ᐊᔾᔨᓕᐅᕆᑲᑕᓕᕐᑐᑦ ‘North of North’ ᐊᐃᑉᐸᖓᓂ ᓴᖅᑭᔮᕐᓇᒥ
ᐋᖅᑭᒃᓱᐃᕙᓪᓕᐊᓂᖅ ᓄᓇᕗᒥᑦ ᓴᓇᔭᐅᔪᖅ ᑕᓚᕖᓴᓐᑯᑦ ᓴᖅᑭᔮᒐᒃᓴᖅ ᐱᒋᐊᓕᕐᐳᖅ; ᓄᑖᑦ ᓴᖅᑭᔮᒐᒃᓴᑦ ᐊᑐᐃᓐᓇᐅᓕᕐᓂᐊᖅᑐᑦ ᑕᒪᑐᒪᓂ ᐊᕐᕌᒍᒥ
ᑕᐅᑐᒃᑕᐅᖃᑦᑕᕐᑐᖅ ᐃᓄᖕᓄᑦ ᐊᐅᓚᑕᐅᔪᖅ North of North ᐅᑎᕐᓂᐊᓯᔪᖅ ᐊᐃᑉᐸᖓᓂ ᐃᖃᓗᖕᓂ ᒫᔅᓯᐅᓂᐊᖅᑐᒥᓐ. ᓴᐅᒥᐊᓂ, North of North ᐱᙳᐊᖅᑎᒋᔭᐅᔪᑦ ᒥᐊᓕ ᓕᓐ ᕌᔾᑯᑉ, ᐸᐃᓕ ᐳᑭᓐ, ᓄᑖᖅ ᓯᒪᓐᔅ, ᐳᕋᐃᑕᓐ ᑲᓛᒃ, ᐋᓐᓇ ᓛᒻ, ᑕᐃᓗ ᕼᒃᓴᓐ, ᔭᐃ ᕋᐃᐊᓐ ᐊᒻᒪ ᔪᐊᒐ ᖃᐅᓐᓇᖅ ᖁᕕᐊᓲᑎᖃᖅᖢᑎᒃ ᐊᐃᑉᐸᖓᓂ ᑕᕐᕆᔭᒐᓕᐅᖅᑕᐅᓂᐊᕐᓂᖏᓐᓂ ᐅᖃᐅᓯᐅᓂᑯᒥ ᔭᓄᐊᕆ 20-ᒥ. (ᐊᔾᔨᙳᐊᖅ ᐅᑯᓇᙵᑦ ᐊᐃᐲᑏᐊᓐ)
For English version, see Filming starts on ‘North of North’ second season
ᐋᖅᑭᒃᓱᐃᕙᓪᓕᐊᓯᔪᑦ ᐊᐃᑉᐸᖓᓂ ᓴᖅᑭᔮᒐᒃᓴᒥ ᐃᓄᖕᓄᑦ ᐊᐅᓚᑕᐅᔪᒥ ᑕᓚᕖᓴᓐᑯᑦ ᓴᖅᑭᔮᒐᒃᒃᓴᒥ North of North, ᑖᓱᒧᖓᓗ ᐱᙳᐊᖅᑏᑦ ᑕᕐᕆᔭᒐᒃᑯᑦ ᑐᓴᖅᑎᑦᑎᓚᐅᕐᑐᑦ ᔭᓄᐊᕆ 20-ᒥ.
ᑕᕐᕆᔭᒐᒃᓴᐃᑦ ᓄᓇᕗᒥᑦ ᓄᓇᓕᙳᐊᕐᒥ ᓴᓇᔭᐅᓯᒪᔪᖅ ᐊᐃᔅ ᑰᕝᒥ. ᑭᖑᓂᐊᒎᖓᔪᖅ ᓴᐃᔭᒧᑦ, ᑖᓐᓇᓗ ᐱᙳᐊᖅᑕᐅᓪᓗᓂ ᐃᖃᓗᖕᓂ ᑕᕐᕆᔮᒐᓕᐅᖅᑕᐅᕙᒃᑐᒥᓐ ᐋᓇ ᓛᒻᒧᑦ, ᓄᑖᒥ ᐃᓅᓯᖃᕋᓱᓕᖅᑎᓪᓗᒍ ᐅᑭᐅᕐᑕᖅᑐᕐᒥ ᓄᓇᓕᙳᐊᓂᒃ.
ᓯᕗᓪᓕᖅ ᓴᖅᑭᔮᒐᖃᕐᓇᖅ ᑕᐅᑐᒃᑕᐅᕈᓘᔭᖃᑦᑕᓚᐅᕐᑐᖅ ᑕᕐᕆᔭᖅᐸᒃᑐᓄᑦ ᑲᓇᑕᒥ ᐅᕘᓇ ᓰᐲᓰᒃ ᐊᒻᒪ ᐊᐃᕖᑏᐊᓐᑯ ᔭᓄᐊᕆ 2025-ᒥ ᐊᒻᒪᓗ ᓄᓇᕐᔪᐊᒧᑦ ᑕᐅᑐᒃᑕᐅᔪᓐᓇᕐᓯᓯᒪᓪᓗᓂ ᓂᐊᑦᕕᓕᒃᔅᑯᓐᓂ ᐄᐳᕉᓚᐅᕐᓯᒪᔪᒥ.
North of North ᐋᖅᑭᒃᓱᖅᑕᐅᕙᒃᑐᑦ ᐅᑯᓄᖓ ᕆᐊᑦ ᒥᐅᕈ ᑐᓴᒐᒃᓴᓕᐅᖅᑎᓄᑦ (Red Marrow Media) ᐊᒻᒪ ᓄᐊᑦᕗᑦ ᐊᓐᑐᑕᐃᓐᒪᓐᑯᓐᓄᑦ (Northwood Entertainment). ᐋᖅᑭᒃᓱᖅᑕᐅᕙᓪᓕᐊᓕᕐᓂᖓ ᐊᐃᑉᐸᖓᓂ ᓴᖅᑭᔮᕐᓇᒧᑦ ᑐᓴᖅᑕᐅᑎᑦᑎᔾᔪᑎᐅᓚᐅᕐᑐᖅ ᐅᑯᓇᙵ ᓂᐊᑦᕕᓕᒃᔅ, ᓰᕖᓰ ᐊᒻᒪ ᐊᐃᐲᑎᐊᓐᑯᓐᓄᑦ ᑐᓴᒐᒃᓴᑎᒍᑦ ᔭᓄᐊᕆ 20-ᒥ.
ᓯᕗᓪᓕᕐᒥ ᓴᖅᑭᔮᓕᓵ%ᑎᓪᓗᒍ 100% ᐱᒋᐊᓕᓵᓂᖓᓄᑦ ᐅᖃᐅᓯᐅᑲᑕᓚᐅᕐᓯᒪᔪᖅ ᐅᑯᓄᖓ ᐅᕌᑕᓐ ᑐᒪᐃᑐᔅᓄᑦ. ᑕᐅᑐᒃᑕᐅᓛᖑᖃᑦᑕᓚᐅᕐᑐᖅ ᓰᕖᓰ ᔨᐊᒻᑯᓐ, ᑲᓇᑕᒥ ᑐᓴᒐᒃᓴᓕᕆᓂᕐᒥ ᐱᔨᑦᑎᕋᖅᑎᓄᑦ, ᐊᒻᒪᓗ ᓴᖅᑭᓕᕆᐊᕐᓂᖓ 9-ᒋᔭᐅᓪᓗᓂ ᐅᑯᓇᙵᑦ ᖁᓕᓂ ᖁᑦᑎᓛᓂ ᑕᐅᑐᒃᑕᐅᕙᒃᑐᓂ ᖃᓪᓗᓈᖅᑎᑑᖓᔪᓂᒃ ᐱᓇᓱᐊᕈᓯᕐᒥ ᓯᕗᓪᓕᖅᐹᒥ ᓴᖅᑭᔮᓕᖅᑎᓪᓗᒍ.
ᐊᒻᒪᓗ ᐊᒃᑐᐃᓯᒪᓪᓗᓂ ᖁᓕᓂ ᑕᐅᑐᒃᑕᐅᓛᖑᓯᒪᔪᓂᑦ 33-ᓂ ᓄᓇᓕᕐᔪᐊᓂ ᒫᓂ 9 ᒥᓕᐊᓐᑲᓴᖕᓄᑦ ᑕᐅᑐᒃᑕᐅᓯᒪᓪᓗᓂ ᐄᐳᕈᓗ ᔫᓂᐅᓪᓗ ᐊᑯᓐᓂᖓᓂ.
ᑕᕐᕆᔭᒐᒃᓴᖅ ᐱᒋᐊᖅᑕᐅᓚᐅᕐᓯᒪᔪᖅ ᐃᓄᖕᓄᑦ ᑕᕆᔭᒐᓕᐅᖅᑎᓄᑦ ᓯᑕᐃᓯ ᐊᒡᓗᒃ ᒪᒃᑖᓄᑦᒧ ᖁᒡᓗᖅᑑᕐᒥᐅᑕᒧᑦ, ᑖᓐᓇᓗ ᐋᖅᑭᒃᓱᐃᓯᒪᓪᓗᓂ The Grizzlies, ᐊᒻᒪ ᐃᖃᓗᖕᓂ ᓄᓇᖃᖅᑐᒧᑦ ᐊᓖᑎᐊ ᐊᕐᓇᖁᖅ-ᐳᕆᐊᓪᒧ, ᑖᓐᓇᓕ ᐋᖅᑭᒃᓱᐃᓂᑯ ᐆᒥᖓ Angry Inuk. ᑕᒪᕐᒥ ᐋᖅᑭᒃᓱᐃᔨᐅᔫᒃ ᑎᑎᕋᖅᑎᐅᓪᓗᑎᒡᓗ ᐆᒥᖓ North of North.
ᐊᔾᔨᓕᐅᕆᕙᓪᓕᐊᓂᐊᕐᑐᑦ ᑐᕌᑐᒥ ᐊᒻᒪ ᐃᖃᓗᖕᓂ ᑕᒪᓐᓇᓗ ᐋᖅᑭᒃᓱᖅᑕᐅᖏᓐᓇᕐᓂᐊᖅᖢᓂ ᑎᑭᓪᓗᒍ ᐄᐳᕈᓪ, ᑐᓴᒐᒃᓴᕆᔭᐅᔪᑦ ᐅᖃᕐᓯᒪᓚᐅᕐᑐᑦ. ᒫᓐᓇᓕ ᐊᐃᑉᐸᖓᓂ ᐊᔾᔨᓕᐅᕆᑲᑕᓕᕐᓂᐊᕐᓂᖓ ᐱᒋᐊᕐᕕᒃᓴᖓ ᖃᐅᔨᒪᔭᐅᙱᑦᑐᖅ ᑭᓯᐊᓂᓕ ᑕᕐᕆᔭᖅᐸᒃᑐᐃᑦ ᓂᕆᐅᒍᓐᓇᖅᑐ 2026-ᒥ ᑕᑯᒃᓴᐅᓕᕐᓂᐊᕐᓂᖓᓂ.
(0) Comments