ᒐᕙᒪᑐᖃᒃᑯᑦ ᐃᔨᒋᕗᑦ ᖁᕐᓗᖅᑐᐊᕐᔪᕐᒥ ᐱᓕᕆᐊᒃᓴᐅᔪᒥ ‘ᑲᓇᑕᒥ ᐱᔪᒪᓂᐅᔪᒥ’

ᑐᒃᓯᕋᖅᑕᐅᔪᖅ ᖁᕐᓗᖅᑐᐊᕐᔪᒃ ᐊᖅᑯᑎᖓ ᐊᒻᒪ ᑕᕆᐅᕐᒥ ᐃᑎᔪᒥ ᑐᓚᒃᑕᕐᕕᖓ ᐱᓇᖕᓇᒥ ᓄᓇᕗᒻᒥ ᐃᓚᒋᔭᐅᑐᐃᓐᓇᕆᐊᖃᖅᐳᖅ ᓯᕗᓪᓕᖅᐸᐅᔪᒥ ᓇᓗᓇᐃᖅᑕᐅᓂᖓᓂ ᐱᓂᕆᐊᒃᓴᐅᔪᒥ ᑲᓇᑕᒥ ᐱᔪᒪᓂᐅᔪᒥ, ᐅᖃᖅᐳᖅ ᒐᕙᒪᑐᖃᒃᑯᑦ ᐃᖏᕐᕋᓕᕆᔨᒃᑯᓐᓂ ᒥᓂᔅᑕᒧᑦ ᓯᑏᕙᓐ ᒪᑭᓂᓐ.

ᒪᑭᓂᓐ ᔭᓗᓇᐃᕝᒦᓚᐅᖅᐳᖅ ᔫᓂ 24−ᒥ ᐅᖃᐅᓯᖃᕐᓂᕐᒧᑦ ᖁᕐᓗᖅᑐᐊᕐᔪᕐᒥ, ᓴᓂᓕᐊᓂ ᑐᒃᓯᕋᖅᑕᐅᔪᒥ Mackenzie Valley ᐊᖅᑯᑎᕐᔪᐊᖓᓂ ᓄᓇᑦᓯᐊᕐᒥ ᐊᒻᒪᓗ ᓄᖑᔪᐃᑦᑐᕐᒥ ᐃᒋᑕᐅᔪᓂ ᐊᐅᓚᑦᑎᓂᕐᒥ ᑲᑐᔾᔨᖃᑎᒌᖑᔪᒥ ᐃᑎᔪᒥ ᓄᓇᒥ ᖃᐅᔨᓇᓱᐊᕐᓂᕐᒥ ᓯᕐᓗᐊᖓᓂ ᐅᐊᖕᓇᒥ ᐋᓐᑎᐊᕆᐅᒥ, ᐱᓕᕆᐊᒃᓴᓄᑦ ᐃᔨᒋᔭᐅᔪᓂ ᐆᒧᖓ ᓇᓗᓇᐃᖅᑕᐅᓂᖓᓂ.

“ᖁᕐᓗᖅᑐᐊᕐᔪᒃ ᐱᓪᓚᕆᐅᓪᓗᓂ ᐊᒻᒪ ᕿᑎᖅᐸᓯᐊᓂ ᐱᓕᕆᐊᒃᓴᐅᕗᖅ, ᐅᑭᐅᖅᑕᖅᑐᑐᐃᓐᓇᐅᙱᑦᑐᒧᑦ, ᑭᓯᐊᓂ ᑕᐅᑐᙳᐊᖅᑕᐅᓂᐅᔪᒥ ᑲᓇᑕᐅᑉ ᐊᖓᔪᖅᑳᕐᔪᐊᖓ ᐊᒻᒪ ᒐᕙᒪᕗᑦ ᐃᓱᒪᓂᖏᓐᓂ ᑲᓇᑕᒧᑦ,” ᒪᑭᓂᓐ ᐅᖃᓚᐅᖅᐳᖅ, ᐅᖃᓪᓚᖃᑎᖃᖅᖢᓂ ᐅᓂᒃᑳᓕᐅᕆᔨᓄᑦ ᓴᓂᓕᐊᓂ ᐆᒻᒪᖅᑯᑎᓄᑦ ᐊᒻᒪ ᓄᓇᒥᙶᖅᑐᒥ ᐃᑲᔪᕈᑎᒃᓴᓂ ᒥᓂᔅᑕᖓᓂ ᑎᒻ ᕼᐋᑦᓴᓐ, ᑭᖕᒧᑦ−ᓄᓇᖃᖅᑳᖅᓯᒪᔪᓄᑦ ᐱᓕᕆᓂᕐᒧᑦ ᒥᓂᔅᑕᖓ ᕇᐱᑲ ᐋᓪᑎᒥ ᐊᒻᒪ ᓄᓇᑦᓯᐊᕐᒥ ᓯᕗᓕᖅᑎ R.J. ᓯᒻᓯᓐᒥ.

ᓄᓇᕗᒻᒥ ᓯᕗᓕᖅᑎ ᔮᓐ ᒪᐃᓐ ᐊᒻᒪ ᓄᓇᓕᖕᓂ ᐱᔨᑦᑎᕋᕐᓂᕐᒧᑦ ᒥᓂᔅᑕᖓ ᑯᕋᐃᒡ ᓯᒪᐃᓚᒃ ᐅᐸᒃᓯᒪᓚᐅᕆᕗᑦᑕᐅᖅ ᑭᓯᐊᓂ ᐅᖃᓪᓚᓚᐅᙱᓚᑦ ᐃᓚᒋᔭᐅᓂᕐᒥ ᖃᓄᐃᓐᓂᐅᔪᒥ.

ᑲᓇᑕᐅᑉ ᐊᖓᔪᖅᑳᕐᔪᐊᖓ ᒫᒃ ᑳᓂ ᓴᖅᑭᑎᑦᑎᓚᐅᖅᐳᖅ ᐊᖏᔪᓂ ᐱᓕᕆᐊᒃᓴᐅᔪᓄᑦ ᑎᑎᕋᕐᕕᖓᓂ ᐋᒍᔅᑎ 2025−ᒥ ᐅᕘᓇ ᓴᓇᓂᕐᒥ ᑲᓇᑕᒥ ᒪᓕᒐᕐᒥ ᐊᔪᕆᖅᓱᐃᓂᕐᒥ ᐱᓕᕆᐊᒃᓴᐅᔪᓂ ᐃᓱᒪᒋᔭᐅᔪᓂ ᑲᓇᑕᒥ ᐱᔪᒪᔭᐅᓂᐅᔪᓂ ᐅᕘᓇ ᒐᕙᒪᑐᖃᒃᑯᑦ ᐱᖁᔭᓕᕆᓂᕐᒧᑦ ᐱᓕᕆᓂᐅᔪᒥ.

ᐱᓕᕆᐊᒃᓴᐅᔪᖅ ᐱᒍᓂ ᐆᒥᖓ ᓇᓗᓇᐃᖅᑕᐅᓂᐅᔪᒥ, ᐱᖁᔭᓕᕆᓂᖅ ᑕᐅᑐᒃᑕᑐᐊᖃᑲᐃᓐᓇᕐᓂᖓ ᐊᓯᔾᔨᖅᐳᖅ “ᖃᓄᖅ” ᖃᔪᓯᓂᐊᕐᓂᖓᓂ, ᐅᖃᖅᐳᖅ ᐱᓕᕆᐊᖑᓯᒪᔪᒥ ᒐᕙᒪᑐᖃᒃᑯᓐᓂ ᐅᖃᐅᓯᒃᓴᓕᐊᖑᔪᒥ.

ᐱᓕᕆᐊᒃᓴᐅᔪᓂ ᑲᓇᑕᒥ ᐱᔪᒪᔭᐅᓂᐅᔪᓂ ᓈᒻᒪᒋᐊᖃᖅᐳᑦ ᓈᒻᒪᒋᔭᐅᔪᓂ ᐋᖅᑭᒃᑕᐅᓯᒪᔪᒥ ᒐᕙᒪᑐᖃᒃᑯᓐᓂ. ᐱᓕᕆᐊᒃᓴᐅᔪᖅ ᓴᙱᒃᑎᒋᐊᖅᓯᔭᕆᐊᖃᖅᐳᖅ ᑲᓇᑕᐅᑉ ᐃᒻᒥᒃᑰᕐᓂᖓᓂ, ᓴᙱᓂᖓᓂ ᐊᒻᒪ ᐸᓚᐃᖅᓯᒪᑦᑎᐊᕐᓂᖓᓂ; ᑐᓂᓯᓗᓂ ᑮᓇᐅᔾᔭᒃᓴᓂᐅᔪᒥ ᐅᕝᕙᓘᓐᓃᑦ ᐊᓯᖏᓐᓂ ᐱᕚᓪᓕᕈᑎᓂ ᑲᓇᑕᒧᑦ; ᐅᖓᕙᕆᐊᖅᓯᓗᓂ ᐱᔪᒪᓂᐅᔪᓂ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ; ᐊᒻᒪ ᐃᑲᔪᖅᓱᐃᓗᓂ ᑭᐅᓂᕐᒥ ᑲᓇᑕᐅᑉ ᓯᓚᒧᑦ ᐊᓯᔾᔨᖅᐸᓪᓕᐊᓂᖓᓂ ᑐᕌᖅᑕᐅᓇᓱᐊᖅᑐᓂᑦ.

ᑐᒃᓯᕋᖅᑕᐅᔪᒥ ᖁᕐᓗᖅᑐᐊᕐᔪᒃ ᐱᓕᕆᐊᒃᓴᐅᔪᖅ — ᐱᓇᖕᓇᒥ ᕿᑎᕐᒥᐅᓂ ᐃᑲᔪᕈᑎᒃᓴᓂ ᑎᒥᖁᑕᐅᔫᑉ $1-ᐱᓕᐊᓐᓂ, 230-ᑭᓛᒥᑐᒥ ᐊᖅᑯᑎᖓ ᐊᒻᒪ ᐅᑭᐅᖅᑕᖅᑐᒥ ᑕᕆᐅᕐᒥ ᐃᑎᔪᒥ ᑐᓚᒃᑕᕐᕕᖓ — “ᐱᐅᓯᒋᐊᖅᑎᑦᑎᓂᐊᖅᐳᖅ ᐊᑐᐃᓐᓇᖃᕐᓂᕐᒥ ᓄᓇᕐᔪᐊᒥ ᓂᐅᕕᐊᒃᓴᐅᔭᖅᑐᖅᑐᓂ, ᐃᑲᔪᖅᓱᐃᓗᓂ ᑲᒪᒋᔭᖃᖅᑐᒥ ᐃᑲᔪᕈᑎᒃᓴᓂ ᐱᕙᓪᓕᐊᑎᑦᑎᓂᕐᒥ, ᐊᒻᒪ ᓴᙱᒃᑎᒋᐊᖅᓯᓗᓂ ᓄᓇᓖᑦ ᐊᑐᖅᐸᒃᑕᖏᓐᓂ ᐊᐅᓚᔪᓐᓇᖁᓪᓗᒋᑦ ᐱᔭᕆᐊᓕᖕᓂ ᑲᒪᒋᔭᖃᕐᓂᕐᒥ ᑮᓇᐅᔾᔭᒃᓴᓂᕐᒥ ᐱᕈᖅᐸᓪᓕᐊᓂᖓᓂ ᐊᒻᒪ ᐊᔪᖅᓴᕈᓐᓃᕐᓂᖓᓂ ᐅᑭᐅᖅᑕᖅᑐᓕᒫᒥ,” ᒪᑭᓂᓐ ᐅᖃᓚᐅᖅᐳᖅ.

ᐅᖃᖃᑎᖃᕐᓂᐅᔪᒥ ᐱᓕᕆᓂᖃᕆᕗᖅ ᓇᓗᓇᐃᖅᑕᐅᓯᒪᔪᒥ ᓴᓇᓂᕐᒥ ᑲᓇᑕᒥ ᒪᓕᒐᐅᔪᒥ ᐱᔭᕇᖅᑕᐅᔭᕆᐊᓕᖕᒥ ᓯᕗᓂᐊᓂ ᓇᓗᓇᐃᖅᑕᐅᓂᖓᓂ, ᑭᓯᐊᓂ ᒪᑭᓂᓐ ᓇᓗᓇᐃᖅᓯᓚᐅᙱᓚᖅ ᖃᖓ ᑕᐃᒪᐃᓐᓇᔭᕐᓂᖓᓂ.

ᐅᖃᐅᓯᖃᖅᑎᓪᓗᒍ ᖁᕐᓗᖅᑐᐊᕐᔪᕐᒥ “ᕿᑎᖅᐸᓯᐊᓃᑦᑎᐊᖅᑐᒥ ᐊᒻᒪ ᐱᓇᓱᐊᕈᑎᒃᓴᓕᕆᓂᕐᒧᑦ ᐱᓕᕆᐊᒃᓴᐅᓂᖓᓂ,” ᒥᓂᔅᑕ ᐅᖃᓚᐅᖅᐳᖅ ᒪᓕᖕᓂᖃᖅᐳᖅ “ᑲᑐᔾᔭᐅᔪᒥ” ᒐᕙᒪᑐᖃᒃᑯᓐᓂ, ᓄᓇᕗᒻᒥ ᐊᒻᒪ ᓄᓇᓕᖕᓂ ᐊᐅᓚᑕᐅᓂᐅᔪᒥ ᐱᓕᕆᓂᐅᔪᒥᑦᑕᐅᖅ.

ᐱᓕᕆᐊᒃᓴᐅᔪᖅ ᐅᑕᖅᑭᕗᖅ ᐊᖏᖅᑕᐅᓂᐅᔪᒥ ᓄᓇᕗᒻᒥ ᐱᕙᓪᐊᑎᑦᑎᔪᒪᔪᖃᖅᑎᓪᓗᒍ ᖃᐅᔨᓴᖅᑎᐅᔪᑦ ᑲᑎᒪᔨᖏᓐᓂ. ᑕᐃᓐᓇ ᐱᓕᕆᓂᐅᔪᖅ ᐱᒋᐊᓕᓵᖅᐳᖅ, ᖃᐅᔨᓴᖅᑎᑦ ᑲᑎᒪᔨᖏᑦ ᐊᖏᖅᓯᒪᕗᑦ ᐊᒃᑐᐃᓂᐅᔪᒥ ᐅᖃᐅᓯᒃᓴᓕᐊᖑᔪᒥ ᖁᕐᓗᖅᑐᐊᕐᔪᖕᒧᑦ ᒪᐃᒥ.

ᐱᓇᖕᓇᒥ ᕿᑎᕐᒥᐅᓂ ᐃᑲᔪᕈᑎᒃᓴᓂ ᑎᒥᖁᑕᐅᔪᑦ ᐊᐅᓚᑦᑎᔨᒻᒪᕆᖓ ᐳᕋᓐᑕᓐ ᐱᐅᓪ ᐅᖃᖅᐳᖅ “ᐱᐅᓕᔭᐅᓯᒪᔫᔮᕐᓂᖓᓂ” ᐱᓕᕆᐊᒃᓴᖓ ᐃᓚᒋᔭᐅᓂᖓᓂ ᓯᕗᓪᓕᖅᐸᐅᔪᓂ ᑲᓇᑕᒥ ᐱᔪᒪᔭᐅᓂᐅᔪᒥ ᓇᓗᓇᐃᖅᑕᐅᓂᖓᓂ.

“ᐃᓱᒪᕗᖓ ᑕᑯᒃᓴᐅᑎᑦᑎᓂᖓᓂ ᑲᓇᑕᐅᑉ ᐊᖓᔪᖅᑳᕐᔪᐊᖓ ᑐᓴᖅᓯᒪᓪᓚᕆᖕᓂᖓᓂ ᐅᑭᐅᖅᑕᖅᑐᒥ ᓯᕗᓕᐅᖅᑎᐅᔪᓂ, ᑕᒪᒃᑭᓂ Mackenzie Valley ᐊᒻᒪᓗ ᖁᕐᓗᖅᑐᐊᕐᔪᕐᒥ, ᐊᒻᒪ ᓯᕗᒻᒧᑦ ᐃᖏᕐᕋᔪᒪᕗᖅ ᐊᒻᒪ ᐱᒋᐊᕐᔪᐊᕐᓗᓂ ᐅᑯᓂᖓ ᐱᓕᕆᐊᒃᓴᐅᔪᓄᑦ,” ᐅᖃᓚᐅᖅᐳᖅ.

ᐱᓂᕐᒥ ᑕᐃᔅᓱᒥᖓ ᓇᓗᓇᐃᖅᑕᐅᓂᐅᔪᒥ ᒐᕙᒪᑐᖃᒃᑯᑐᐊᖅ ᐃᓱᒪᓕᐊᕆᓂᕆᕙᖓ, ᐱᐅᓪ ᐅᖃᓚᐅᖅᐳᖅ.

“ᐅᓇ ᑲᔪᖏᖅᓴᐃᕗᖅ ᐅᓪᓗᒥ ᐊᒻᒪ ᐃᒻᒪᖄ ᐅᕙᑦᑎᓐᓂ ᑐᓂᓯᕗᖅ ᓂᕆᐅᖕᓂᐅᔪᒥ ᐱᒋᐊᖅᓵᓕᔪᓐᓇᕐᓂᑦᑎᓐᓂ,” ᐱᐅᓪ ᐅᖃᓚᐅᖅᐳᖅ.

ᐅᖃᐅᓯᒃᓴᓕᐊᖑᔪᖅ ᐃᓚᖃᙱᓚᖅ ᑮᓇᐅᔭᖃᖅᑎᑕᐅᓂᐅᓂᐊᖅᑐᒥ ᐱᓂᐊᕐᓂᕋᐃᔪᒥ.

ᐸᕐᓇᐅᑎ ᓇᑉᐸᖅᑎᖅᑕᐅᕙᓪᓕᐊᓂᐊᖅᐳᖅ ᓇᓚᐅᑦᑖᕆᔭᐅᔪᒥ $1-ᐱᓕᐊᓐᒥ ᐊᖅᑯᒻᒥ ᐊᒻᒪ ᑐᓚᒃᑕᕐᕕᖕᒥ 2029−ᖑᕈᓂ.

ᒪᐃᓐ, ᑎᑎᕋᕐᕕᖓᑎᒍᑦ, ᐅᖃᐅᓯᒃᓴᓕᐅᕈᒪᓚᐅᙱᓚᖅ ᐅᖃᐅᓯᖃᕐᓴᓕᐊᖑᔪᒥ.