖅᑎᐅᙱᑦᑑᓪᓗᑎᒃ ᑐᓂᓯᕙᒃᑐᒥ ᓄᓇᓕᖕᓂ ᐊᑭᖃᙱᑦᑐᒥ ᐊᑐᐃᓐᓇᖃᕐᓂᖓᓂ ᐃᓕᓐᓂᐊᕐᓂᕐᒧᑦ ᐊᒻᒪ ᐃᓂᐅᔪᒥ ᐊᓯᖏᓐᓄᑦ ᑲᑐᔾᔨᖃᑎᒌᖑᔪᓄᑦ ᐅᕝᕙᓘᓐᓃᑦ ᓴᓇᐅᒐᓕᕆᒡᓂ ᑕᑯᒃᓴᐅᑎᑦᑎᓂᕐᒥ, ᐃᓕᓐᓂᐊᕐᓂᕐᒥ ᐊᓯᖏᓐᓂᓪᓗ ᖃᓄᐃᓕᐅᕐᓂᐅᔪᓄᑦ.

ᑰᑦᑎᐅᑉ ᖃᓄᐃᓕᐅᒃᑲᓐᓂᕐᓂᕆᓂᐊᖅᑕᖓ ᐃᓴᖕᓂᕐᒧᑦ ᓄᓇᓕᐸᐅᔭᕐᒧᑦ ᐊᐱᕆᓂᕐᒧᑦ ᖃᓄᐃᒻᒪᑦ ᑐᒃᓯᕋᐅᑎᖓ ᐱᓕᕆᐊᖑᓚᐅᙱᓐᓂᖓᓂ.

ᐅᖂᑕᖅ ᑲᑐᔾᔨᖃᑎᒌᖑᔪᓂ, ᐱᓚᐅᖅᑐᒥ ᑖᒃᓯᒥᑦ ᐃᓚᐅᙱᓐᓂᐅᔪᒥ ᐅᖅᑯᐊᕆᔭᖓᓄᑦ ᐃᒡᓗᕐᔪᐊᒥ 1077−ᒥ, ᐱᓚᐅᙱᓚᖅ ᑕᐃᒪᓐᓇᑦᑕᐃᓐᓇᖅ ᐱᓕᕆᐊᖑᓚᐅᕐᓂᖓᓂ ᐊᑭᑐᓗᐊᙱᑦᑐᒧᑦ ᐃᒡᓗᖃᖅᑎᑦᑎᓂᕐᒥ ᐃᒡᓗᖁᑎᖓᓄᑦ 1079−ᒧᑦ.

ᐃᓱᒻᒥᖅᑐᐃᔨ ᓗᐊᕈᓪ ᒪᑯᐊᕆᔅᑕᓐ ᐅᖃᓚᐅᖅᐳᖅ ᓇᒃᓯᐅᔾᔨᓚᐅᕐᓂᖓᓂ ᒪᕐᕉᖕᓂ ᐊᕕᒃᑐᖅᓯᒪᔪᓂ ᑐᒃᓯᕋᐅᑎᓂᒃ ᐃᒡᓗᖁᑕᐅᔪᓄᑦ, ᑭᓯᐊᓂ ᐊᑕᐅᓯᑐᐊᖅ ᐊᖏᖅᑕᐅᓚᐅᖅᐳᖅ.

ᐱᔾᔪᑎᖃᖅᐳᖅ ᓄᓇᕗᒻᒥ ᒪᓕᒐᖓ ᐱᔪᓐᓇᖅᑎᑦᑎᙱᒻᒪᑦ ᓄᓇᖃᖅᑎᐅᔪᓂ ᐃᓚᐅᙱᑎᑕᐅᙱᓐᓂᖏᓐᓂ, ᐱᐅᓐ ᐅᖃᓚᐅᖅᐳᖅ.

ᒥᑯᐊᕆᔅᑕᓐ ᐅᖃᓚᐅᖅᐳᖅ ᑮᓇᐅ.ᓂ ᐊᑐᖅᓯᒪᙱᑦᑐᓂ ᐊᑭᓖᙳᓐᓂᕐᒧᑦ ᓇᖕᒥᓂᕆᔭᐅᔪᓄᑦ ᑖᒃᓯᓂᑦ ᑐᓂᔭᐅᓇᔭᖅᐳᑦ ᓄᓇᖃᖅᑎᐅᔪᓄᑦ.

“ᑭᓱᑐᐃᓐᓇᖅ ᒥᒃᖠᒋᐊᖅᑎᑦᑎᔪᒥ ᐊᑭᖓᓂ ᐊᐅᓚᑦᑎᓂᕐᒥ ᐊᑭᑐᓗᐊᙱᑦᑐᓄᑦ ᐃᒡᓗᒃᓴᓂ, ᒥᒃᖠᒋᐊᖅᑎᑦᑎᕗᖅ ᐊᑭᖓᓂ ᐃᒡᓗᒥᒃ ᐊᑐᖅᑐᐊᕐᓂᕐᒧᑦ,” ᐅᖃᓚᐅᖅᐳᖅ.

“ᑮᓇᐅᔾᔭᒃᓴᕈᑕᐅᙱᑦᑑᒐᒥ, ᑲᑎᒪᔨᑦ ᐃᓱᒪᓕᐅᕆᓚᐅᖅᐳᑦ ᒪᑐᐃᖅᓯᓚᐅᙱᓐᓂᑦᑎᓐᓂ ᐆᒥᖓ ᐃᒡᓗᕐᔪᐊᖑᔪᒥ… ᖃᑭᓂᓕᐅᙱᑦᑐᒍᑦ ᑕᐃᑲᙵᑦ, ᑕᐃᒪᐃᑦᑐᓐᓇᕋᓗᐊᖅᑎᓪᓗᑕ.”

ᓇᖕᒥᓂᕆᔭᐅᔪᓄᑦ ᑖᒃᓯᒥᑦ ᐊᕐᕌᓂ ᐊᑭᖃᓚᐅᖅᐳᑦ $30,000−ᐸᓗᖕᓂ ᐊᑭᑐᓗᐊᙱᑦᑐᒧᑦ ᐃᒡᓗᒧᑦ ᐃᒡᓗᕐᔪᐊᖓᓂ, ᒪᑯᐊᕆᔅᑕᓐ ᐅᖃᓚᐅᖅᐳᖅ, ᐃᓚᒋᐊᖅᓯᓪᓗᓂ ᓂᕆᐅᒃᐳᖅ ᐱᓂᐊᕐᓂᖓᓂ 50 ᐳᓴᓐᑎᒥ ᒥᒃᖠᒋᐊᖅᑕᐅᓂᐊᕐᓂᖓᓂ.

Share This Story

(0) Comments

Join the Conversation

Your email address will not be published. Required fields are marked *

*