ᐊᐃᑉᐸᕇᒃ ᕿᒪᒃᓯᔪᓐᓇᓚᐅᖅᐳᑦ ᐋᓐᓂᕐᓇᑎᒃ ᐃᑭᑦᑐᒥ ᓄᖑᑎᕆᑎᓪᓗᒍ ᑲᖏᖅᖠᓂᕐᒥ ᐊᖏᕐᕋᕆᔭᐅᔪᒥ

For the English version of this story, please see Couple escapes uninjured as fire destroys Rankin Inlet home.

ᐊᑕᐅᓯᕐᒧᑦ-ᐃᓚᒌᖑᔪᓂ ᐊᖏᕐᕋᕆᔭᐅᔪᒥ ᑲᖏᖅᖠᓂᕐᒥ ᐃᑭᓚᐅᖅᐳᖅ ᓄᖑᑦᑎᐊᖅᖢᓂ ᔭᓄᐊᕆ 8−ᒥ.

ᐃᓐᓇᐅᔪᓂ ᐊᐃᑉᐸᕇᖕᓂ ᐃᒡᓗᖃᓚᐅᖅᑐᒥ ᐊᖏᕐᕋᕆᔭᖓᓂ ᐊᕐᕌᒍᓄᑦ 25−ᓄᑦ ᐋᓐᓂᓚᐅᙱᓚᑦ, ᖃᑦᑎᕆᔨᓄᑦ ᐊᖓᔪᖅᑳᖓ ᒫᒃ ᐅᐊᐃᐊᑦ ᐅᖃᓚᐅᖅᐳᖅ ᔭᓄᐊᕆ 9−ᒥ.

ᐋᓐᓂᖅᑐᖃᓚᐅᙱᓚᖅ, ᐅᖃᓚᐅᖅᐳᖅ.

“ᖁᐊᖅᓵᕐᓇᓚᐅᖅᐳᖅ, ᑭᓯᐊᓂ ᑭᒃᑯᓕᒫᓂ ᐊᓂᑎᑦᑎᔪᓐᓇᓚᐅᖅᐳᒍᑦ,” ᐅᖃᓚᐅᖅᐳᖅ

ᕼᐋᒻᓚᒃᑯᑦ ᖃᑦᑎᕆᔨᒃᑯᑦ ᐅᖃᓗᒡᕕᐅᓚᐅᖅᐳᑦ ᐊᖏᕐᕋᐅᔪᒧᑦ 9:40 ᐅᓐᓄᒃᑯᒐᓚᒃ. 11−ᓂ ᖃᑦᑎᕆᔨᓂ ᐅᓇᑕᓚᐅᖅᐳᑦ ᐃᑭᑦᑐᒥ ᐅᓪᓛᖓᓄᑦ, ᐅᑎᑕᐃᓐᓇᖅᖢᑎᒃ ᖃᑦᑎᕆᕝᕕᖕᒧᑦ 3 ᐅᓪᓛᐸᓗᒃᑯᑦ.

“ᐊᑐᒐᒃᓴᐅᔮᕈᓐᓃᖅᐳᖅ,” ᐅᐊᐃᐊᑦ ᐅᖃᓚᐅᖅᐳᖅ, ᐃᓚᒋᐊᖅᓯᓪᓗᓂ ᖃᑦᑎᕆᔩᑦ ᐅᑎᓚᐅᖅᐳᑦ ᒪᕐᕈᐃᖅᓱᖅᖢᑎᒃ ᔭᓄᐊᕆ 9−ᒥ ᐱᓕᕆᓂᕐᒧᑦ ᐆᓇᕐᓂᐅᔪᓐᓇᖅᑐᓂ ᐃᓂᐅᔪᓂᑦ.

ᐅᖃᓚᐅᖅᐳᖅ “ᐸᓯᔭᒃᓴᐅᓂᖓᓂ ᐃᑭᓐᓂᐅᓚᐅᙱᑦᑎᐊᖅᐳᖅ,” ᑭᓯᐊᓂ ᖃᐅᔨᓴᕐᓂᐅᔪᒥ ᑲᔪᓯᕗᖅ.

ᐅᐊᐃᐊᑦ ᓇᓚᐅᑦᑖᕆᓚᐅᖅᐳᖅ ᑲᑎᓪᓗᒍ ᐊᑭᓪᓗᐊᖓᓂ ᓇᖕᒥᓂᕆᔭᐅᔪᒥ ᐊᓯᐅᔪᒥ $450,000−ᖑᓚᐅᖅᐳᖅ, ᑭᓯᐊᓂ ᐅᔾᔨᕆᓚᐅᖅᐳᑦ ᐃᒡᓗᖃᖅᑎᐅᔪᑦ ᓴᓇᐅᒐᓂ ᑲᑎᖅᓱᐃᔨᐅᓚᐅᕐᓂᖏᓐᓂ ᐊᒻᒪ ᔭᒐᐃᓂᐅᔪᓂ ᐊᖏᕐᕋᒥ ᐊᒻᒪ ᐃᓗᓕᖏᓐᓂ ᖁᑦᑎᖕᓂᖅᓴᕐᔪᐊᖑᔪᓐᓇᖅᐳᖅ.